熊小館

营业中

休息中

約左朋友去Megabox溜冰，溜完冰就睇埋戲。睇完戲見肚餓就睇下有咩食。見戲院同層都有唔少餐廳。其中一間門口有隻好大隻嘅啤啤熊，被佢吸引住就試下呢間啦！入去見到大多數食客都係一家大細多，都有幾對情侶。呢度幾啱小朋友，因為有個位比小朋友玩。家長可以帶小朋友黎玩，玩完喺度食埋飯就啱曬啦。餐廳對出下面係溜冰場。溜冰場不時會舉行冰上曲棍球比賽。喺呢度可以邊食邊睇比賽，正呀！同朋友嗌左個二人套餐。餐湯係蘑菇湯，好多碎蘑菇粒，夠曬真材實料！配埋香脆嘅蒜蓉包一齊食就雙重滿足啦！法式香草牛油焗田螺用鐵板上，夠曬熱！田螺腍身，啖啖薯香。美國安格斯牛肩扒牛肩預先切好一條條長方形，腍身易咬，牛味濃郁 juicy。配菜有薯條、南瓜、粟米同埋西蘭花🥦。薯條外脆內軟，唔會乾。南瓜燒過好香又甜，味道有d似蕃薯。卡邦尼煙肉扁意粉芝士香滑唔會漏，重有好多煙肉添，好足料呀！食到呢度開始口渴，就嗌左杯特飲——草子莓莓。草子莓莓其實係士多啤梨醬加橙汁，隱約試到少少士多啤梨味，重有檸檬，好fruity呀。是日甜品係雪糕，揀左芒果味。芒果雪糕好香芒果味，唔會太甜。另一個甜品我加左$18升級至心太軟。心太軟外層焗得微脆，一切——香

第一次寫食評，同朋友兩個人去食，主要想傾計，要搵個坐得舒服的餐廳。結果係openrice 訂了熊小館，第一次食，餐廳環境不錯，座位舒服，可以望到樓下的人溜冰，每張枱都有隻熊仔，好岩一家大細，經理幾好人又風趣。食物方面不過不失，每樣野都大大份，細食既叫一個晚餐加小食share都好夠。今次我地點了豬扒拼牛扒鐵板餐，軟殼蟹意粉轉套餐，再加個洋蔥圈，結果食唔晒要打包走，味道唔可以話好好味，但係港式西餐廳的風味，整體感覺不錯，會再去。

今次帶埋兩個侄仔出嚟食嘢，梗係要搵啲有玩具有嘢玩又有嘢食嘅地方先可以氹得掂佢哋。今次嚟到九龍灣MegaBox呢間紅小館，一直都因裝修好靚想來試，今次有時帶小朋友嚟就啱晒！因為小朋友唔會食太多野，我哋就叫咗二人餐，但係已經好豐富啦！先來呢個前菜就係肉醬焗茄子，份量都好多喎，茄子好軟熟，肉醬唔會話太濃味，啱啱好，有好香蕃茄味，熱辣辣好好食。食到中途，就帶咗佢哋去兒童區度玩。個兒童區都好大，好有心思佈置比小朋友，好多圖書睇亦有好多玩具。餐廳入邊好靚忍唔住影咗好多相，仲有小熊主題房入邊有好多熊仔嘅壁畫，好得意好有心思。焗飯同牛柳都唔錯，龍利柳好大塊，啖啖都有魚。牛柳好有牛肉味，帶子都大大粒呢到一舉多得，食物質素好，環境又靚，仲可以帶埋小朋友來放電，係weekend好選擇！

用熊仔來做主題嘅餐廳！我諗全香港呢都係得呢一間一入去就見到好多唔同款式嘅啤啤熊真係你唔係啤啤熊嘅fans都有啲鍾意咗啤啤熊🐻🐻🐻店員仲親切地放咗隻熊啤啤在我們座位陪住我哋食飯，可以一路食飯一路打卡！蒜蓉包餐湯蒜蓉包好似剛剛烤起！熱辣辣脆卜卜！蘑菇紅酒汁牛柳伴法式田螺通常主題茶餐廳嘅嘢食都係冇乜特別,，但呢間真係出乎意料地好食，大廚將牛柳煎得好似高級西餐廳咁，叫七成熟真係做到七成熟！有肉味得黎又唔會韌！法式田螺伴薯蓉都好好味！軟殼蟹牛肝菌意粉軟殼蟹兩大塊！加埋濃濃嘅牛肝菌汁將每一條意粉都黐住！意粉淋淋地，啱晒小朋友同老人家食！朱古力心太軟一切開啲朱古力流晒出嚟！朱古力味香濃！鐘意佢唔會特別甜！橙色派對係呀芒果味嘅特飲！我最鍾意食芒果！檸檬草氣泡茶有好清新的檸檬香味！啲嘢好食之餘同同好多熊仔影咗相添！好適合一家大細黎嘅親子餐廳！

