熊小館 (已結業)

帶埋bb仔去，個仔好曳冇影到相，不過員工都好有禮貌同埋耐性，中秋節正日可以book到位算係咁，湯夠熱，主菜揀咗雞肉沙律，好味同夠飽，我老公叫個意粉，佢都話可以再黎，其實呢個價錢我覺得性價比高

每次行過都見到好多人排隊，今次訂枱去食終於食到啦😍熊小館係用熊做主題既餐廳，一入餐廳就已經有隻大熊歡迎你，入面仲有不同熊既畫同熊公仔🐻，真係好可愛研究完個餐牌，今次選左一個二人套餐$298，因為覺得係最抵食😆，用最少既價錢食最多既野餐湯係羅宋湯🥫配牛油法包🥖，羅宋湯料夠多，而且味道好，好飲！牛油法包正常發揮小食選左意式焗肉醬茄子🍆，肉醬份量好多，估唔到意式肉醬可以同茄子一齊，幾特別深海帶子拼燒醬汁牛柳（+$10），我想講呢$10加得好值得！！牛柳厚身又大嚿，而且好嫩好香牛肉味，五成熟剛剛好，入邊仲係粉嫩，而且仲有好多肉汁， 好出色！！極力推薦👍🏻👍🏻👍🏻帶子煎得夠香，而且有鮮味，但係最吸引我嘅都係個牛柳😆卡邦尼煙肉扁意粉係得獎美食，所以就試吓佢有幾好食啦！一上碟超大份，差不多等於平時食嘅兩份份量，而且芝士味好香濃，仲有好多蘑菇同煙肉，又真係幾好食喎！甜品加咗$19升級做心太軟，輕輕切開個蛋糕，入邊嘅朱古力醬流晒出嚟，好似熔岩一樣，接都接唔住，朱古力味🍫好香，好好食😋見到佢啲特飲好吸引，所以我哋都願意加錢轉特飲，熱玫瑰花茶柚子聞落去好似鹹柑桔嘅味，飲落去就係玫瑰味同柚子蜜🍯，好潤喉，估唔

今天和朋友相聚, 見到這間以熊熊為主題的餐廳便試一試餐廳內位置算多, 最特別是周圍都滿佈了大大小小的熊熊公仔, 令人心情愉快唐揚脆烤雞翼 - 熱騰騰的, 外層炸得非常鬆脆, 內裡肉質解嫩多汁法式香草牛油焗田螺 - 牛油香氣撲鼻,薯蓉味道香濃,滿滿的牛油香味,又富田螺的鮮味是日餐湯是忌廉蘑菇湯配蒜蓉包, 忌廉蘑菇都很滑,不過不失芝士焗肉醬千層麵 - 超多芝士, 每一層千層麵夾著蕃茄醬, 多重口感鐵板肉眼扒 - 熱騰騰的鐵板上, 肉眼扒比想像中大塊, 而且很厚,肉質多汁黑熊 - 飲品加配了黑熊, 即是可樂加朱古力雪糕, 而且還有熊熊形狀的冰, 十分有誠意餐廳周圍都放了熊熊公仔供拍照, 絕對是打卡之選心太軟 - 最後當然要點我最喜愛的心太軟外層朱古力蛋糕焗得香脆, 內裡是流心朱古力, 吃得非常滿足這間熊熊主題的餐廳性價比高, 吃得開心, 值得再來

