燈籠滷味 (登龍街) (已結業)

《 想念台灣千百回 》唔知大家去台灣有冇啲咩必食或必做嘅事情呢？我就習慣買啲滷味飲罐啤酒Hea下先訓嘅～但至從無得去旅行開始，就耐唔時都會掛住台灣滷味。隔左咁耐，呢間成日都聽人講今日終於有得試！🍜 師大超人氣組合加王子麵 $61所有滷味都超級入味尤其是蘿蔔，蘿蔔味道清甜無渣仲入曬滷汁嘅味，一咬開就大爆汁。甜不辣十分煙韌，配上滷汁真係好貼近台灣嘅味道。仲有高麗菜十分爽脆。好食滷味配埋王子麵，飽肚得黎又好味，下次黎一定要試埋個冬粉！

今日係朗豪坊見到呢間所謂台灣過江龍 話係滷味’好出名既台灣嘢 可能星期六條隊都幾長 就諗住排下啦 唸住可能啲嘢食可能好出色 排隊時間：15-20分鐘座位：都不算太逼食物：十級難食賣相：十級唔開胃價錢：偏貴 應該話同啲野食完全係兩回事我同男友兩個諗住唔好煩叫左所謂朗豪坊限定套餐 但係張紙無價錢 問左侍應 話印刷印印漏左價錢 套裝為$198 見圖 嘢飲得幾款 ok 凍要加$3 珍珠又加$5 ok 只要好食好飲都無問題 套裝 一碗招牌燈籠滷味面 我地要左王子麵 其實係湯麵定撈麵 係好似好多餸咁 全部都係菜菜菜菇加豆腐 些少肉 全部滷味都係得一個味道 就係鹹 花枝丸都難食過人 自己求其買李x記滷水汁仲好食過佢 同埋個麵林曬 完全唔明咩叫王子麵🙄️完全煮淋左既公仔麵 車仔麵仲好食過佢多多聲 食剩見圖芋泥肉鬆蛋餅佢個蛋餅皮 哇咪就係超市啲手抓餅 後到呢 又厚又硬 同埋個汁同埋芋泥甜到呢 完全唔知自己食緊咩 飲嘢茉香珍珠奶茶 台灣奶茶 only係奶+香精既糖水 成餐飯我同男友覺得最好食係個珍珠blacklist

真係好掛住台灣！星期六放工走咗去食燈籠滷味！雖然係喺香港最似樣嘅台灣滷味，但可惜個滷汁不達師大夜市原店水準，如果有食過師大夜市原店嘅應該食完會失望。成碗滷味食完，會想不斷飲水，代表味精超多。唔明百頁豆腐點解俾得一條中嘅三分一，其他配料一般。酸菜有多少選項會好啲囉。連冷泡茶茶都唔夠出面台式茶店出味。太耐無去台灣，止癮還可，但不值排隊去食，一次就夠。今日都排咗15分鐘唯一好處，播歌播返s.h.e ,4 in love ,孫燕姿，張惠妹，周杰倫，動力火車嘅歌。

#double👧🏽👧🏻吃在銅鑼灣【再訪| 銅鑼灣滷味店🥢】..#🥭👧🏻 今次嚟試吓堂食有冇唔同🙈 未入到餐廳已經聞到好香🤤 入到去發現成間餐廳都係呢陣滷水味🤣-🏮自由是個好東西<雞腎 雞翼 白蘿蔔 鴨血 配冬粉>($49)🏮吃伱滷味套餐($59) <加底+$4>🏮香炸花枝丸<半份> (+$12)🏮黑糖珍珠奶茶🥤($18) 食材全部都幾入味 豬耳雞翼嗰啲都好重滷水味👍🏼 蘿蔔夠淋 雞腎幾爽口 唔錯🤤但豬肉有啲難咬 唔係每片都好食 配料入面最唔推介花枝丸 十二蚊得兩粒 好貴同埋好油😖 兩份都叫咗粉絲 個滷汁偏少 介乎喺車仔面同乾拌麵之間🤣珍珠奶茶啲珍珠都幾重黑糖味 但茶味唔太夠 飲到最尾可能啲冰融曬 所以偏淡 似飲緊奶水☹️－－－－－－－－－

