燒皇燒烤專門店

营业中

休息中

天氣又乾又凍，最岩食暖笠笠又滋潤的野最近好恨食椰子雞煲，放工即約朋友係荃灣附近搵食，見到呢間可以食串燒又有雞煲，即管試試一黎就點左半份雞，個湯底都幾足料。有女士最愛的紅棗，雪耳同埋新鮮椰子肉，湯底一點味精都無，椰子肉好甜，個個女仔都爭住食雪耳因為雪耳吸哂椰子肉的甜味。加埋雞好新鮮，無雪氣味，椰子雞煲的確是喜出望外！串燒方面，因為得3個女仔，我地點的份量都吾多點左最愛的燒雞泡魚干，試過好多間的魚干都無咩特別，最怕食到又乾又硬的魚干。。但佢呢度燒的時間拿捏得不錯，有蜜糖鋪面，一點都吾硬朋友想試下丸，分別點左燒蟹籽丸同燒墨魚丸其實燒丸都好穩陣，最緊要燒得夠香！見到貴妃蚌係必食海鮮之一，我地就試試金銀蒜貴妃蚌，濃烈蒜香味加鮮甜貴妃蚌，食得好滿足最後，加個燒金菠蘿，又甜又多汁，酸酸地可以解膩。估吾到呢間餐廳雖然吾太顯眼，但食物質素都算中上。

今日天氣凍凍地，當然又諗打邊爐，但前幾日先食左，係openrice找荃灣區找到這間，但朋友話評語一般，但最後諗住近近地就試，食完又冇openrice講到咁差喎，成日食麻辣都悶，今次同朋友食 #椰子雞煲 半隻。最後....食都飽都呢...每人$250都吾洗，仲要吾太油煙食得好舒服。大眼雞以$68好抵食而份量都吾錯，岩我地三個人份量 魚肉幾有口感味道又剛好，配辣汁食仲惹味。蕃薯葉加上雞湯勁甜同好味。串燒味道吾差又夠新鮮，牛舌夠嫰，羊肉味濃，吾錯喎，又吾係好乾身。冬菇燒完好香菇味。燒九菜吾乾身味道濃，加芝麻增加香度。生蝦新鮮又鮮甜，辣汁少辣惹味。一黎到見到超足料，而且味道濃又香 #椰子 味，夠清甜，湯滾左之後落雞肉， #雞 保持到嫰滑份量又多，不可不講雪耳十分好食入晒味，椰子肉夠淋仲可食。椰青飲完仲可以食椰肉降下火。吾太油煙坐得舒服。

好耐冇同細佬食飯，佢話去鱟地方食串燒，去到有兩間選擇，我地揀咗坐得舒服啲既一間，但其實座落落都好迫，好彩嗰日得我地一枱座裡面食串燒。食開既燒韮菜一串串，上菜時見到一堆咁似炒多過燒，除咗油多孑然粉又落得太多燒腸仔丸類不過不失，牛舌厚切加大蔥串燒，燒得有啲燶雞翼又係灑上大量孑然粉，食雞冇雞味鵝肝多士出乎意料之外，蒜蓉多士又香又脆，鵝肝都唔會過火冇咗鵝油香味女侍應話澳洲龍蝦靚，百幾蚊有一隻可以一試，新鮮龍蝦肉質爽彈，唔落蔥蒜提味都已經好好食蒜泥舖滿面，茄子燒得夠淋，燒完茄子皮都唔會燶晒

宵夜好地方，夜晚同三五知己飲下洒食下串燒好地方叫左普通串燒必點既野。燒雞肉串，燒雞翼 雞軟骨 普普通通。羊架不騷，幾惹味，，，，炒米粉好大碟 價錢算係甘，感覺上好似平過佐敦既串燒店。最欣賞係鵝肝😋😋😋😍😍😍50蚊2舊 算好抵 平時食開果d西餐/串燒店宵夜店都要50蚊一舊不過最後職員急住收工，啦啦聲收野，仲整污糟我件衫所以建議大家唔好太夜去阻人收工總括黎講野食不錯，地點方便，環境可以。not bad

