燉 (英皇道) (已結業)

之前喜歡燉，除了是想支持楊明外，重要的是真心喜歡他家的家庭菜。其實有很多努力工作的香港人，一天辛勞過後，有一個地方可以吃住家飯，喝些家常湯水，價錢適中，是個非常好的概念。在灣仔分店已不只一次買下現金券。自從搬了來炮台山，去過幾次這邊的店，發覺除了坐的位置沒有灣仔分店大及舒適外，服務也很有落差！已經好一陣子沒有幫襯。今天想起那條清蒸馬友跟白飯，還有一些現金券，所以決定再給他一次機會。沒想到馬友套餐已經由$108加到$138，更重要的是，現金券不能用來買套餐。晴天霹靂呆在當地。再次詢問，記得灣仔店是可以的。服務員只交代一句：以前可以，E家唔得！是上頭的意思，我亦是按本子辦事！八達通機器壞了，就一句：比現金！其他服務方面的細節就更不用多說了⋯ 我在想，如果老闆在場，他會接受這種服務態度嗎？ 整個店大部份東西都係套餐，如果現金券不能來買套餐，真的不知道講怎麼。…查看更多

呢間鋪真係極差之前經過，見唔係好餓咪是但入去飲個湯囉首先，絕對唔平，一個湯，以咁嘅價錢，佢絕對算不上係足料第二，絕對唔係好飲，啲湯飲落去係有加唔同調味料，話就話無味精，但係飲落去都係會口乾。飲落去係人工味多... 有時你唔落料，都可能係啲材料本身就唔夠天然架嘛（例如係；浸咗糖水/落咗野嘅生果）第三，衛生環境好差，枱同地板都痴立立好驚，而且好多人喺入面咳又唔奄咀最後，最大獲嘅係佢啲員工帶口罩只帶一半，口水又周圍噴😡…查看更多

尋日中午12點半見完客路過燉北角那店, 凉凉地走入去想問翻果樓面介紹岩我狀況嘅湯水, 掂知巨10問9吾識, 淨系話似大家樂咁! 之前推薦我飲蜜瓜湯果個阿姐吾見左, 換左人。:(仲標誌養生湯, 樓面工基本知識欠缺, 吾怪得咁小人食啦。食完果午餐下次吾會再去黎間燉湯店…查看更多

尋日去咗燉食咖哩牛筋腩飯及雲腿菜乾豬肺湯！ 個咖哩牛筋腩飯真係好有驚喜，炆得d牛筋腩超林超入味，仲要連裏面d薯仔都炆林曬，我仲食到除薯仔之外，無果無試錯味，佢都好似加咗蕃薯一齊炆，令d咖哩增添咗d甜味，送飯一流呀，估唔到燉湯店有炆得咁靚嘅咖哩牛筋腩飯，可惜掛住食無影相，下次一定會再幫襯！ 燉係以燉湯為店嘅主題，點可以唔揀返個燉湯試下呢，於是就揀咗盅雲腿菜乾豬肺湯，好足料，除配料外，仲有3舊豬肺，豬肺真係好好味呀，因為足料煲，所以湯味都好濃，食出唔係味精貨，真材實料！正呀！…查看更多

差到不得了，一點也不好吃👎。應該用奇差去形容。👎👎👎👎👎👎那個湯很像熱水一樣、一點味道也沒有。荷葉蒸雞又肥到不得了。😡😡😡😡😡😡😡😡😡…查看更多

尋晚,第二去北角店嚟個 孤獨dinner, 品質超失望! 蜜瓜螺頭湯螺影無隻, 碗飯又生又硬, 隔離台師啦食緊盅蒸飯都投訴收银阿姐米飯硬到食唔落。阿姐服務好貼心, 即刻换碗飯, 仲攞多盅湯比我同我道歉, 話嚟個湯對肝好, 夜瞓或者攰攰地飲多啖好D㗎。其實我氣飽左, 阿姐態度令我條氣順左就算數。講真, 我常去灣仔果間打卡, 又大坐得舒服好多，出品0K㗎, 不過D人目口目面, 北角果間又細D枱遙下遙下唔穩固, 但系仲意阿姐有常識, 講解款款湯比D客揀，我都系聽巨講揀左嚟個湯,吾糸ㄧ味飲泰國椰皇, 掂知.....! 出品差, 明星店都會死㗎Easy哥…查看更多

晚餐時間去到，點了一個套餐，花膠螺頭燉雞加蟲草花蒸雞飯，加了一碟唐生菜。蟲草花蒸雞飯雞冇雞味，醬油冇醬油味，唯一好處就是夠熱，我自己都唔知道自己食緊一個雞飯。店裏講明不加味精，若果當你覺得不夠味的話，店裏有一小包點鹽可以給你加進湯裡面。但是這個湯給我的感覺完全沒有鮮味，反而有一種甜甜的味道，我也猜不出是什麼味道(紅棗?)，但明顯不是花膠或螺頭的鮮味。把裏面的材料全部拿上來之後，大約還有半壺湯可以飲。吃完真的有點失望。為了公平起見，下次試一下他的黃咖喱牛腩飯和其他湯。…查看更多