成日以為佢係登龍街所以叫燈籠滷味 原來人地係台灣入黎小女真係才疏學淺🙃每次經過都要排隊雖然都快 但都要預半個鐘好掛住台灣夜市一袋咁買個啲滷味幾個朋友一路行一路圍住袋野食嘅感覺每樣餸都勁好味 但每個人都各有自己嘅喜好名單總之就係懷念的味道 好鍾意米血糕 呢樣野第一次食係唔鍾意但第二次再遇上又勁鍾意了呢間都太大份了 撐死😆甜不辣 係不可或缺的東西想講呢杯紅茶豆漿 好特別 又同奶茶有啲似係又有啲唔同味但我唔太鍾意豆味嘅人都好鍾意佢蘋果鹽酥雞嘅蘋果到底點解要係蘋果我有點想不通但鹽酥雞我印象個粉有點太多我個日食完有啲滯花枝丸VS墨魚丸打文前細心Google過 話係同一樣野但我真係覺得 係兩樣野黎而我係鍾意食花枝丸多啲🤪Instagram: @notfastfood

天冷冷❄️，近6點堂食接近收檔，又未到晚巿時間，唔想買咁飽但又想食啲熱嘢，終於有機會試一試呢間最近開咗分店嘅台式滷味。.形式上似港式車仔麵一樣，十幾種嘅餸料配菜底🥬或麵底🍜，等待⌛️十分鐘，新辣辣即刻可以上車食先😋———————————————————————————.🍽鴨血、豬耳、豬大腸、蘿蔔、百頁豆腐💬只點咗呢5款餸料，連埋蔥花、湯汁煮埋一齊，好入味又夠濃郁，唔會太鹹，餸料都炆住到好腍，超好味🤤

來到銅鑼灣登龍街，金黃食店真的花多眼亂，最後決定排隊食這間燈籠滷味。午市時間是座無虛席的，室內裝修是很懷舊復古的台灣風格。台式奶茶加珍珠，茉香綠茶點了一份二人餐，飲品可加錢加入各式配料，來到這裡吃台式美食，當然一杯台式珍珠奶茶是不可或缺的，珍珠煙韌彈牙，味道不會太甜，與淡然清香的奶茶互相結合。朋友點的茉香綠茶也很出色，走甜的綠茶更能感受到茶底那些澀香清澈味道。蘋果鹽酥雞鹽酥雞炸至吸睛的金黃色，炸粉不會太厚，外皮香脆雞肉嫩滑多汁，配以清甜微涼的新鮮蘋果片簡直是天衣無縫。滷味拼盤來這間餐廳，主角當然是它的滷味。二人餐這個拼盤每款滷味也相當有份量，豬耳朵，雞胗，雞翅膀，甜不辣，百頁豆腐，高麗菜，木耳，白蘿蔔，冬粉，均各有特式和口感，重點是滷水汁非常入味。滷肉飯滷肉飯亦是台式美食中的要員，灼熱的滷肉汁及嫩滑滷肉碎淋上粒粒分明的珍珠白飯上面，口感又香又滑。九份綜合芋圓說到甜品部分，怎少得九份的芋圓，大大粒芋圓包著芋頭蓉或蕃薯蓉，煙韌又清甜，還有彈牙的珍珠及惹味的紅豆蓉，層次感豐富。

