熱血一流 (已結業)

講真，我覺好中意依間火鍋店，因為可以一個人自由食，唔會覺得一個人打邊爐好怪，而且超值，以依個價錢，熱血一流又新奇又好食，比創興果D舖好食好多，熱血提供既肉好ok，唔係最靚，但一食落去知自己食緊咩肉，其他公司D肉無味，湯底唔多選擇，重點熱血一流既3色丸，係人手丸，當中最有驚喜係，北海道薯仔同紫蘿蔔!一食落去好香甜，仲唔到咁好食!過癮既係，有鍋巴，點心麵提供 仲有靚雪糕劃上完美。我計劃緊食最貴既肉睇下會唔會更好食？…查看更多

旺角行下街見到有間打邊爐嘅地鋪，見到價錢都幾合理，一於試吓。裏面其實有好多款式唔同嘅火鍋任食，價錢有平有貴，時間有長有短任君選擇，可以按返自己進食速度同埋想食邊類型嘅食品去選擇套餐。因為我哋嚟到主要係想食下牛，所以揀咗個高級牛嘅牛小排套餐， ＄268食100分鐘。如果再貴啲嘅話仲有海鮮任食～呢間餐廳好似食旋轉壽司咁，唔需要點樣落單或者寫落單紙，用平板電腦就可以落單，前面有一條軌道會自動送上食物係你面前。麻辣湯底香味十足，食呢個湯底基本上連豉油都唔使點，已經好滋味。我哋主力挑戰牛小排，牛肉嘅紋理分布均勻，口感一流。如果鍾意食肉，一般嘅雪花肥牛、豚肉、雞肉都係食的。本身冇特別留意，而家用PS4遊戲做主題，為我們送上北斗殘悔丸、北斗百裂菇、岩山兩斬魚滑三款特色打邊爐食物。每人一份，殘悔丸彈牙有香口；魚滑口感有彈性咸香十足。想健康啲嘅我哋就叫多啲金菇同埋粟米等等嘅素菜配料，吸收晒湯底嘅香味個口味立即變得豐富。其實仲有啲炸魚皮等等嘅小食，及各式各樣不同的丸，好有中國色彩，一路吹水一路食就最啱。點單之後啲嘢食都好快送上，最後食到咁上下就可以食埋個雪糕Movenpick。…查看更多

依家潮流打邊爐傾一人一鍋，可以自己揀湯底、落咩材料自己選擇，亦都更加衛生方便。朋友介紹食呢間打邊爐，因為覺得裏面嘅送餐方法非常特別的又新穎。入到去係火鍋任食嘅，可以自己選擇主要係揀邊一款等級嘅牛肉，就會決定嗰個任食餐嘅價錢。我哋就揀咗牛小排嗰個套餐~~$268就可以食到100分鐘。 所有野基本上都係自助形式，好方便，無論係揀湯底以致所有配料、飲品都係用平板電腦落單；啲嘢食就會好似喺條跑道上面走來走去，停喺自己面前，攞咗之後就撳掣彈返去廚房。 我就揀咗番茄湯，番茄湯都可以選擇辣度，咁我就揀1號辣！味道都幾香辣架。唔同款式牛肉有唔同嘅級數，我哋叫得呢個餐梗係食啲貴價嘅牛！牛小排啲花紋分布得好靚仔，食落去特別有牛味，而且好新鮮。普通級數嘅牛都一樣可以揀。豚肉雞肉都係任點任食！我哋嗰餐仲有附送幾樣用PS波打機做主題嘅食物，仲要全部都幾正，包括有北斗殘悔丸、北斗百裂菇、岩山兩斬魚滑，唔單止個名好有特色，個味道仲要唔錯，幾特別。特別係個魚滑，非常有彈性而且食到裏面有啲肉。當然都有好多其他配料，包括芝士丸等等，好似係吉野家食果種咁，好香！仲可以任叫。最緊要係你叫幾多嘢食佢會來幾多嘢食，就算一個人去食呢一種自助式嘅打邊爐都不會覺得尷尬呀～Ps 仲有Movenpick雪糕🍦…查看更多