我真係好中意飲湯，特別係天氣凍少少飲到熱辣辣嘅湯，成個人暖晒就仲正💕.之前喺灣仔返工無試，經過北角忍唔住試下。喺我心大心細時，收銀姐姐介紹我試了套餐，天麻川芎白芷燉魚頭+魚肚滑雞蒸飯，排隊時已聞到陣陣藥材香味，用料十足，魚頭一大個，最緊要係夠熱，飲落甘甜，飲完有股暖流由內散發出來。.中意蒸飯嘅其中一個原因，係食物嘅精華會滲入飯，呢個飯嘅份量都唔少，魚肚滑雞好多，食餸都飽了😌魚肚厚身好淋又夠味，雞肉嫩滑，雞汁加埋豉油送飯，好滿足👍🏻…查看更多

近來天氣乾燥，喉嚨經常不適，喉糖食過，龍角散有食過，喉嚨依然有啲不舒服。今日路過北角燉分店，想起佢地好似有燉糖水，提早一個站落車去幫襯。燉湯有飯有湯有甜品，自己食完飯無耐，正正就可以選擇食個甜品，甜品款有三個可以揀，我就揀了紅棗百合桂圓燉雪耳內來潤一潤喉嚨。這間燉分店是自肋，睇落都開了很久，食店內食客有八成，生意唔錯！買了票後要去攞甜品，跟住搵位坐下，開了個蓋，飲了一啖糖水，嘩！真是一個濃縮嘅糖水，裏面有雪耳、百合、紅棗全部都大大舊，而且甜味不高，很給我飲用！飲完後的確有潤的感覺個人評分食物A服務B環境C衛生C抵食A…查看更多

放工好肚餓約埋兩個朋友去食一個快飯，加上有少少頭赤，我點了川芎燉魚頭｡燉湯藥材味濃,但飲落口得個清甜，Silly me,原來喺要自己落鹽｡另外兩位朋友叫了白菜豬肺湯,好足料。基本上我覺得他們的出品口味都係偏清淡,可能標榜健康掛 燉湯好足料,咖哩都好味,唔辣，牛腩炆得好腍，可惜坐得不太舒服，喺食完就要走果種｡…查看更多

9/1，行完山，下午六時左右，有點餓想食飯，剛經過燉湯店，回想那天到荔枝角店嘗不到湯品，所以今天趁早一些，就初嘗湯滋味，我和太太分別飲花膠螺頭燉雞湯和新產品的石斛花旗參瘦肉，果然同朋友所說，不負所望，料足，湯清不油膩，湯味濃，就如店主所標榜，飲下真感覺不到有味精👍🏻😋，另外，食咗個紅酒燴雞和釀涼瓜飯，味道和份量完全滿足到我們的要求，性價比相當高，值得繼續幫襯和推介‼️💪🏻…查看更多

今日嚟個 late lunch, 聽聞 12點開始都要排長龍，所以就拖到午飯市過後先去打咭，點知都係咁多人，原本想試的椰皇燉雞湯仲賣哂添。。。後來叫左個黑邊鮑燉雞湯再加埋梅菜扣肉飯，講下個黑邊鮑燉雞湯，配料係足夠架，兩個人share 一盅剛剛好，因為要留肚食鮑去飲珍珠奶茶，由於湯冇落調味，所以落單時，店員都會提醒人客人要自行落鹽，好貼心架服務呀！個豬手飯有驚喜wow, 豬手炆得啱啱好，不太淋，不太硬，而且非常粘口，感覺自己補充左好多骨膠原咁，38蚊，實在係抵。個白鱔就貴少少，要78蚊。注意事項: 店舖只收八達通和現金。…查看更多

今日我想食嗰個椰皇湯拼魚肚飯,但賣晒! 於是叫咗呢個金栗鴨肉飯加蘋果雪梨百合湯。栗子補腎, 鴨肉滋陰, 食完已覺得好健康! 個湯有大概兩碗, 啱晒今日黃色火災警告飲; 而且好足料: 有勁多蘋果雪梨, 有大大朵嘅雪耳, 白色嗰D係差唔多㷛溶嘅百合, 仲有無花果! D湯入口扁淡, 但原來枱上有一包包鹽可以按自己喜好落。食完呢餐覺得元氣充滿大滿足! 希望下次再去可以試到椰皇湯加魚肚飯!…查看更多

試咗椰皇燉鷄和魚肚排骨飯。湯的椰子味清香，好味到連椰肉都食埋；蒸飯的魚肚新鮮，排骨很滑，平時不太食飯都食晒。柜面姐姐講解詳細清楚，看得出她的熱誠。再外賣一個回家給媽媽，連她也大讚。以價錢來說，非常抵食，值得試試。Passed by this store and attracted by the menu. Coconut soup filled the area with aroma when I opened the lid. Definitely one of the best coconut soup that I’ve ever had. Steamed rice with ribs was also yummy! With a price tag within $100, very good value for money. …查看更多

星期五去開附近見到這店，打算試一次。聽聞啲燉湯出名，再加天氣乾燥及喉嚨有點不舒服，想飮個燉湯滋潤一下。點個川貝燉湯，可惜食料不足，只得一個鹹味。完全失望。其實同健康工房差不多，唯一可能是比較新鮮，即曰燉。太鹹係完全不健康，如其出外飲湯是想保一下及健康一點，不如自己屋企煮或唔好飲。反正飲了也不健康。個滑雞蒸飯就無乜特別，一般貨色，隨便一間路邊小店也是差不多，沒有必要專門去幫襯。再加上個亞姐服務又差。應該不會再去食。…查看更多