熊拉麵 (白加士街)

营业中

休息中

29-7-2021💸招牌熊拉麵 $88元祖魚介熊拉麵 $89(午餐)CC LEMON +$8·13-8-2021赤熊拉麵 $83元祖魚介熊拉麵 $89-係佐敦我幾鍾意食呢間嘅拉麵店😋當中叉燒有三款可以揀👇🏼梅頭瘦叉燒、火炙肥叉燒、角切叉燒粒我就揀親都係瘦叉燒😝選麵就1.5mm中幼麵 配硬嘅麵度-元祖魚介熊拉麵 湯底魚介味濃(有時係超濃)七月去嗰次係超濃湯底 但八月嗰次對比就淡左啲！呢款湯底好厚質感飲 落口好有漿住個口感覺唔算太過鹹 除咗嗰次食係超濃味湯底之外！-招牌熊拉麵 湯底比魚介淡少少 味道唔錯 豬骨味都重！赤熊拉麵 湯底一般 感覺唔算太辣 不過不失 對比前兩者稍為遜色！-拉麵掛湯力強 配埋木耳絲 口感豐富 溏心蛋有淡淡醬油味 做到流心效果！呢度拉麵基本上好夠熱 食到最尾都仲係熱嘅 食親都出晒汗🤣我次次都會飲哂啲魚介湯 因為覺得好飲！

【#肥波日本野系列】🎈有一日出左佐敦，突然間好想食拉麵🍜就即刻上網睇下邊間良心店好食～🎈我最鍾意食嘅就係辣辣湯拉麵，呢碗辣湯好夠味，拉麵軟硬度適中，叉燒都燒得幾香幾淋💛肥成就唔食辣嘅，佢嗰碗湯我飲左啖都幾濃🍜，餃子🥟煎得香香脆脆，一咬開就有肉汁beep出黎，幾有驚喜👍🏻而芝士棒就係當時follow佢地IG送嘅，每期都唔一樣啊～～可以留意下佢地會有咩送，幾好食的呢～📍熊拉麵 (白加士街)📍佐敦白加士街8號地舖

拉麵🍜作為日本🇯🇵既傳統食物之一，一直深受大家喜愛😍。熊拉麵主打九州豚骨拉麵，湯底濃郁，味道幾正宗😆。—————————————————📍 黑熊拉麵 (9/10)上次試完傳統既豚骨拉麵🍜 ，一d都無失望，今次就食新湯底😎。黑蒜油湯底⚫️除左本身濃郁既豚骨base🐷，再加上黑蒜油同炸蒜🧄，將風味提升去另一個層次🆙。炸蒜🧄香得黎味道超重，拉麵重口味既fans一定好鐘意🥰，另外質感有d creamy厚厚地，不過入口依然非常順滑😋。加埋一點紅辣醬🌶令味道更有層次，平衡返豚骨既油膩感👍🏻。配料有叉燒🍖、木耳絲同蔥花。叉燒🍖可以揀梅頭瘦叉燒、火炙肥叉燒同角切叉燒粒。黎得拉麵店🍜當然要食得滋味，火炙肥叉燒選用肥瘦適中既五花腩🐖，肉質軟腍，經過火炙充滿油香👃🏻，油脂入口即溶👅。可惜叉燒只係得一片，而且略嫌薄左少少。木耳絲切得好幼，質感爽脆，加埋好多蔥花令到拉麵🍜口感更有豐富🤩。除左叉燒，大家仲可以揀麵既粗幼同硬度，有屬於自己既拉麵😎。小編揀左中幼麵，爽滑得黎有唔錯既掛湯能力，配搭呢款濃厚既湯底就岩岩好。餐廳🍴仲提供多種配料比大家調節自己鍾意既口味❤️，包括辣芽菜🌶、酸薑、醃芥菜等等。📍 熊自家製餃子 (8

