熾工房 (已結業)

選擇平日入黎長洲 比假日少人 不過就預左有d小店唔開 Lunch揀左食雞 套餐包薯條/牛油粟米 +汽水滋味脆雞套餐$52🍗🍟🥤配薯條 炸雞外皮好香脆 惹味😋 薯條中規中矩.蒜香檸檬燒雞套餐$54🧄🍋🍗🥤+$3轉蘑菇飯🍄🍚 燒雞淡淡蒜香檸檬味 唔會好強烈 肉質嫩滑😋 蘑菇飯好食😋 唔係某連鎖快餐店既醬汁 似白汁忌廉🤔 好creamy 食完唔夠喉.個人覺得檸檬雞好食過原味雞 價錢唔算貴 雖然食完唔算好飽 但入黎長洲都想試多d其他小食 食完呢餐仲有位食甜品🤣

住係附近，見開左咁耐一直都無幫襯過，多數都係遊客等, 今日無咩人，去試下個餐D雞真係傳聞中好細隻，完全唔值呢個價錢，呢個價已經可以買到成隻大雞仲要有錢找，雖然話係即刻炸唔係炸定，不過其實佢既效果我屋企氣炸鍋都做到啦，唔值得俾呢個價錢食真心講句，佢個啤酒價錢 ，差不多係老蘭價，但就細杯個人，賣既餐又貴，其實長洲舖租對比出面平咁多，呢間舖頭計落都幾暴利，我真係寧願行過2條街去食番pizza之後我有留意多一樣野，就係佢地門口成日有張枱，每日坐黎坐去都係同一班人，入面間舖就無咩人，我自己試完覺得都幾伏，入黎試既遊客自己諗下試唔試

難得入到長洲 就鍾意周圍試唔同小店～當然會搵下黃店試下 見呢間好多人推薦 就去trytry🤔叫左兩個餐：滋味脆雞套餐($52) 蒜香檸檬套餐($54) 另+$3轉磨菇飯 仲叫左墨西哥辣肉醬薯條($32) 👍🏻炸雞好juicy好好食 又唔會太厚粉 好過kfc😆磨菇飯都好香 個汁好濃～👎🏻蒜香檸檬燒雞 幾香檸檬味 不過覺得太咸😣薯條都一般般因為係小店關係 位唔多食物都一般 一個餐份量唔算多 價錢較貴 如果個日肚餓既話可能都要加下小食🤣

難得入到長洲，真係咩鬼都想食。之前搵到呢間見到已經覺得好正。二人行：1. 雞翼餐轉磨菇飯2. 辣嘅燒雞餐1. 個飯唔係做雞伯伯既磨菇汁，都唔係金寶湯，好多新鮮磨菇，味道唔錯，又夠汁，正。雞翼總共有五隻，全部斬半，不過炸得有啲過火。但係跟個士拉差醬，幾新鮮。2. 隻雞係多汁同滑，不過咸左少少，薯條都唔差。可一試再試。

推薦指數：🤩🤩🤩黎到長洲除左食大魚旦同芒果燸米滋之外，其實都仲有好多特色小店有唔同的美食，黎到長洲要試一試先！黃色經濟圈威力好強大呀 閒日黎到長洲都爆場! 聽講呢到的炸雞好有水準!!!嗌左一個SET ~ 包兩件原味炸雞、薯條同飲品！炸雞係幾JUICY, 全部即叫即製作, 送上的時候保證新鮮熱辣。薯條係厚切粗身! 兩件炸雞都炸得岩岩好!!皮脆肉滑, 一咬真係充滿肉汁, 都唔錯! 仲有多款其他味道的炸雞烤雞，用心製作的小店值得支持！

疫情稍為緩和，就入長洲透吓氣。真係好耐冇嚟，所有嘢都好有新鮮感😳。路過見到呢間小店感覺幾新，貼住「💛黃金周」，行到攰入去嘆個下午茶，其實餐牌仲有好多選擇，🌭熱狗、炸雞🍗，不過要留肚所以選擇輕食😏.🍽凍柚子茶🍹加牛油粟米🌽洋蔥圈💬叫多支冰凍啤酒🍻都係💲八十蚊有找🤣！食物就水準之上，粟米牛油味濃，洋蔥圈爆脆香口💥，附送微辣蜜糖芥末沙律醬，味道有層次！😌.P.S. 廁所🚾乾淨企理，掂！