今日一家本來想去吃泰國菜，去到先知原來已搬左。從荃灣站一路向楊屋道走過去，經過這裡，無所謂便去了燒皇燒烤專門店試一下。入去人不多(不一點懷疑)。待應帶我地去到最裡頭一張台，就坐低。因為無乜人，所以保守一點，叫半隻雞試下味，同兩串串燒試下味先。點知上台時候，全家人俾串雞軟骨嚇了一跳：唔細心睇，以為系串燒竹籤。加起都係得三小件(指甲差不多)。之後個雞煲，我除左食到一個咸字之外，真係唔知食左的乜。待應態度完全好一般。入到去，水都唔會俾你。特別系講野好似同自己講，問多句都有小小不耐煩！。最後快快食完快閃，去第二間食過。只此一次，永無交易！整體評價：食物得個咸字，份量小得可憐，不過價錢超貴。

原先食左啲野 入左去呢間燒皇諗住食少少過下口癮 點知比啲店員西面 落左單一陣走過黎望我地呢枱 嫌我地叫得少 我地都諗住算 快手快腳食完走 點知埋單個時 全部店員係到眼超超 比張紙佢地埋單仲唔拎 非常無禮貌就咁講話84蚊（2人）唔知食左啲咩 一串腸一串牛粒 加個蒜蓉包 加兩罐裝飲品 就咁貴 咪道唔係特別好分糧又少 一分金菇肥牛卷都係得兩舊 一碟炒米粉無咩料 得腸仔同雜菜 收$40幾 得個油同鹹字 （上一次食嘅）下次一定唔會再去 荃灣有更多好食過燒皇 店員好人嘅串燒其實之前都去過一兩次 都食左百幾兩百蚊 無睇價錢叫野食 少少野埋單就兩舊 相比起個次店員態度無咁差 都唔係特別好 總之都係睇錢做人 堅決唔會再食

好耐無過黎食串燒，當夜晚好夜諗唔到食咩個陣就會黎坐黎食串燒2個人叫左焗蠔，牛粒串，炒蜆，豬仔脾，燒茄子.......等等 焗蠔 味道普通啦 size ok,雖然落左蔥椒，但係都係唔入味 食唔到好大既分別茄子好正，食左好多次都覺得茄子燒得係最唔錯最好食 燒到軟身，濕濕地 加埋啲蒜蓉同蔥花一齊食真係唔錯，黎齊必食既推介大炒蜆，味道唔錯既，食到煮個陣有落酒，所以食個陣有啲辣味有啲酒味 感覺係唔錯，但係一定要襯熱食，凍左好普通之後仲有牛粒串牛粒串，啲肉肥美 咬落去有啲油脂嗶出黎，唔un身雖然仲有叫雞翼同豬仔脾個啲 但因為我岩岩整完牙 所以自己就食唔到啦 味道係點 我唔記得左問朋友

雖然叫燒皇，但全部食物都係炸既，個雞翼炸到柴皮咁，應該overcooked，叫咗個$88既白鱔，本身啲鱔無咩問題，問題係走去炸咗佢，浪費晒，總之所有食物係炸，唔太好食

今日係荃灣陪朋友係海傍吹水，傾到甘上下又覺得好凍就走去搵串燒食我地行到去呢間都算叫做近凌晨十二點幾都仲係好多人，我地等左幾分鐘就入左去我地叫左燒茄子，韮菜，芝士牛油金菇，雞軟骨，羊肉，牛柳粒，雞腎佢地都幾快手，好快就有得食佢地每樣都好入味，我最鐘意食韮菜同雞軟骨仲有腎，我地叫左小小辣，辣度岩岩好，d調味粉都好夠味，鹹鹹地幾好芝士金菇就好濃郁牛油，好正茄子就比較冇甘好食，佢蒜唔夠多，我覺得唔係甘好食最唔好係佢啤酒要係隔離買唔係甘方便 食串燒點可以冇啤酒