那天放假聽說朋友說柯士甸道有一間好好食的拉麵店，於是和朋友一齊去嘗試。當天人不多等了十多分鐘就有位了。我們叫了一個招牌熊拉麵，黑熊拉麵和熊自家製餃子。拉麵方面，湯底味道不錯、麵質有咬口，麵的煙韌度十足，各樣拉麵配料也有個別味道，食得出食材有獨立處理，凍水供應也足夠，唯獨不足是感覺叉燒比較韌和味道淡，也比較薄一點，對於喜愛叉燒的我較不滿足，個人認為慢煮應該比較肉嫩多汁才對。另外餃子外皮十分香口，即叫即煎，手門也不錯，餡肉也多汁，味道又不錯（不是濃味食完會口渴那些肉），總體來說也是滿意的！

同友人search到呢間良心拉麵店，入到去地方都舒服，唔算迫，整齊。每一個座位都有號碼，寫番個號碼係點餐紙上面。我叫左招牌熊拉麵，友人叫左魚介拉麵。侍應把兩碗拉麵都擺曬係友人枱上就立即走開。由於兩碗的餸及湯的顏色都是一樣的，甘唯有推理出最近我方向果碗應該係我的。唉。。。點知我第一啖食落口就已經唔似豬骨湯味了。結果我和友人掉轉左碗麵。友人選普通硬度的麵，我選硬。反而我碗招牌熊拉麵d麵仲淋身過佢碗。仲有，隻糖心蛋雖然係流心但好難食。首先，良心店係要支持的，食物質素普通亦可容忍。但侍應服務方面可以認真d，我未試過入一間拉麵店，已經寫上枱號，都送唔到我碗麵係我張枱度。請不要把時間花在玩手機上，嘗試認真改善。

同朋友去完千泉醫館放鬆崩緊肌肉，突然想食拉麵，上網在附近搵下邊度有好食既拉麵，然後搵到呢間，在醫館隔一條街。1️⃣紅色碗魚介熊拉麵 $89第一時間飲湯，超濃魚味，濃郁程度飲落少少漿口感覺，但就鹹左少少，叫左1.5mm拉麵，配埋麵味道剛好。叫硬麵，瘦叉燒，有粒醬油糖芯蛋。食完唔夠喉，要叫加底🤣2️⃣白色碗招牌熊拉麵$88 （朋友叫）相比之下湯底好似比較普通，朋友叫1.25mm拉麵，肥叉燒，硬度叫普通，仲有粒醬油糖芯蛋。佢試完小編碗魚湯，鐘意魚介多啲。⏩總括嚟講，推薦魚湯，叫超級巨熊拉麵好d$128，試齊哂三款叉燒有梅頭瘦叉燒、火炙肥叉燒、角切叉燒粒，麵量都大d。最重要夠熱，食完d湯仲出熱

同大部分拉麵店一樣，冇得預約，要walk-in排隊，位置喺內街，排隊嗰陣都比較焗，好在拉麵店流轉得快，唔使等好耐，店外有櫈可以比等候嘅客人使用。店面有一張L形吧枱同一張長方大枱，廚房開放式設計，每個間隔都有冰水自己斟。自己揀選拉麵種類、硬度、配料（走蔥、走木耳、走肉）我諗應該唔會有人走肉啩😆，值得一提係叉燒種類都有得揀：梅頭瘦叉燒、火炙肥叉燒、角切叉燒粒。赤熊拉麵湯比較杰身，可以掛晒係每一啖麵，食落都好濃郁，食開小辣嘅我覺得辣度都接受到，本身麵係冇跟溏心蛋，蛋係另外加，拉麵同溏心蛋絕配，溏心蛋唔錯，浸得入味唔會太咸，味道啱啱好，而且原隻上唔會比個湯浸熟個蛋黃。魚介熊拉麵同樣湯底都係比較杰身，湯面有層油，我估應該係精華黎😂？雖然有好多人推介，不過就覺得偏鹹咗小小，唔係好食得出魚介味，適合重口味人士，兩款拉麵都揀咗火炙肥叉燒，叉燒好食，一層肥肉一層瘦肉，燒到個面脆身，另外，枱面有放幾款配料比客人自己添加，剩係試咗辣芽菜，連埋麵食中和返啲油膩感，印象中仲有薑，不過就冇試到。芝士魚肉條大推！好好食，魚肉彈牙，有啲似魚蛋，帶有小小甜味，芝士夠流心，兩個人食每人兩件都嫌有啲唔夠喉。

