燈籠滷味 (登龍街) (已結業)

平時lunch或者夜晚經過，呢間野都必定好長人龍，今日2:00嚟，前面得幾個人，所以就一於試吓呢間人氣台灣野啦！燈籠滷味係台灣過江龍，總店喺台北師大夜市，香港係佢哋第一間海外分店！店舖有兩層，佈置非常有台灣懷舊氣氛， 連放喺枱上面嘅隔板都係用台灣啲相，呢啲細節位加哂分。坐喺餐廳入面感覺好似去到台灣，紓解少少成年幾冇去旅行嗰種悽慘。佢哋有個二人餐，一碗麵8種配料，一碗滷肉飯，鹽酥雞再加兩杯嘢飲，其實好抵，但因為我哋兩個都想食麵唔食飯，所以就一於散叫啦！點餐紙好似叫車仔麵咁，揀食咩餸同揀要咩麵，另外仲叫咗鹽酥雞同嘢飲。❤️ Shake shake 海苔鹽酥雞好特別嘅鹽酥雞，比個紙袋你放啲雞同海苔粉入去然後搖勻佢。海苔味好香，雞炸得乾身唔油，都合格以上，但略嫌唔夠Juicy。好食度：⭐️⭐️⭐️✨ (3.5/5)❤️ 自選燈籠滷味豬耳仔+雞翼+杏鮑菇+花枝丸+百葉豆腐+花干+甜不辣我同朋友各自叫咗自己想食嘅餸然後share 啲餸，冬粉真係好正，索晒啲滷水汁，棉質爽口彈牙，唔韌，好味！朋友叫咗烏龍麵，吸湯能力就相對地低，鍾意重口味推介冬粉，想食淡味啲就烏龍麵！配菜都ok，但可能個冬粉太吸味，我食配菜反而

.📍燈籠滷味 📍香港銅鑼灣登龍街39號地下這家人氣的台式滷味店從開業到現在一直都蠻多人排隊的，點了滷味米線、百頁豆腐、豬耳朵還有肉片，百頁豆腐在香港算是比較少見，整體來說味道不算太突出，好像沒有到很入味，跟我在台北師大夜市買到的燈籠滷味不太一樣，但是過個乾癮還是可以的😝再點了一個蘋果鹽酥雞，味道中規中矩只是多加了蘋果片有旁邊做點綴，吃完咸的再吃個水果解解膩還蠻貼心的！

今日大食妹同朋友encore燈籠滷味, 上一次食已經係好耐之前, 唔知隔咗一段時間燈籠滷味能唔能夠保住當初嘅水準呢<Shake Shake 海苔鹽酥雞>燈籠滷味嘅Shake Shake 海苔鹽酥雞鹽酥雞脆而唔油膩, 海苔粉係另上嘅就咁食鹽酥雞就已經非常好食, 食到一半再加上海苔粉可以轉換口味<黃金甜不辣>黃金甜不辣非常足料平時食到嘅甜不辣炸粉通常都好厚, 但燈籠滷味嘅只有薄薄一層, 魚香十足, 口感煙韌<招牌燈籠滷味>最後當然要食返碗招牌燈籠滷味上次覺得招牌燈籠滷味好細份食唔飽, 今次大食妹就嗌咗冬粉同王子麵兩隻麵底, 再將王子麵加底配料方面就揀咗豬耳朵、大腸、雞翅膀、大豆皮同麻吉燒可能係麵底太多, 大食妹感覺呢份滷味有啲乾身, 如果多番少少滷汁, 就更加好食啦大食妹推介配料為大豆皮同麻吉燒, 大家可以一試

成日經過見到呢間店排隊終於有一次無人就入左去食佢有個「自由是個好東西」既配搭好似車仔麵咁自己點餸！我就點左杏鮑菇、甜不辣、大腸、粉絲由於第一次食台式既滷水汁～好特別😂個味道好似有好多藥材味咁😂係值得試既！因為香港好少食到呢隻味我覺得杏鮑菇同大腸既味入味啲！朋友叫左麻吉燒同丸類個份量就好少同埋唔入味🙈

