Hotpot PNP (Closed)

琴日同男朋友黎到呢間最近好hit既一人一鍋到朝聖係門口見到有個翻頭價優惠點都要試試佢.店員簡單介紹完之後，食物話咁快係跑道送到出黎兩個人埋單200$都唔洗仲食埋龍蝦真係抵到喊出黎😂翻頭價$8一份牛肉唔叫對唔住自己啦😽 黎多份懶尿牛丸呀笨只係$6炸🤤特別推介隻龍蝦同埋芝士燒魚卷，龍蝦多肉又鮮甜，芝士燒魚卷岩哂熱愛芝士既朋友仔❤️❤️❤️最後用翻頭價優惠叫埋杯Movenpick雪糕做甜品真係大滿足喇 平時想食見到咁貴都唔捨得買，難得$8可以食到肥一磅都抵呀下次帶埋屋企人黎大吃一餐…查看更多

2個人去，我朋友揀熱血一號 系蕃茄辣味，照道理應該好難出錯，但入口真系好怪，不但無蕃茄應有既味道，仲有一股膠味，應該系話無食物既鮮味。於是唯有加水 但都系頂唔順，只好硬著頭皮問服務員換回清水湯底，因為唔放心其他創意湯底。但肥肥的女服務生一面唔想換既樣子 話我咁遲要求，應該落單前換 咁樣拎走好易倒瀉，我心入面出現問號 我就係因為試左覺得有問題先換 咁點樣係落單前就同你講呢？第二，點解唔經列車送返入廚房呢 咁咪冇危險囉～ 我默默不作聲 但作為第一次幫襯嘅客人，印象分已經扣哂～食物方面，佢有個翻頭價系幾抵 好似$8.5可以要一碟配料 每人㨂2碟 口味見人見智 d配料有d好有啲唔好啦我自己覺得即使我下次再嚟都只會揀食蔬菜，同揀沙嗲湯底呢d夠穩陣…查看更多

今日放中午12點，係旺角諗黎諗去都知唔知食咩好，上openrice search左一輪，見到呢間打邊邊，仲要係一人一鍋！再睇下知道佢主題係直送食物去到你面前！覺得好得意！一定要去試下！去到覺得裝修好搞笑，好似自修室咁一個一個位，又用左啲運動人員仲牆上既裝修，又有好多口號係上面！唔知以為入左運動鋪！用pad自己落單、叫左兩個 牛控set $88/一人 跟住啲湯底同食物都會係輸送帶運到你面前，係幾得意既！ 個餐有👉🏻紐西蘭肉眼👉🏻美國肩胛板腱👉🏻美國西冷其實食完3款都唔知有咩分別，啲肉係薄到紙啃！幸好尚算新鮮，但啲飽肚感都冇！配不上牛控呢個名！👉🏻有8款湯底可以揀：我揀左個最正常既蕃茄紅菜頭，佢仲有好多奇怪湯底，我唔敢亂試！咩蕃薯湯水湯底，紅豆沙湯底，咖啡湯底等等，好伏，唔敢試！👉🏻Mini蔬菜拼盤: 有幾條菜同粟米 👉🏻韓國拉麵（可以揀稻庭烏冬）全靠個拉麵整飽左自己！👉🏻免費一罐汽水（其他要加錢）整體黎講係唔好食架！全因為條輸送帶先會有人黎幫親！食既時候係有2隻烏英不停係我地附近周旋！好嘔心！試過一次都唔會有第二次！請都唔會再黎！重點係啲員工，冇禮物，幾個企係後面講野，又大聲連粗口都有！可能因為啲食物係自動送上，佢地真係好得閒！比錢既時候仲要收加一服務費！真係到黎，都冇服務過！啲加一服務比條輸送帶架？！…查看更多