前陣子發現朋友出了這家說食物從路軌送上感覺好過癮於是襯著假期來試試不過重感冒未癒胃口仍未恢復店員會細心教第一次來客人點餐先選好湯底然後就可以自己在電腦選餸在下今丌選了任食因為腦袋未清醒在店員努力解釋下其實自己沒有接收到就先隨便選湯底蕃茄湯可以選不辣 小辣 和 大辣在下很不應該地選了小辣喉嚨又要受罪了之後再點了兩次菜+小小肉電腦選餸一次只可選八款由店員排靚靚後就會從路軌上出現其實真的好過癮不過在第二次點肉時沒出現大概是售罄？這就是在下不喜歡任食的原因了不知道是賣光還是同事忘記了菜就這樣子不出現但自己引擔心可能遲點會到就會一直等。。最後都沒食到。。。。。不過今次也只是試試下次要選單點了服務員很細心聲到在下的聲音紗啞特地一提電腦裡選都飲料都是冰的如想要室溫必須找服務員餐後還有雪糕送不過在下放棄了總括而言在下今天真的食很少菜和配料都很好食肉就普普通通（在下要求太高）結帳$250是家有趣的餐廳害怕火鍋太多一個人食不完又害怕總是要離開座位出去夾菜的大家一定要來這家試試有趣的路軌上餐…查看更多

前排見到呢間用高速火車去運送食材既火鍋店今日終於有時間試到:)$98 40分鐘任食呢個確實係吸引一開始就會叫我地揀湯底先啦，我揀左菇獨湯（$22），女朋友揀左牛骨湯（$18）前者有好濃既菇味但後者就淡而無味用運輸帶去運送食材呢個點係吸引既，但佢係要拎完個食材之後，自己禁掣送翻走架車。咁隔離食客唔記得左禁走架車，塞住個路軌，就變左我地既食材遲遲未送到:(至於野食方面啦其實真係冇乜特別，冇話邊樣特別難食特別好食。但個份量就係比一人份量，所以可以試多幾款唔同既食材既，同埋唔會浪費服務態度方面用得運輸帶去送食物，都冇咩服務可言嫁喇我地同隔離食客差唔多時間入，但係40分鐘內確實難食曬咁多野，所以就坐到45-50分鐘咁。臨走個陣就突然落大雨，隔離食客冇帶遮，有個staff好好咁叫佢坐多陣，等細啲雨先走，反正今晚冇乜客。點知轉個頭個疑似經理既就行埋黎同我地幾個講，已經超過左10分鐘，要交檯:(明白規矩係咁樣，但落大雨而又真係冇咩客，係咪要揸到咁正呢？…查看更多

向來對食既要求都唔係harsh，但今次真係不吐不快。點左個門外做招徠的＄98激安40分鐘火鍋放題，心諗唔係好肚餓應該夠時間，價錢又貴過吉野家個d同類一人火鍋，店唔算多人唔洗等位就一試。點知由踏入門口一刻就展開左同火鍋一場生命時速拼博之旅😰入到去用咗10分鐘嚟研究個落單app，由於無人招乎，望咗陣先知原來個湯底唔係個app倒落要叫職員人手落😵上咗個湯等佢滾無咗幾分鐘😵多次唔小心撳咗佢個app的賣廣告頁面黎睇每次又用左幾十秒😵落單個頁面偶有唔穩定，全世界一齊當機又冇咗幾十秒😵 Mark過嘅嘢食冇晒要從頭落😵枱面窄放滿空碟，收野收得慢唔敢點嘢食住😵點完野食咗一陣就有員工走埋嚟開始催: 最後10分鐘交枱， （10minutes left) 枱面仲有食唔晒既食物要每人收返＄20，想加多15分鐘時間每人加＄40，一係就upgrade返＄168個90分鐘package。😰仲話我哋係由幾點鐘入嚟，幾點鐘咪夠鐘。😰我當時心諗點解你唔係入嚟之前講明呢d規矩同額外的收費。隔離台客聽到都O晒嘴，立刻催促其家人進食。😵我地心有不甘冇加到鐘，加上嘢食一般完全冇意欲要加啲無謂既錢，故最後10分鐘就係到狂吞眼前嘅嘢食作罷。至於食物方面，餐牌上雖然有好長嘅清單，但落單就覺得種類唔多，有啲平時打邊爐食開嘅都冇，今次只係比不同的丸，基本的肥牛等平價野佔據清單。湯底普通冇咩驚喜，食得過急過熱都感受唔到食物既味道，質素麻麻。😰個餐收成舊水唔包飲品之餘，連杯水飲都無😰仲要收加一😰心裏只係想快啲夠鐘離開呢個鬼地方，亦明白點解唔多人食。今次嘅經驗完全演繹出：你喺度比得一舊水唔升級就係食垃圾既感覺。都未試過食嘢食到咁cheap，過街老鼠咁一肚氣趕住走。早知係咁一定唔會食，亦絕無下次。👋🏻👋🏻👋🏻…查看更多

