熊小館 (已結業)

熊小館 (將軍澳)坐低之後睇餐牌，員工先話原來今日轉咗新menu，多咗啲新既菜式，員工好好人，仲推介紹咗幾款嘢食俾我地。鐵板肉眼扒（五成，黑椒汁）＄１５５呢個係一份鐵板套，已經包咗一份餐湯、牛油法包加普通飲品一杯。有唔同款式既扒類，我地要咗肉眼。有兩款醬汁可以揀，黑椒汁同埋燒汁，叫咗黑椒沐同五成熟。餐湯係栗米濃湯，幾啱用嚟點法包食。鐵板嚟到都好熱，牛扒會再烘熟啲如果放得耐。仲有薯條、粟米、洋蔥同荀。肉眼有少少筋會脂肪，五成熟啱啱好，仲軟唔會鞋。份量夠一人食。軟殼蟹牛肝菌意粉　＄９５個炸軟殼蟹真係好大舊，炸皮唔算厚，嚟到食都仲脆，同幾多肉。個意粉醬汁有少少杰，味道唔錯，仲有唔少既牛肝菌同甜椒。蕃茄茄子芝士闊麵伴燒羊扒　＄９８呢款個重點就係羊扒，唔會太熟都唔係好肥，係幾好食。兩款粉比較鐘意闊麵多啲，冇咁淋口感好啲。而且個醬汁好濃蕃茄味，酸酸地開胃味道好。凍薔薇之戀+$16、凍檸檬茶（少甜）📍將軍澳貿業路8號新都城中心二期2樓2086-2087號舖