旺角這區，一日不見如隔三秋，幾年無來，可能整個球場不見了，變為住宅🏢。幾週前，家人說道，現在出去想找以往製造祝賀牌的那些店舖，現在也全都關閉了；又或是影印舖，經已所餘無幾。「摘去鮮花，然後種出大廈」絕不是夢，這個地方叫作The Forest，當年年少時，也不時經過旺角，想不到竟然現在有個好像外國旅客👳🏾‍♂️👱🏻‍♀️的觀光地點。地下有這個火鍋店，旁邊又有幾間名牌店子，好像內地城市遊客區。室內環境像爭鮮🍣那般，一排座位，對著迴轉帶，不知平日是否像迴轉壽司般，將食品🥦🌽放上去轉。但是由於我入去的時候，是午市，室內也沒有什麼人，開著迴轉壽司帶，也只是徒然費電。播放著音樂，不知所謂，故作高尚的播放懷舊西洋曲，如Shirley Bassey 、Timmy Thomas等。餐廳寧可直接秉承中國風🇨🇳，用屏障、紙屏、木桌，比起扮演新式火鍋更佳。就好像女人街那一間羊肉粉，打正旗號賣黔營的山羊，也播放動力火車的歌曲🎶，多麼句中國風，本着自己的風格即可。就像當年LMF 講述李小龍的歌曲，當中歌詞提及「可以學人，唔使下下抄人」、「佢嘅主張做人要有自己嘅態度」，左抄右抄，不倫不類。在新推介那頁，居然發現竟然在火鍋店，最新推介是童星點心麵、可可米、墨西哥脆片等等，那就跟明將壽司的紅豆軍艦、可樂糖軍艦差不多。機械式火鍋，食客好像去板長壽司/自家烏冬那樣，用iPad自助落單，然後等候一下。店舖以運輸帶送餐，但其實很明顯，看見員工亦是在廚房內看著👀，將餐送到客人面前，根本都是你眼望我眼，沒有什麼意思。之後，取餐之後，不停聽到運輸帶有咇咇🔊聲響，原來客人亦都要按鍵👆🏿，將餐盤送回廚房，咇咇聲響，始會停止。結果看套餐的配料，點了個最少不吃的東西，就是這個經典套餐。後來就覺得選對了，因為時候發現，這一款牛肉，又韌又乾😒，沒有什麼肥瘦相間，如果點了兩份牛肉的套餐，那就更加失望🤦🏾‍♀️。點餐後，看運輸帶上面傳出湯，食客自行將湯放在電磁版上面，之後按鍵👆🏿開啟。然後又會說出傳出其他食品，全自動化。在店內看見店內有很多小盤子，但是原來調味料只有小包甜豉油，味道普通，香味欠奉，跟李錦記煲仔飯豉油無得揮🤦🏾‍♀️。沒有火鍋配料提供，荵蒜辣都要加錢，竟然要兩粒荵花都要收費，還有一個很好聽的名字，叫做火鍋四寶。火鍋湯底那張餐牌，看起來好像拼圖，原來以磁石貼上去，方便在轉換湯底的時候，可以變出不同的餐牌。幸好，午市套餐包括一湯底，因其細細碗湯底也收費十多元。看到不少特別的湯底，例如番薯糖水、紅豆沙😒等等，由於不想中伏，於是便隨便點了signature火鍋湯，亦都即時紅菜頭蕃茄湯，level 0沒辣。顏色偏淺紫紅，但沒特別味道。放在anki牌電磁板上煮，🔜不需三數分鐘便煮沸，沸得相當澎湃📜餐牌上已經明確寫明配料包括牛肉、丹麥雞腿肉、麻辣火鍋湯包、黃金魚籽球、稻庭烏冬、三片唐生菜，旁邊亦都有將小圖片顯示，結果竟然如圖示一樣，每樣只有一兩天，例如，生菜只有三點，雞肉只有兩件。由於這個招牌湯底，沒選擇辣味，最低那一級，就只有紅菜頭及蕃茄湯底，在湯底裏面，完全沒有湯渣，確認之前的食評提及湯底只是味精湯的說法🤔。幾款配料，在招牌湯底內滾一下，全部都染上了紫紅色，其實賣相不太吸引。湯底雖然夠滾，仍可一熱遮三醜，但的確沒特別味道，只吃到少許紅菜頭味，其餘完全淡而無味，又沒荵蒜，毫無意思。牛肉賣相欠佳，小黑盤內有四、五片牛肉，賣相已經不討好，肥肉欠奉，只有旁邊的位置有點兒肥肉，更遑論要雪花😒？結果，看看這盤牛肉，雪花欠奉，就想到，煮出來你也不會太好吃，結果有沒有牛味，口感也覺極瘦，是很乾的牛肉👿🤦🏾‍♀️。雞肉更差，如圖示般只有兩件，還要黏著不少毛髮，只是兩件普通的雪雞，竟然也可以比我在雞皮抽出五六條毛，還要是不少的毛。當時餐廳已經人流不多，如果在人流不多，食客疏落的時候，大概所有店員都比較空閑，為什麼不花多一點時間將雞毛拔出👿？情況就好像你做文職工作，但是看見問卷文件上第一頁已經有手民之誤，但仍將其呈交，豈不腼腆？所謂稻庭烏冬，小個，不算雪得非常冷，份量也不覺多😿，彈力當然不強，口感極為普通。兩三箸麵，加幾條菜，兩件雞肉，煮完可以共放小方碗內，你就知道份量有多少。這粒它叫黃金魚籽球，但不都是莎拉丸嗎？這比較可靠，內裏汁液酸酸開胃，只可惜有子有少少一顆。配飲料可樂一瓶，經已算是小確幸。因為其他食品，例如湯底、烏冬、雞肉、牛肉，都不太稱心滿意。據說為提倡環保，店方亦不會主動提供飲管，算了，為免麻煩，倒進口算罷。本人想將金菇🤬轉為其他蔬菜，否則就不要金菇算吧。但是店員，一開口就說，所有套餐都固定了❎，不能轉變🤬。而下單的時候，又發覺只是機械式按屏幕下單，因此，也不用費唇舌去問🤫吧。結果，那梳金菇，就寂寞地被遺留在我的餐盤上面😿了。㊙️還一直以為，這一家會不會是外來國家或內地集團，在香港所開的餐廳，但是查一查，又看一看底部那張單據，好像是牛角集團旗下的店舖🆚如果牛一，或是牛涮鍋那些火鍋店，也提供午市「一碟牛肉，其他配料任食式」午餐，那麼就會比這兒划算得多。這兒的所謂套餐，其實比起吉野家的晚餐，還要昂貴👎🏿，試一次已經後悔。自助式火鍋，以運輸帶送餐，轉換些少食品也不許，其實除了入座時需靠店員帶位，都沒有接受過甚麼服務。…查看更多

