熊拉麵 (白加士街)

营业中

休息中

聽身邊啲人不停推介呢間拉麵，咁就去試下拉😎😎果然都幾多人排隊，等左15mins 左右終於可以入去，😅天氣熱咁等都真係幾係野😭😭入到去即刻叫左個黑熊拉麵，食拉麵🍜緊係第一時間飲佢個湯底拉，果然不負眾望，係好好飲既，個湯底好濃但又唔會話好咸，一個字正👍👍👍👍👍👍👍👍👍👍要比爆like!!!啲麵都好正，個糖芯蛋熟到岩岩好😍😍😍如果唔洗排隊我諗我應該會成日黎😂😂😂😂

星期二Around 1點去到，5mins都唔洗就入得，店內坐滿人，野食都好快到👏👏—————————————————————★喺出面等會比點餐紙，同日本拉麵店一樣，圈想食嘅餐、麵硬度、叉燒肥瘦等，未決定到都可以入去坐低繼續諗👌★可以走蔥、木耳等★枱底有籃比你放袋★枱上有好冰嘅檸檬水、蔥、紙巾等等，杯、匙羹、筷子、牙籤都係喺枱上面自己拎🙌如果唔見有可以通知下★店內有廁所，只可以企到1個人，有提供廁板紙(要注意環保喔🙇)，洗手要出廁所轉左個洗手盤★內有yell card可以扭，但今日去已經係最後一期★店內播嘅都係日文歌，但只有BGM，冇人唱(有和音)★叫完野食會比單你，食完行出去比錢—————————————————————①魚介熊拉麵 $89 (肥叉、中幼麵)▶湯底極濃，但偏鹹▶湯係有d黏個種，即使食個陣唔飲湯，麵上面都有一層湯&蒜油痴住👌▶叉燒有2塊，有層仔脂肪，好軟嫩▶蛋係塘心蛋，蛋黃仲係流質，超好食————————————————————②招牌熊拉麵 $88 (瘦叉、幼麵)▶湯底極濃，但有d鹹▶木耳有d酸(醋)▶湯都係有d黏個種，即使食個陣唔飲湯，麵上面都有一層湯痴住👌▶叉燒有2塊

依排有事要忙，成日都要喺市區自己一條友食early dinner。經常出沒喺油尖旺一帶嘅我如果冇記錯，當年好似係見證熊拉麵開張，試過幾次，最近發現原來佢係黃店，梗係要再嚟食下啦！😌招牌熊拉麵嘅湯底夠濃，就算揀咗健康冇油都夠味又掛到麵。極力推介大家一定要揀火炙肥叉燒，望落得一塊以為好少，但係火炙嘅焦香味加埋肥叉燒嘅肥膏，對女仔嚟講真係一件都夠晒數，如果真係驚唔夠都可以追加呀！今次嚟到唔係好餓，下次再嚟想試埋個自家製餃子😻另外，好想提醒大家嚟到千祈唔好錯過枱面擺嘅辣芽菜，超惹味停唔到口！💛

之前經過過幾次，都係要排長龍，甘岩今次經過唔洗排隊即入去試。叫左期間限定：甜醬油牛舌拉面+旦。本身係牛舌控，呢個牛舌比圖片更厚切，非常軟林但好有口感，簡直係10分滿分。唯一不足係旦，overcooked 做唔到溏心流心效果。另一款係白熊拉面，湯底不俗，叉燒可選半肥，全瘦，角切，我選左全瘦，入口一啲都唔鞋，而且無甘肥，適合女士可減輕罪惡感。🤣🤣另外，亦試左大坂燒餃子，裡面係芝士粟米餡，感覺古怪，粟米亦好乾好硬，唔建議試食。整體拉面表現不錯，必定要食期間限定：甜醬油牛舌拉面，正！

因為見到網上好多正評💁🏻‍♀️💁🏻‍♀️💁🏻‍♀️，又有傳媒採訪，抱著極大期望去光顧。.但係！！湯底得個鹹字。0層次，叉燒仲要得一片，如果好好食都算啦，但問題係好普通！😳😤😤😤！再試下d 佐料，都好普通，芽菜得辣粉調味😒子薑切到好碎濕濕，味道都無層次😒😒.點左招牌同黑蒜湯底，但係黑蒜係淡到以為食清湯，招牌就得鹽味。😭😭😭😭幫襯完今次，我同朋友異口同聲真係唔會有下次。.