朋友生日，深夜又唔想食太飽，唯有搵啲唔係粥粉麵飯既野食啦！燒皇以前來過，價格其實萛貴（我覺得），但係佢既燒野食有水準，行左一輪都係得打邊爐，好啦！就食番燒野食！來到就即刻落單，燒安格斯牛，金菇，雞皮，茄子，元貝，自家製凍檸茶！牛肉朋友話易咬但我個塊有啲'un'，燒元貝仲有啲汁剩，唔錯！雞皮脆身爽口，食完即加多二串茄子佢萛落得多料，有啲店落好少根本唔夠味金菇都夠牛油味，最後仲加多個炒米粉！又係食到勁飽咁走唯一唔好係店員不斷叫我地落海鮮，呢餐都食左500幾蚊啦，想人食幾多錢先得呀

本身住荃灣的我，燒皇真係一個同朋友食野、飲酒、吹水、食煙的好地方！旁邊賣酒的地方，係老闆娘開的，好多選擇，由中國的白酒至外國的好大鑵啤酒都有👍🏻雞煲都可以芝士牛油雜菇，必食👍🏻茄子都係必食的d蠔冇以前甘好食，同埋細隻左！整體其實都吾錯👍🏻

見openrice的評分全部是正面，所以過來試。價錢唔算貴，服務一般。但野吃真係好難吃……下單後，好快已經有串燒送上。以為好嘢……點知……"燒菠蘿"除了表面有些黑色炭屎，里面是凍的。"燒多春魚"，"燒雞皮"應該是炸的。"燒墨魚丸" 應該是用水煮熟的，但個心只是微熱。個"燒猪仔批"是好似水煮後，再加一些不知所謂的汁……完全唔知自已係吃緊燒烤……我唔知道點解以前會有十多個正面的評分……但以昨日的水準，係我吃過最難吃的串燒。吃完後完全冇encore的想法，馬上買單。然後要自己再吃多餐……雖然只係$280兩人……但考慮到質素……真係好貴……

呢間雞煲係好耐無食，今晚同表弟睇完醫生經過決定系呢度食埋晚餐！佢哋有雞煲同重慶燒烤，今次叫咗一隻雞小辣，佢哋嘅雞好肥，而且有好多個洋蔥同莞茜！雞肥得黎都幾滑，但味道就咸左dd!!叫咗一碟炒米粉，佢哋嘅炒米粉加左一啲腸仔同椰菜絲，好香既蒜香味！米粉唔會太濕又唔會乾爭爭，啱啱好！一定要試下

又係收工去食宵夜 今次試下呢間食物種類多 地方大 位置舒服 但價錢就好似較貴 叫左幾款野食 但有d冇影相茄子可謂串燒中的精隨 係必食的！呢間茄子比出面大條 但又比較貴 （$45）味道幾好 但辣多少少會更正雞中翼 $18 兩隻 呢個都幾好食 雞皮有微脆 冬菇一粒正常size 一粒勁細粒 好頹的樣子 味道好淡：（ 牛柳粒都幾好食呢個翠肉瓜 好好食！😋👍🏼 一咬就充滿燒汁 好入味 又吾會硬 正

三年前自我中學同學介紹 燒皇個時就成為咗我想食雞煲必去既地方 不過對上一次食都已經係年幾前既事 今晚再去就略感失望🙅🙅話說朋友想食雞煲🐥 又唔想任食就黎咗哩間7點左右到 我地6個人就唔洗等位 (不過見之後人愈黎愈多 建議多人可以book位)😸😸😸嗌咗好多款唔同既野食 主打食個半隻雞煲雞煲嗌咗唔麻唔辣 不過個煲d汁好少 唔夠入味 份量黎講算足 但食落就比之前差好多 😢😢串燒嗌咗幾款: 雞翼;金菇肥牛;牛舌🐂🐂最好食係牛舌 雞翼同金菇肥牛都唔多掂😔仲嗌咗芝心丸 蟹子丸同花枝丸 都係正常質素最keep到水準就係炒米粉 好入味好惹味 朋友都覺得唔錯 不過坦白講 水準比一年幾前未裝修前差咗唔少 係有d令我失望😭😭😭😭