燈籠滷味 (新都會廣場)

营业中

休息中

已經有一段很長的時間沒有去台灣，開始懷念美味的台灣美食，今晚在新都會廣場買完東西，發現這家燈籠滷味，於是就來試試水準。餐廳以台灣古早風作為裝潢主題，十分有風味，平日晚餐亦全院滿座，記得要早點到。餐牌以台式滷味為主打，類似港式車仔麵的點法，其他的食物種類繁多，主食、小吃、甜品都有，亦有不同台式飲品可以選擇。奶油芋泥肉鬆超司蔥抓餅 $56先點了一客芋泥肉鬆超司蔥抓餅作為小食，飽滿的芋泥餡料，口感軟滑綿密，滿載芋頭的香甜，加上鹹香的肉鬆之後，滋味更是豐富，外層的蔥抓餅酥香可口，整體搭配起來十分得宜。自選燈籠滷味 $76選擇了蜂巢牛肚、蹄膀、米血糕及玉米荀配手工烏龍麵，先淺嚐一口湯底，香料味道豐厚濃香，令人食指大動，蜂巢牛肚滷煮入味、蹄膀脂爽肉嫩、米血糕軟糯香口、玉米荀清爽甜口，而手工烏龍麵口感筋道醇厚，煙韌有嚼勁，水準之作。眷村懷舊排骨滷肉飯 $75排骨滷肉飯有一大塊的台式炸排骨，附有半隻滷蛋，排骨外層焦香酥脆而內裡嫩滑，肉質軟嫩不乾澀，味道鹹鮮帶甜，滷肉用上肥瘦相間的腩肉，入口軟綿油潤，脂香味美，而醬汁特別醇厚和味，十分出色。燈籠黑糖珍珠奶茶 $31黑糖珍珠奶茶有別一般茶飲店的出品，真材實

新都會廣場新開左一間燈籠滷味，餐廳掛上燈籠幾精緻，門外又好多人排隊。燈籠黑糖珍珠奶茶（熱）水，珍珠奶茶唔會太甜，奶茶香濃，珍珠好彈牙。奶油芋泥 肉鬆 起司，芋頭甜甜地好香又滑，又有煎蛋餅和肉鬆包上一起食好香，外層好鬆脆又彈牙。黃金甜不辣拼起司，甜不辣煙煙韌韌又有咬口，起司炸到金黃色外層脆內里軟熟，芝士味香濃。冬粉蜂巢牛肚鴨胗百頁豆腐，蜂巢牛肚滷到好香又夠淋，鴨胗好爽脆，百頁豆腐又彈牙，滷水配料全部好入味配上冬粉吸收湯的精華。米血糕米線牛筋肉，米血糕煙韌有咬口幾香，牛筋肉又切得幾厚又夠淋又入味，米粉又彈牙湯底香濃美味可口。

上次食飯經過見到好多人等位，見裝修特別，好奇望吓食乜，原來係食台灣滷味，不過已經訂咗位食飯，唯有下次先…今日特登返嚟呢度試吓，唔知係咪夜咗，唔洗等位，入到去啲枱距離比較窄，要隔離枱食客起身比我入去坐，呢度係用電話點餐，落完單好快就到話明係燈籠滷味，梗係要試吓佢啲滷味啦呢度大部份嘢食都係自己拼，好似食車仔麵咁，我哋拼咗一個滷水小食，一個冬粉同滷肉飯燈籠古早滷肉飯（小碗）滷肉飯滷肉都唔小，肉唔會太碎，肉味好香，而且D肉汁加飯食非常好味滷味（牛肚、蹄膀、大腸、筋肉）食滷味主要食滷水質素，滷味汁好香濃，滷得好入味夠淋冬粉（豬肚、豬耳）冬粉即係粉絲，冬粉好吸湯，令每條粉絲都好入味，而且好飽肚呢度最好係可以自由配搭，食多食小自己揀

