熊小館

营业中

休息中

晚市終於放寬到可以2人晚市入坐,難得可以出街出耐少少就去左大少少又多d野行既megabox到行下街,行到餓餓地就直接係megabox遊走下睇有咩好食.見到呢間熊小館佈置得好可愛,店內充滿熊公仔,店員又nice不忙叫我地影多d相打下卡.2人套餐配以餐湯+牛油法包.忌廉湯都打得幾細滑唔會起一舊舊.最驚喜係牛油法包！烘得十分脆身而且咬落好香牛油味,沾上忌廉湯食好夾.前菜:意式焗肉醬茄子用鐵板熱盤上,切成一片片既茄子鋪底再係面上加上肉醬同芝士,肉醬味道香濃帶陣陣茄香,拌上芝士拉起帶點拉絲感.美國穀飼厚切小牛扒拌醋漬野菌.小牛扒看似份量唔大但肉質夠厚,所以食落都幾有感足感,牛扒唔會過韌,夠軟腍又不失肉既彈性.賣相好似帶點乾但食落帶有肉汁.配菜都幾多,除感炸得香脆既薯條外,蔬菜都幾多.露筍野菌意大利飯.份量真係足2人食,意大利飯煮得唔會過腍得黎又帶點煙韌,野菌同露筍夾雜係意大利飯中帶點新爽口感令意大利飯無咁膩.忌廉唔會過膩所以食完都唔會過飽滯.心太軟新鮮即叫即製,一切開內裏既朱古力漿已經爭住湧出黎.心太軟外層唔會過厚,外層帶點脆身,內裏軟綿,加上熱辣辣既朱古力漿夠濃而唔會過甜膩,好滿足.紅豆pop

我被Bear Bear 吸引入去食嘢！餐廳特別設計一個拍照位，讓大家可以在用膳前後，拍照留念！而且每一張枱上也放了一個小bear bear 🐻,立即令到普普通通的美食相，增添美感！ALL Day set menu 也分兩大類別： A-C (扒及燒雞）， D-L (飯、意大利粉、沙律🥗、長通粉），適合不同人士的口味！餐湯：南瓜🎃湯配牛油法包）味道ok !珍珠帶子露笋意大利飯：外型已經好吸引，味道好濃，如果帶子大粒一點，更加好，因為太太細粒😅青胡椒汁西冷牛扒：西冷牛扒配上🍟及🥒，十分match 及好味！

晚市開番，終於可以同閨密去濕平+飲飲食食啦！今日同朋友去到Megabox行Aeon同埋IKEA，行到腳累就上去搵食，黎到11樓，見到有呢間勁多熊仔既熊小館Cafe MED，我係超愛熊仔既人，所以急不及待入去同啲熊仔影相啊！價錢都好合理，同朋友叫左個二人套餐，有湯+牛油法包、焗田螺、牛肩扒、雞腿飯、兩杯飲品同埋甜品心太軟+雪榚！歐陸式濃湯-今日係羅宋湯，好香濃，唔太酸我好中意，亦都好多蔬菜，好健康牛油法包-焗得好脆，牛油味令到個包好香。法式香草牛油焗田螺-上面係田螺，下面係薯蓉，田螺易咬唔會好似橡筋咁，下面薯蓉好香薯味。檸檬香草蜜-我今日好頸渴結果好快飲晒杯凍飲，之後想叫一杯熱飲飲下，侍應推薦呢一杯。味道好得意，佢係紅茶底加左香茅蜜糖，重有檸檬；甜甜地好易入口，飲完好舒服好順喉，之後如果秋天天氣乾可以黎飲番杯。美國安格斯牛肩扒-我同朋友食扒都係中意食5成熟，今次呢個煎得好好，肉質好鮮嫩，牛味好濃，岩晒我呢個牛魔王！薯條炸得好脆，露荀無渣好食！芝士焗蜜桃汁去骨雞腿飯-芝士味好濃好香，個汁係蕃茄汁加左蜜桃去調配，好香亦都唔會酸，蜜桃帶左啲甜味落去，酸酸甜甜好開胃；餐廳今次選用左雞腿，比雞扒滑

