燈籠滷味 (朗豪坊)

营业中

休息中

今日行過朗豪坊，見到這間店，專賣台式滷味，其實本人從來都沒有吃過台式滷味，見到這個好像新開無耐，環境很有台灣特色，地方尚算寛敝，但因疫情關係，都不想太多堂食，二來都想買一些回家給家人分享。不如買一些回家試下，因為我第一次吃，沒有什麼頭緒，這裡的店員很好，逐樣介紹給我，雖然這裡有麵吃，但我一心只想試下這裡的滷味，所以只是朝著滷味的項目去看。經一番考慮，選了六款滷味，還可以用便宜價錢選了兩款小吃，再加了人氣的蛋餅和地瓜條回家，買了咁多都不用二百蚊，很划算！金黃糖心滷鴨蛋用鴨蛋做流心蛋，裡面的蛋黃流心不特止，隻蛋咸咸地，鴨蛋的蛋白通常都比雞蛋實一些，但這裡做的滷水鴨蛋很軟熟，吃上去咸咸地又軟軟地，又流心，個感覺很爽，正！甘梅香脆地瓜條，份量很多，表面炸得香香脆脆，內裡軟腍腍，味道香甜，很有地瓜味道，因為他們切得大大條，所以很有口感，很滿足！麻辣香滷豬耳朵，裡面的麻香樸鼻，豬耳朵爽脆，加入麻辣，麻香加辣辣的很匹配，令我一吃再吃！人氣爆漿蔥抓蛋餅 (芋泥肉鬆+玉米)是甜食的，裡面有很多芋泥，香肉鬆，我還額外加錢加了玉米，加了玉米份開有另一種香味，蛋餅很大份，廚師將它分成六份，每一份都很平均地舖滿

一直無機會去銅鑼灣店而拖到九龍分店開幕試業期間都要排隊，果然有點人氣不過人龍都去得好快，等不久就被安排入座除咗招牌燈籠滷味、亦有不少小食、飯類、台式飲品同甜品款式都幾多，值得再黎冷泡白桃烏龍（左）台式直送蘋果西打（右）有冷泡茶呢個選擇幾好可以為食物解膩豬耳朵、白蘿蔔、米血糕配王子麵豬耳朵同白蘿蔔滷得入味，唔會太咸豬耳朵保持爽口口感，白蘿蔔亦沒有根，下次再食必點第一次食米血糕，不太煙韌相反比較飽肚王子麵十分吸汁吸晒滷味嘅精華，麵條較幼身，不知不覺就吃完一整個從相片可睇得出滷味嘅份量絕不孤寒！幾抵食人氣爆漿蒽抓蛋餅（芋泥肉鬆）用蔥抓餅皮比較飽，不過綿密又甜的芋泥配上分量十足嘅肉鬆，一鹹一甜好夾燈籠遇見你芋圓、紅豆、仙草、芋泥、紫米、黑糖... 配料十足！略嫌偏甜咗少少，不過整體係唔差嘅

經過朗豪坊見有條人龍排緊新食店，就去八掛下啦，見到原來係我中意嘅台式餐廳，就吸左去條隊喇😗入到去聽住店員親切友善嘅國語，加上播放緊周杰倫、五月天嘅歌，感覺已經好台灣了😭餐牌選擇唔算多，有三款麵餐，設計好嘅滷味搭配、相信有菜有肉係經過悉心安排嘅，因為食落就知全滷味的話會好膩，本來想試滷肉飯，但賣晒。滷味麵餐其實有啲似車仔麵，除左設定餸，可以另加其他滷味，我今次食嘅有豬耳，豬腳肉，花枝丸，白蘿蔔同空心菜，粉麵可以自選（粉絲、烏冬、粗麵、撈麵⋯）眼見價錢有啲啲貴，但食物黎到又覺得佢係值得，大碗又足料，最緊要係台味十足😍😍😍另外仲加左$30蚊可以點埋小食鹽酥雞同地瓜條，加杯冰凍茉莉綠茶，好滿足。