我家小朋友最愛打邊爐吃烏冬, 同時更愛高速火車迴轉壽司...昨日我跟他說:「今日帶你去自高速火車打邊爐, 一次過滿足你兩個願望」 旺角波鞋街新開一個一人一鍋打邊爐...心想:「好似都好毒吓喎?」, 但原來在場的有不少情侶, 家庭, 齊齊要試新玩意. 走入店內先揀湯底, 今日有8款 抹茶、 蕃茄、 茶瓜雞、昆布、叻沙、水仙茶...SY:「我想要卡邦尼湯」 可惜店員姐姐答:「我哋每日有2款湯底都會變, 今日無卡邦尼」, 於是我們選了「熱血0號=蕃茄湯 $18 」, 及「水仙湯底 $10 」 還未坐下, SY已經扮醒目的的說:「哦! 我知...我知...好似元氣咁用iPad揀嘢食吖麻, 等我嚟...等我嚟」 阿太: 「嘩! E度連波士頓龍蝦($58)都有, 不如就叫一隻, 好似幾豪咁喎」 我就分別點了澳洲和牛肩脊($58 ), 英國安格斯牛小排($38), 澳洲和牛肉眼 ($68), SY:「爸爸, 你想做牛肉大比拼呀?」(係呀!) 最近迷「媽咪麵」的SY, 指定要吃, 但我問他:「E度得童星點心麵咋喎? 都無媽咪麵! (都係同一樣嘢嚟啦」 阿太看到旁邊有人點了冰沙子薑皮蛋($ 12), 她又說:「好似好好食咁喎...我哋都要嚟做前菜啦...」 嘩! 原來這碟前菜非常霹靂, 子薑混入冰粒打成子薑冰沙, 伴皮蛋來吃, 簡直出神入化, 阿太:「好正!! 我哋返屋企要試吓咁做先得」 從未試過用水仙作邊鍋湯底, 將食物全部也變得輕型, 甘味, 單單就是牛肉也覺得特別好食. 我說:「牛肉眼真係最腍, 最有牛味, 特別配上水仙, 有D唔似食緊牛咁, 味道幾得意」 牛小排就有少少遜色, 牛肩脊一樣有牛味, 不過就沒有肉眼的腍...SY:「爸爸! E度有D似溫野菜, 都係每盒得幾塊. (係囉! 我知你最鍾意食溫野菜)」 而阿太一轉眼已經將全隻龍蝦KO了入肚, 她說:「幾正喎, D肉又彈牙, 又嫩」(其實, 係咪我幫你睇火睇得好呀?) 不聽店員言的我, 明知辣但貪大大粒, 點了的巨型手工丸($18), 真的被內裡的麻辣洋蔥粒+甘筍辣到跳舞. 最後, SY點了一支韓國西瓜雪條($18), 他說:「甜品...甜品...Yeah!!」 我:「打完邊爐, 熱氣就飲西瓜清熱, 乜食西瓜雪條都得嘅咩?」, SY:「大家都係西瓜梗係一樣得架啦」 HOTPOT PNP熱血一流地點: 九龍旺角奶路臣街17號The Forest地下G12號鋪時間: 11am-11pm電話: 3460-2328…查看更多

