燐寿司

营业中

休息中

好耐冇去過海之戀覓食 開咗好多新嘅餐廳經過見到呢間燐壽司已經俾佢吸引咗 門面裝修為簡約日式風格 望入餐廳入邊有種好舒適嘅感覺 咁啱太耐冇食壽司所以決定食佢啦😍佢哋除咗有廚師發辦之外仲有幾款定食可以選擇我就揀咗大滿足壽司定食ෆ˙ᵕ˙ෆ 大滿足壽司定食有༝༚༝༚♡ﾞ11貫壽司＋細盛海膽三文魚子碎拖羅飯深海池魚、中拖羅 、大拖羅兩食、金目鯛、火炙松葉蟹腳+時令五件我哋今日時令壽司有左口魚、赤貝、火炙左口魚、牡丹蝦兩食而每個定食都會有麵豉湯同沙律🥗首先我哋簡左坐吧枱可以欣賞師傅嘅刀工見到師傅好細心咁樣切刺身覺得畫面好治癒而且師傅會介紹返每一款壽司 好貼心食物質素方面 所有食材都好新鮮 所有魚嘅刺身都入口即溶而且油脂豐富而平均超滿足！！特別想講吓牡丹蝦兩食 一款壽司係用牡丹蝦刺身去做 而另一款就係用佢嘅蝦頭蝦汁去造成一個軍艦 超級鮮甜另外小食仲叫咗吉列蠔、甲羅燒配燒米餅吉列蠔炸皮做得超出色薄得嚟相當脆口炸完都保留到蠔嘅肉汁 甲羅燒配燒米餅 燒米餅超脆口！配合埋啖啖甲羅燒既蟹膏又清新又鮮甜！

⭐️⭐️⭐️本人係食開海之戀商場嘅嘢⭐️⭐️⭐️嗌咗嘅嘢食🍱：- 豐盛壽司定食 （$438）- 加州手卷👍🏼 （$28）- 黑椒枝豆 ($38)- 鱈魚乾 ($38)- 鰻魚定食 ($218)- 燒銀鱈魚定食👍🏼 ($238)啲嘢食都OK，枝豆($38)放了麻油+調味料，其實怪怪的，本身凍食咪好好地…大問題都係個鰻魚定食，因為燒鰻魚係由完全生開始燒，所以嗰碗蛋包飯煮完之後應該等咗好耐先上嗰個鰻魚飯，凍凍地又硬硬地😖，但係個鰻魚又熱辣辣幾好味喎…但配咗個飯之後就即刻減咗10分😔另一個問題就係啲廚師…一路傾偈一路嘻嘻哈哈喺度準備啲食材，又切生嘅又包飯，跟住又用隻手去拎嗰啲廚房紙搞到成卷嘢濕晒🥶真係好唔衛生，啲口水又噴到啲嘢食周圍都係，好心帶返個口罩啦…二百幾蚊一個定食碗茶碗蒸都係幾大，但係麵豉湯好似得嗰兩啖，之後擺咗喺一個唔知乜嘢日式設計嘅兜入邊。嘢食都偏貴，但係又唔係太唔合理😐

一早去荃灣渡輪碼頭釣魚，曬完太陽、吹完海風，肚子餓到咕咕叫，於是直衝海之戀商場搵食！揀咗「燐寿司 」食個Lunch，餐廳日式現代風好有格調，柔和燈光同木系裝潢超Chill，吧枱位仲可以近距離睇師傅握壽司，影相打卡一流。豐盛壽司定食10貫壽司+細盛角切魚生飯定食包含沙律和麵豉湯，食材選擇高質且多樣化。沙律清爽，麵豉湯濃郁。平貝、大拖羅、三文魚子、海膽、蝦平貝爽脆鮮甜；大拖羅OMG入口即化，油脂豐富；三文魚子；粒粒晶瑩剔透，一咬爆汁，鮮甜嘅海味同醋飯好Match！海膽奶油般幼滑，甜中帶鮮。真鯛、深海池魚、珍寶帆立貝、甜蝦、螢光魷魚真鯛魚肉細嫩；深海池魚肉質結實，甘甜得黎有層次；珍寶帆立貝：厚肉多汁，甜味突出，咬落軟嫩；螢光魷魚爽口有嚼勁。細盛角切魚生飯魚生飯份量啱啱好，唔會太多，適合想輕盈咁食完一餐嘅我。魚生切得均勻，每粒飯都沾滿海鮮嘅鮮味，飛魚子嘅爆汁感仲為整碗飯加咗趣味性。牡丹蝦、甜蝦、赤蝦、飛魚子超愛吃蝦，所以另外點了幾款蝦壽司，牡丹蝦肉質Q彈黏潤；甜蝦肉質柔嫩，甜味突出；赤蝦肉質結實，甜味與鮮味平衡。

