燉 (英皇道) (已結業)

今晚同朋友打完羽毛球，自己一個去食飯，到了楊明開既「燉」，我沒有點燉湯，只係點了一個飯-豉汁燜煮釀涼瓜飯，涼瓜很爽脆，釀料都還可以。白飯很多，但餸相對較少，不過以$38來講十分超值，等候的時間亦不長，值得一試。

之前喺網上見到報道話楊明開咗間自己嘅餐廳 咁啱經過砲台山就揾嚟試下食lunch 入到嚟雖然舖頭細細但原來內有乾坤直行入去有取餐處另外仲有一個坐嘅地方 但入面已坐滿人因為冷氣比較足當日天氣比較炎熱坐近門口比較不是太舒服因為門口沒有膠墊或門阻隔冷氣最後看了一看餐牌選擇了兩個食品一個係 烏雞鮑魚燉湯另一個 魚肚滑雞蒸飯燉湯很清甜 重點有原隻鮑魚 非常好喝蒸飯也是合格之作飯粒非常乾身 魚肚滑雞 也很嫰滑最後還點了開飯 正在做特價的 花膠燉鮮奶 味道一般花膠以這個價錢來說是物超所值

喺炮台山上堂，到食晏時間人生路不熟唔知有咩好食，四圍望吓有咩好食之際發現到大大個「燉」字，超開心呢！因為又可以飲靚湯，超鍾意飲湯嘅我當然唔放過呢個機會即刻過馬路去幫襯吓！其實未入到店內都已經諗到叫咩湯，但係飯就未諗到，睇咗一陣餐牌後就決定點花膠螺片燉雞&魚肚排骨蒸飯。比完錢就去拎飯，好快就有得開餐我最鍾意佢地嘅湯係完全無落到鹽，因為人人口味各不同，落唔落，落幾多，自己決定；而飯都係一樣，另外上一包豉油自己落。湯內有一隻筒膠、一塊螺片、一隻雞下肶，其實食埋D湯料都飽咗一半，雞佢地起咗皮唔會太多油，感覺幾健康，好味飯對我黎講就淋咗些少，但整體都好夠味。呢個價錢可以飲到個足料靚湯，好滿足呀！

經過炮台山這間《燉》的小鋪，見到門口以藝人楊明自己作招來的大海報。這店主張以燉煮的烹調方式來推廣養生慢活。並且宣揚無潻加，無味精，無雞粉的健康自然製作。鋪內坐位不多，先買票然後到鋪尾的廚房取，很快捷。今天只買個蒸飯先試試。我試的是蟲草花滑雞蒸飯$29，價錢非常相宜。碗面鋪滿蟲草花，吃落都算爽滑，剩肉的雞件份量都夠，咬落須不太滑但亦不嚡口，入口感覺可以，米飯粒粒分明軟硬適中不錯。這個蒸飯清淡得來味道都好。很適合女士，不過對於男士及正發育的學生來說，份量可能略少了。可能燉湯才是這店主打，飯只是配湯來吃故份量不多。

This joint is famous for soup but they also do lunches otherwise it would be hard to survive just selling soup.Tried the meat patty which was MSG free and salt free hence it was really healthy.The only thing that let it down was the oilyness as it made it heavy for the stomach.Luckily the soy sauce provided didn't taste too sweet and enhanced the flavour of the meat patty but ideally it would have been healthier if I didn't use it.

今天來到TVB藝人楊明所開的以燉湯菜，為主的養生店。店內有蒸飯，和燉湯，如果叫有送飯白飯在堂食可以任裝。我們叫了是日特別的豉汁蒸白鱔，雪梨蘋果燉湯，這些菜應該是沒有添加劑所以吃下去特別好味，材料也用得很新鮮。值得一讚的是當值的店面服務態度非常好而且也很有禮貌，這在香港是十分罕見的。店舖鄰近炮台山地鐵站約兩至3分鐘路程。其實店裏的白飯和菜心也很好食，總括來講是一餐可以排毒減味精的晚餐。上次我們吃過椰子燉雞也很好吃，但可能太燥我吃完有點喉嚨痛呢。