週末同朋友去長洲，經過見到呢間幾精緻的小店，見到入面d蘑菇飯同炸雞都幾吸引，決定嚟幫襯下！同普通快餐店一樣，佢係要先喺門口個counter叫咗嘢食先再入去。我地兩個人叫左一隻燒春雞、番薯條同一個套餐，埋單$250左右。其實如果唔叫燒春雞，簡單啲淨係嗌兩個套餐兩個人加埋都係百零蚊，好抵食。🍖脆雞套餐 + 番薯條兩件脆雞我覺得同KFC的雞差唔多大細，同KFC比較嘅話我覺得KFC嘅雞的調味好食啲，入面啲肉都差唔多嫩口。個蘑菇飯令我諗起平時西餐廳食嗰啲忌廉蘑菇意粉，唔係話唔好食，但係我覺得呢隻醬配意粉會好食啲，滯左少少。番薯條係散叫的，我覺得好好食，脆得黎食得出有好香嘅番薯味，我平時比較少食薯條呢類野都清晒。🐥燒春雞隻燒春雞係新鮮焗出嚟嘅，一上枱熱辣辣。成隻雞外脆內軟，入面肉汁又嫩口。外面見到係用香草醃製而成，不過我覺得可以落多少少鹽令到佢入味少少。整體來講冇令我失望，都算好食。

太耐冇去長洲，發現多左好多小店，橫街中發現呢間店，俾佢嘅蕃薯條吸引到。叫左份雞，雞翼，蕃薯條仲有杯🍺即叫即整所以等候時間會長少少，但係值得嘅，不過野食未到，啤酒先到，結果等到啤酒啲泡泡冇晒，但勝左啤酒夠凍，如果隻杯會先雪凍就更完美😍最期待嘅野食到左，個蕃薯條好脆好熱好好味！個蕃薯條抵食！😋個雞好滑好juicy，個雞翼個脆皮都好鬆化，加上佢係單骨雞翼，食得好方便，配埋個士拉差醬又係另一種感覺。

//#黃店地圖系列間野叫：熾工房 Wow Lab邊度黎：長洲建新里9號地舖環境點：橫街窄巷中的簡約小店 門口還有架車供打卡之用🌝：85 1111罷市 參與國難救援的離港同學支援行動 辦義賣活動▪蒜香檸檬燒雞套餐 $547.5分無老麥無kfc的日子 尋尋覓覓燒雞的味道 見到長洲居然有 當然即刻狗衝 燒雞係即叫即整的 熱辣辣 咬落好多汁 一路食一路流 肉質都好嫩滑 可惜蒜香味同檸檬味都未夠重口味 請狠狠地刺激我的舌頭好嗎▪番薯條8分番薯條唔係好多餐廳有 整得好食都唔容易 呢度切得好夠粗長 口感一流 炸得外脆內軟 蕃薯味都好自然 甜味完全係靠蕃薯自身 佢一定係條好蕃薯 而且份量都夠 兩個人食都食唔曬 相比起嘉寶漢堡嘅番薯條 呢度嘅更合我胃口

上次星期一去長洲試咗好多正嘢...👯‍♀️一落船班小朋友即刻話食屎💩....有紅豆、奶黃餡或者走餡（小公主走餡）🤫但就算有冇餡，都係好睇唔好食......食完💩梗係食翻人間美食 熾工房🍛蘑菇汁炸雞翼飯🍗➰ 蘑菇汁十分creamy,忌廉同埋蘑菇味啱啱好，而且超多蘑菇🍄 個炸雞係單骨，啱哂小朋友食🥰又脆又香口...送啤酒👍🏽👍🏽 眼見咁大盤飯..小公主都清哂2/3😚😚.Vienn同肥仔就叫咗 🍗#烤雞配薯條🍟 ➰雖然喺烤，但咬落去入面相當Juicy,醃得剛好...薯條🍟真係連Vienn都難以忍口...清哂🤣🤣..🍗熾工房 (長洲)🍟📍長洲建新里9號地舖 #齊心抗疫 #mumpreneur #假日親子活動 #假日親子好去處 #親子好去處 #親子遊 #happybloghk #石澳一日遊 #野餐 #西九文化區 #假日親子遊 #長洲食記 #長洲 #肥dodo食記 #食好西 #BBQ #長洲行山