因為疫情關係今次嚟終於唔使排隊!依碗麵嗌左四個餸 麵底係冬粉($53) 嗌咗百葉豆腐 甜不辣 花枝丸 豬肉片 先講個冬粉 有咬口 而且吸晒啲滷味汁 唔怪得係招牌麵底 餸菜方面 自己好推介百葉豆腐 佢係比較實嘅豆腐 食起上嚟好有層次感 甜不辣都唔錯 偏向硬身 佢俾咗好多 咬到牙都攰😂花枝丸都可以叫嘅 但係豬肉片就可以慳返啦😂叫咗蘋果鹽酥雞做小食($38) 以為加咗蘋果會有咩特別 原來就真係加咗幾片蘋果係旁邊😂可能外賣嘅關係 食嘅時候已經唔算好酥脆 好普通 皮都炸得幾厚 唔太推介

聽過好多人講呢間燈籠滷味 仲要好評如潮 今日咁岩黎開銅鑼灣 就嚟試一試佢龍與鳳 又係一條長長既人龍 等左差唔多15-20分鐘先入到去坐樓上既位 樓底好矮好矮 啲位都排得有啲密 有啲壓迫感 幸好 成個design 同背景音樂拉返啲分數 一路聽住梁靜茹啲歌 一路食嘢 再望下周圍既design 總算有啲台灣既感覺1️⃣素雞 X 豬大腸 X 白蘿蔔 X 王子麵豬大腸 - 軟諗 入味白蘿蔔 - 有甜味素雞 - 普通冇乜特別王子麵 - 好咸 2️⃣ 百葉豆腐 X 杏鮑菇 X 甜不辣全部都好普通 只係將啲野加個滷水汁 完整體黎講 CP值好低 唔會再返轉頭😶😶

呢間滷味店都幾有名氣，想試好耐，但次次都見到好多人排隊而會卻步，今次經過銅鑼灣，見到唔係好多人，就試下啦 😬 排咗10分鐘就到我哋，裝修都幾有台灣風格，店面唔算大，台式滷味車仔麵，食物種類都算多。佢有啲固定既組合我地都唔太鍾意，所以就揀自由選，男朋友揀三個餸豬腱肉，玉米筍，花枝丸，配烏冬，其實我地都食唔慣呢種唔湯唔撈既，無乜湯但又唔係撈麵，兩頭唔到岸，烏冬口感都煙韌，唔會好麵漿團咁，但食落全部配料都無乜味道，偏淡。我就揀雞腎，白蘿蔔，鴨血，冬粉，雞腎還好，唔會太硬，白蘿蔔較差，多數食車仔麵既白蘿蔔都會好入味，但佢白蘿蔔只係上左色，但味無入，鴨血正常發揮，至少佢無啲腥臭味。我呢杯茉香奶綠簡直垃圾，淡奶水，仙草係涼粉咁，又少，吸唔到，差。無茉香，無奶香同茶味，淡奶水味，$18 雖然唔貴，但同出面廿幾蚊比，佢差左實在太多條街，寧願飲水算。整體黎講，呢個價錢係銅鑼灣黎講，絕對係叫平，抵食，但係對我黎講，只可以講無下次，佢乜都無乜味咁，因為價格相宜既原故，就畀個中評。

行過登龍街幾十次，每次行都見滷味條人龍多到排後巷，今次行過諗住人少少就去叫兩個餸麵試下啦。。。點知一食就出事，全部餸成兜嘢都一樣味，每一啖每一啖都係咁難食。首先，麵底王子麵極似煮淋左既公仔麵，配埋個味汁超咸，唔好食。花枝丸同貢丸叫好少少，除左浸咸蜀味起碼仲叫食到少少少味道，其他餸豬耳、豬肉片、豬鍵肉 、雞翼、蘿蔔同豬大腸就全部同一種咸味，同一樣咁難食。成碗麵食左幾淡已經唔想食，真係好失望，七仔撈麵仲好味過佢十倍。奉勸各位千萬要諗清楚先好去試。