同媽咪去銅鑼灣行街, 佢想食台灣滷味, 所以去試下呢間燈籠滷味!! 聽人講成日要排長龍, 好彩今日係閒日, 人唔算好多, 等左5分鐘左右就入得! 餐廳座位唔算好多, 而裝修都好特別, 貼左好多富有台灣特色既海報/招紙等, 有D懷舊feel! 餐廳係登龍街入面, 都算好易搵! 我地兩個都有選擇困難症, 所以叫套餐唔想煩!抗疫二人套餐 $178 招牌燈籠滷味自選面: 冬粉 (粉絲)配料包括: 蹄膀, 豬耳朵, 甜不辣, 麻吉燒, 百頁豆腐, 白蘿蔔, 空心菜(通菜), 杏鮑菇每款配料份量都好多, 滷汁好入味! 蹄膀切好左一片片,都幾大舊! 豬耳朵好爽口! 甜不辣同麻吉燒口感Q彈, 麻吉燒入面仲有麻糬添, 好好味! 百頁豆腐好滑! 白蘿蔔非常入味, 索晒D滷汁, 必食!!!!! 冬粉一樣都係索哂d滷汁精華😍😍 勁正!! Shake Shake 海苔鹽酥雞份量都幾多, 炸粉剛好, 唔會好厚!! 雞件都幾滑! 上菜時仲會俾個紙袋你, 可以將海苔&鹽酥雞放入去shake~~~燈籠古早滷肉飯唔好睇佢細細碗, 佢勁足料, 超多滷肉係上面, 食到尾都仲有滷肉, 好正呀! 滷肉食落有黏口嘅感覺, 唔錯!!

每次經過銅鑼灣登龍街，見到燈籠滷味都要排長龍🙀初時見佢可能新食店，多人想試先咁多人排，點知到依家分店都開埋，都不減人流😯咁就一於試試佢啦💨🍲二人套餐（$168）呢個期間限定既二人餐都幾豐富，除左一碟滷味之外，仲有滷肉飯、蘋果鹽酥雞同兩杯飲品，我地揀左茉香奶茶，兩個人食好夠飽🙂滷味十分普通，鹽酥雞尚算炸得酥脆，滷肉飯既口感偏軟😕整體黎講難有下次，要排隊之餘仲要好普通，同一條街好多更好既餐廳選擇🥲

每次去台灣，我都會有一餐一定要食滷味。見到香港開左-燈籠滷味，網上見好多blogger foodie推薦，就一早Bookmark 左要去試一試，去找回台灣的味道。星期日下午14:30係銅鑼灣行完街覺得肚餓，經過見到門口見到只係得4-5人排隊，就覺得係時候去試下啦。今日好好彩，排左大約15分鐘到就可以入左啦！由於，太懶去諗食咩，所以我同友人直接叫左個二人餐食。如上圖所示，二人餐包 一碗齊集8款推薦滷味加粉絲、一碗台式滷肉飯、一客shakeshake炸雞 同兩杯飲品。碗滷味真係好有台灣既味道，朋友第一次食都覺得好正！特別係我地選做冬粉底，吸曬D滷味汁 好好味！ 至於Shake shake 炸雞更加比想像中好食，值得推介。炸雞既外面好脆口，裡面就夠肉汁，食落口一Ｄ都唔油！所謂既shake shake 就係店員會比埋一個紙袋同海苔粉你，待你自行混合埋D雞食，想法都幾有新意，味道都不錯。不過個人黎講，我覺得就咁食雞 已經好好食！不過，美中不足係碗滷肉飯就麻麻地，一黎係因為上菜時碗飯比較凍 同埋滷肉既味道唔係大路既滷肉味 我地有少少食唔慣。總括而言，滷味我都係會encore 再食 ，滷肉飯就不了。

