燈籠滷味 (新都會廣場)

营业中

休息中

今晚同媽咪撐枱腳，我哋揀咗新開嘅台式餐廳—燈籠滷味，上網睇返原來佢哋喺中環、銅鑼灣同旺角都有分店。餐廳座位乾淨企理，有少少台灣夜市風味，好快已經座無虛席。招牌燈籠滷味（水蓮、白蘿蔔、牛筋肉、大腸同鴨胗）$86滷湯味道濃郁，中間帶有陣陣嘅藥材香味，鮮甜回甘，忍唔住飲咗幾啖。我同媽咪都特別鍾意水蓮同大腸，同酸菜一齊食，滋味加倍。人氣蔥抓蛋餅（奶油芋泥、肉鬆、起司） $56哩個好食🤤！餅皮煙韌香口，奶油芋泥清甜香滑，加入惹味肉鬆同從不會令人失望嘅芝士，真係絕配！點都諗唔到哩三樣嘢擺埋一齊味道會咁好。九份經典芋圓伴QQ蕨餅 $46裡面有芋圓、地瓜圓、蕨餅、紅豆🫘、珍珠、黑糖同花奶，全部都係我嘅最愛❤️。珍珠非常煙韌Q彈，加入黑糖真係令人難以抗拒。抹茶蕨餅都好食，清爽香甜，抹茶味清香。凍清新冬瓜仙草檸檬 $31飲品相對無咁出色，冬瓜味唔夠濃，不過仙草就好好味😋。

最近葵芳開了一間新的台灣鹵水小店，今晚我都同爸爸來幫襯一下。呢間餐廳係其他地區都有分店，我都係第一次食呢間餐廳。沒想到平日晚上都如此人山人海，只是七點左右，門口已有多人等位，好熱鬧。餐廳裝修得好有台灣風味，好多燈泡、餐牌，感覺好似置身於台灣夜市之中。我跟爸爸點了幾款食物。首先當然要必點台式鹵肉飯。呢碗鹵肉飯果然色香味俱全。雖然細細碗，但上面既鹵肉同醬汁絕對不少。鹵肉香噴噴，豬肉粒又香又好味，每一啖飯都足夠有鹵肉同醬汁，所以吃起來絕對唔會乾、硬，完全沒有呢種感覺。只會好味到令人不自覺一啖又一啖地食。呢度鹵水都相當有名，有好多款唔同既鹵味、小食可以點選，仲可以配埋麵，款式多元化。但我們就沒有配麵，只點了幾款鹵味當餸食。點了蹄膀、豬大腸、豬耳，呢三款鹵味都好好味。鹵味味道岩岩好，香甜的鹵水汁，而且肉類都醃同炆得相當好食。鹵水汁又唔會令人口渴，味道岩岩好。蹄膀啖啖肉，豬肉腍身，而且仲有滿滿的膠質，正。豬大腸夠曬地道，洗得乾淨，彈牙入味，呢款鹵味好吸引。豬耳爽口好咬口，過下口癮，唔錯唔錯。除了鹵味外，仲點了台式鹽酥雞。呢度既鹽酥雞仲拌隨shake shake海苔粉。把又熱又香既鹽酥雞倒入紙袋中，

葵芳新都會廣場燈籠滷味的裝修加入台灣夜市的特色，令顧客仿如置身於台灣夜市中。食物的選擇有滷味、飯、麵、小吃、台式飲品等等…我們今次2個人叫了紅燒牛筋肉滷肉飯、 麻辣鴨血野菜冬粉、花生醬火腿起司及台味奶茶。奶茶沒有奶茶的質感，只是有奶茶味的水; 起司的花西醬也太甜，甜到吃不出其他饀料的味道。滷肉飯的牛筋肉又腍又美味，大大碗好夠食。鴨血夠煙韌彈牙，可惜實在太辣，鴨血及冬粉(粉絲)染滿辣椒油，食到噴火。

好耐前有youtuber介紹過呢間，咁啱又滷水癮癮起，一於食下。平日晚都多人，好彩等枱都唔算好耐，就可安排入座。幾得意喎，有啲似車仔麵模式，揀餸揀麵底，或者淨餸也可。我要左蹄膀、雞翼、蘿白、大腸，加個王子麵。 可能王子麵好索湯，我點了多湯都仍然很少湯。蘿蔔好清甜，索左湯汁，更添層次，好好食。雞翼同大腸都不錯，大腸冇臭味，加分。可惜蹄膀有點乾鞋。葱抓蛋餅有芋泥、起司和肉鬆。份量好足，好飽肚。起司和肉鬆都好出色，芋泥的芋頭味就正常，加了糖所以有些甜。牛荕肉滷肉飯我很喜歡。午肉軟淋入味，而滷肉飯調味啱我口味，而且這家你滷肉不肥，感覺健康一些。吃得飽飽出嚟,價錢又唔算貴，都可以再食。