平日晚上走到佐敦尋找美食，經過這間拉麵店很多次了，今天終於走進去食，幸好還有空位，今次坐在吧枱，可以看到師傅烹調拉麵的情況。這間店的叉燒可以選擇梅頭瘦叉燒，灸燒肥叉燒或角切叉燒粒。我今次揀左灸燒肥叉燒招牌熊拉麵，食到最後個豬骨湯底依然濃同甜，麵質就沒甚麼特別，溏心蛋可濃味多少少，叉燒燒得好香，值得再encore！另外叫左自製辣蔥餃子，餃子裡面係粟米豬肉，比想像中好食！店舖有幾款拉麵配料，包括辣辣地的芽菜，推介呀！

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒥𝑜𝓇𝒹𝒶𝓃🌟招牌熊拉麵🍜 （$88）呢道最正係有得𝘵𝘢𝘪𝘭𝘰𝘳 𝘮𝘢𝘥𝘦 你既拉麵，好多野都有得揀。例如叉燒肥瘦、形狀，拉麵既粗度硬度等等。 碗麵上黎好香，因為少少怕辣所以走左秘製醬汁，但朋友果碗加左醬汁都唔算辣，而且湯頭更加濃郁， 怕辣嘅都唔洗擔心。不過面既份量就相對少，女仔啱啱好夠飽😜溏心蛋就有成隻，而家整得好入味🥰-🌟芝士魚肉條 （$38）呢個芝士味好濃，外皮仲等登焗過。另外仲有提供醬汁可以點黎食，好正😍😍😍不過得三條份量比較少🥲📍 拉麵𝗞𝘂𝗺𝗮 𝗥𝗮𝗺𝗲𝗻佐敦白加士街8號地舖

Got my ramen cravings fixed!🍜My friend recommended this place and it didn’t disappoint at all🤤 Opted for their Signature Kuman Ramen ($88).I like it when I can choose my own ramen (1.25mm/ 1.5mm) and texture (firm/ normal/ soft) becoz I like firm noodles. Here yoi can even choose your BBQ pork type: lean/ roast half lean/ diced. Ramen was very springy and the soup char siu was tender. The pork bone based broth is very rich too! I drank some soup and didn’t feel thirsty at all. 😋👍🏻

这家拉面店生意可不错，由于座位不算多，晚饭时分经常有客人在门外等候。疫情期间九点半就关门，早30分钟已经不接待客人。今天经过时看见里面还有座位，就进去吃东西。其实他们的拉面款式不多，点餐很简单。填一张表就可以了，除了配料，还可以根据自己喜好选择面的阔度和软硬度。这款是招牌熊拉面，说实话份量不多，里面只有一块日式叉烧，肚子饿会不够填肚子。较为特别是一整只糖心蛋，刚熟的外层蛋白，加上中间的流心的蛋黄，口感软绵绵的，颇为特别。 最精彩的还是汤底，味道浓郁，结果是全部喝完，没有浪费。

去完Eaton staycation, 原本諗住佐敦名店澳牛，點知排到三個部位，喺30幾度嘅高溫下，決定去幫襯佐敦的熊拉麵。可能係星期日的關係，都等咗20分鐘先入到座，第一梗係要揀返店長推介，間店有兩個推介，魚介豬骨湯底拉麵同招牌豬骨湯底拉麵，因為個人唔係好鍾意食豬骨湯底，就揀咗魚介，仲加多左個招牌餃子。碗麵嚟到，第一時間梗係是湯底，係我最愛嘅清爽湯底，呢款未必啱如果鍾意食豬骨湯底濃濃口味的朋友，如香味同豬骨香味一半一半，飲湯落去順口，會有一飲再飲嘅衝動，叉燒方面，有三款揀-梅頭瘦叉燒、火炙肥叉燒、角切叉燒粒，揀咗火炙叉燒，每碗有一塊，油脂和肉的分布一層一層，咬落去不肥膩，不經不覺成塊食晒，麵底揀咗硬中太麵，尚算掛汁，這鋪最大特色時可以不加任何香味油，啱晒追求健康的食家。最開心子嘅係，呢度嘅配菜係任加，有我最鍾意嘅鹹酸菜！！！食呢碗面嘅途中，我加咗人哋半樽鹹酸菜！！！招牌餃子方面，餡料係粟米加豬肉，粟米的清甜為豬肉餃子減少油膩，尤其係夏天時節唔想食咁多肉，呢方面就可以增強食欲。總括而言，呢間拉麵店應該可以一去再去，食物質素啱口胃，服務方面都好OK，唔會太多，但又會有飽足嘅感覺，味精少，