無論幾時去燈籠滷味, 門口都企滿人😌😌😌今次終於第一次試, 我哋費事諗就叫咗二人餐💰168 ✨冬粉滷味拼盤💫評分: 7.5/10📝人氣冬粉有啲似粉絲, 幾特別嘅texture😋, 配料豬耳超爽口, 不過滷味唔入味🥺🥺🥺 ✨細滷肉飯🥘🍚💫評分: 7/10📝 中規中矩, 無話特別impressive, 阿元來了好食啲🤣✨蘋果🍎鹽酥雞🐣💫評分: 7.8/10📝鹽酥雞炸得香脆😋唔會厚粉，加埋旁邊嘅蘋果片能夠解油膩, 人氣小食✨冬瓜茶 & 台式奶茶🥤💫評分:7/10📝無特別,兩杯野都偏水燈籠滷味📍銅鑼灣登龍街39號地下(銅鑼灣🚇B 出口行3分鐘就到)💫評分: 7.1/10💬唔值得排隊食🥺🥺🥺可能太有期望最後變咗失望🥺🥺🥺

疫情搞到大家都冇得去旅行🥲，呢段時間超掛住台灣嘅美食，好彩香港都有台灣嘅過江龍燈籠滷味可以止吓癮，仲要係黃店真係無得輸👏🏻佢哋嘅銅鑼灣分店就成日排晒長龍，最近仲喺旺角開咗新分店，咁就可以方便大家去唔同地區掃黃喇🍴▪️冬粉$10+雞翅膀$10+百頁豆腐$11+彈牙貢丸$10▪️🥢冬粉即係我地成日食嘅粉絲，撈左滷汁好入味🤤🥢雞翼係滷水味，但唔算太入味🤔 🥢百頁豆腐就正正常常，不過充滿台灣味道，每次都一定會叫😍 🥢貢丸唔係太香菇味，普普通通～▪️王子麵$12+豬耳朵$12+甜不辣$11+花枝丸$10+豬腱肉$10▪️🥢王子麵係台灣嘅即食麵，同滷汁好夾🤤🥢豬耳好幼身幾爽口，口感一流！🥢甜不辣我地不嬲好鍾意食😍，呢間嘅煙煙韌韌，有魚肉味夠晒彈牙，必點💯 🥢花枝丸就應該係平時我地食嘅墨魚丸，咬落都食到少少花枝，但就唔算特別好食🤔 🥢豬腱肉係比較瘦嘅肉，食落口感一般，仲有少少痴牙🤭▪️台式香蒜腸 $26▪️最正係佢將燒過嘅台灣腸切開左一粒粒，加上配左好多蒜片，一啖腸配上一塊蒜片超邪惡😍▪️黑糖珍珠奶茶 $24▪️滿滿嘅黑糖加上好濃厚好滑嘅珍奶夠晒heavy🤪，珍珠就唔係咁彈牙啦，建議叫小甜好了🤭

Reminiscing the taste of Taiwan Night Market by trying the famous and newly opened Lantern Loumei. The queue was quite long at night so definitely bear that in mind.The bowl of Loumei noodle is entirely our choice of selection and there are a wide range of Loumei to choose from. Ordered a cup of hot drink and taro balls with bubbles as dessert.

🐰兔美子食評 🐰又黎到誠實食評ge時候，燈籠滷味有啲似港式車仔麵 但係台灣版。兩個人叫咗四樣嘢食，逐個講吓先。台式香蒜腸正常台式香腸嘅味道，旁邊有啲生蒜頭。好似落咗啲蜜糖炒過啲腸咁蘋果鹽酥雞略嫌啲粉有啲厚，唔係太有味。普普通通咁。但都算夠脆大腸貢丸大豆皮冬粉大腸都滷得幾入味唔錯，夠乾淨。貢丸幾正。豆皮正常啦。 整體來講滷水味都幾香。大腸高麗菜大豆皮王子麵排咗隊都有20分鐘 嘢食其實都OK.但係未必會再返嚟食😂😂😂