等左三年，仲未可以去台灣旅行🥹心思思好想食台灣地道野～點知有日朋友同我講燈籠滷味係葵芳開左！好近office所以放工即刻去食🤩7點鐘去到都幾多人下，勝在鋪位幾大，好快就可以坐底👍🏻💎 $78 台灣紅燒牛筋肉滷肉飯有五大片牛筋肉，仲要係厚架筋同肉既比例適中滷肉撈飯係一流大大碗如果我一個人食可能食唔曬🙈.💎 $56 人氣蔥抓蛋餅（奶油芋泥、肉鬆、起司）蛋餅皮本身煎到脆身入面包住甜甜地既芋泥+咸咸地既肉鬆同起司，超好食一咬落去就有好滿足既感覺🥰.💎 $48 Shake Shake 海苔鹽酥雞上台時係有埋一盒海苔粉同埋shake shake袋有得自己shake幾有趣😆鹽酥雞唔會好鹹，撈埋海苔粉就岩岩好熱辣辣咁好香口🤤.💎 $31 清新冬瓜仙草檸檬有青檸～酸酸甜甜幾開胃😋冬瓜又係清熱既所以唔怕熱氣👍🏻仙草份量有成三分之一杯咁多～.💎 $48 燈籠芋見你勁足料碗底有齊芋圓、地瓜圓、仙草、紅豆，紫米仲有兩大球芋泥🫶🏻上面撒左啲燕麥都幾夾！呢到係用QR code落單，記得係落甜品個陣揀「叫起」，就可以甜品後上架啦😏.餐牌上既兩款甜品都係限量供應本身兩款都想試曬佢但係九份經典芋圓伴QQ蕨餅已經賣曬😭大家

除日本外，台灣可算是第三故鄉，濶別了三年，好掛住台菜；台式火鍋就唔難揾，街頭小食就極罕見！同事話新都會有間台式滷味，一於尋味葵芳！店面是開放式，格局極像台灣夜市，好感動呀！睇埋菜牌，原來搬咗個滷水檔過嚟，一於食個夠本！先來碗台式滷味，基本上有手指公嘅都有叫，另加雞翼同烏龍麵上桌大大碗，琳瑯滿目，不見麵只見餸；滷水香氣撲鼻，第一時間呷啖滷汁，醇厚芳香、不鹹不膩，應該是浸熟過極多食材，所以充滿肉香，忍不住再呷多兩啖！各樣配料均十分出色，入味得嚟唔過鹹、軟淋得嚟唔會散、也不會靱，雞翼、鴨胗相對易處理嘅，好味唔在講，最愛佢嘅豬大腸，夠淋夠入味，肥瘦適中，超正！仲有勁推介白蘿蔔，見到顏色便知其入味，索哂滷汁、入口即化、清甜得嚟又帶點鹹香，雖則坊間有相同口感嘅蘿蔔，但大多數用清水煮，淋甜得來冇尼味道，呢度嘅係超級好食，不可不試！滷蛋煮得啱啱好，流心富蛋香，加埋滷水汁，絕配！麻辣鴨血粉絲係我嘅至愛，鴨血爽滑入味，粉絲口感就非常爽彈，兩樣都吸收咗麻辣醬汁，香濃小麻辣非常之好味！鹽酥雞脆醬薄薄、炸得又夠透，勁脆口夾好食！內裏雞肉嫩嫩的，𡁻得出有肉汁，越𡁻越好味！黑糖珍珠奶茶，茶香夾滑、珍珠甜夾煙靱、奶味

之前去台灣旅行最鍾意喺夜市食吓滷味,貪佢選擇夠多,自己鍾意食咩配搭都得。之前一向都有喺朗豪坊食開燈籠滷味,但係原來新都會廣場都開咗分店,見佢難得唔使排隊就食返個lunch。嚟到當然要食佢哋招牌嘅滷味啦,我就揀咗牛筋肉,白蘿蔔,甜不辣同經典嘅台灣王子麵。幾款配料都滷得入晒味,牛筋肉入口軟淋,白蘿蔔清甜得嚟仲要冇根,必食。見到隔籬枱食緊人氣蔥蛋手抓餅好似幾吸引所以忍唔住都嗌咗個試吓,我就揀咗奶油芋泥,肉鬆,芝士嘅配搭,手抓餅煎得香脆,內裏嘅芋泥同埋肉鬆餡料一D都唔孤寒,不過略嫌芋泥甜咗少少。眷村懷舊排骨滷肉飯上枱嗰陣時真係俾佢嚇親,因為都幾大碗,除咗有大大塊嘅排骨同滷肉之外,配料仲有椰菜,粟米,半隻滷水蛋同酸菜。