搬咗入將軍澳, 梗係搵下附近有乜好嘢食！原來熊小館喺度都有分店。之前喺megabox試過唔錯, 今次就幫襯佢！意式焗焗肉醬意粉茄子芝士加埋肉醬烤焗, 外層微微焦香, 香氣撲鼻, 同茄子十分搭配有驚喜！二人套餐深海帶子拼牛柳牛柳嫩滑鮮甜脂肪少, 一切開就好多肉汁, 呈鮮嫩粉紅色 七成熟啱啱好。帶子爽口彈牙, 外皮微微煎香, 特別香口惹味！芝士焗忌廉菠菜龍脷柳飯鍾意佢夠曬厚身充滿濃郁芝士口感, 每一羹都帶有拉絲效果, 感覺澎湃。龍脷柳先煎後焗外脆內軟, 整體份量頗多, 有飽足感！橙色派對、草子莓莓芒果加橙汁, 有淡淡芒果香甜味道, 冇搶走橙汁甜味！士多啤梨加橙汁, 顏色鮮豔, 士多啤梨糖糖漿甜甜地加橙汁, 又幾好飲！套餐除咗餐湯同法包, 仲有雪糕, 雲呢拿、芒果、朱古力三款口味, 雲呢拿重奶味唔太甜, 啱曬我！生日版心太軟心太軟係呢度其中一款招牌甜品, 外脆內暖濃郁流沙朱古力, 叫人念念不忘。原來仲有生日版本, 即刻點返個嚟預祝一下先！

熊小館最近係將軍澳新都城開分店, 梗係要嚟幫襯下啦, 寶貝女一見到就即刻展露心心眼, 搶住要同小熊毛公仔影相。唐揚脆脆雞翼先點個小食, 外層炸得香口鬆脆, 乾身唔油膩, 肉質嫩滑。一放低大家就爭住食。嚟親子餐廳就試下佢嘅兒童餐。小熊兒童套餐A天婦羅炸蝦、蜜糖雞中翼、牛油粟米、炸薯條小熊啫喱 配 鮮榨橙汁。妹妹最鍾意食蝦, 天婦羅炸蝦食到停唔到手！小熊兒童套餐B牛油粟米、肉醬意粉、司華力腸和小熊啫喱 配 鮮榨橙汁。家姐就鍾意個肉醬意粉和小熊啫喱, 每粒都有可愛熊仔模樣。芝士焗肉醬千層麵我就揀咗千層麵。芝士肉醬香噴噴, 加埋千層麵, 煙韌軟熟有口感, 芝香味龍, 啖啖充滿滿足感！玫瑰法式燉蛋玫瑰花瓣碎襯托擺盤, 感覺高貴。面層火炙焦糖, 香甜脆口, 燉蛋幼滑細緻蛋味突出。

呢間餐廳好似開左一陣子，番娘家時行過會見到。咁啱今日番娘家呀媽無煮飯，話可以試下呢間嘅西餐。坐低一家四口一人叫一個扒餐，有西冷、肉眼、牛柳，同埋薄牛+雞扒，差不多樣樣款色都試到。除左牛柳之外，其他本身都係套餐同埋有晚餐折扣優惠（早食就得85折），至於牛柳餐要加錢轉套餐嘅。食落d牛扒以呢個價錢都算唔差，係有牛味，未至於用鬆肉粉整到無晒味嘅。我呀媽話比金鳳好，價錢又平金鳳少少。最後因為牛柳餐可以平少少叫一個心太軟，叫左一個大家叫做試下味咁。

熊小館 (將軍澳)坐低之後睇餐牌，員工先話原來今日轉咗新menu，多咗啲新既菜式，員工好好人，仲推介紹咗幾款嘢食俾我地。鐵板肉眼扒（五成，黑椒汁）＄１５５呢個係一份鐵板套，已經包咗一份餐湯、牛油法包加普通飲品一杯。有唔同款式既扒類，我地要咗肉眼。有兩款醬汁可以揀，黑椒汁同埋燒汁，叫咗黑椒沐同五成熟。餐湯係栗米濃湯，幾啱用嚟點法包食。鐵板嚟到都好熱，牛扒會再烘熟啲如果放得耐。仲有薯條、粟米、洋蔥同荀。肉眼有少少筋會脂肪，五成熟啱啱好，仲軟唔會鞋。份量夠一人食。軟殼蟹牛肝菌意粉　＄９５個炸軟殼蟹真係好大舊，炸皮唔算厚，嚟到食都仲脆，同幾多肉。個意粉醬汁有少少杰，味道唔錯，仲有唔少既牛肝菌同甜椒。蕃茄茄子芝士闊麵伴燒羊扒　＄９８呢款個重點就係羊扒，唔會太熟都唔係好肥，係幾好食。兩款粉比較鐘意闊麵多啲，冇咁淋口感好啲。而且個醬汁好濃蕃茄味，酸酸地開胃味道好。凍薔薇之戀+$16、凍檸檬茶（少甜）📍將軍澳貿業路8號新都城中心二期2樓2086-2087號舖