一間新開嘅日式餐廳，之前途經已經被佢嘅門面吸引，今日終於抽到時間過嚟試一試。呢度提供嘅選擇好多，除咗Omakase，仲有壽司、和食、小食等等。今日特意選咗個「大滿足壽司定食」，仲加咗幾款小食。壽司定食好豐富，包含11貫壽司以及海膽三文魚子碎拖羅飯。師傅已經為每件壽司調味得啱啱好，加上食材好新鮮，可以唔使額外加豉油，重點品嚐魚生嘅鮮味。而且，師傅非常細心，因應個人口味，特意為我每樣食物都去除咗蔥。壽司定食仲包括我最愛嘅茶碗蒸，材料非常豐富，加入咗蟹肉、魚子、蝦同帶子，味道細膩，好有驚喜。喜知次壽司絕對係壽司嘅期待之選，師傅輕輕燒過令油脂更加突出，味道香濃，齒頰留香。拖羅👍🏻👍🏻👍🏻 定食裏面包括中拖羅、大拖羅以及火炙拖羅，呢度拖羅質素一流，肉質細膩，鮮甜肥美，入口即溶，真心令人食過返尋味，十級推薦！螢光魷魚第一次試螢光魷魚壽司，味道非常濃郁，層次豐富，好值得一試。鯖魚壽司上面特別鋪咗一塊醃過嘅蘿蔔薄片，食落清新爽口，仲帶有脆脆嘅質感，好有心思。左口魚邊表面燒至焦香但保留咗內裏爽脆嘅口感，味道層次豐富，非常出色。牡丹蝦壽司大大隻嘅牡丹蝦，賣相一流，蝦表面輕輕燒過後味道更濃郁，師傅仲用蝦膏

好耐冇食日本菜啦！今日我去左位於海之戀商場的「燐寿司 」食壽司，一入到餐廳就已經感受到嗰種日式嘅chill vibe，環境乾淨舒服，職員又好有禮。餐廳主打多款壽司定食、和風定食、刺身丼、小食、沙律、主食。大滿足壽司定食11貫壽司｜細盛海膽三文魚子碎拖羅飯金目鯛｜左口魚邊｜活赤貝｜燒拖羅金目鯛魚肉細膩滑嫩，帶微微甜味，油脂豐富但唔會膩口；左口魚邊魚油多到漏，炙燒後香到癲；燒拖羅微微炙燒過嘅香氣，帶出另一層次嘅鮮味。深海池魚｜油金魚｜中拖羅｜大拖羅｜螢光魷魚深海池魚 鮮甜爽口，魚油細膩；油甘魚油脂分佈得啱啱好，入口即化; 大拖羅脂肪紋理靚到發光！一入口啲魚油係咁爆出嚟，完全唔使咬就化開 ；中拖羅魚味濃郁但不會過膩，口感柔軟綿密。牡丹蝦｜牡丹蝦膏牡丹蝦超甜超新鮮，蝦肉彈牙，食得出係好高質；牡丹蝦膏用返原本的牡丹蝦蝦膏，雙重鮮味，鮮甜到不得了。海膽三文魚子碎拖羅飯除咗壽司，定食仲有個細盛海膽三文魚子碎拖羅飯，簡直係錦上添花！海膽嘅creamy同三文魚子嘅爆汁感，配上碎拖羅嘅油香，全部撈喺一齊，每一啖都好濃郁。

今日係荃灣西鐵站一出海之戀商場就見到海報，3樓有間新嘅壽司店開張。餐廳門口裝修典雅，私隱度高，唔會一眼望晒入邊餐廳嗰種，入邊嘅氛圍相當唔錯，有壽司吧，亦都有梳化座。餐牌有很多不同選擇，最特別係有廚師發辦，不過今日自己一個食唔想咁隆重，簡簡單單食吓壽司就算。壽司定食都有三款，第一次試就揀「大滿足」試吓。大滿足套餐有11件，壽司唔會一次過黎晒，係會分幾件咁上。我覺得呢個設計幾好，可以慢慢嘆同埋唔使食得咁急。先嚟五件壽司：赤貝爽彈鮮甜，超肥美的拖羅入口即溶油香四溢，非常高質！四件火炙壽司：松葉蟹腳做得很細緻，幫你挑好晒入邊啲細骨，可以啖啖肉咁食。左口魚裙邊充滿甘香魚油，非常嫩滑。最愛的是大拖羅，火炙後再加紫菜卷住一齊食，燒過嘅拖羅油脂滿瀉，加上脆脆嘅紫菜，是十分幸福的感覺。本以為大拖羅已經係今晚的亮點，但係驚喜一浪接一浪，到最後兩件壽司又再將心情推向另一個高峰，係手掌咁大嘅巨型牡丹蝦。淨係個蝦頭都已經有大半隻手掌咁大，size係平時食嘅一倍。有兩個食法，分別是手握壽司和將蝦頭蝦膏再做一個軍艦。巨型牡丹蝦除咗鮮，而且十分爽，比平時其他壽司舖嘅好上很多倍。而蝦膏蝦頭嘅濃郁味道會為這個壽司套餐寫個