燈籠滷味台灣滷味餐廳裝修佈滿台灣夜市風味，自己掃QR code 落單，方便快捷✔️🔸大腸+雞胗+王子麵滷味自由組合配搭，每款$11-$25不等….我當然點左最愛嘅王子麵喇🤭每逢去台灣必食推介🔸古早滷肉飯（小碗）$35我個人認為比較一般，滷肉比較硬身，不夠淋身，切得比較大粒（真係粒粒分明😂）🔸芋泥肉鬆蔥抓蛋餅$56 配料有奶油芋泥、肉鬆、起司蛋餅外層香脆，勁厚嘅芋泥配搭肉鬆，口感出乎預期好味（起初以為會好奇怪配搭）🔸大甲濃厚香芋鮮奶（砂冰）$35 比較淡味，香芋味不夠濃厚推薦指數：🍚🍚🍚/5 燈籠滷味（葵芳店）📍葵芳新都會廣場一樓181號鋪#foodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #香港飲飲食食

燈籠滷味源於台灣師大夜市，跟香港車仔麵概念好似，最鍾意叫唔同配料食，好滿足。最近附近開了分店，晚市長期爆滿，加上好掛住台灣滷味既味道，吸引我專程黎試下燈籠滷味。店舖採用開放式設計，燈光足夠，上菜速度都非常快。人氣蔥抓蛋餅配料有奶油芋泥、肉鬆、起司外層用上手抓餅，口感鬆脆，跟平常吃到的軟糯台式蛋餅又有不一樣感覺，餅上加上醬汁更惹味。芋泥同芋頭粒份量都超多，大概佔了7成空間，甜度都適中。整體口感一流!台灣紅燒牛筋肉滷肉飯牛筋肉偏淋又入味，配上滷肉飯是不會失準的經典口味招牌燈籠滷味每款配料價錢相宜，忍唔住每樣都想叫少少。個人推介鴨珍、大腸、豬耳朵、百頁豆腐同冬粉。全部滷味都好入味，最好就配埋清甜既白蘿蔔平衡返。

平時放工想食得平平地又好味，今日同大家介紹燈籠滷味呢間餐廳。除左口味大眾化外。佢地既滷汁更系由台灣直送。唔似潮州式那麼鹹鹹的。餐廳的裝修滿有台灣夜市風味，牆上掛左大字餐牌，五顏六色，真係令人回味。以掃QR code落單，數分鐘內就會送到，高效率!!打卡位之一Shake shake海苔鹽酥雞(人氣之選) $48每粒鹽酥雞都沾有滿了海苔粉，唔乾身又嫩滑，唔似預製或番炸嗰啲。的確惹味。奶油芋泥，肉鬆，起司…$56除左起多餡料，一大嚿幼滑既芋泥混埋D肉鬆，入口夾得好好！甜鹹度適中。唔似街外舖頭一味得果甜。蛋餅冇咩空心位，餡料十足!!滷味拼盤（牛肚、大腸、牛筋肉）$75滷水質素味道正宗香濃，必試蜂巢形牛肚，超入味兼勁夠淋。有酸菜同蔥花配埋個白飯食一流!!麻辣鴨血野菜冬粉$52歸類為小食，冬粉麵份量足夠一人份量。鴨血有四～五大件，入口已經有一陣麻辣味，搞到我標眼水。鴨血唔鬆散又彈牙, 食落都幾醒胃。

墟冚都不得了。12點半未夠，已經入座七成，並且開始有人流蜂擁而至，有外賣有等位。限時60分鐘。二人枱面均比較的式，自助手機落單，坐嘅89號比較適合一人，因為其中一張凳背靠電製醬料櫃，耐不耐就有侍應店長嚟攞嘢開櫃門，開櫃門多數會撞到椅背，相當不勝其煩。寧舍有選擇係$38「燈籠古早滷肉飯（小碗）」，size係平時住家飯碗白飯咁大，滷肉（東坡肉碎）肥瘦參半，預咗要自己加餸。牆上貼住仲係試業階段，選擇唔多，揀咗個另類送飯選擇——「奶油芋泥、肉鬆、起司之人氣蔥抓蛋餅」$56。覺得面頭浸章魚小丸子醬可以撇走，唔夾，蛋捲嘅餡料味道已夠豐富：鹹肉鬆、厚重夾滑甜芋泥，芝士下手不重，味反倒比蛋淡。飲品冇跟餐就有輕微乸脷。「（熱）清新冬瓜鮮草檸檬」單點盛惠$28。杯係某些茶記用嗰種半漏斗型熱飲杯，檸檬係台灣青檸，冇篤過都好夠檸檬味，可能加咗檸汁打底。仙草作為熱飲都唔怪異，以為會半溶其實依然呈塊狀。