一兩個人打邊爐，除咗去吉野家食一人鍋，又或者去牛涮鍋任食之外，好似無乜好選擇。我 依莉詩 發現旺角最近新開咗間火鍋店，主打一人邊爐，唔單止好似元氣咁用高速火車輸送食材，材料份量都細細碟，可以食多幾款料呢！一人邊爐唔使搭枱，火車高速輸送火鍋料既然位置波鞋街新商場，店內嘅裝修都以運動做主題，牆上插畫都印有運動員畫像同佢哋嘅座右銘，感覺好 young 。而且有別於酒樓打邊爐，都係一人一鍋，大家圍住兩層嘅輸送帶坐，唔使同人搭枱。而且點嘢食用平板電腦進行，再用火車輸送，基本上除咗一開始入坐之外，全程都唔使同店員講嘢，啱晒怕羞仔！30款特色湯底 $10起，抹茶雞湯味道意想不到平時打邊爐都係濃湯、清湯、蕃茄湯，再唔係就係雞湯、皮蛋湯，而呢間 HOTPOT PNP 就有 30幾款湯底，每日8款輪流畀大家揀，由 $10 至 $18 不等。當中有唔少都係未見過嘅組合，好似茶瓜香菜雞湯、意式卡邦尼湯、中式水仙茶湯底，只係聽到都覺得特別。如果兩個人去一個揀「正常」湯底，另一個可以試新嘢，高唔定有意外驚喜呢！ 過百款肉類海鮮火鍋料，烚廣島蠔龍蝦超鮮味講到火鍋料，逐份點當然無平時啲火鍋餐咁平，每碟由$5 – $68不等，不過選擇亦都多好多，肉類、海鮮、蔬菜同丸類，想食嘅大致上都有。單單肉類已經有 12款，牛、豬、雞都有唔同部位選擇。想平食牛肉有美國西冷 ($15)，貴嘅亦可以揀澳洲和牛肩脊($58)，豐儉由人。前菜醬料有驚喜，冰沙子薑皮蛋夠開胃原來呢度唔止湯底特別，前菜同醬料都一樣有特色。就好似冰沙子薑皮蛋就必定要點！子薑混入冰粒打成粉紅色嘅子薑冰沙，顏色夠晒吸引之餘，食落有冰涼微辣感，好有驚喜！而櫻花蝦伴忌廉芝士甜得嚟又脆口，夠開開胃，特別喺食緊抹茶雞湯嘅時候，可以中和番陣苦澀味。至於醬料雖然都要額外買，不過有好多特別嘢，好似蜜糖x是拉差、魚露x蜆蚧醬、腐乳x蝦醬x甜豉油，仲有零食脆脆，例如點心麵、玄米粒和鎬巴等。揀一兩樣試吓都未嘗不可。…查看更多