呢到充滿住熊仔，成個氣氛都好開心，重點係食物都好高質!蒜片辣椒煙肉意粉加蝦意粉好色彩繽紛，煙肉量多又唔會太油，辣椒味香又唔會太辣，加多兩隻蝦鮮味提升哂。意粉都整得彈牙，整體唔錯！鐵板肉眼呢個真係高質，睇相都睇到肉眼煎到岩岩好，外脆而肉嫩，肉質好淋但牛肉味又突出，加上薯皮薯條再淋埋黑椒汁，真係冇得彈！炸魷魚圈魷魚圈好多而且炸漿夠薄，魷魚肉質都幾彈牙，加沙律醬食中和到油膩感!心太軟最後就係呢個生日心太軟，整得好靚，清晰可見，朱古力漿爆哂出嚟，濃密細滑，好滿足!

行完megabox，就去呢間熊小館食晚餐。職員比咗張好好嘅檯比我地，有隻大熊啤啤係隔離，好得意。叫咗個兩人套餐，有粟米湯同牛油法包，個包好重蒜香味，隔住個口罩都聞都。然後再叫咗個深海帶子拼燒汁牛柳，帶子整得啱啱好，咬落去好彈牙。牛柳一啲都唔難咬，好嫩身，最估唔到嘅係佢嘅薯條，係厚切薯條，唔會太鹹，放咗半個鐘都仲卜卜脆。而啲配菜都有比心機整，唔會係淡茂茂。之後再叫咗個露荀野菌義大利飯，意外地有驚喜，食到好重cream味，飯入面加咗露筍粒同洋蔥粒，食起身個飯更加有層次感。甜品就+$18要心太軟，呢個超級好食，即叫即焗，外脆內軟，唔會太甜，連埋個cream一齊食，超級正。份量唔係太大，所以冇咁肥。好多情侶同一家大細黎食，最值得欣賞嘅係店員將有小朋友嘅客人安排係同一邊，情侶，朋友就安排係另外一邊，唔會騷擾到其他客人。餐廳仲有一個corner位，有啲熊啤啤，玩具，積木，圖書比小朋友玩。難怪有咁多家長帶埋小朋友黎呢度食飯。

Megabox唔聲唔聲多咗好多餐廳🤔經過見到一間好多熊仔好得意嘅餐廳🐻充滿童真嘅我地就入咗去嗌咗個二人套戲($298)😳-歐陸式濃湯係南瓜湯 好香南瓜味🎃牛油法包點暖暖嘅湯 好味😝-🍆意式焗肉醬茄子肉醬意粉就食得多 茄子又真係第一次😂味道又幾match喎! 上面佈滿芝士真係好邪惡😳值得一讚嘅係鐵板上嘅茄子好爽口唔會淋哂👍🏻-🥩美國安格斯牛肩扒嗌咗五成熟 啲肉汁鎖實哂😛口感一流 配上炸蒜片更加惹味-🐟芝士焗忌廉菠菜龍利柳飯我想講依個飯係出乎意料咁好味!!!海量嘅芝士同忌廉菠菜汁 口感層次一流再配上兩大塊輕輕煎過嘅龍利柳 真係又飽又滿足真係好推介大家嗌依款!!-最後加$18升級咗心太軟睇相就見到佢有幾流心🤤-依間餐廳真係好適合一家大細又或者同朋友黎😆有熊仔gimmick得黎又keep到食物嘅水準真係好打耳啊🥰

今日帶左仔仔同婆婆黎到megabox行街，因為bearbear 而吸引左入黎，咁就坐低食下啦！三個人點左兩個餐加一個兒童餐！發現呢度勁多野影😆加上出面就係溜冰場，完全唔擔心小朋友會坐唔定問題！ 我點果個安格斯漢堡配薯條好掂呀～漢堡夠哂juicy!薯條亦睇得出有心去造嘅粗粗薯條！所以略嫌薯條少咗啲😆 食完之後見有的最愛嘅心太軟！😍由於今日係婆婆生日，我就問經理有冇得寫隻字俾個小驚喜婆婆！點知經理話佢地有一個生日版心太軟架❤️超驚喜呀～黎到之後婆婆都開心到笑唔停呀！不過要注嘅係佢心太軟唔係配雪糕而係配鮮忌廉😆順帶一提：野飲我點左薔薇之戀玫瑰紅茶唔太甜幾唔錯👍🏻