今晚同老公約了朋友去葵芳燈籠滷味食晚餐 因未齊人 所以未能即時入座 不過職員都有禮貌提醒我齊人時到我的入座號碼下1張枱才俾我入座 齊人後都好快安排到入座 我叫了牛肚貢丸牛腩滷味 味道吾錯 有葯材味 我老公叫了鴨胗豬耳朵百頁豆腐米血糕冬粉 我老公話滷味略咸 但配冬粉啱啱好 好似台灣食到的味道 我朋友就喜歡芋泥蛋餅 甜甜地 芋泥味道好 另外職員服務一流 我吾知水蓮係乜 職員解釋似通菜 問其他食物問題 職員都知道 耐心解釋 客人離開時職員都會提醒客人拎齊野 一定會多謝客人 下次會再去 再試下其他食物好吾好吃

其他分店開咗好耐、成日都想去試，今次終於去咗試新店。 碗麵唔錯，餸都好入味，店員有禮，價錢稍貴，建議飲品可給予優惠價加配。餸的選擇略嫌少，餸的價錢偏貴，建議加多幾款麵，如闊薯粉。

燈籠滷味終於開到嚟葵芳喇！聽講係一間好地道嘅台灣店，所以今次一於決定嚟試吓！唔係講笑，咩都門口已經見到大排長龍，朋友真係要早少少嚟等位呀😀見到呢個餐牌，真係好懷念台灣夜市嘅感覺，香港人咁耐冇去台灣，冇理由唔試吓！呢一種裝修，絕對係台灣街頭必見嘅裝修，真係回憶的味道呀話明台灣夜市，當然要試吓蛋餅啦，呢度嘅人氣蔥抓蛋餅有幾種餡料，奶油芋泥、肉鬆、起司呢三種加埋都好獨特，混合起嚟口感一流！夾開見到入邊餡料真係好充足，大大嚿芋泥配合埋肉鬆，真係好香口，再加埋拉芝，入口即溶！主菜來了，今次就試咗台灣紅燒牛筋肉鹵肉飯。牛筋肉半肥瘦，而且仲炆到好淋，加埋有鹵蛋，真係好夠份量呀！而且滷肉拌飯都真係一流，鍾意食台灣滷肉飯嘅真係唔好錯過而另一個主席就揀咗自選配料加面，自選配料真係好似車仔麵咁，想食咩就點咩，啱晒樣樣想食嘅朋友不得不推介佢哋嘅豬手，因為真係炆到好淋好入味而麵質都好淋，我哋就揀咗王子麵，鍾意食台灣麵嘅朋友一定識欣賞！食台灣嘢點可以唔食飲台式飲品，可以揀半糖少冰，真係任君選擇！

在中環食過燈籠滷味, 最近在葵芳新都會廣場都開了分店, 面積沒有中環分店那麼大, 勝在商場舖, 交通又方便。餐廳主打滷味和台式餐飲美食, 食客都幾多。麻辣鴨血野菜冬粉麻辣度適中, 鴨血都幾香滑, 冬粉吸收麻辣汁黃鴨血精華, 透明得嚟又彈牙, 食落都幾醒胃。眷村懷舊排骨滷肉飯排骨其實是豬扒, 炸得幾香脆, 滷肉嘅鹵水汁調配得唔錯, 滷得幾入味, 飯嘅份量都唔少, 吃到正宗台式滷肉飯嘅風味。甘梅香脆地瓜條地瓜條炸修真係好香脆, 地瓜夠曬香甜, 外面有些甘梅粉, 惹味又開胃, 吃多點都不會覺得油膩。燈籠黑糖珍珠奶茶正宗台式珍珠奶茶, 珍珠軟熟夠彈牙, 甜度啱啱好, 冰凍解渴。九份經典芋圓伴QQ蕨餅呢個甜品幾好味, 軟滑芋圓和蕨餅煙韌又彈牙, 夠曬滿足。#燈籠滷味 #台灣菜 #葵芳區 #鴨血冬粉 #排骨鹵肉飯 #香脆地瓜條 #芋圓蕨餅 #珍珠奶茶 #hkfoodie #foodporn #hkfoodblog #foodies #foodiehk #instafood #hkfoodporn #foodblogger