一直特別中意試熊拉麵推出既期間限定今期新推出係呢個香魚湯拉麵一望到個名就已經覺得好吸引， 材料有五種唔同既魚係入面，咁出於好奇同期待既心情去試本人一試就直接落坑， 大力推薦呢款日本拉麵❣️本身我個人係鍾意重口味既拉麵，但我又唔係嗰啲鍾意死喊重油既類型，而係鍾意有濃沃嘅味道同口感個一種重口味首先我覺得呢款拉麵嘅最大特色就係佢個魚湯真係非常之有層次感， 香濃得黎又好獨一無二，第二度應該都冇呢一隻味， 可能因為有五種魚既材料係入面，係會幾種層次嘅味道散發出嚟， 啱啱入口，會有種好似木魚碎既濃厚， 之後會有種魚介既風味走出黎， 食多幾啖個種香烤海鮮嘅風味越來越強烈， 係會越食越上癮， 而且佢呢個湯拮拮地， 唔會太水有少少似沾麵， 平時會係幼身直條嘅麵條，但今次拉麵佢特定咗係好似公仔麵圈嗰隻， 粗身少少， 本身食拉麵我係唔鍾意食呢一款麵嘅，但亦都因為咁啲湯都特別沾上左係麵， 同呢個湯真係好夾， 令人有種好似食沾麵嘅感覺， 同埋佢上面有啲洋蔥絲都增加咗呢一個拉麵嘅特色， 洋蔥個種甜甜地又鹹鹹地同佢個魚湯嘅風味配搭得好好~ 肥肥地既叉燒 再配合埋多汁美味嘅糖心蛋， 令成個拉麵都更加口感更完整， 真係食

又嚟招牌熊拉麵，佢唔止可以揀麵款同軟硬度，就連叉燒都有三款俾你揀😬通常係飲啖湯先，佢嘅湯唔會令你口渴，冇味噌呀。再嚟叉燒同麵質都保持水準。至於溏心蛋，真係正㗎。

放假要返學嘅晚餐，今日突然好想食拉麵，喺學校附近周圍行搵比我見到呢間熊拉麵，比佢門外嘅海報吸引咗就係呢個期間限定嘅香魚湯拉麵我揀咗梅頭瘦叉燒，嘩係最愛嘅曲捲麵因為唔係太肚餓所以冇追加任何嘢首先試吓嗒湯先，好濃魚味仲好黏口o添，好似食咗花膠咁，梅頭瘦叉燒真係冇咁罪惡感，唔知係咪個湯太好味，所以啲麵好似好快食晒，有啲唔夠喉咁，唯有同自己講唔好食太飽啦！陣間上堂瞌眼瞓就太失禮啦睇吓隻溏心蛋整得好好靚到一個點

元祖魚介熊拉麵($89)餐廳提供咗唔同嘅湯底，好欣賞佢叉燒可以揀梅頭瘦叉燒或者火炙肥叉燒，啱晒未必鍾意食肥膏嘅人 😋落完單等咗 5 分鐘到就已經有得食，湯底味道夠濃郁又唔會太咸，叉燒煮得好淋身，有入口即溶嘅感覺，溏心蛋就不過不失 👐🏻 整體嚟講配料同麵嘅份量都俾得好足，CP 值 💯————————————強烈推薦要加佢枱面附送嘅辣芽菜！辣度恰到好處，而且 keep 到爽口，加入拉麵一齊食仲可以增加口感 🤤本身仲想試埋店舖招牌餃子，可惜晏晝嘅時間去已經冇晒.. 希望下次再去可以試到啦～

【 超濃郁豬骨湯拉麵 - 熊拉麵🍜 】鍾意食拉麵既朋友可以試吓呢間 支持黃色經濟圈💛 佐敦同上環都有分店 今次去左佐敦嗰間 室內裝修好日系又寬敞 而且近地鐵站🤩食lunch要等位 不過吾算等好耐🤪🛎🛎注意⚠️ 重點係呢間有三款配菜提供 分別係醃咗嘅辣芽菜 咸菜同姜 特別要推介既係 辣芽菜！！佢加埋麻油同埋辣辣地 撈埋落拉麵度食好正💕💕 每次去到都食左人地半樽😂因為好惹味 同拉麵係絕配啊🤣🤣尼間拉麵好多野都有得自選 揀番岩自己👇🏻叉燒: 梅頭瘦叉燒 火炙肥叉燒 角切叉燒粒🐷麵款: 1.25mm幼麵 1.5mm中幼麵 (追加面+$13)麵的硬度: 硬 普通 軟香味油:健康 (+$3香味油)♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎♧︎〖元祖魚介熊拉麵〗$89魚介湯底比普通豬骨湯更加香 飲落冇味精 味道適中 相對上比較淡口 魚介味唔算好出🥳 如果唔鍾意太濃味嘅可以試吓呢個！ 火炙肥叉燒 一層脂肪一層肉 口感好豐富 成口油脂 入口即化🤩溏心蛋係半凝固狀態 好正 中意逐啲撩出尼食🤣 麵就揀左幼既硬麵 幾有咬口-〖赤熊拉麵〗$83赤熊湯底比魚介濃郁 係自家製唐辛子味噌湯底 對於唔食得辣嘅人來