半年前，跟好姊妹走到九龍灣 Megabox 影 My Melody 聖誕裝飾！我們行來行去，看看好幾間餐廳的餐牌，最終選擇了Bear bear 熊主題餐廳的 <熊小館 Cafe MED> 食下午茶！店內每個角落都見到 Bear bear 熊公仔，充滿歡樂氣氛！不論女生來打卡，抑或親子也很適合呢！餐廳比預期大，我們還發現有個供給小朋友玩的 playground corner！這裡的景觀對住溜冰場，相對有點凍！餐牌：可選擇全日套餐及下午茶 餐飲方面，大致上是港式飲品，亦有特飲全日套餐：芝士忌廉汁焗煙三文魚長通粉 $66長通粉軟硬適中，芝士忌廉汁尚算夠汁兼夠味！餐湯+餐包 + $6下午茶：烤雞肉羅宋湯螺絲粉 $44相對這款較為濃味，羅宋湯酸香醒胃，作為下午茶最好不過！ 螺絲粉入味！烤雞肉肉質柔軟！熱奶茶 & 熱好立克兩者質素不過不失！甜品：木糠布甸 +$9食落都幾餾！

作為一個高齡港孩🙈，呢日就同呀媽去咗Megabox嘅親子餐廳食晏。我相信除咗小朋友外，女生應該都會俾個環境吸引住，因為真係有好多熊啤啤。店員好好禮貌，安排我哋坐喺望到溜冰場嗰邊，景觀的確開揚啲⛸️。不過其實其他位置都靚，因為配合童話主題得嚟，又好自然😍，唔會好造作。當中仲有包箱房間，開小朋友生日會適合不過。由於坐接駁車塞咗勁耐，我哋去到嘅時辰餐廳已經做緊下午茶時段，算係錯有錯著吧😜！下午茶餐好抵食，平均$3X-$4X有交易，不過輕食類為主。反而全日套餐啱食啲，扒類或意粉／飯都有。價錢相宜，並有各樣加配嘅選擇。加上下午茶時段仲有折扣添！平日七折，假日九折👍。我哋都加咗$6要歐陸濃湯及牛油法包，咁平唔係唔加啊？匃牙利牛肉湯偏近牛肉羅宋湯味道，但無咁酸，而且餸料都幾多。至於餐包，我認為頗有誠意，因為係用上法包🥖，但要盡快食，唔係會淋咗。G.野菌忌廉汁闊麵配黑松露班尼迪蛋($66)，我都估唔到自己食得咁食清淡，哈哈。闊麵軟硬度適中，忌廉汁唔會過膩過鹹，黑松露味幾香。不過依個無肉，都係啱素食者多啲🥦。水波蛋一督就爆漿，正。J.馬來咖喱豬扒飯($62)，呀媽叫咗呢個，咖哩豬扒同白飯係分開上的。🍛咖哩

本身住九龍灣，所以成日來megabox。咁啱有次等睇戲，所以係同一層行行，就發現到呢間熊小館，門口已有一隻大熊熊吸引住你，所以決定找次試下呢間餐廳。今日入到去，就見到入面有好多唔同既熊熊，太可愛了～之後職員都好細心給我們餐牌，最後我地點左個二人餐，再加一個炸魷魚圈，始终平時少食。餐廳有次序，慢慢上先來餐湯和包，我個人覺得個湯好好飲，配埋個包就啱，之後就上前菜，炸魷魚圈和焗田螺，魷魚圈炸得脆卜卜，我朋友好欣賞，而我自己就喜歡田螺，可能平時少食。之後主菜，我地叫左安格斯牛肩扒同野菌意大利飯，七成熟既牛肩扒啱啱好，唔會過熟，入面仲有少少紅如果配菜薯條淡番少少就更加好。我朋友就喜歡個意大利飯，覺得d 飯唔會好諗，硬到啱啱好。我地其實食唔曬，眼闊口窄就係我地最後有個甜品雪糕畫上完美既句號餐廳枱和枱之間相隔都OK, 可以放心享用，而且坐邊邊仲可以睇人溜冰或比賽，仲有好多一家大細來食，一間幾好既親子餐廳。