下雨天中午初次堂食，叫了蟲草花排骨蒸飯（$29），蟲草花很足夠，飯是用泰國茉莉香米（見到個米袋，還寫上no GMO),蒸飯可以再熱一點，用上不鏽鋼盅，見隔離枱客人也很快可以用手托起（好熱嘅應該不能吧），那麼就不只是我自己一個蒸飯不夠熱的問題。 燉湯（不含味精、雞粉）叫了蜜瓜螺片燉瘦肉（$58），蜜瓜肉很足夠，有一大舊瘦肉， 一片螺片，味道清甜，非常滾熱，下次要試其他燉湯。 美中不足，見到豉油包裝寫上「含有防腐劑」。 黑色餐托不太乾淨，所以忍不住用消毒紙巾清潔一下餐具。 另外，中午可能不夠樓面人手，見收銀員多次離開執枱，辛苦佢了。

十點幾來吃 其實是宵夜...所以只想喝個湯 聽朋友在荔枝角試過不錯 之前見到這店在這附近 這晚就試試～ 想叫花膠螺片燉雞湯 但原來好多款湯賣完了 想喝雞湯 但只剩無花果雞湯 我想吃湯料哦...所以改為叫 蜜瓜螺片燉瘦肉湯。原盅上 好熱～有匙羹 筷子 原來裡面瘦肉都幾多 有一片螺片 但...蜜瓜...不像蜜瓜 好像是其他...冬瓜？又不像 不過都會巴所有料吃完 好味道！而且確實無味精 像住家湯 亦確實原盅燉 個盅睇得出～ 會再去試其他湯 好多人吃蒸飯～ 好像也不錯... but 我明明之前路過 見到餐牌很多「售完」的牌...但這次無貼...貼一個 但五六個湯都沒了 進去買時才知... 及這裡自助 付錢 自助取餐盤及食物 再自行放餐盤架上..希望省了的錢是在價錢反映了 而不是硬省人手～ 這裡價錢還可接受～

我只食過兩次但都有滿足感覺，糯米雞都有驚喜，梅菜扣肉正，如湯水可以多返5湯匙左右會好一點，因湯料已佔燉盅一半，還有進步及改善空間，我建議燉盅可以加高一點，會推介及繼續幫襯的。

真係唔錯路經見到，平平地走入去試吓，本身想要花膠湯，但係店員極力推介椰皇燉雞，佢話係限量發售，賣晒就冇，咁就試一試。$58 椰皇燉雞打開見到個湯，晶瑩剔透，唔會混濁，非常清甜雞肉已經去皮。呢度嘅湯唔單止冇味精，連鹽都冇落，全部係自己落！真係抵讚佢有蒸飯餐，不過今日只係路經，所以食唔落。下次一定會嚟試吓

早前在網路上見介紹藝人楊明有份嘅燉湯店，睇見介紹都好有意慾去試下，講到勁足料價錢合理；現在由荔枝角開到去炮台山，起初得識只有荔枝角真係好唔就腳，好少會去到果頭，知道炮台山開分店立即bookmark。今晚夜尐要去天后果頭，諗緊放工去邊樹食野好⋯突然醒起依間「燉」，就決定點都要去飲湯。在公司附近食咗碗湯粉就搭電車去炮台山朝聖一下。店中除了好多款燉湯，原來仲有蒸飯、糖水(因為沒有預先做功課) ，但今日只夠位飲湯，所以蒸飯唯有留待下回。店內部份格局，自助型式運作望著選擇其實好多款都好想飲，空間有限下就揀咗全店價錢最貴果款先試 係先在收銀處落單和比錢，再去店最入果樹等拎 澳洲野生黑邊鮑魚燉雞$78個燉盅係走肥矮路線，有點可愛清澈湯水透視了盅內的湯料起初諗住只係鮑魚BB，誰不知一打開小蓋，真係有驚喜鮑魚都幾有睇頭，湯嘅鮮甜味還撲鼻而來急不及待拎起湯匙先嚐一口，接著就一不離二，接二連三咁飲呀飲 飲到滿頭大汗