晚上看到呢間98蚊任食40分鐘放題,以為發掘到荀野,豈料中伏!門外睇到餐牌食物眾多就諗住入去試下,一坐低就研究佢個點餐app 睇下點落單, 點知原來計時倒數已不知不覺開始....點湯加下單還跟同隔離枱討論下單個app,至食物送來已用十分鐘正當我地正食得起興時突然有職員告訴還餘下十分鐘,我地已經呆左,因為我地仲未比人告知幾時開始就已經無乜時間,隔離枱聽都好驚訝咁快夠鐘,已經野都唔敢講係咁催佢地家人食快d,而我地只好囫圇吞棗咁啦啦聲食埋枱上既食物,連食物咩味道都感受唔到第一次食野感受到有如考試既緊張感,緊張刺激,熱血沸騰, 時間緊迫,枱上仲有少量食物未放得切落鍋, 碗中仲有幾粒丸, 只好每樣咬d , 希望盡力完成考試,幸運取得高分時間到了,職員在背後叫time's up, pens down, 呀唔係, chopsticks down, 感覺終於輕一口氣, 事情完結,啦啦出去比錢成件事發得太急太突然,我無辦法細心品賞到食物既味道,只知道肚子填飽了,心靈卻空虛了....…查看更多

不建議大胃王去！唔抵食😭一人火鍋。因爲貪佢過癮有條自動輸送帶送食物⋯竟然有抹茶湯底！係新嘗試，微微既抹茶味，淥耐左消失埋嚕～啲食物係散嗌，海鮮特別貴，我依個吃貨食左$300😭好肉赤！都係任食啱我多啲🤦🏻‍♀️唔開心左成晚👉👈…查看更多

今日經過旺角，比佢好似壽司店既門面吸引到，非常吸睛，一於入去試試，就入左去打邊爐。入到去首先揀湯底，湯底方面試左鹽麴雞湯底和抹茶雞湯底，幾香同特別。湯底餸料都係由高速線送到，有得食有得玩。今次叫左幾樣肉，美國肥牛片中規中距，美國西冷有d驚喜，質素幾好，鍾意食羊既可以試下紐西蘭羊肉。另外，仲叫了白菜豬肉餃，正常質素。麵方面，我鐘意意粉，幾彈牙的。略嫌不足嘅地方係佢除左豉油外，其他配料全部要加錢，同埋連清水都無主動提供。…查看更多

話說之前一日去搵fd，路過見倒呢間自私邊爐放題幾過癮，雖然見倒唔少人話間嘢麻麻，不過橫掂第二日得閒，就用試伏嘅心情走去試試。叫咗咗$58嗰個午餐(唔係最平嗰個)，但份量都超少。生菜三條，黃牙白三條，紅芯蘿蔔兩薄片，南瓜兩片，鮮冬菇一隻，金菇大約1/4包，粟米有吋半不過得半邊。如果唔計份量問題，啲菜新鮮嘅。米線就勁離譜，煮完得嗰細半碗，用嚟裝蔥嗰個兜仔居然可以裝倒大半米線，一口牛我就聽過啫，一口米線係咩玩法牛嘅份量同吉家差唔多，叫做正常啲。味道唔錯嘅。另外有得揀烏龍茶係幾好嘅。湯底冇之前啲食評咁陰公冇得揀，不過叫咗個喇沙湯底，無啦啦變咗有少少椰子味同香草味嘅酸辣湯。明明正常喇沙湯底應該有蝦味，佢呢個我食唔出。再講個湯底係完全冇湯料喺入面，話佢係師傅湯都唔出奇。另外啲豉油真係好鬼似大陸啲壽司豉油，同埋加蔥都要兩蚊，姑寒:(最後加咗一要$66先出倒門口，但我呢啲女仔食量只係半飽。我真係唔知男仔點食得飽喇。埋單仲要見倒張單上面有句『拳四郎：「你已經飽了。」』，我真係當場想做拳四郎嘅親戚拳四飛結論係，呢個價位同份量，我要食自私邊爐嘅不如番吉家食算喇。真係想食邊爐放題嘅，搵fd去其他邊爐放題冇咁嬲啦。…查看更多