今日難得去到九龍灣玩，梗要搵間好餐廳試下好野食，最終我地去左megabox一間以熊仔🐻做主題嘅餐廳。見到餐廳好多好多熊仔的公仔，鍾意熊仔公仔的人士一定會好瘋狂！一坐低就見到一隻大熊仔同我地一齊食飯😍,感覺好開心！座位都好闊落，坐得好舒服，好安心！個menu都好多選擇,以西餐為主. 我們order左個2人套餐，包括湯同買法包，要左美國安格斯牛肩扒同埋芝士焗蜜桃汁去骨鷄腿飯，再加埋頭盤意式焗肉醬茄子同埋升級至甜品心太軟。飲品就加錢要左凍薔薇之戀(玫瑰拼和柚子茶)和凍熱情玫瑰(玫瑰拼熱情果茶)食物的質素非常好！開頭睇價錢仲以為佢啲牛扒會一般， 點知有驚喜！薯條又爽口好食🤤！焗飯的味道也不錯，幾清新，焗茄子的配搭也不錯，兩個焗品都唔會焗得太老！幾鍾意個凍熱情果茶，足味道，幾有水準又唔係太甜。柚子茶也不錯！原來玫瑰拼唔同茶都幾好！最後個心太軟甜品都好有驚喜！唔係太甜，真係有流心，唔似好多出面食嘅朱古力係唔流心的，絕對值得加錢升級！ 呢間餐廳好啱一家大細有小朋友去 因為間餐廳有個kid’s corner,都幾特別。更特別的係每一枱都會有個bearbear 🐻陪你食飯，好難會吃得唔開心！ 要試

今日約左朋友去mega box睇戲少人D，同一層見到間裝修好有童真既餐廳，未入去食見到咁多熊仔已經好開心。入到去見到每枱都有小朋友就覺得呢間餐廳係好受小朋友歡迎🤣首先黎既係羅宋餐湯加蒜蓉包，個餐湯好多料又唔辣，如果可以再大碗D 就好啦，因為覺得好好味😂主菜有意大利墨汁魷魚意粉，意粉個質感好好， 唔會太淋身，而且D 墨汁好均勻，不過著白色衫既朋友仔就要小心啦。另外，我仲叫左個鐵扒薄西冷拼雞扒，職員好細心問我洗唔洗倒埋汁先上。喳喳喳， 好治癒嘅鐵板聲。雖然個鐵板真係熱到飛起， 但D 扒又無搞到老曬喎，牛扒仲要幾好味唔un，而且粗薯條好好食，本身鐵板餐已經係set連埋餐湯同飲品，好抵食😋小食叫左酥炸魷魚圈配檸檬沙律汁同白酒忌廉煮藍青口。炸墨魚圈比想像中好食，以為咁熱氣既野自己食少少試下就算，點知食唔停口。炸粉唔厚，本身墨魚圈鹹鹹地，配埋個沙律醬真係好正。而藍青口份量都幾多， 而且白酒味真係好香又唔會太過濃，起左粒青口肉再點多D 白汁放入口更加好味。最後，梗係要叫個心太軟，咁成餐先夠完美。職員話原來有quota, 所以想食的話就要留定啦。熱辣辣出爐，應該無乜野可以挑剔到，食完個人都甜哂。P.S

逛九龍灣MegaBox，處處有『熊』踪，而數最大最吸引當然係『熊小館』，這是間親子餐廳，小朋友喜歡來，而我呢個大朋友亦好鍾意。『酥炸魷魚圈配檸檬沙律汁』香脆可口的外皮内藏白雪雪的魷魚圈，點埋酸咩咩的檸檬汁律汁，胃口大開。『白酒忌廉煮藍青口』，大大碟，淨係賣68蚊，勁超值，吃得满足，唔使就住來吃。『鐵板西冷牛扒』嗌咗7成熟，配菜有栗米粒，蕃茄，蘆筍，薯條，西冷扒好大件，足够2人享用。『玫瑰法式燉蛋白』給呢餐帶來美好的ending，成個餐有大熊，小熊仔陪伴，仿如返番去童年。