最近網上好hit的火鍋店，終於今日來試了！全自動化的食店真的非常有規模，令我大吃一驚，為何能夠如此厲害？😍有運輸帶將食物送到你面前😜I pad 點菜📱超級先進😋 午市時間來到，有午市套餐，較划算，所以一人點了一套餐。每個套餐都包括了一個湯底和一款飲品。 湯底選擇非常多，是日款色也有八款選擇，我選了熱血湯底，是用紅菜頭和番茄再加上辣醬煮成的，朋友選的是豬骨湯，清甜美味。 套餐內包括的食物都非常多，每個套餐包含的配料也不同，實在花多眼亂👀，選了良久才可決定呢！ 🧀芝士撈撈🍜（$68） 👉🏻丹麥雞腿肉🐥 👉🏻黃金魚籽球🍡 👉🏻竹輪🍥 👉🏻芝士片🧀 👉🏻豬骨湯🍲 🌶熱血火辣辣（$78） 👉🏻美國西冷🐄 👉🏻麻辣湯包丸🍡 👉🏻Mini蔬菜拼盤🥗 👉🏻客家粄條 👉🏻麻辣撈麵醬🌶 👉🏻熱血2️⃣號🍲 🍱醬料四寶（$5） 餐廳已預先擺放一包豉油在每位客人的桌上，其他醬油配料就要自行點配，這個醬料四寶有蒜蓉、炸蒜、蔥花、和辣椒粒，足夠一人份量。 朋友試過大食鬼，一個餐都唔夠食，所以再瘋狂點選多款配料，真的非常瘋狂！ 至於配料方面，食材分量都是按一人份量而定的，食材新鮮，味道好吃！ 🐙墨魚滑（$22） 🍡大埔振興牛肉芝心丸（$18） 🌯脆皮魚皮春卷（$12） 🥐迷你響鈴卷（$8） 🌭香腸（$10） 🍥竹輪（$12） 🌿油麥菜（$8） 🍃娃娃菜（$8） 🌱皇帝菜（$10） 🎃青皮南瓜（$8） ☘️蘆筍（$18） 🌽超甜粟米（$12） 🍜粉絲（$9） 餐廳鄰近波鞋街，位置方便，大家經過也要試試啊！ 📌店名：熱血一流’ 📍地址：旺角奶路臣街17號The Forest地下G12號舖…查看更多

今日終於同朋友黎左依間好過瘾既自動傳菜打邊爐餐廳係部tab到落完單之後就有條運輸帶將D食物送到我地面前，估唔到點菜都可以咁好玩咁先進!嗌左個午市套餐-芝士撈撈個餐包括丹麥雞腿肉，黃金魚籽球，竹輪，芝士片，烏冬，同一罐野飲。湯底我就諗住清淡D所以嗌左豬骨湯。另外同朋友嗌左一埋野share食: 響鈴，魚春卷，大埔振興牛肉芝心丸，蘆筍，皇帝菜，娃娃菜，油麥菜，粟米，南瓜想特別講下牛肉芝心丸，本來無太大期望因為覺得兩樣野聽落好唔夾，但食落唔係wo，出奇地好食，所以連朋友個份我都食埋，哈哈!整體感覺都良好，建議各位可以黎玩下食下!…查看更多