燈籠滷味靈魂在於湯底，如果連最基本嘅嘢都做得唔好，我仲記得第一次去銅鑼灣食好有嗰種桂皮八個嘅味道，湯底亦都唔鹹，不過份量就少啲，仲要排隊等咗差不多一小時，湯底超鹹無藥材味，我哋食咗45分鐘左右，都已經離開因為真係太多人排隊，問佢攞杯水，個杯裏面仲要好多塵，令我太失望，唔會再去幫襯，仲衰嗰啲車仔麵，希望佢真係會改善，叫咗個芋泥肉鬆手抓餅，仲有一個係花生醬火腿手抓餅我都想試，但由於因為得兩個人食唔到咁多嘢，但係忘記了影相，我覺得個芋泥甜度可以減少，應該會好食啲~

好多朋友都有介紹過燈籠滷味，但係之前得一間喺銅鑼灣嘅分店冇乜機會試到，而家終於喺九龍開咗分店啦❣️燈籠滷味新開張期間推出咗試業午餐，配料已經選好配搭，我地就揀咗兩款唔同套餐，麵底就揀咗台灣王子麵。-🍜蹄膀+雞翅膀+甜不辣+高麗菜+木耳+王子麵王子麵我今次係第一次食，其實就係比較冧嘅即食麵，味道較鹹，果然係台灣地道嘅味道😂 配料方面，雞翅膀有兩大隻，但係唔太入味🤓 甜不辣份量就幾多，煙煙韌韌幾有咬口，唔錯唔錯👍🏻 其他蔬菜就正正常常不過不失，份量都足料。亮點竟然係免費續加嘅酸菜❣️酸菜味道剛剛好，唔會太鹹或者太酸，撈埋麵一齊食真係一流😋 雖然可以免費續加，但係每次比嘅份量都只係一細碟，希望可以每次俾多d唔使成日麻煩店員啦😂-🍜豬耳朵+大腸+花枝丸+空心菜+白蘿蔔+王子麵雖然呢個套餐係包埋大腸，但係朋友本身唔食，所以就走咗大腸。豬耳朵同花枝丸份量都幾多，但味道都係不過不失咁。其實成碗麵滷水味唔係太出，可能因為我對滷味嘅印象都係潮州滷味嗰種濃郁嘅味道，台灣滷味味道就比較淡啦🤔-另外飲品方面，午市套餐仲包一杯無糖茉香綠茶🍵 或者可加錢轉其他飲料。無糖茉香綠茶飲落同普通香片差唔多，加錢叫嘅台味奶茶就

朗豪坊新開的台式餐廳，仍在試業階段，今天我們就來試下試業早餐。看餐單並不便宜，早餐價錢可以在普通餐廳食個晏，不過吃得港式多也想轉下口味。自劃早餐紙點餐，清晰便利。有六款餐食和飲品可選。餐飲也甚是台式飲料店的風格，可選半糖，無糖，半冰，無冰等我們两人，各選一種共享。沙茶綜合羹虱目魚丸新竹米粉配太陽蛋及美奶滋吐司跟咖啡。另一款是手工竽泥肉鬆葱抓蛋餅跟台式奶茶。沙茶綜合羹虱目魚丸新竹米粉上枱了，熱騰騰－小碗，羹是糊糊的，味道不算濃郁，虱目魚丸細細粒味鮮甜，新竹米粉，粉幼口感滑。太陽蛋的蛋汁充盈飽滿，吐司顏色焦黄，面層塗上美味煉奶，吃下去真是甜滋滋。咖啡濃度也合我口胃。蛋餅也是我們到台灣常吃的食物，這款蛋餅用上竽泥肉鬆做餡，吃到鹹甜融合的口感，竽泥夠軟綿，整條蛋餅酥香好吃。台式奶茶也喝到了台灣飲料特有風味。餐廳環境全部是台式設計，座在裏面吃著台式食品，我們好像去了台灣呢。