長期人氣爆燈嘅熊拉麵，今次竟然不用等位就可以入內就座，實在太幸運啦。💫招牌熊拉麵$88非常地道的拉麵，最特別係客製化，唔鍾意食肥叉燒嘅Melody可以揀梅頭瘦叉燒，鍾意食肥仲有火炙肥叉燒，另外設角切叉燒粒。除咗叉燒有得揀，拉麵嘅粗幼度同埋軟硬度都可以自己揀❤️❤️值得一讚。湯底濃郁，拉麵掛湯，糖心蛋一流。💫自家製辣蔥餃子$43辣蔥餃子比較普通，不過見到幾特別所以就點嚟試吓。✅客製化拉麵非常特別‼️請預留排隊時間📍 熊拉麵 (白加士街) (佐敦)佐敦白加士街8號地舖5⭐️評分好食指數：⭐️⭐️⭐️餐廳環境：⭐️⭐️⭐️

/ 一見到呢間餐廳門口好大張poster⋯寫住「期間限定之廣島蠔🦪豚骨湯拉麵🍜」，我即刻俾佢吸引到🤩🤩🤩，然後拉埋同事一齊去食！不過因為餐廳舖頭比較細間，食飯時間都比較多人等位，(最後我地都等左大約十五分鐘先有位)但係員工服務態度好好👍🏻，喺差唔多俾位你既時候，會俾定張紙你揀定食咩，等你入到去就即刻有得食🤤由於我真係太鐘意食廣島蠔🦪，所以就叫左個大滿足 (有4隻蠔) 試一試😋！📍廣島蠔豚骨湯拉麵🍜 (大滿足 4隻蠔) $108💬無論係叉燒、麵款、麵既硬度同埋唔想要既配料，全部都有得喺張紙上面揀，俾你揀最岩自己心水既拉麵🥰！呢個廣島蠔拉麵真係好出色，d蠔都算大隻，仲好好食，無得頂😋👍🏻！(不過呢個款既拉麵只係期間限定，要食既話就要再等佢推出😭)另外餐廳座位上都會有d配料俾你自己加，比較推介大家既係「辣辣地既芽菜絲」，加落左拉麵到，又係另一種風味，更出色🥳！

今個夏天熊拉麵推出左新嘅魚油撈麵。唔同大細有唔同嘅價錢，咁就唔驚食唔晒。可以揀一種醬汁或者配料，既然佢推薦他他醬，咁我就揀他他醬啦。夏天嘅關係食湯麵會比較熱，可能會食到成身汗，撈麵係一個唔錯嘅選擇。佢個麵似豉油王炒麵，不過就帶甜（其實都幾甜），加埋魚油，其實係有啲膩。個他他醬係好重要，佢嘅酸酸地令到呢碗麵有啲清爽嘅感覺。麵質正常，算係粗麵，暖嘅。配料唔錯，叉燒放涼左，似食火腿，唔太膩，筍夠多，冇渣，蛋好食，係入味嘅，不過因為個麵已經好甜，佢個味蛋又係帶甜，令到成碗面真係甜咗啲。不過我都係食晒嘅。服務就真係麻麻地，雖然拉麵店我都唔期望有咩服務。我一入到去佢就俾咗吧枱位我，跟住佢想我掉位，因為佢要俾四連位其他人。佢有問我嘅，咁OK啦換啦，我要抽住自己個袋，一隻手拎住口罩，另一隻手拎住杯水，我都未拎晒啲嘢，佢已經比嚟緊班人企係我後邊等我，跟住我見到佢抹都冇抹過張檯就比其他人坐，疫情期間其實係咪都要衛生啲呢？我拎住咁多嘢，員工係咪都可以幫下手呢？