這天突然想喝老火湯就去了藝人揚明開的燉湯店。店是快餐型式，先購票入座等叫號到櫃臺拿食品。我們二人分別叫了兩個蒸飯+一個燉湯。我叫的蒸飯是蟲草花肉餅$29，份量對我來說是剛好，如果男士吃就應該不夠；蟲草花咬落有點「煙韌」有點像金菇，意外的好吃！店內蒸飯挺受歡迎，當晚未到7點就賣剩一款了。燉湯是猴頭菇螺片燉瘦肉$48，湯是沒加鹽的需自己落，螺片只有一小塊，螺片鮮味不足，菇味太搶有丁點酸，我原本很喜歡喝螺片湯一般湯頭都會清甜，這個令我失望了。原本為了喝湯而來卻喜歡吃蒸飯，下次再來的話應該會再試一款湯希望不要再失望了。

在茘枝角打工仔地區創業，瞬間渡海進攻炮台山住宅區。新式運作模式，櫃檯付錢，看號碼燈箱顯示，才入厨房取湯品和食品。食完自行放好燉盅和餐區。賣點在食材靚，質素超越湯包店。我試嚐了花旗參無花果湯，份量不少，入口回甘，在口腔縈繞一晚。58元的售價合理。全無鹽分，有需要才自己加入。會買套票作為我的補給站。平日同時兼買蒸/客飯，可便宜8元。我對這些住家，健康飯無興趣。想嚐泰國椰皇燉雞，要18:30後才有供應呢!

應 FB 上炮友 post~ 在炮台山區有間咁多人讚嘅燉湯鋪一定要去朝吓聖先～ 😬😬😬入面裝修得好舒服，又家居 feel~ 😐😐😐開頭以為好貴 💰💰💰，其實價錢又好貼地喎～ 🤭🤭🤭一個紅酒燴牛肉飯 + 花膠螺片燉雞～ 😮😮😮一個梅菜扣肉飯 + 泰國原個椰皇燉雞 + 凍豆漿～ 🤠🤠🤠一啲都唔减～ 過咗水嘅甜梅菜，又唔會冇味，扣肉肥瘦適中，個汁好正，倒晒落飯超好食，成個食完一啲都唔頸渴～ 😯😯😯尼個湯又估唔到咁夠味，啲料出晒味～ 😸😸😸因食評有照片限制，所以其他相片另外 upload~ 🤡🤡🤡另外原個泰國椰國燉雞都好正～ 超級清甜～ 湯料只有椰子 🥥、椰水、雞 🐔 & 豬肉 🐷，另外食完再食埋個椰子肉，滿足～ 👏🏻👏🏻👏🏻所以尼間燉湯真係超值得去會一會～ 誠意推介！💪🏻💪🏻💪🏻By FB : 炮台山唔係北角 & 炮台山同樂會 親身體驗～ 😼😼😼

我同女朋友觉得冇胃口晚饭唔知食乜，从炮台山地铁口出嚟睇见对面有一家店嘅招牌好特咪，就一个“炖“”字，估计系饮炖汤嘅。走到发现真嘅系饮炖汤嘅，觉得炖汤真嘅能调动胃口。糯米鸡真嘅好食，很入味。很幸运呢个系最后一个糯米鸡，旁边嘅阿婶睇见我哋食也想点，但被告知已经冇了。姬松茸滑鸡蒸饭点完去拿餐才被告知已经冇了，希望服务能完善啲，不然换嚟换去挺论尽嘅。后面换了竹荪滑鸡蒸饭，女朋友讲好好食，米应该用嘅系好嘅大米，很香。滑鸡沾上豉油也很美味，而且滑鸡嘅汤汁渗透进米里，让米更加香甜。美中不足嘅就系冇食到姬松茸滑鸡蒸饭。重中之重嘅炖汤，点嘅系澳洲野生黑边鲍鱼炖鸡，饮起嚟很清甜。旁边配有盐包可以自己调味，但系觉得唔加盐饮起嚟清清甜甜更加健康。汤品用料很足，鲍鱼个头挺大嘅，还有其他材料我讲唔出系乜，我只知食。真嘅系满意呢次晚饭，又健康又美味啦。