有主題，見到價錢都唔貴就試下啦。 都唔會期望好食，諗住一般般都接受到。 點知中晒伏叫左焗豬扒飯，卡邦尼意粉。 豬扒飯外型okay, 焗得都唔錯， 點知食落個汁好咸好咸，即時冇晒胃口 。諗住食豬扒算，點L個豬扒完全冇味又溥身，個肉色仲好紅，唔同市面一般豬扒。老婆諗住個卡邦尼應該正常啦，因為卡邦尼正正常常好難會難食。 估唔到個麵條硬都算，個汁仲咩整到咁濃呢？ 好似撈緊蛋黃醬咁，食少少已經好濟，即刻反晒胃。

熊小館 (將軍澳)餐廳既特色就係周圍都有熊仔比大家打卡，門口有連枱上面都有，好啱小朋友嚟食，都見到唔少人帶埋小朋友一家人嚟食，仲有兒童餐，員工態度都好好，用餐體驗好好。二人套餐 $278好似二人套餐幾抵食，包咗以下幾款，而且味道都唔錯，不過款式唔算太多。。歐陸式濃湯+牛油法包今日係羅宋湯，有啲蔬菜，幾重蕃茄味，酸酸地開胃最啱。法包有啲硬，點湯食比較好。。深海帶子拼醬燒汁牛柳（五成）呢款都有驚喜，上菜擺盤幾靚，有兩件帶子、牛柳同薯蓉。 牛柳好軟嫩，唔會太生，點埋個汁食幾好，帶子唔會過熟。份量足夠兩人食既。卡邦尼煙肉扁意粉幾creamy既個汁，個汁幾濃但有啲啲杰身，之外仲有啲菇同煙肉，面仲撒咗芝士粉，好惹味又好邪惡。。朱古力雪糕、雲呢拿雪糕最後就食埋個甜品做結尾，唔係好特別，正常味道。熱薔薇之戀 +$16熱檸檬茶。凱撒沙律 $64另外加咗個沙律食，份量算咁上下，菜都新鮮，仲有煙肉粒增加口感，但我覺得太多沙律醬有啲膩。。人均： $100- $200📍將軍澳貿業路8號新都城中心二期2樓2086-2087號舖

今日去咗新都城嘅熊小館食午餐，都幾多人呀，午餐係填紙仔落單嘅，今次食咗特餐嘅蘆筍野菌意大利飯，賣相都唔錯我，除咗面頭兩條蘆筍之外，入面亦都有啲蘆筍粒，野菌都有唔同種類，放喺意大利飯入面好夾，個飯軟硬適中，食落有陣陣芝士味，50幾蚊有呢個質素真係幾唔錯。另外加咗$6飲嗰餐湯同埋食蒜蓉包，餐湯真係幾好飲，加埋好趣嘅蒜蓉包，絕對值得。之後有加$9食多個沙律，係好基本嘅setting，嗰醬係沙律醋，食落清新，冇沙律醬嘅油膩，但$9就未算好抵。