聖試節去試完全係伏手工啤酒又貴又唔抵飲聖誕節去，之前一直見到好多人，諗住去試，前幾日過去問可唔可以訂位話無得訂，個晚6點幾去到，唔多人，未坐滿，叫左兩個餐，等左成粒鐘，佢即刻出左杯啤酒俾你，但係炸雞等左45分鐘都唔出，杯啤酒都飲晒9年，追單得一句回覆話‘唔好追’，但係廚房一直都無單出，極度懷疑佢唔出單，俾人望落爆場咁，造勢出黎，俾人覺得好多人等，好好食咁叫左兩個餐，成個餐炸雞得2件，好細件，又唔飽，一個餐配粟米，一個餐配薯條，飽肚度仲衰過一般茶餐廳下午茶，味道唔係特別好食，雞就特別細，價錢就特別貴。長洲人試過一次根本唔會再去，講真長洲長大既人，知道大把好野食，份量多價錢平又好食，呢間舖開左1年（唔知夠唔夠），性價比低，剩係門口貼d免費補習，做到好似好良心D食評係到呃遊客，真係好搵笨，仲衰過d炸雞連鎖店，真心差

香辣燒雞套餐C 💲55·兩件香辣燒雞 ·薯條/牛油粟米/蘑菇飯(+$3) ·汽水✅ 蘑菇汁極度濃郁🤤🤤🤤 另外加$2仲可以多汁 幾乎滿瀉🍄 大滿足🈵❔ 燒雞比較細隻 香辣味唔出👅Taste：4/5💰CP值：3.5/5

本身係長洲人 尋晚諗住去試吓 叫咗個磨菇飯 餐 價錢已經唔係平 佢係落咗單比咗錢之後一整完自己去攞 佢一叫得 我已經即刻去攞 好失望連基本食物應該有既野都冇 個飯涷冰冰🥴一啲熱都唔熱😪 遊客如果有機會入長洲 真係可以唔洗試

一間吃輕型餐的小店鋪，蕳單報置也不錯，店員有禮，坐位之間有點迫，但有 outdoor area, 今天是星期六特別人多，但只有 2位員工所以等了差不多半小時才弄好我們的午餐。每位客人最低消費 $30，我們點了 2份 set, 1 份是店長推介的炸雞 set、另一份是單骨雞翼 set。價格合理，2 個 sets total HK120, 平均每人也只是 HK60。 粟米好味，薯條及單骨雞翼味道正常，但炸雞有點失望，除了非常炸及油外一點味道也沒有。我應為去到長州可以嘗試其他食店。

上網見有人話好食 經過又落雨就入去試下裏面係自助setting 自己落order 最低消費每人$30 當日叫左個磨菇飯套餐加左個蕃薯條 total $78 認真講 cp值唔高蘑菇飯 啲飯好濕好淋有汁既飯再加上濕既飯真係會一pat pat 個汁有好重既香草味 個人覺得可能配意粉口感會好啲 不過依度無雞翼 同行朋友覺得cp氣炸雞翼好食啲但係佢依間啲肉多啲，無cp咁乾身但係我地食既時候係凍既 無乜驚喜以$52蚊一個餐既價錢就真係普通 ps 有跟氣水既因為menu上寫既4隻雞槌其實係4隻單骨雞翼我地另外加既蕃薯條就係咁多樣裏面最好食既岩岩炸起身仲熱既凍左都仲脆 有蕃薯味下次去未必會再試了