燈籠滷味 (朗豪坊)

营业中

休息中

台灣過江龍燈籠滷味最近新開咗朗豪坊分店，有朋友食過話幾好，今日同朋友去上海街睇燈，睇完就順便去買外賣返屋企同另一半試下🥰店舖位於四樓Food Court中間，台灣夜市風格，掛上中國色彩嘅燈籠，好襯店舖嘅名燈籠滷味😄我點咗三款地道小吃同一碗糖水😄惹味塔香鹽酥雞炸粉薄身唔厚，雞肉唔太乾身，有二十粒左右，配椒鹽香口惹味😋板橋夜市蚵仔酥蚵仔大粒飽滿，都有十幾粒，炸到金黄香脆，雖然外賣要隔咗一陣先食，都仍然脆身有鮮味，現場食會更加好👍人氣爆漿葱抓芋泥肉鬆蛋餅蛋餅餅皮夾雜好香葱味，芋泥肉鬆餡料爆滿，芋泥甜，肉鬆鹹，原來味道都幾夾，越食越好食🤩糖水燈籠芋見你夠哂足料，有芋圓、仙草、紅豆、紫米、燕麥、黑糖、花奶同一個單球雪糕大嘅芋泥，芋圓煙韌彈牙，又食到粒粒紅豆，雖然偏甜咗少少，對甜品控嘅我，都俾💯😆

燈籠滷味喺旺角開分店，想食好耐，今日終於有機會經過😅 可惜已過6點，冇得堂食，唯有買外賣🙈🙈唔係太肚餓所以揀咗地道夜市小食，重拾夜遊台北夜市嘅感覺😌 買咗”人氣爆漿葱抓蛋餅”($48) 口味揀咗芋泥肉鬆，另+$6加咗芝士😋😋返到屋企再加熱返，表面香脆，口感帶點煙靭👍🏻 芋泥同肉鬆呢種鹹甜交錯，再加上芝士拉絲實在係一大絕配！可惜芋泥過甜而缺乏芋香😔 令到整個蛋餅只充滿甜味，如果能減甜就完美了！

燈籠滷味終於開到九龍啦，還要開到旺角朗豪坊，超方便啊! 跟銅鑼灣店比較，環境更加闊落舒服，裝修更有台灣的感覺。因為晚市沒有堂食關係，唯有外賣返屋企滿足一下。滷味選擇多達三十多款，食材及滷湯都是由台灣直送，滷湯用上十多種藥材熬煮，所有食落會有陣陣藥材味，滷味是即叫即滷的。我點了幾款的滷味都是比較特別，而且限量供應的。有肝連，鴨胗，水蓮，大豆皮，鴨血配冬粉。肝連肉是豬肝旁邊的橫隔膜，口感帶筋有嚼勁的，鴨胗是鴨胃，外貌跟口感都很似鴨腎的。鴨血是近來大熱是必點的。來自台灣的水蓮口感爽脆。大豆皮似炸腐皮，吸滿滷汁更加好味。冬粉便是粉絲，比較容易索汁，Q彈有嚼感。蛋餅都是餐廳的人氣，只有芋泥肉鬆及花了生醬火腿的選擇，$48 的大大份芋泥肉鬆，有甜甜的爆醬芋蓉配上咸咸的肉鬆芝士，咸咸甜甜，幾特別，十分飽肚。鹽酥雞($46)炸得香酥不油膩，略厭肉質有點乾身。細份的古早滷肉飯($34)已足夠女士們，滷肉飯肥美的豬肉加上香濃的醬汁很惹味。

💕呢日黎到朗豪坊搵食，見到呢間燈籠滷味係台灣過江龍仲要做緊試業午餐優惠，網上又咁多好評，就好期待咁去左試啦！✨試業午餐B配無糖茉香綠茶 💰$71整體黎講，d汁完全冇香味只有一種味就係咸味，食食下就會完全冇意欲再食落去，成碗麵個樣好豐盛但係個味就好單調，最後我都冇食哂碗野就走左！而杯綠茶就唔錯嘅！

台灣過江龍終於嚟到香港啦，呢間燈籠滷味開係喺台北師大夜市，每日都有好多人排隊，而家過唔到去台灣，唯有喺旺角回憶下先。店舖位於朗豪坊中層位置，門口有人排隊，我同朋友唔想等一於叫外賣拎返屋企慢慢食。滷肉飯秉承台灣的傳統，細細碗，豬肉肥瘦均勻，醬油味道濃厚，配以台灣米的軟熟，絕對誠意十足。通菜/豬耳/王子麵加底豬耳等滷味長時間燉煮過，已經10分入味，而且味道濃郁，配上台灣的王子麵，恍如台灣的味道。鹽酥雞炸皮薄身，配上九層塔一齊炸，唔會話好油膩，即使回到家中有少許冷卻亦冇影響味道，推薦！