在mega box行街，見到有間小熊餐廳，門口有小熊歡迎你，就選擇了。 見到有一個二人套餐的餐牌，裡面其實都好多選擇，好快就揀好了。餐廳裡面充滿住小熊的氣氛，由擺設到每枱的公仔，特別仲設有一個小熊角落，有書，有煮飯仔，有小熊，小朋友應該好鐘意。 先上餐湯。小食方面，3選一，選了意式肉醬茄子。肉醬茄子是焗的，上面放滿芝士，熱辣辣新鮮做好的，而且肉醬量足夠，好好味道。 蜂蜜BBQ豬仔骨其實main 的選擇有好多，今日特別想食豬仔骨。裡面其實仲配有薯條以及沙律菜。薯條是粗薯，好正架。豬仔骨燒得幾香，裡面都好入味，特別是個醬，好夾。酸酸甜甜配得好好。 卡邦尼煙肉意粉相當Creamy, 汁的量都好夠，煙肉都足料。意粉的軟硬好合適，而且上菜的速度都唔錯。值得一提，其實餐廳好好坐，又大又闊，好鬆動，位與位之間又夠距離。 自家制心太軟，一個跟餐甜品加18蚊就有一個心太軟，另一個就冇轉，甜品是雪糕，有4個口味可以揀。心太軟朱古力醬流出黎個下真係好正。加配18蚊其實係超值。

-今日做保母替工 幫家姐湊女 帶姨甥女去MegaBox然後️食午飯 小朋友一見到小熊🐻餐廳入面大大小小嘅teddy bears同埋個圖書角 一個箭步入咗去😅-🥩#西冷牛扒全日餐跟餐湯飲品 ($77）牛扒算係大件夾抵食 肉質腍身 不過個特調醬汁味道有啲怪🤪 唔似肉汁又唔係蒜蓉🧄黑椒嗰類 全日餐喺閒日會做七折至九折 相當化算 除咗一家大細 有唔少情侶同閨蜜嚟食嘢兼打咭-🥘#芝士醬油魚柳鮮蛋焗飯連飲品 ($50）呢個屬於下午茶餐 材料豐富有營養 有魚🐟有蛋🍳有芝士🧀 上面鋪滿日本飯素 勁啱細路哥食 飯嘅分量大 食唔晒不妨打包 -📍#熊小館九龍灣宏照道38號MegaBox11樓

今日去九龍灣探朋友就揀左哩間用熊仔黎做主題既餐廳間餐廳面積好大，仲要好多熊仔公仔做擺設，有熊仔去旅行既畫、刺繡，睇得出個餐廳都係有擺心機落去做熊仔主題 唔單止咁 佢地仲有個熊仔既兒童專區可以俾d小朋友係個到玩地方寬敞舒服 唔會逼店員好有心帶我同朋友坐左係隻熊隔離仲話俾我地聽隻熊叫咩名野食方面 我地叫左個二人餐（$298 for 2)前菜：紅蘿蔔湯+包+法式香草牛油焗田螺主菜1: 安格斯牛肩扒配薯菜我地叫左5成熟牛肩扒 個扒食落嫩口都要讚埋個薯菜 好脆好好食主菜2: 芝士焗蜜桃汁去骨雞腿飯本身食完個扒個口有d乾哩個時候雞腿飯就到啦蜜桃甜甜地又多汁配落同雞腿連芝士飯一齊食好正仲要份量好大 我食左一半已經飽飲品：黑熊同白熊特飲（可樂+朱古力蛋糕/ 雪碧+雲呢拿雪糕）好可愛！！符合緊成個熊仔主題！個雪糕仲要夠凍（由前菜食完個主菜 個雪糕都冇咩點融 可以當埋甜品咁）甜品：心太軟幾好食 用心太軟黎幫哩餐畫句號簡直完美！店員仲要個個都好nice 我同朋友周圍任影唔嬲 又會問我地d野啱唔啱食 又會推薦我地食咩總結：值得一黎

