熾工房 (已結業)

山長水遠到長洲 一定要吃到飽！😂作為專業吃貨事前已做足功課想好吃的路線😂熾工房是小編一位長洲朋友推介的雖然當天已經很飽 都決心要試！小編點的是D餐($48)- 滋味雞翼(單骨) x 10件- 薯條- 小支樽裝水(可配汽水)雞翼本來不抱什麼期望以為是CP雪藏雞翼翻熱😂想不到！熾工房出品的雞翼肉嫩超級多肉汁！解凍好沒有雪味又不油！調味很淡 吃出雞翼原味薯條是粗薯條來的提供的他他醬(?)很搭店家貼心地也有提供茄汁

歡樂時光過得特別快，入去長洲玩咗陣，咁快就到3點3，又係下午茶時間了。Lunch只係食咗cake嘅我哋都feel到有啲肚餓，於是係橫街窄巷周圍轉，睇下有咩好食。就係呢個時候見到呢間熾工房，見到啲炸雞薯條就不自覺地吸引咗我哋入去食了。我哋度咗好耐，最終點了蒜香檸檬燒雞套餐，聽個名就覺得好正，之後加3蚊將薯條轉成細蘑菇飯，再點個墨西哥辣肉醬薯條，大家齊齊share食。本來係比炸雞吸引咗入嚟食，但係餐牌上見到呢個蒜香檸檬燒雞就即刻轉軑。啲雞係即叫即整，所以都等咗一陣，熱辣辣揸係手聞落好香蒜味，咬落肉質好juice又好滑，有淡淡的檸檬味，令雞肉變得好flesh，呢個組合認真好食。呢個蘑菇飯我覺得超好食，蘑菇超多，個汁好creamy，仲有好香濃的蘑菇味，雙重蘑菇感受。而且啲汁多到蓋過晒啲飯，每一口都食到蘑菇同蘑菇汁超正。仲有呢個賣相好吸引的墨西哥辣肉醬薯條都好食。香脆可口嘅薯條上鋪滿令人食指大動的辣肉醬同芝士，香辣惹味的味道連味蕾都忍不住要大呼過癮。

一行10人試炸雞同蘑菇飯。地點有啲遠，但係有地圖都可以搵到嘅！環境同價錢都OK，叫咗幾個炸雞餐同埋雞翼餐，薯條跟餐，轉蘑菇飯要加$3！蘑菇飯白汁底同坊間連鎖店個汁明顯唔同，實在超好食！強烈推介，一定要試！炸雞外脆，雞肉仍保持嫩滑，好juicy㖭！今次入長洲，發覺多咗好多特色食肆，有排試！

入到長洲除咗食海鮮，仲有好多選擇嘅。如果嫌連鎖店D炸雞乾爭爭，呢間絕對同佢哋一定唔同。淨係講環境都已經贏啦，間鋪環境好舒服，感覺好休閒 ，而且佢套餐嘅價錢同kfc比都係差唔多價。蒜香檸檬烤雞套餐$50烤雞食落去啲肉汁必曬出嚟，仲一路食一路流。食到少少檸檬味，不過蒜香可以再加重啲。 比kfc嗰啲雞嚟講，呢度雞肉嫩滑啲，冇咁乾爭爭，同埋好重雞味。而且佢嘅薯條係粗身薯條，唔似得m記嗰幼身薯條。熱辣辣啱啱炸起，你食得到入面係溶溶地熱辣辣，同埋佢份量都算多，所以食完個薯條都飽左一半，另外再試埋佢個蘑菇飯。白汁蘑菇飯$18平時喺kfc食蘑菇飯叫佢多汁都好似冇乜汁，呢度唔使講成個面都已經係白汁，同埋蘑菇嘅份量都好多。撈勻啲飯嚟食，食落去每一啖都好似飲緊忌廉蘑菇湯咁，似食緊一個燴飯😂 好creamy，好濃郁。個飯十八蚊抵到爛啦。

真係好失望呀！係fb睇到呢間舖頭炸雞同烤焗雞既過程就比佢吸引左，諗住好耐冇入長洲就把心一橫去食佢啦～點知就出事啦！係等緊攞餐時已經見到隔離台果兩件炸雞係極細件（心諗kfc都大件過佢）當自己既餐黎到既時候已經知道好食有個譜！原因好簡單：薯條淋到完全企吾直（麥記薯條仲好食過佢），咁都夠膽攞出黎比客人食.比個服字佢！再者 散叫左一件檸檬烤雞，細件到好似一件bb雞 咬3啖已經食完！！！最後對呢個舖有6個字總結：好 失 望 好 難 食....

The best fried chicken in tour,  juicy, crispy and very yummy!I will definitely come back again for the fried chicken! My opinion, they are the only must try food in Cheung Chau!

呢間鋪頭裝修左好多個月，都仲未開門，上兩個星期見佢終於開門做生意，但見幾晚都好多人，無食到，今晚收工經過見有位就試試佢，我一個叫左個蒜香檸檬雞套餐 $50 ，有汽水有薯條，同其他連鎖店睇落差唔多，但點餐哥哥同我講要等 20mins ....Ops....., 佢話即焗所以耐少少，一場黎到咁都坐低試下啦！！20mins 過後，哥哥仔叫單號，要自己取餐，兩件烤雞，一件上脾一件下脾，都算大件，雞皮望落去有少少乾身，一咬落去，件雞非常多肉汁，可以講系流出黎，肉質好滑，雞皮帶點脆身，有驚喜！再試清楚個味道，香草同檸檬味都好足夠，唔係 HEA 做既，薯條就普普通通，但有薯仔味既！滿意既，會再黎幫食，不過如果唔駛等咁耐就一流啦。

悶熱中的清爽心住左長洲一段時間，魚蛋少食了，習慣了食茶記，有日路過留意到這間白色小店。門面簡潔，但內部設計別有特色，然而網上並未有這店的評價，今天一個人午餐，於是拿出少少勇氣試一試。點了一份沙律套餐，選了一件原味滋脆雞，再配了一杯特飲叫 Spicy Mojito。點餐時，店員提示脆雞要等約15mins，因為都是即做的，其後店員先做了一杯特飲給我邊等邊飲。試了一口，酸酸甜甜，薄荷中帶有輕微辣味，真是十分"清爽"。約20分鐘左右來了一份沙律及一件烤雞，份量足夠，沙律滿滿的，烤雞亦頗有肉汁，$46。悶熱之中一點清爽，大滿足，回家可以繼續做點家務。心機小店經營不太容易，會多多支持，希望這小店能保持水準，為長洲街帶來另一番味道。

又抵食，又好食好多年無入長洲，今日有時間，同女朋友入去行一行，試左一間小店賣美式焗雞炸雞，$48 - $50 一個Set 有飯有薯條，我要左一個原味滋味脆雞餐，一個香辣燒雞餐，一個跟飯，一個跟薯條，脆雞個皮做得好鬆脆，雞肉入面都比較 Juicy，好食!!另外一個香辣燒雞，相對濃味，有少少酸酸辣辣及少少香草味既味道，雞皮有輕微脆口，相當好食，我個人比較中意呢款多D，相對重口味!!薯條係粗身少少果一款，唔係又幼又乾果D ，特別要提提既係個蘑菇飯，係一個白汁磨菇飯，有好濃既菇味，相當好食！總括黎講 咁既價錢 ，俾到咁既質素，俾到咁既份量，都算超值，相當滿足！！！