聽講旺角開左個新商場，附近仲多左間一人火鍋店 (但其實不一定要一個人去)，一於去試下先。坐低之後就會有人黎同你簡單介紹餐牌同點樣點餐。用Tablet 點菜就可以，完全唔驚錯單漏單。 湯底 午餐餐牌 其實都幾多人同朋友或者屋企人黎食。 等左一陣之後食物就會經軌道送到你面前，食物送到個刻仲會有跑步咪錶既嘟嘟聲，好有做緊運動既感覺。 食物係落左單之後一陣就好快送到，係煮熱湯底既同時筆者就梗係要爭取時間食左個前菜先喇。 湯底新鮮送到 !!! 你以為是鮑魚的魷魚 口感煙煙韌韌咁，真係幾似鮑片。加上少少麻醬，味道幾得意。底下仲有少少酸菜，作為前菜用黎開胃係唔錯既選擇。 西冷牛肉(左) 同 牛肩脊肉(右) 一片片薄切西冷牛肉，煮一煮好快就熟，每一片都啱啱好一啖食哂，夠哂乾脆。牛肩脊肉脂肪分佈夠哂均匀，肉質細致嫩滑，貴d 都值得既。筆者今次其實係叫左個特盛牛肉湯烏冬既午餐，配番個茶瓜香菜雞湯清清地咁。除左西冷牛肉 2客之外仲會有個蔬菜拼盤同稻庭烏冬，豐富得黎又健康。另外仲試左叫童星點心麵。浸一陣落湯度少對脆又唔太熱氣咁食都幾過癮。最後飲番罐橙汁同個Movenpick 雪糕呢個豐富一人火鍋就食到呢到喇。 門面…查看更多

首先湯底，湯底款式有四款，實際上只有兩種不同的口味-番薯湯同茶湯。番茄湯不作評論，因為太普通。水仙茶湯，係筆者無選擇下嘅選擇，湯送到面前時就聞到淡淡嘅茶味，加熱時更香。用茶作為湯底，配肉特別清香，菜亦會帶淡淡水仙味 然後到配料：三種牛肉-肉眼、西冷、牛肩胛肉眼：完全無肉味，要靠湯底西冷：肉質軟滑，有牛肉味牛肩胛：肉質較西冷實，有少少根，有牛肉味菜類：唐生菜、娃娃菜新鮮連皮南瓜片：太薄，接近冇味道青皮紅肉蘿蔔：煮左大約45分鐘仲帶一點爽面類：稻庭烏冬：垃圾！！太軟，食落好似真打烏冬煮完放雪櫃一晚咁,完全唔彈牙，難食到一個點總結一下，價錢$88再加一埋單差唔多一百，好似有啲唔抵，加上食哂都係得七八成飽，就連最吸引嘅湯底都有乜選擇，所以「可一不可再」…查看更多

難得今天想自己一個清靜，所以獨自無目的地游旺角，肚開始交響樂時經過一間《熱血一流》，餐廳名很特別了解一下，原來是一人一鍋，還有最吸引就是很多不同國家、不同部位的牛可以選擇！ 推介！牛控set HKD 88 （全都是一人份量）紐西蘭肉眼 、美國肩胛板腱、美國西冷 、Mini 蔬菜拼盤、韓國拉麵、竹蔗茅根海底椰 （跟餐送）可是以上的牛部位仍未滿足到我，所以另叫了來自英國安格斯牛小排 HKD38 牛的脂肪不太多可是出奇地不鞋，咬下去也容易，不痴牙！贊！ 職員還提示在600度的熱力下最好！ 其實餐廳還有很多肥牛片，丹麥豚梅肉、巴西牛舌、雞腿肉、美國牛肋條等。。但肚子不淨氣，所以要留待下次了湯底選擇了招牌番茄配熱血2號（辣度最高） HKD 18 ，番茄好濃不酸，好刺激但好興奮，連湯也喝光了！吃得多牛，當然少不了來自紐西蘭羊肉 HKD22有些少蘇味但可接受，肉也棯身。虎蝦 HKD 38 2隻巨型虎蝦，好爽，兩隻不太夠，後來又加碼，不須要加鼓油己經食到鮮味了！…查看更多