今日同女朋友行開megabox見到間以熊仔做主題既餐廳於是就入去醫下肚同打卡，餐廳門口外內都放滿好多不同大細熊仔好有入左童話感覺。我地一坐低店員就介紹坐係我地身邊既熊仔叫carman十分親切，之後就叫了一個2人晚餐：首先有2個餐湯和牛油法飽，忌廉湯上加了一些豬肉碎十分開胃，意式焗肉醬茄子：茄子加上肉醬有d似食緊肉醬意粉一樣幾特別，美國安格斯牛肩扒：我地叫左5成熟剛剛好，牛肉肉質幼嫩而且好少根加上燒汁醬非常好食，卡邦尼煙肉扁意粉：白汁不太多同太少剛剛好，而且意粉彈牙，最後甜品叫了心太軟，同咁多熊仔一齊食感覺特別甜。

今晚去咗間可以打卡嘅 #熊仔餐廳，好像置身於童話世界，周圍都係熊仔🧸裝飾，裡面有兒童區，大人同小朋友都照顧到。位於Mega Box 的 #熊小館，食物方面選擇很多，簡單啲就點咗2人套餐，有餐湯、小食，主菜，甜品🍨同飲品☕️ #熊小館二人套餐 👫#歐陸式濃湯配牛油法包：南瓜湯🎃很香濃，法包香脆。#法式香草牛油焗田螺：大大粒田螺，仲有薯蓉，作為小食剛好。#深海帶子拼醬燒汁牛柳：5成熟牛柳🥩外層香口，裡面仲有肉汁，牛肉味濃。加埋爽口帶子同香脆薯條，味道唔錯👍#露筍野菌意大利飯：很濃忌廉味加上野菌味，意大利飯有咬口，雖然睇落唔多，但都夠飽了。另外再加多個小食 #白酒忌廉煮藍青口：藍青口食落鮮甜嫩滑，吸收晒白酒忌廉汁很好味😋整體味道很好，價錢相宜，係充滿歡樂環境下，仲可以同熊仔食晚餐實在開心😁

熊小館位於Megabox 11樓，門口已經可以見到好多啤啤熊公仔擺設而且餐廳環境寬敞舒適每張枱都有一個細啤啤熊公仔🐻 好貼心可以影相之餘又可以氹小朋友開心❤️呢到最吸引就係設有兒童遊樂區及圖書閱讀區，岩晒一家大細 父母可以安心比小朋友盡情地玩之餘亦可以享受美食。星期一至五 2:30PM-6:00PM (下午茶餐除外)其他正價全日套餐有7折 星期六、日或假日  2:30PM-6:00PM(下午茶餐除外)其他正價全日套餐有9折 烤美國安格斯漢堡伴炸薯條 ($78)漢堡外觀睇落去好吸引，材料豐富安格斯牛肉好厚身夠份量，牛味重有肉汁🤤再配合其他材料，口感豐富，好滋味阿薯條形狀係粗身的，炸得酥脆可口！芝士醬油魚柳鮮蛋焗飯 ($50)魚柳有兩大塊 魚柳肉質十分嫩滑，魚柳跟芝士一向都好匹配再將日式醬油同鮮蛋攪拌，整體變得惹味。如果想味道更濃郁的朋友，可以叫多汁金磚西多士 ($44)賣相非常吸引，炸得十分金黃色 好靚😍外層相當酥脆 咬落去中間既麵包軟綿配合牛油加朱古力醬 真係可以一口接一口爆谷紅豆冰 (跟餐加$18)初初以為係有爆谷，但原來係爆谷糖漿😂紅豆份量夠足 大粒有咬口紅豆冰有微微爆谷味 幾特別

幫朋友預祝生日，就揀左呢間熊仔館同佢慶祝，我地安排坐在熊公仔旁邊有熊仔跟我們一起吃飯既感覺，餐廳好多熊仔裝飾及佈置，還有一個小朋友玩樂位置，呢度好岩一家大細黎，打卡位很多，我地叫了一個二人餐，頭盤係茄子，之後叫了牛肩扒好淋，薯條香脆去骨蜜桃雞脾飯小編推介，無骨又啖啖肉，岩晒食肉獸，份量頗大碟的，我地仲叫左兩杯特飲一杯黑牛配有熊仔冰造型及雪糕，好靚都幾好飲，另一杯係薔薇之戀就甜了一點，最後當然叫了生日版心太軟給朋友，職員好友善甘幫忙拍合照，朋友見到心太軟蛋糕亦很開心，小編最愛心太軟當然也要一個普通版流心朱古力好好味。