平日兩點三度入座，一位要撘枱，一路食的時候相安無事，但到差唔多食完，有一個戴眼鏡，負責帶位嘅staff 企喺後面望住我幾時食完，碗麵仲有幾條未夾晒佢已經話”幫我收走” 唔係問，係直接收走，已經o 晒咀，算，咁再飲埋杯野，我杯野個低有幾舊仙草，諗住飲完再食，點知我個口一離開杯野，又俾嗰位女士收走左，杯野未飲晒，摩打手到叫都叫唔住，已經嬲嬲地，諗住覆埋個WhatsApp 就走，點知條友已經快我一步，同我講，如果我想坐就坐過旁邊張台，呢張台要入兩位。我先忍唔住話你都不斷想我走姐，野未飲完又收，佢唔理我，走去同第二個員工講野。我由入座到被趕半個鐘都無以前黎過好多次，感覺上就算星期六日繁忙時間員工都好有耐性，其實今次其他員工態度都好好，呢個員工似新黎(我第一次見佢) ，趕客態度令人咋舌，如果燈籠老闆見到呢個post 麻煩跟進一下呢位員工，佢真係令我對這間餐廳大打折扣

是日於銅鑼灣區閒逛閒逛，近晚飯的時間，便想到要來光顧燈籠滷味，皆因它味道方面製得可口，是所我偶爾會到此用餐的小店，恰巧今天人龍又不多，一個人亦更容易入座，所以又再次來這裡午膳。燈籠滷味是位於登龍街有名的台灣料理，主打台式滷水小食。餐廳入門左手邊便是廚房位置，特色之處是所有食材均排列出來供顧客選擇，而內裏設計使用木系餐桌座椅，配搭上懷舊瓷磚和各款海報，整體裝潢富有台灣小店的感覺。王子麵特選午餐共有四個套餐，我選擇了自由是個好東西的 D 餐，此款是所有食材均可以自選，我點取了王子麵，並配搭大腸、雞翅膀、彈牙貢丸。王子麵是台灣知名的速食麵品牌，外觀幼細彎曲，咀嚼時彈牙煙韌，甚有口感。配料的三款食材製作時間恰到好處，不但保留了食物原有質感和味道，同時亦滷得入味。大腸嚼勁十足，鹹香濃郁。雞翅膀嫩滑鮮美，肉味香濃。彈牙貢丸結實爽彈，鮮香帶甜。冷泡桂花烏龍烏龍茶獨立使用瓶罐盛裝，其色澤清澈，用上台灣茶葉的茶包加入凍水浸泡而成，飲用時茶味濃厚，清香甘潤，茉莉花香氣味出眾，是十分適合用作飯後解膩的飲品。滷肉飯滷肉飯飯粒分明，煙韌彈牙，口感十足。肉燥選用瘦肉混合肥肉製成，入口香而不膩，鹹中帶甘甜，而且滷肉

係銅鑼灣睇完戲，就諗住附近搵啲野食。銅鑼灣登龍街成條都係食街，所以就去睇下有咩試啦，去到街尾，就見到呢間賣台灣滷味嘅餐廳。睇完餐牌就係自己叫幾多食幾多，啱晒未太肚餓又想食下野嘅狀態。自選左自己嘅滷味配搭，職員就按排隊次序獨立每碗煮，所以都要啲時間等候。食完覺得個滷汁香料底做得唔錯，夠香！揀左啲冇咩味嘅食材，都掛晒啲滷味汁。最後叫多碗糖水試下，碗底係有冰碎做底，好似台灣街邊啲甜品咁，芋圓都幾q彈，值得一試。

以前去台灣時好中意食夜市既滷味，來呢度搵下有無台灣既味道先😋😋😋一入門口就同我講國語，特別營造台灣的感覺。我叫左冬粉、豬大腸、甜不辣、蹄膀同蘿白。一送來，我見到成碗啡色，好明顯滷汁已入晒味😁冬粉滑滑的，索盡精華，正！大腸煮得淋但又有點咬口， 無怪味，都乾淨！唔錯！蹄膀是一片片切開的，肉有少少乾，呢個普通。蘿白非常入味，必叫！甜不辣好粉，又唔爽口彈牙，普通食到最後我覺得唔算好飽，可能冬粉唔算多同唔太飽肚，但都好唔錯！ 如果有辣味就更吸引，我在枱上又見唔到辣椒油之類，如果有得加就好，下次問下先。 呢間我會翻兜！似唔似台灣味呢？少少啦，我覺得在台灣食的更正。推介：蘿白、冬粉、大腸