起葵芳廣場見到排曬隊諗住試一試 兩個人叫左一碗滷味 一個芋泥蔥抓餅 一個地瓜 兩杯飲品 （冷泡茶/珍珠峰蜜綠茶）個碗滷味 每樣餸都淡而無味 自己煮都仲有味過距 雞胗有臭味 蘿蔔水煮差 空心菜仲要未煮熟硬到不得了 而個蔥抓餅 勁甜 地瓜都算正常 飲品都還可以接受但餐廳主打滷味竟然可以甘差 真係中曬伏 雖然價錢唔算貴 但真心覺得好差 平時都唔會點寫差評 都知道疫情下生意難做 但真心希望呢間店認真改進味道問題 因為真係食完覺得自己屋企煮個公仔面都好食同有味過距

燈籠滷味呢間台式車仔麵一向都好鍾意食，近期開咗一間喺好方便我嘅地方-新都會，冇理由唔去支持㗎😎⭐️⭐️⭐️⭐️️▫️滷水雞翼$14▫️豬大腸$14▫️白蘿蔔$12▫️金針菇 $11▫️百頁豆腐$13▫️米線$11🔸滷水雞翼有兩隻，都唔算細隻，滷水汁腌得好入味👍🏻👍🏻🔸白蘿蔔雖然都好濃郁滷水味，但係略嫌起絲，少少失色🥺🔸金針菇索晒個湯應🤩勁好味⭐️⭐️⭐️⭐️▫️蜂巢牛肚$22▫️鴨胗$15▫️百頁豆腐$13▫️手工烏龍麵$16🔸蜂巢牛肚好濃郁滷水味，軟林林口感好好😉🔸鴨胗真係估佢唔到，因為唔似出邊嗰啲咁硬，都係好軟身😍🔸令我不得不提嘅就係佢哋嘅手工烏龍麵，其實就係烏冬，不過就係佢哋手工皂嘅，所以比較彈牙亦都好滑身，值得推介😋😋✨麻辣香滷豬耳朵 $48⭐️⭐️⭐️⭐️⭐️好香麻辣味，但係唔會得個辣字，所有豬耳朵都索晒滷水汁，豬耳朵口感香脆軟，再加上份量都唔少，抵食之選👍🏻👍🏻👍🏻✨燈籠黑糖珍珠奶茶$31⭐️⭐️⭐️⭐️⭐️舖頭嘅招牌珍珠奶茶，揀咗微甜，所以唔會好甜，但係飲得出黑糖味好香，奶茶亦都好滑，不過珍珠略嫌少咗啲😐✨九份經典芋圓伴QQ蕨餅 $46⭐️⭐️⭐️⭐️⭐️舖頭有兩款甜品，都係台灣本地最出色嘅甜品-芋圓🤩入邊有三色芋圓，仲有紅豆🫘，珍珠，再

去完葵芳行街，到新都會廣場揾好野食，「燈籠滷味」新開的分店！估唔到都好多人！店里是自助下單用QR code, 滷味是自選的。我選了牛筋肉，白蘿蔔加冬粉！牛筋肉十分軟諗好入味，都有5-6塊，份量都多！冬粉好q彈好入咬感，吸晒滷水汁好入味。白蘿蔔也是推介之一，不會有渣。另外叫了王子面加甜不辣，鴨胗，王子面是台灣出名的，相當特別 幾好食又彈牙！甜不辣煙煙韌韌，好有咬感，感覺好特別都好食！再叫了蛋餅，用了奶油芋泥丶肉鬆、起司。原來是想不到的份量多，芋頭甜甜的，感感，入口即化。份量都多，有6塊，蛋餅煎得很酥脆，咬下去卜卜聲！再 叫了凍燈籠黑糖珍珠奶茶，少甜岩岩好！奶味香濃，不會太甜，珍奶都好彈牙！可以encore!店舖的裝備都好台灣夜市，好有feel! 是香港少有的滷味店，下次再食！