一想起台灣,就會想到數之不盡的平民街頭小食,牛肉麵、蛋餅、魯肉飯、台灣腸、珍珠奶茶、多不勝數,友人告知近日在朗豪坊開咗間台灣人氣店,一於去朝聖下,但由於疫情關係只好買外賣回家食。芋泥肉鬆蔥抓蛋餅蛋餅是即叫即製拎到返屋企仲熱熱地,一開盒見賣相唔錯。蔥抓蛋餅皮薄餡料足,加埋滿滿嘅芋泥和肉鬆,份量多到爆出嚟,再切成一件件,令口感層次豐富板橋夜市蚵仔酥 $52鮮炸蚵仔酥,粒粒蚵仔飽滿鮮甜,炸得金黃香脆,口感酥酥惹味甘梅香脆地瓜條 $34地瓜條很香口,炸得啱啱好,完全不會油,配上話梅粉,好開胃金黃糖心滷鴨蛋 $18金黃半黏滑而部份蛋白亦有半熟狀態,好有蛋香味燈籠芋見你 $48呢碗甜品中間放有一球頗大的芋泥,食落好香好濃郁紫薯味,配料有芋圓、紫米、燕麥、仙草及紅豆,芋圓口感煙韌,材料豐富

5:08pm去到，女職員無話要人前先入得坐。反而第一句就話，我地5:30pm都截單架啦，你睇下點啦。女職員出黎收去排隊個條stand，一直無回應過入唔入得。多人食就可以咁串，真係第一次見。

第1次來吃，見到電視介紹好吸引原來台灣滷味變得不一樣，即叫即製像港式車仔麵店內裝修很漂亮，很多台灣標誌……好有夜市感覺超多人排隊，決定買回公司吃……我選了4樣外賣麻煩鴨血冬粉冬粉煙韌彈牙辣到跳舞，果然台灣風味，完全吃到台灣感覺味道。麻辣香滷豬耳仔爽脆惹味必選的麻辣香滷鴨珍(內臟)很喜歡入口軟綿綿，膽固醇完全不擔心感覺麻辣味道新陳代謝都快些堅流心，我拿回公司有一半流在膠盒底超可惜黃金糖心滷鴨蛋雪櫃見到有自家製冷泡茶冷泡四季春冷泡桂花烏龍冷泡白桃烏龍如果下次有位，好想坐下慢慢食慢慢影

係幾個月前行過朗豪坊見到有間餐廳圍左版 原來係幾出名既台灣野 未開已經想試 等左個幾月 係12月佢開左喇 佢新開聽講日日都要排隊 但未去到話好多人排 排一陣就入得 唔會話要等好耐 我地咁岩出開旺角又諗唔到食乜 咁岩又想試呢間 又唔太肚餓 只係想食少少野 佢又幾多小食 唔洗一定要叫Main黎食 我地大約晏晝5點鐘去到 已經有人排梗隊 大約有3枱人係我地前面 等左一陣好快就入得 餐廳都幾大 好多位 我地叫左四樣野 三個小食一個糖水 叫左個滷味 揀左豬耳 芋絲同甜不辣 個湯幾濃味 食落好入味 唔錯台式香蒜腸 每次食親台灣野都一定會叫既台灣腸 同平時食開既味道一模一樣 好好食人氣爆漿葱抓蛋餅 呢個又係每次食親台灣野都會叫 我見好多枱都有叫 應該都係呢間餐廳必食既野 我地揀左芋泥肉鬆 呢兩樣野又係超夾 好好味 一份有六舊 每舊入面都好足料 每人食三舊岩岩好 唔會話好漏 最後仲叫左個糖水 燈籠芋見你 係凍既芋圓糖水 佢一碗入面有晒仙草 紅豆 紫米 芋泥 芋圓 個底既糖水係黑糖 呢幾樣野mix埋又係好夾好好味我同朋友都覺得呢幾樣野都好好食 有機會會再黎試下其他野

💓最近晚市冇得堂食 淨係可以晏晝出街食飯大大減低左試新餐廳嘅慾望😞咁岩呢間係好耐之前已經想食 又有午市套餐一於久違地出去食飯🙂-呢間燈籠滷味係台北既師大夜市開過黎香港主打台灣原汁風味滷味 旺角店試業期間提供約五款午餐 另外可以加配滷味、台式小食-今次叫咗兩款午餐 一碗係鵝油香蔥雞肉滷肉飯另一碗係豬耳朵大腸花枝丸空心菜白蘿蔔王子麵再加配左鴨血同甜不辣 聽落都已經覺得好多餸🤣-先講滷味部份 滷水味道係偏甜帶啲鹹香 食落幾香豬耳朵同大腸切得幾大塊 口感唔錯非常入味😋第一次食唔係麻辣口味嘅鴨血 整得都幾好味花枝丸、甜不辣、空心菜就正常水平冇咩特別唯一係白蘿蔔好多渣 食咗一舊就唔想食 要改善下🥲推介大家叫香港比較少食到嘅王子麵 更加有台式風味-鵝油香蔥雞肉滷肉飯 整個飯都充滿鵝香雞肉嫩滑 但份量有啲少 幸好有幾片台式香腸搭救滷肉肥肉偏多配埋鵝油 略嫌有啲油膩滷水溏心蛋冇乜蛋香 比較普通小食鹽酥雞炸皮比較厚 雞肉小鞋 味道不太好飲品台式奶茶味道有啲淡 但唔會好甜都還好我哋食完都覺得整體水平有啲飄忽建議大家去到都係食返滷味會穩陣啲！