今日黎到旺角 人生路不熟 見到熱血一流冇咩人 就同朋友黎試下 入到去地方唔算好大 一個人一個位 有一部平板俾你點餐 當你點完餐 就會有盤自動送野食到你面前俾你拎 我第一次試 感覺幾新鮮 我地試左個午餐A $48蚊 有肥牛 有面 有菜 有野飲 都好抵 不過對我地呢d餓鬼黎講就未必夠食 所以再自己加單 叫多左肥牛 炸魚皮 牛丸 唐生菜 豬頸肉 沙律 食到好滿足 我朋友試左紅豆沙湯底 表示 食所有野都只有一種味 甜 所以唔好好鍾意好鍾意ge 朋友 就唔好試埋單就$255 都可以接受…查看更多

打邊爐一般都係一大班frd咁先開心！不過有時都會想一個人毒下，“熱血一流”就啱哂喇👍模式就好似元氣壽司既高速線咁，用平板電腦落單，幾分鐘之後食物/飲品/湯底就會經運輸帶送到你面前！湯底好特別，不過我覺得太特別，8個入面有5個係辣既，淨番果3個不辣湯底裡面仲有一個係港式紅豆湯底… 食物選擇都算多，每一次既份量偏少，啱哂一個人食，唔洗驚浪費！用運輸帶送食物真係幾得意，連加湯都係用運輸帶送出黎，由客人自己加…查看更多

今天中午放工後，我和男友漫無目的在旺角找餐廳醫肚，不經不覺來到這間自助火鍋店的門口，$48的自助一人午餐火鍋十分吸引，於是我們便進去試一試$48午餐包括肉類4選一，美國肥牛/美國西冷/豬肉/雞腿肉，蔬菜，麵類選一款(烏冬，米線，公仔麵等等)和一罐飲品。我和男友湯底分別選了皮蛋芫茜湯和蕃茄紅菜頭湯，肉類選了雞腿肉和美國西冷，麵類選了烏冬和蕎麥麵，飲品我選了烏龍茶。味道方面，2款湯底都是失敗的！皮蛋芫茜湯和蕃茄紅菜頭湯都是清淡如水，淡而無味，和清水沒有分別！肉類方面，其實肉類份量真的比較少，雞腿肉只有4塊，西冷只得薄薄的5塊。不過本人現在減肥中，少肉適合我不過味道真的認真一般了…由於湯底沒有味道，火鍋的雞肉真的和白烚沒有分別，沒有任何味道，淡而無味而且雞腿肉都不鮮嫩，有點(鞋)的口感。至於西冷方面，西冷真的比較少肥膏，但肉質真的有點韌，味道都是一般。麵類方面，烏冬味道不錯，十分彈牙，而且滲入了少少雞肉味，不會淡而無味，幾好吃:)蔬菜十分豐富，冬菇，南瓜，粟米，味道都不錯。飲品方面，原以為只有汽水和水可以選擇，想不到有烏龍茶，值得一讚價錢方面，1人午餐$48，另加一服務費，2人總共$105.6，都幾抵吃。總結來說，一人午餐十分豐富，而且份量十分充足，填飽你的肚子是沒有問題的，不過不要期望太高，它的質素和牛一，牛涮鍋是不能比較的…查看更多

先叫店員寫湯底，之後自己點單，加湯都係自己加單(快捷方便)水仙湯底(好香茶味)運輸帶將食物停在自己面前(好方便)㩒一㩒旁邊亮燈制(再等下轉食物)怕難找侍應落單，這店(下單傳菜全電動化)肥牛(口感不錯)和牛肩脊$58外表不錯(但肉質唔鲜嫩)失色:(鱿魚(爽口)帶子(鲜甜)冬菇(新鲜)虎蝦(大隻)肉好爽口鲜-甜魚皮大大碟(炸得香脆)红心蘿蔔好鮮甜炸響鈴好香脆2個人$407~整體食物新鲜，自助點單(方便)送餐採用運輸帶俾客(有自成一角的感覺)，當然湯底要先叫店員(落單)之後自己顧自己，(最後~埋單出收銀處付款)缺點位座位似迴轉壽司長枱，全部人排排坐，坐得比較迫。…查看更多

一人一鍋?今日同朋友咁岩經過 又平喎 48蚊一個套餐 唔係唔試下嘛話就話48蚊 其實都幾多嘢食嫁喎有蔬菜 肉 烏冬 仲包埋野飲一個餐真心夠食既朋友比較大食 就話爭啲 加埋個烏冬 就fit晒啦兩個字 滿足埋單都係120蚊 真心抵食 今次之後 係有下一次嘅…查看更多