今日跟老公睇完戲諗住食晚飯，出嚟就見到呢間餐廳，有好多熊bear bear，好可愛，跟住我就話不如去呢間餐廳吧。職員安排我們坐一張有小熊陪住你食飯嘅枱，真係好得意，然後我就點咗個二人套餐。餐湯係羅宋湯，旁邊配咗個蒜蓉包。羅宋湯好足料，每一口都有好多配料，甜甜酸酸，好開胃。而蒜蓉包就焗好香，淡淡蒜蓉味道，幾好食。小食有法式香草牛油焗田螺，仲有薯蓉做伴碟。田螺一d都唔少，有五隻咁多。田螺同薯蓉入口都有好香嘅香草同牛油味道，調味唔太鹹，剛剛好。其中一款主菜係燒美國穀飼厚切小牛扒伴醋漬野菌，小牛扒係我想要嘅六成熟，紅紅的，口感厚實，配埋旁邊甜甜酸酸嘅醬汁，感覺特別。伴碟仲有薯條，薯條入口真係熱辣辣，又香又脆，唔配茄汁都覺得好好食。另一款主菜係露筍野菌意大利飯，露筍大大條，食落爽口。意大利飯入口有好多醬汁，仲雜住有好多菇同切開左一粒粒嘅露筍，無論味道同口感都配搭得相當好。我叫咗杯特飲係爆谷紅豆冰，好大杯，飲落有爆谷味道，配紅豆好夾，甜甜地，我都幾鍾意。而老公就係叫咗杯凍檸茶少甜，味道正常，唔太甜。甜品我就加錢叫咗個心太軟，個樣好吸引，旁邊有啲芒果同埋忌廉。切開個有流心朱古力流出嚟，呢度整得唔錯，

最近同朋友去咗Megabox行街,行到咁上下就梗係要同朋友去食晚餐，見到呢間以熊作為主題嘅西餐廳睇落好吸引所以就決定試吓_呢度嘅晚餐主打二人套餐，定價合理，$298 就包左有湯品、前菜、主菜、甜品和飲品，真係好抵食_是日湯品係忌廉湯再配上蒜蓉包☺️前菜方面我哋就揀咗意式烤肉醬茄子，朋友同我都非常喜愛吃茄子，這裏的茄子十分入味💜_主菜我哋就揀咗燒美國殼飼厚切小牛扒同香茄奶油吞拿魚螺絲粉美國殼飼厚切小牛扒，可以自行選擇生熟程度，店員就推介左我哋揀七成，開頭都會擔心會唔會過熟，上菜時已經非常貼心切好了，口感仍嫩滑亦都留有肉汁_除咗螺絲粉之外呢度亦都有唔同飯類選擇，大家可以因應自己嘅食量選擇，螺絲粉有滿滿的吞拿魚食落去非常滿足_直到最後梗係要食返個甜品呀，除咗本身包嘅雪糕之外大家仲可以加錢轉呢度嘅心太軟，我哋都叫咗一個燉蛋白，味道都唔算話太甜，整體來講CP值好高大家下次黎到可以試吓

今次同朋友一大班細路去試下呢間餐廳。幾得意位置好闊落，同好多熊熊影相位。可惜因為疫情下有個小朋友圖書閣仲冇得入去。野食賣相幾好，西餐野，全部都好好食。之前睇過食評都係讚果個羅宋湯好飲。到我試下，真係唔錯，有好味道同足料。二人套餐都幾抵食。豬仔骨好讚，夠juicy 軟熟。幾樣小食都好好味，叫左薯條，洋蔥圈，雞翼。洋蔥圈平時小朋友唔鐘意食洋蔥佢地今次都有食。岩曬一家大小去食下，又無時間限制慢慢坐傾計。一點唔係幾好就係餐廳有比到小朋友膠餐具，即係ikxx 果d.朋友見到d 餐具好污糟同有異味，最後冇用到。