我同老公都鍾意食🍜湯麵, 不過我比較鍾意食車仔麵, 老公就比較鍾意食拉麵。我鍾意車仔麵選擇多變化多, 每一間車仔麵店既配料都略有不同, 可以經常轉款保持新鮮感。其實如果食到一間各方面都啱口味既拉麵, 係真係可以經常去幫襯的, 但可惜到宜家為止, 還沒有搵到一間湯底同肉都滿意既拉麵店, 仲有拉麵店好少做外賣亦都係我較少幫襯既原因。因為想到裕華睇下D🕰掛鐘, 所以今日就係附近搵左間拉麵店做午餐。熊拉麵都幾受歡迎, 大約11:40AM到達, 幸運地我地係最後兩個客人可以首輪入座。我點左火炙肥叉燒招牌熊拉麵, 老公點梅頭瘦叉燒黑熊拉麵。招牌熊拉麵 - 比黑熊拉麵多一隻溏心蛋, 但略嫌醃得唔夠入味。火炙肥叉燒不錯, 切得厚身, 肉質新鮮, 肥瘦適中, 入口有微微用火槍燒過既香氣。而最欣賞既就係佢地既湯底, 用豬骨熬制而成既湯底味道濃郁, 真材實料, 質地帶黏口, 充滿骨膠原既感覺, 係非常有誠意同揼本既湯底。黑熊拉麵 - 比招牌熊拉麵多左黑蒜油。梅頭瘦叉燒我無食, 望落去比火炙肥叉燒薄身。鍾意食瘦叉同黑蒜油既老公表示非常滿意。

有日口痕去左食，要排隊，等左20分鐘左右。叫左招牌熊拉麵同加底（廚師推薦）無咩好評價，各方面都好好，價錢都叫抵食。特別個湯有好濃既豬骨味，認真唔錯。但係建議大家唔好加底，一來個量係勁多，二來唔好食，無左大部分既湯味（浸左湯都係咁）。真係肚餓既建議你叫多碟餃子或者食巨熊拉麵。 總而言之合格以上，值得回頭食，但係我就完全唔建議加底

湯底方面魚介味唔係好出，亦都偏單調嘅咸，要係咁飲水叉燒肥膏多但分佈圴匀所以都唔會好膩，但可能因為火炙嗰陣聞到太香，入口有啲失望🙈溏心蛋好好食🤩🤩🤩流心得啱啱好，亦有蛋味。麵如果再粗返少少會更好，木耳爽口。枱面仲有啲醃蘿蔔、豆芽可以自己加，豆芽加左麻油辣辣地好開胃🤣

天氣凍凍地，又係時候食熱辣辣嘅拉麵🍜呢間拉麵黃店唔止可以揀麵嘅種類同軟硬度，最特別嘅係連叉燒都可以揀火炙肥叉燒/梅頭瘦叉燒/角切叉燒粒😱而且湯底夠杰夠濃好高質，大家快啲去支持下🙌🏻▪️招牌熊拉麵 $88▪️叉燒嚟講，識揀一定係揀火炙肥叉燒🤤夠淋、入味好好食，啲脂肪位仲好香😍 原隻溏心蛋一咬落去超流心👏🏻，仲有啲木耳做配菜～湯底係招牌豬骨湯，好杰身、好易掛湯，但又唔會太油幾好食🤤▪️魚介熊拉麵 $89▪️魚介湯嘅魚香味會重啲，味道比招牌濃味一啲，重口味人士必試😍 其他配料都係同招牌一樣就唔多講喇～▪️香蔥沙律醬餃子 $43▪️貪新鮮試吓呢個特別口味嘅餃子🥟～餃子煎到好脆口，本身鍾意食蔥但都覺得生蔥真係放得太多了😂 沙律醬同餃子放埋一齊唔太夾🤔，建議叫返原味自家制餃子！

今日因為約左朋友去睇戲，所以邀請朋友一齊試拉麵。哩次去試位於佐敦店既熊拉麵，大約2點左右到店，門口已經排緊隊，等左約10分鐘左右就可以入店啦，可能係平日，好多人好快食完就回去工作吧？我同朋友都揀左最基本既招牌熊拉麵，我揀梅頭瘦叉燒，朋友揀炙燒肥叉。招版拉麵既配菜有一只糖心蛋，一大塊叉燒，約1.5湯匙既蔥以及木茸絲。湯底係好濃郁既豚骨湯，好似係好膠質啫喱再加熱煮溶左咁樣既口感，味道留係口入面既時間好長。麵方面我揀左細麵要硬麵，雖然黎到都係唔夠硬，不過都好夠爽口。配菜方面，我揀左梅頭叉燒，睇落雖然薄，不過好大一塊，食落唔會太乾同埋唔會太肥，做法有啲似慢煮出黎既叉燒咁。糖心蛋外面有淡淡既醬油味，用筷子夾開，入面的蛋黃流唒出黎真係好正！蔥係切成蔥粒，先前功夫有做足，蔥既辣味唔會太強影響麵既原味。木茸切既大細好一致，食落好爽口。店內既環境枱面乾淨整齊，有拉麵配料辣芽菜，紅薑絲，冬菜，以及有冰凍檸檬水，餐紙提供。店員服務態度非常好，有禮貌。👍👍價錢方面拉麵約83蚊～130蚊左右，都算係大眾化。不過吧枱提供比客人放置物品既籃太少，可以考慮增加多啲籃比客人放置手袋會更好。有機會會再黎試其他口味既拉麵。