外賣,食咗$63，最低消費$50王子麵同合味道杯麵質地差唔多。鹽酥雞比其他店咸，但意外地幾好食，有驚喜。其他配料正正常常，撈埋麵底個汁幾惹味。不過除咗個雞，碗麵真係自己都整到，唔係咩手工野，食其他材料會抵d。

朗豪坊新開台灣麵店小妹又同朋友去棒場，燈籠滷味應該都係主打滷味，所以我們各先都點了滷味麵。這裡裝修好台灣風，未能坐飛機去台灣來這裡都可以止止咳。🥢鵝油香蔥雞肉滷肉飯 $75🥢豬耳、大腸、花枝丸、空心菜、白蘿蔔稻庭烏冬 $71台灣滷水我一直都好喜歡，花椒八角桂皮香料份量剛好不會太濃，全都非常入味，不過滷肉飯的滷汁就太小了。我最欣賞的是糖心滷水蛋。😋🍵無糖苿莉綠茶清香綠茶味凍凍地非常解渴。🥢追加鴨血 $14精美到不得了！鴨血味道是不錯的算是軟滑。有趣點餐紙

comment黎講，味道一般，食物份量太少。滷水芋絲， ＄11得3舊芋絲bb, 我差d想放生佢。成碗滷水烏冬感覺似去肥姐買完一串生腸加墨魚， 加個烏冬底配滷水汁咁囉， 好彩烏冬加左底， 滷水味就冇乜特別，老實就唔會再試。＄52蚵仔酥，都有十零粒炸蚵仔嘅， 一人份加杯野飲百幾蚊， 自己睇住叫囉～裝修就靚嘅，朗豪坊都唔會差嘅，可惜我係外賣總括黎講係有d失望， 餓得滯冇影相， 希望寫左出黎下次其他人唔會中伏。

實在太耐冇去旅行啦超級掛住台灣近近地朗豪坊新開台灣野即刻約朋友試吓先實在太心急啦我哋去咗食早餐先😛✨✨✨✨✨✨✨✨✨✨✨✨✨✨✨✨✨✨手工芋泥肉鬆蔥抓蛋餅----超讚🤩賣相已經好吸引一試就覺得冇揀錯蔥抓蛋餅嘅外皮非常鬆脆入面有滿滿嘅芋泥同埋肉鬆芋泥味道偏甜但係加埋肉鬆就味道啱啱好成個配合再加埋少少嘅醬汁非常完美沙茶綜合羹虱目魚丸新竹米粉----有台灣風味😋呢個餐係配太陽蛋及美乃滋吐司台灣嘅新竹米粉比較幼細少少佢有滿滿嘅沙茶綜合羹嘅醬汁味道唔會太咸食落嘅感覺有少少似食大腸麵線嘅質感虱目魚丸有長條型同埋原形兩個味道一樣唔太重魚味不過整體感覺都有台灣風味台灣擔仔麵----一般😃配太陽蛋及美乃滋吐司呢個就普通啲啦麵上面有少少滷肉同埋貢丸仲有半隻糖心蛋唔係唔好食嘅不過就一般囉但係值得一提嘅係佢嘅吐司佢個美乃滋有少少檸檬味好似檸檬果jam咁配啱啱烘嘅脆脆多士非常夾非常好味紅茶豆乳----不錯☺️平時都係飲開原味豆漿今次見到佢有紅茶豆乳一於試吓先有驚喜呀有濃郁嘅紅茶味不過豆漿味就唔係好出但係整體都幾好味呀✨✨✨✨✨✨✨✨✨✨✨✨✨✨✨✨✨✨只係食早餐都咁好味下次要再試埋佢嘅午餐食埋佢真正嘅滷味🤤🤤

燈籠滷味係台灣相當著名的夜市美食之一，今次難得到香港開分店，當然要去試一試。由於晚市限堂食的關係，所以要把食物外賣回家。先點了入鹽酥雞，價錢為$20，份量而言已是相當超值，而且炸雞相當酥脆，更加上九層香等的香料味道，作為伴菜及前菜已是相當開胃。然後是主打的滷味，食客可自由配搭所選的食材，避免浪費，更可針對個人化的喜好，我則選了王子麵，蘿蔔，豬耳，甜不辣，全是我最愛的食物。最值得一提的是蘿蔔滷得相當入味，而且已經很軟，所以幾乎一咬即開。王子麵更是台灣的名物，一食已經是情懷的味道，麵質剛好，不會時間過長導致過軟。最後是跟餐的酸菜，味道食到單一時，可用於轉轉味道，此細心位相當加分。加上配菜飲品等，人均消費約$100，不錯。