燒夜 (已搬遷) 新店位置

星期五收工諗住同同事附近搵啲野食,見到依間餐廳係隔離大廈近近地,點知佢地無堂食🤦🏻‍♀️不過一場上到去同事話外賣照殺拎反公司食.佢地即叫即燒等左20分鐘左右拎得(下次會醒目Whatsapp order左先問去拎🫢)反到去仲係熱辣辣一打開包裝袋勁香,基本上食物全部都好高水準,調味岩岩好燒得好好最重點要推薦係牛舌係我最愛好爽口而且牛味香濃;韭菜大大注撒滿孜然粉非常惹味;羊架肉質鮮嫩濃濃既羊肉味,加埋黃芥末醬意外地好夾,脂肪含量都岩岩好依家餐廳除咗啲野好食仲好有心思,佢地包裝袋係保溫袋唔係普通膠袋,仲有張手寫紙仔有小食送👍🏻😋

朋友大力推介我哋試既串燒🤣咁岩去完apm 就順便去買反屋企食 外賣自取有88折 佢哋無堂食既，我哋住將軍澳 買完反屋企都要大半個鐘 一路搭車一路聞住啲野食好香 未食先流口水。反到屋企啲野食仲係熱熱地 仲有張手寫紙送野食 好cute🤣都多謝佢哋份小食 係炸魚蛋 好大粒好彈牙 今次order左幾樣野食 花甲粉 食左一啖之後忍唔住waa左一聲 好好食 一啖接一啖停唔到 花甲好鮮甜 個湯底好正！！蒜蓉金菇 啲蒜好食 調味好好而且金菇份量好多香辣味娃娃菜 同佢個名一樣幾惹味 依個配搭唔錯牛舌 燒得岩岩好 切得好大片好厚 好扺食炸榴槤 好足料好重榴槤香味仲有叫左司華力腸 雞全翼 雞軟骨 薯仔片 炸蠔 依啲都處理得好好 唔會燒到好乾岩岩好😋2個人食到超飽 而且全部都好好食啊！多謝朋友推介我哋🤣

中秋節個晚自己一個人叫外賣…諗住無BBQ都整個串燒應一應節 係個App到揀左好耐最後揀左間比較高分既串燒外賣黎到已經覺得好香 一打開竟然見到有盒月餅 仲有張紙條仔寫左好多字 估唔到依家仲有啲咁有心既鋪頭 令到我依個中秋節好似過得無咁孤單同埋依間串燒d野食都好好食燒得岩岩好 野食調味都好好 真係食完之後已經想第2日即刻再食竟然中秋節食個一人餐都可以遇到有咁好既體驗 本身諗住求其食完串燒食飽就算 點知遇到有心又好食既鋪頭 真係值得推薦比朋友

第一次試吓，覺得啲味道好啱我，鹹淡適中👍🏻最緊要係覺得各方面都好好，無論食物方面定係價錢方面👍🏻拎住返屋企，一路聞到啲串燒香味，流晒口水，一打開個袋，就見到手寫嘅感謝同小食👍🏻

見到間串燒店叫燒夜 個名幾特別就比佢吸引左去叫😂因為我哋都多人食好多野驚要等好耐 所以打去問左佢哋有無得預訂定先🤔到左第2日去到好準時有得拎👍🏻👍🏻👍🏻一打開個袋 見到有手寫感謝紙 仲有小禮物 覺得好窩心🤩除左服務一流食物都好有質素 拎到去partyroom都仲熱辣辣 而且食物燒得好好食 全部人大贊好食👍🏻最推薦蒜蓉 所有有蒜蓉既野食都好好食全部人搶住食😂😂😂😂😂下次會再幫襯👍🏻👍🏻👍🏻👍🏻

其實觀塘區真係好少港式串燒 如果要出去食可能都係要去油尖旺區 ，觀塘人表示唔方便 ，🥹 雖然呢間主打外賣，沒有堂食係有d 可惜，但食物質素都唔錯 雞肉串嫩 羊肉入味 而且火力控制得幾好 唔會太乾～🖤 王子燒都幾jeng本身都打算試一試心態 但意想不到有驚喜～只不過外賣壞處 食物溫度有d 低 ～如果有堂食 應該會更加好味～老闆好好人🫶🏼仲送份小食～而且幾抵食～價錢合理～～同朋友去partyroom 玩 想食串燒都可以選擇呢間～

串燒的味道很合個人口味 比較濃郁食物的燒烤時間把握得很準 跟大部份串燒店的外賣比較 價錢跟味道都佔優相信堂食只會更加好味還收到老闆娘贈送的小小驚喜真係感受到老闆娘既用心會繼續支持!真如店舖名字一樣 宵夜的好去處 讚

隱世串燒店～即叫即整熱辣辣既串燒😋份量好足 我同男友2個大胃王都好快食得飽😝最中意佢地既芝士茄子同埋蒜蓉扇貝，超好食！老闆服務非常好 又nice👍🏼經過觀塘必食🤪