燒夜 (已搬遷) 新店位置

其他野食都秒清🙊🙊🙊急急腳影返個雞軟骨！其實夜晚唔係肚餓但係就好口痕呀ಥ_ಥ夜媽媽都有得食熱辣辣嘅野食真係好正！花甲粉都好推介😍😍😍每次都必嗌！同埋玉子燒都係最鍾意食嘅😋😋😋

我哋今日係partyroom揀外賣揀左呢間「燒夜」嚟試下😙店主好好人 送左份燒賣小食比我哋🫶🏻店家仲會分開乾濕串燒咁放 極細心💯另外一提 花甲粉好好食 好足料🥰‼️‼️

今次最好食嘅係茄子！好多蒜頭，好香口羊肉串就比較細粒啲，但係個肉味都幾好味！花甲粉ok，略嫌鹹左啲啲店主好好人送左啲魚蛋比我好有心，睇得出好有誠意，非常好👍🏻希望下次再試到其他好食既

第一次叫外賣..外賣員送到黎仲熱辣辣..一口牛好味燒出黎有肉汁,女朋友鐘意食燒燒賣,燒鰻魚好香好有口感,司華力腸有厚身燒得好有味道...店家包裝得好好...餐具齊全...下次會再幫襯

夜晚見有啲肚餓叫咗個宵夜好開心叫咗個花甲粉絲冇諗過40幾蚊咁足料(我影得衰因為啲料好多沉咗喺底🤣）好多粉絲仲可以吸埋啲汁食到好飽炒麵同埋魚蛋都好好食價錢又合理真係之後一定會繼續幫襯!

高質好食，一百分。打救左無限OT完的小心靈。收到份外賣之後，估唔到會店員有小禮物。好warm 人間有愛，多謝。今次叫咗秋刀魚，韭菜，雞肉串，腸仔，豬腩。外賣都包裝得好貼心，睇得出係一間好有心嘅舖頭。會再次幫襯。唔係一個好叻講嘢嘅人，但呢間舖頭我真係比一百分。

啲野幾好食下次會再幫襯牛舌同羊肉串同羊架同日式炒麵都唔錯總有送小食試下睇得出店主幾有心機下單後大約25分鐘就有得拎都算快野食都算抵 唔貴個保溫袋總有設計過 好靚好實用

肉類 茄子 娃娃菜調味都好好 好香外賣價錢少貴 份量普通但宵夜時間無咩選擇尼講都ok雞肉串燒係普通個隻 全香港都係個隻雞肉串燒牛舌 牛肉 羊架好好味 肉質都唔錯*我成日抖咬唔郁d牛舌

平時都鐘意食串燒，今次係附近酒店玩打算搵d 串燒醫肚，咁岩發現尼間小店。雖然佢無堂食，但可以買番酒店食。出餐好快，而係食物有水準，特別係牛舌，雞中翼，花甲粉。食物種類都多，下次再係觀塘玩都會再幫襯。

平時唔會寫食評，今次係俾佢哋打動咗☺️今次係第二次叫喇，喺公司附近，上之叫完攞咗張外賣紙知道佢哋收好夜，今日又做嘢做到好晏，就嚟買外賣食喇！叫咗雞皮、雞心、雞腎、雞軟骨、燒鰻魚、雞泡魚乾、蒜蓉燒原條茄子，送咗少少卜卜脆嘅炸燒賣大致上全部嘢都好食，夠味夠香口，配料落足，份量適當，以外賣嚟講呢個水準我絕對收貨，如果有堂食可以熱辣辣即食嘅話一定更加正！最重點係佢哋應該真係收好夜，當成個觀塘工業區得返老麥係仲開，而呢間串燒絕對係一個好好嘅選擇。佢哋只做外賣，第一次去自取，開門嘅係一個好細個嘅男仔（目測），之後有個好細個嘅女仔（目測）出嚟幫我攞外賣，我心諗得兩個咁後生嘅喺度，煮啲嘢掂唔掂㗎，點知又真係樣樣嘢都好食喎！事實證明廚藝同熱誠係唔可以用年紀去衡量。事隔一星期我又叫外賣，今次開門又係啊妹妹出嚟，如果妹妹你係店主嘅話，你同阿仔仔一定要加油！年輕人要繼續努力！！