真係行開街先知 燈籠滷味開咗新分店喺葵芳新都會🏮之前食過中環分店都幾鍾意 所以我諗都冇諗就入咗去解決晚餐望一望餐牌 食物選擇同中環好似有少少唔同 咁就正啦😋又可以試吓新嘢▪️眷村懷舊排骨滷肉飯第一次食佢哋嘅返 都做得幾切合台灣風味🇹🇼滷肉個汁幾濃郁 排骨亦都好入味 最鍾意佢個炸粉唔會太厚 又夠脆身🐷另外仲有唔少配菜 高麗菜/酸菜/粟米 夠晒豐富▫️燈籠滷味幫襯得來都一定要食滷味㗎啦🥢叫咗好多款餸 店舖皇牌牛筋肉 肉質好嫩好稔🐂我最鍾意食嘅大腸 夠乾淨 咬落多汁🐖雞翼夠入味 雞肉煮到淋晒 勁易咬開🐔第一次試嘅麻吉燒 表面嗰層好似魚蛋咁 入面包住麻薯 口感煙韌 好特別💕高麗菜就索晒啲湯汁 配埋台灣傳統王子麵一齊食 夠晒地道 本身仲諗住加底 好彩冇眼闊肚窄啫 份量已經夠晒👍🏻▪️清新冬瓜仙草檸檬加咗$5要埋珍珠 珍珠同仙草嘅份量都幾多 檸檬味好清新 同冬瓜茶好夾 而且唔會太甜☺️啱口味▫️燈籠黑糖珍珠奶茶黑糖掛杯效果做得好好 珍珠煙靭 我本身鍾意甜味 所以就揀咗正常甜度🧋可以因應口味揀半甜或者微甜㗎

燈籠滷味位於葵芳，地鐵站一出過天橋就係，地點唔洗日曬雨林，好易搵好方便👍🏻入到店內啲座位都好闊落乾淨👍🏻☺️我同朋友分別都叫咗幾款嘢食，首先講咗嘢飲先😋燈籠黑糖珍珠奶茶 唔會太甜，珍珠好軟糯，茶味亦都好足夠🧋清新冬瓜仙草檸檬我個人好鍾意食珍珠，所以加咗，成杯都好fresh，檸檬味亦都好出，同時又唔會遮咗冬瓜茶嘅味😜眷村懷舊排骨滷肉飯滷肉份量都幾多，豬扒亦都炸得唔錯，層粉好薄，食落亦都有咬口👍🏻招牌燈籠滷味推介大腸雞翼高麗菜麻吉燒牛筋肉台灣王子麵我哋叫咗哩幾樣餸，全部都好好味，最出色嘅我會揀大腸,牛筋肉亦都好出息，配埋個招牌滷水汁，真係一流🤤🤤

之前去銅鑼灣食, 個呀姐sell 我地join member, 佢話葵芳遲下會開，咁我d新界人見葵芳方便就join ，點知等左成4-5個月先見佢開…5點行街經過見到佢喺壽司郎隔離，好多人喺附近排隊唔知究竟排緊佢定壽司郎。但見佢有吉枱，咁諗住無理由有枱唔比人坐要人排架，咁就諗應係排隔離。但諗住都穩陣d 6:00左右就黎食,費事到時多人等，或隔離壽司郎d人等等下唔等去晒燈籠滷味….我地6:01到，見仍然有吉枱咁就嘟安心出行諗住入啦，點知佢叫我攞飛，要等十幾廿張…但我見到起碼有8張二人吉枱（附圖）…喂，當預兩張大枱for 多人坐唔比二人，但都唔使留咁多張呀？等左好耐，入座後，我問個waitress member 8月送嗰個小食係咩, 佢拎左我張印仔卡話要出去問下人，點知返到黎佢話係檸檬仙草冬瓜茶，我幫你落左啦咁，張卡都比佢及左個印喺8月嗰個位度….我就O左咀話，吓？我想問係咩ja wo, 你都未話比我聽係乜，又未問我係咪啱/要就幫我落左？可能佢心諗free 既而家又8月尾你實要架啦，咁就覺得唔需要我confirm 呱。但其實我唔啱飲，不過既然佢落左就算費事嘥。我話要無冰既，見個waitres

燈籠滷味愈開愈多分店，連葵芳新都會都開左喇～～不過最靚嘅還是中環店！！排隊入座等候15分鐘左右！餐廳全採用QR code 落單！招牌燈籠滷味 （自選）必選 冬粉 入味仍保持Q度，首選蜂巢牛肚 滷得入味有彈性！甜不辣 台灣味必點！大豆皮 吸汁之選～～大腸 中意食私心叫燈籠黑糖珍珠奶茶黑糖味香甜，珍珠口感QQ，點了少冰依然大杯燈籠古早滷肉飯 $35 感覺調味可再濃味少少，欣賞有一片片冬菇，滷肉口感都正常台式香蒜腸 $32 切成小片，惹味有油香！燈籠芋見你 $48兩球甜甜芋泥、紫糯米、紅豆蓉、仙草凍、當然唔少得QQ口感芋圓！ 配料層次口感非常豐富！