天氣驟冷，特別想吃火鍋！鐘意試新餐廳的我便想到旺角的《熱血一流》，位於旺角地鐵站E2 出口步行5分鐘。環境：全都是單人位位，椅子下可放東西，全自助落單，食物隨自動路軌送到你面前，就連加湯也是，非常方便。食物：有午餐有8 個set lunch選擇及晚餐 - 日式，中式，韓式等等服務：職員解釋得很清楚平板機用法，收碟也很快 牛控set lunch HKD 88紐西蘭肉眼 （1份）美國肩胛板腱（1份）美國西冷 （1份）Mini 蔬菜拼盤韓國拉麵 （1份）一枝健康工房竹蔗茅根海底椰另加英國安格斯牛小排 HKD38 熱血1號18 (招番茄，辣度1）紅肉宴！各碟約有6-7塊，每塊新鮮、色澤紅潤、最重要不鞋及痴牙，肉有小許脂肪可帶出牛肉味。餐廳還指定要在600度的溫度下煮食更為美味。而蔬菜就是紅色芯蘿蔔，質感跟白蘿蔔稍為爽一點，很特別。生菜很翠綠，連湯食很刺激味雷。另外紐西蘭羊肉 HKD22個人覺得還好，不蘇，很重羊肉味 虎蝦 HKD 38 (1份2隻）手指搬大少，很新鮮，殻容易脫開。…查看更多

熱血一流枱底有個籃可以放袋幾細心及善用空間。要在一個ipad下單， 點了食物後需要確認order， 否則落單未完成。送食物是通過運輸帶送到你的面前， 取了食物後需要按枱上一個紅鍵， 運輸帶的盤才會退回原處。等了幾分鐘火鍋爐都沒着， 原來按了開關後還要按右二的火鍋鍵， 才真正的開了爐，。要來1-2次，熟習了操作自助火鍋，才真正的可以自動化，不假店員。食物尚算新鮮。蒙古養生湯, 竟然是咖啡味?!套餐芝士撈撈其實很飽。另外, 外加泡菜豚肉餃子($8)很大粒， 不過味道一般般。紅蘿蔔($8)切得很薄所以很快就煮得林。野飲要不冷的可以叫店員去換。埋單110蚊， 一個人的火鍋我覺得算是差不多。…查看更多

放半晝出左旺角諗住去買game，路過呢間餐廳見到個裝修幾靚幾特別，又見佢用輸送帶送餐，類似某壽司店嘅高速線，反正午餐時就入去試下。餐廳用電子餐牌落單，想食乜就自己按。午市套餐有8款，叫左個韓國餃子湯麵餐。湯底方面亦有8款揀，聽店員講話有30款湯輪換，可惜當日無泡菜湯，無得夾返晒個韓風味道，最後揀左胡椒豬肚湯底。食完個餐都堅係飽，食物質素唔錯，份量又足夠，加湯係俾原湯唔係俾清水，所以唔怕越食越淡味。…查看更多

形式都幾得意，但真係比唔到正評又貴又量小，食材又普通，連調味料叫咩都要錢我只點左2棵菜、2隻魚皮餃、4舊細雞肉，加一舊仔芋絲，就已經埋單100例如叫魚皮餃，$12蚊真係只係黎2舊，其他野量真係好少，但加加埋埋仲要貴過放題，最緊要係唔飽，埋單仲要拿拿聲去附近食野醫肚我叫左蕃茄1號，除左這是辣之外就真係無咩味本身話有30幾款湯料選，點知去到原來每日只有8款本身除左入座時有staff帶我地之外，之後都無serve過我地，全部自動化，最尾竟然仲要收加一服務最緊要係唔好味！好失望，食材咁少質素都做得唔好，至少湯底係咪可以有味d，都未講一d無香味都無旁邊有人叫左一set野，已經係叫左經濟之選一埋單加一要成$180 ，望住個set入面既食物真係喊出黎，佢都話真係試一次唔會再試，好搵笨！雜誌又推薦伏野…查看更多