影片
更多
2021-04-15
250 浏览
同媽咪去銅鑼灣行街, 佢想食台灣滷味, 所以去試下呢間燈籠滷味!! 聽人講成日要排長龍, 好彩今日係閒日, 人唔算好多, 等左5分鐘左右就入得! 餐廳座位唔算好多, 而裝修都好特別, 貼左好多富有台灣特色既海報/招紙等, 有D懷舊feel! 餐廳係登龍街入面, 都算好易搵! 我地兩個都有選擇困難症, 所以叫套餐唔想煩!抗疫二人套餐 $178 招牌燈籠滷味自選面: 冬粉 (粉絲)配料包括: 蹄膀, 豬耳朵, 甜不辣, 麻吉燒, 百頁豆腐, 白蘿蔔, 空心菜(通菜), 杏鮑菇每款配料份量都好多, 滷汁好入味! 蹄膀切好左一片片,都幾大舊! 豬耳朵好爽口! 甜不辣同麻吉燒口感Q彈, 麻吉燒入面仲有麻糬添, 好好味! 百頁豆腐好滑! 白蘿蔔非常入味, 索晒D滷汁, 必食!!!!! 冬粉一樣都係索哂d滷汁精華😍😍 勁正!! Shake Shake 海苔鹽酥雞份量都幾多, 炸粉剛好, 唔會好厚!! 雞件都幾滑! 上菜時仲會俾個紙袋你, 可以將海苔&鹽酥雞放入去shake~~~燈籠古早滷肉飯唔好睇佢細細碗, 佢勁足料, 超多滷肉係上面, 食到尾都仲有滷肉, 好正呀! 滷肉食落有黏口嘅感覺, 唔錯!!
我地兩個都有選擇困難症, 所以叫套餐唔想煩!
抗疫二人套餐 $178
招牌燈籠滷味
自選面: 冬粉 (粉絲)
配料包括: 蹄膀, 豬耳朵, 甜不辣, 麻吉燒, 百頁豆腐, 白蘿蔔, 空心菜(通菜), 杏鮑菇
每款配料份量都好多, 滷汁好入味! 蹄膀切好左一片片,都幾大舊! 豬耳朵好爽口! 甜不辣同麻吉燒口感Q彈, 麻吉燒入面仲有麻糬添, 好好味! 百頁豆腐好滑! 白蘿蔔非常入味, 索晒D滷汁, 必食!!!!! 冬粉一樣都係索哂d滷汁精華😍😍 勁正!!
Shake Shake 海苔鹽酥雞
份量都幾多, 炸粉剛好, 唔會好厚!! 雞件都幾滑! 上菜時仲會俾個紙袋你, 可以將海苔&鹽酥雞放入去shake~~~
燈籠古早滷肉飯
唔好睇佢細細碗, 佢勁足料, 超多滷肉係上面, 食到尾都仲有滷肉, 好正呀! 滷肉食落有黏口嘅感覺, 唔錯!!
跟餐有兩杯飲品
古早冬瓜茶
唔會好甜, 解渴一流
柚子綠茶
媽咪話呢杯都好飲, 唔會好甜, 有淡淡清香既柚子味
我哋兩個食到好飽, 好滿足～媽咪話遲啲要再encore
21 浏览
0 赞好
0 留言
张贴