熊小館.....睇個名就知係充滿童真嘅人，就會去呢一度用膳。一入到舖頭......四方八面都會有熊嘅公仔放咗喺唔同嘅角落， 好多小朋友都好開心。 好有台灣餐廳嘅感覺， 因為以前去台灣都有好多類似嘅主題餐廳， 特別鍾意同朋友一齊打卡。今次叫咗個雜扒餐， 豬扒好大塊， 仲好鬆軟添。 牛柳有牛嘅香味， 不過略嫌有啲韌， 配菜好好食， 蘆筍有好獨特嘅味道， 好爽脆。 蕃茄仔好甜， 薯條熱辣辣， 不過若然淋身咗一D。總括好有去旅行嘅感覺， 成日覺得去旅行，先至會去呢D主題餐廳。 但都係一間有誠意嘅餐廳， 食物同環境都唔錯

話說今晚同朋友去食晚餐，食到半途，突然不知那裡飛過黎的水整濕我半邊頭髮，半邊頭髮係濕晒，好似幫我洗左個頭咁，明唔明有幾誇張，衫呀裙呀都濕左，🤬🤬🤬而那位企係旁邊的男職員只係話水黎既je,同埋俾左d紙巾我就算啦，都未試過有一間餐廳可以咁架，那些水都不知係乾淨定污糟既，之後亦都無好好地誠懇的道歉，只係輕妙淡寫咁講唔好意思，見我當下無大聲責罵，就咁算wo,我相信無人想享受晚餐既時候，俾人咁樣淋水法😡😡😡😡

嗰日去到將軍澳寶林商場shopping, 就俾呢間啤啤熊既餐廳吸引住! 見到佢都有幾款唔同嘅menu, 二人套餐，季節限定我優惠鐵板套餐，十分夠選擇。我哋主要嗌左兩句主食，升級左之後有餐湯同埋牛油法包。是日餐湯係蘑菇湯，質地適中容易入口。法包香脆好吃。法式香草牛油焗田螺呢個10分適合喜歡吃焗薯嘅朋友。焗薯外皮香脆，味道係有濃郁嘅牛油味。田螺大小適中， 10分開胃。燒美國殼飼厚切小牛扒五成熟的牛扒，口感鬆軟，好容易切得開。肉汁鮮味，係意外地好食嘅一款。配合蘑菇蕃茄蘆筍等等，10分適合減肥嘅人士享用。蘑菇紅酒汁牛柳伴法式田螺薯蓉批呢款就是可以滿足晒鍾意食田螺焗薯同埋牛柳嘅朋友。肉身比較硬身，味道尚可。分量大小適中。特別一提嘅係職員服務態度非常有善。如果鍾意多選擇同埋熊啤啤嘅朋友，呢間餐廳會係可選之取。

拍拖經過我屋企樓下一間充滿童話色彩嘅餐廳， 仲要有二人餐食， 咁當然入去試試啦。二人餐價值$298， 相當超值。 包2個餐湯， 餐包， 一客田螺， 兩個主菜， 同埋兩杯飲品。仲有隻熊仔陪你食晚餐，非常可愛。羅宋湯同蒜蓉包嘅配搭西餐來講非常正路。焗田螺配搭薯蓉， 係一個非常醒胃嘅前菜小食。主菜我選擇咗 蜂蜜bbq燒豬仔骨， 燒完出嚟嘅豬肋骨一啲都唔柴， 反而有淡淡油香， 食落既飽肚又滋味。另一份主菜我選擇咗芝士焗蜜桃汁去骨雞腿飯， 市場上好少搵到蜜桃汁焗飯， 呢個飯我真心推介， 因為個蜜桃汁真係好好味。你亦可以選擇加錢轉特飲。

見到好似評價唔錯，外觀都好靚就去左試環境佈置好特別同食物都唔錯 有好多選擇 價錢同份量都合理但由一入到去到食完比錢既服務態度都十分差，唔係單一係整體，寧願照比Service charge但自助式都唔想有任何「服務」，唔知係咪因為工作量太高定係underpaid衞生都係一般 啲枱係抹得唔乾淨會有汁漬食物碎總結黎講衞生同服務都有好大改善空間建議如果係為左食物唔係為左個佈置既話就外賣盡量都唔好堂食食物係唔錯同佈置都好特別好有心機，但啲態度真係敗筆，會令人食到冇哂氣氛