本人其實不想寫評語, 因為太懶惰亦不想說明太多, 偶爾上載相片已滿足了.但這次我為了這間餐廳真是再用文字來表達它對我的傷害.餐廳評價走不開食材味度, 人員服務和餐廳裝飾. 本人花了 HKD 264 (兩人)午餐, 選擇了滷肉豬扒飯, 鴨賢, 雞翼, 豆腐, 豬耳 和豆腐, 飲品. 坦白這些味度和一般車仔麵味道沒有分別, 如這樣聲稱台灣滷汁就有超出期望, 口感也一般.不知是否新開業, 服務人員可能特多工作量, 服務態度非常惡劣, 所以本人快快用餐完便離開, 這個價錢在該區已有很多各式各樣的餐廳選擇, 這家本人再不考慮再去用膳! 謝謝!

圍板相片勁吸引，終於開業喇！整體味道唔錯㗎！由入門口服務講起。記得自己在門口按掣攞飛。叫枱號個喇叭超大聲。 門口叫飛個中肥姐姐把聲都好大聲。 其實個商場好細，樓頂唔高，咁就嘈史人，似等枱飲茶情況。有枱時，門口職員無比個QR Code我哋， 只畀咗兩個餐牌我哋自己攞住，有人帶你入坐，我哋找人寫單囉，才知道佢哋miss咗個QR Code比我哋自助點餐。2人位比較窄，又無餐具，唯有找職員幫手，點知全場最年長個嬸嬸職員指住話: 隔離枱有。（佢講呢4個字同時出手一指，就插落我個前額處，好彩我無被指甲插傷 (佢唔駛咁衝動嘅)。而佢呢4個字意思，即是要我地自己起身，伸隻手跨過塊膠板係人哋食緊野嘅中間囉餐具? 唔係卦?）我哋當然無咁做，最後佢幫我哋攞咗，仲好懶惰係我左手邊位置叫道: 唔該，唔該 。（原來我無奈貼住膠板坐係阻住佢放餐具，鬼叫個位咁窄咩。真係認唔住出聲: 其實我右邊係上菜位囉🙄！)。 另一個問題，收集用具餐車非常近我，係有點驚嘅，避免回彈用具或餸汁嘛，留意到大部分女職員都好細力放野入去，只有年長嬸嬸和少年男職員比較大力。（示意圖如下）。大部份女職員都好有禮貌，又細細聲，又有先知會客人，希望

上幾個月成為了燈籠滷味的VIP，葵芳站於前幾天正式開業，邀請了VIP們去試菜。老實說，對比起葵廣的餐廳和小吃，筆者覺得價錢有少許高，但菜式的份量也算大份，男士們也夠吃。餐廳採用開放式設計，感覺有點開揚。而且與鄰桌的空間不算十分寛闊。眷村懷舊排骨滷肉飯 - $75Traditional Deep-fried Pork Ribs & Marinated Minced Pork Rice排骨炸得鬆脆可口，伴飯一流。滷肉飯的配菜還有滷肉、粟米、椰菜片等。滷蛋能嚐到淡淡的滷水味，而且雞蛋味也頗為突出。這碗滷肉飯的米粒為短粒米 （Short-grain Rice），米飯口感軟糯。。燈籠滷味 （Lantern Lomei’s Recommendation）📌牛筋肉 （Beef Shank）- $25📌蜂巢牛肚 （Beef Stomach）- $22📌蹄膀 （Pork Hock）- $14📌雞翅膀 （Chicken Wing）- $14有別於潮式的滷味，台式滷味的味道相對較淡，但後勁的香料味充滿著餘韻，能聞到甘草和八角等的香氣。筆者今次最喜愛的滷水配料為牛筋肉，牛筋炆得相當軟腍，令人滿足。而其他的滷水