之前已經黎過一次，囡囡愛上左，每次都話要黎以到食野，今日我地就行完街過黎食野。餐廳以熊熊毛公仔為主題，好有童真，以家比較少有既主題餐廳，門口特別超級大既熊熊毛公仔，超級吸睛，以到影相打卡真係一流，餐牌有鐵板餐、兒童餐、沙律、頭盤、二人套餐，價錢合理。酥炸魷魚圈配檸檬沙律汁（$48）新鮮熱辣辣炸起，魷魚圈炸得非常酥脆，魷魚爽口法式香草牛油焗田螺（$50）田螺肉肥美，薯蓉夠滑，口感Creamy ，好香牛油味自家製生日版心太軟（$48）整得好靚，而且餐廳仲送左個生日帽比囡囡，以到既心太軟做得出色，蛋糕外脆內軟，一切開暖暖的朱古力流心一湧而出，非常流心清涼仲夏（$28）香草薄荷橙汁，薄荷味濃郁，透心涼熱情玫瑰（$28）玫瑰花茶熱情果，玫瑰味好香，玫瑰花突出，不算太甜。

放左工同想同朋友係附近餐廳食下野、傾下計，揀左坐得舒服的【熊小館】，之前食Lunch多人到爆棚，今次夜晚黎係另一番體驗。凱撒沙律 $64先叫個開胃Caesar Salad，生菜新鮮爽口，大量脆口麵包粒，加上Parmesan Cheese碎，香濃又清新口感。啤酒脆漿炸洋蔥圈 $48見到隔離枱叫左呢個炸洋蔥圈，雖然好熱氣又邪惡，但都係忍唔住叫左黎試。洋蔥做得好好食，去除左原有的辛辣味，保留左其香甜。脆漿混合啤酒，做出超香脆口感，無論熱食定凍左仍然好酥脆，而且油膩感不重，唔會食到成手都係油，沾少許檸檬汁和沙律醬可以減低罪惡感蜂蜜味BBQ豬仔骨 $140呢個價錢會唔會太抵食唔理咁多，即刻試左薯條先，每條香脆内軟，有少許煙韌口感，薯香超濃郁，有點喜出望外。豬仔骨腍滑入味好多肉，味道甜甜地，亦有香濃的燒烤醬味，陪襯薯條一齊食真係好夾。蒜片辣椒煙肉芫荽扁意粉 $69蒜片扁意粉係我其中一個最愛的意粉口味，蒜片經過煎炸至金黃色，香脆重蒜香。辣椒和芫荽的味道好突出，有少少搶味，建議可以咸少少，味道會更豐富，呢個Pasta勝在份量夠多，價錢較平。心太軟 $42最後以心太軟作結尾，如果跟餐加$28就食到，朱古

行完ikea買嘢行到好攰，去咗一間比較趣緻可愛嘅，熊小館食嘢， 之前有一次朋友生日過嚟食過一次嘢， 有個小型空間感既開放式房間， 坐到兩打人即係 24個左右， 老闆花咗好多心思喺佈置上面，每張枱都有好得意嘅熊仔， 入口位置附近呢都有個熊仔小廚房， 如果怕悶，兩個人可以去坐近窗邊，睇人玩滾軸溜冰。餐廳開放式空間有 私人空間感之餘位置鬆動， 可以俾人輕鬆自然relax一下。大讚一下，呢到果位waiter叔叔好nice....有親切感餐牌選擇非常多，可以點二人餐，扒餐抑或係散叫都得。👐鐵板肉眼扒薯條粟米粒套餐 142hkd 包餐湯，法包，餐飲 ( 橙汁 + 3hkd)一上枱加入咗黑椒醬汁，聽到沙沙聲 ，1.5cm~2cm 厚度，好難冇口感， 剛剛好六成熟， 兩部幾iphone size😂，勁勁勁多蛋白質，肥瘦比例好正， 牛肉紋理清晰， 薯條外脆內軟，份量多，一個男人食量，九成飽，配上甜甜地既粟米粒，口感豐富。👐軟殼蟹意粉 95hkd +28hkd set最正係個醬汁及香料， 紅椒，黃椒，綠椒， 意粉有牛油嘅香味，加左幾種菇類，茄子， 原隻軟殼蟹，豆苖，材料多元化， 軟殼蟹大大隻，豎左喺意粉中