人氣台灣滷味店過江龍「燈籠滷味」係香港開業左都有一年，成日經過燈籠街都大排長龍，今日星期六晚上六點多見無咩人排就試試佢～入到店舖，不論係牆上既畫，還是有格調既燈飾設計，都好有台灣既夜市感覺，加上全程都播住台灣流行歌，真係令人好懷念有得去台灣旅行既時候呀😭😭通心菜、百頁豆腐、貢丸、冬粉呢碗滷味比我感覺似車仔麵多啲，因為湯比想像中多，原本以為係好似撈麵咁，自己最鐘意食貢丸同佢本身包埋既配菜（唔清楚係咪叫冬菜）甜甜地幾好味，冬粉麵底可能太吸湯，所以食完有一點點口渴。豬耳、大腸、雞腎、油麵試咗呢幾款餸，都推薦豬耳，雞腎，貢丸，而麵底個人覺得冬粉比較咸，油麵都可以值得試～湯會比冬粉少一點，少少似撈麵九份經典芋圓比想像中細，材料有（黑糖珍珠、紅豆、芋圓、花奶）本身自己平時都好鐘意食甜野，個人覺呢碗芋圓好甜，男朋友食完兩啖都頂唔順，我食咗大半碗，好彩唔太大碗🤣

頭先入到去個Menu好似玩左咁同OpenRice上嘅Menu唔同🙄少咗好多選擇我哋叫咗豬耳大腸椰菜同包菇粉絲送到上嚟嘅時候啲餸嘅份量少到好似俾人食淨咁($55)乜嘢都係得嗰幾條 🙄🙄🙄其實全部都唔入味除咗個粉絲個滷水汁有淡淡的藥材味鍾唔鍾意就見仁見智啦完全冇網上面講嘅咁好食性價比超低 超級失望果然香港嘅過江龍都係名過其實🌚滷肉飯就偏多肥肉 正常水平 味道不過不失😅平時見到好多人排隊 對佢抱有好大期望估唔到得個失望

上次食完旺角嗰間燈籠滷味念念不忘今次一於去試吓銅鑼灣呢間啦點知有少少失望原來兩間嘅Menu有啲唔同旺角嗰間有蛋餅食銅鑼灣呢間就無啦我今次一心想試吓滷味所以都冇所謂嘅入到去個環境真係好有台灣感覺🤩連塊隔板都係台灣燈籠滷味嘅店✨✨✨✨✨✨✨✨✨✨✨✨✨✨✨✨✨✨燈籠滷味----台式車仔麵🍜原來叫滷味都可以加麵底我叫左油麵然後就好似港式車仔麵咁叫埋餸我揀左雞翼、甜不辣、麻吉燒、大腸、杏鮑菇成碗黎到熱辣辣好足料不過味道就普通左啲唔覺得有特別濃嘅滷水味有少少失望台式香蒜腸----好味🧄台灣腸黎到已經切好一片片蒜片都切左呢個食落就有台灣風味呀海苔鹽酥雞----一般🐔佢會俾埋個紙袋你倒啲海苔同雞粒落袋跟著就好似shake shake薯條咁shake不過海苔味都唔係好夠Shake shake薯條包粉仲好味🙈✨✨✨✨✨✨✨✨✨✨✨✨✨✨✨✨✨✨可能上次個蛋餅太出色啦今次有啲失望如果唔使排隊去試吓都無妨嘅

燈籠滷味門外經常大排長龍，食小鬼終於成功幫襯咗一次。食小鬼選了套餐A師大超人氣組合，B.吃你滷味套餐和D.自由是個好東西。台或滷水帶有點甜味，與香港偏咸的滷水不同。整體而言每種配菜都很入味，尤其豆皮，而且份量很大。烏龍麵彈牙香口，王子麵最惹味，而配菜，例如：杏鮑菇、花枝丸都有台灣的味道，豬耳朵爽口入味，也值得一試。除了正餐，小食也是不錯的選擇。小食十分地道，尤其鹽酥雞香脆惹味。飲品最為突出的有黑糖珍珠奶綠，有綠茶的回甘味中和奶帶來的膩，整體甜度還好。••••••••••••••••••••••••••••••作者：(Openrice) 食小鬼