熊小館 (已結業)

熊小館最近係將軍澳新都城開分店, 梗係要嚟幫襯下啦, 寶貝女一見到就即刻展露心心眼, 搶住要同小熊毛公仔影相。唐揚脆脆雞翼先點個小食, 外層炸得香口鬆脆, 乾身唔油膩, 肉質嫩滑。一放低大家就爭住食。嚟親子餐廳就試下佢嘅兒童餐。小熊兒童套餐A天婦羅炸蝦、蜜糖雞中翼、牛油粟米、炸薯條小熊啫喱 配 鮮榨橙汁。妹妹最鍾意食蝦, 天婦羅炸蝦食到停唔到手！小熊兒童套餐B牛油粟米、肉醬意粉、司華力腸和小熊啫喱 配 鮮榨橙汁。家姐就鍾意個肉醬意粉和小熊啫喱, 每粒都有可愛熊仔模樣。芝士焗肉醬千層麵我就揀咗千層麵。芝士肉醬香噴噴, 加埋千層麵, 煙韌軟熟有口感, 芝香味龍, 啖啖充滿滿足感！玫瑰法式燉蛋玫瑰花瓣碎襯托擺盤, 感覺高貴。面層火炙焦糖, 香甜脆口, 燉蛋幼滑細緻蛋味突出。