突然想食串燒，係OpenRice 睇下觀塘邊到有，㩒下㩒下，見到呢間燒夜，睇下食評唔差，賣相都吸引，就試試佢，OpenRice 落單，30分鐘有得攞，落單到攞串燒流程好方便，嗌左幾樣 comment 串燒，仲送左份小食添，味道都唔錯，雞軟骨必食，整體都高評價，可以再encore

喺社交媒體網站story 見到朋友post 過今日行過觀塘就試吓手機落單之後等咗唔係好耐就有個外賣袋袋得啲食物好穩陣唔會亂走位最推薦個韮菜 真係燒得好香好好食點埋個辣粉真係超正！！啲肉全部都燒到啱啱好唔會太乾個豆卜燒得好脆又唔會燶下次有機會會再叫嚟食🤤

今次已是第二次食了。最近公司 OT，都必會叫定 OpenRice 燒夜外賣。8 點準時去取，店家都好準時預備好！取完就去碼頭坐，等 8 點半開出嘅巴士回家。每次坐響碼頭等梗巴士，都忍唔住打開，食住少少先 😂因為掛住食，所以好少影相 🫢第一次食時，點咗好多串燒同一條燒茄子。全部都好好味，啲調味粉一啲都唔孤寒，極有風味！仲送咗幾粒炸燒賣比我試食，食到我叮一聲！第二次食時，就點返上次食過翻尋味嘅炸燒賣，另加花甲粉。嘩！個花甲粉不得了，勁大兜。仲有配菜 金菇和娃娃菜，超正！個湯底又好味。點解可以只賣 $3X 咁抵食！今次店家送了炸魚蛋比我試食，味道都唔錯，真係好有心思！各位觀塘嘅朋友，多多幫襯，包你唔會失望 😋

夜晚想食宵夜又諗唔到邊度有得食，就試吓燒夜啦嗌咗燒牛肉同五花肉，外賣自取拎到返屋企都仍然好juicy送咗一個保溫袋俾我哋，等啲嘢食拎到返去仲暖笠笠，好體貼！另外仲收到一張手寫嘅紙仔，寫住請我哋食一份小食，估唔到咁少嘢都送小食俾我哋，真係好驚喜！最重要就係食物方面，除咗juicy之外肉質都好嫩，有油香得來又唔會太膩，調味都好夾。送嘅嗰份小食係炸魚蛋，好似長洲大魚蛋咁彈牙，配埋椒鹽同辣粉超級正！推薦大家夜晚想食下宵夜嘅時候可以試吓，仲可以提早喺WhatsApp或者signal落單外賣自取，好方便！

第一次食外賣串燒 比100分佢外賣用保溫袋包裝 一打開仲有送小食好貼心好sweet🥹為表支持 都要係到留下一篇食評支持佢地😎😎食物整體都好好味 有幾樣要點名讚😋🔸雞皮燒到金黃酥脆好香口🤪保留到雞皮既油脂感🥰🔸芝士蝦係意外的好食 燒得岩岩好 完全冇老到😆配合埋芝士好正🥳🔸厚切牛舌有豐厚既油脂加上孜然調味🤩燒得外脆內軟 好有驚喜🔸送既小食炸魚蛋係好好好好好食😱好大粒好彈牙 好似長洲魚蛋縮小版咁 配搭左椒鹽同七味粉好正🔸波板糖五花肉好juicy 🫶🏻肥瘦適中👍🏻今次唔係叫好多野食 下次encore再試多D野🤪