熊小館

营业中

休息中

疫情期間，都好難同小朋友出去玩，黎呢間親子餐廳當補下數啦。餐廳以熊啤啤做主題，裝修好靚，本身仲有個兒童遊戲區，不過因為疫情都暫停開放，不過店長好識做，拎咗兩隻大熊啤啤過嚟同我嘅小朋友玩，所以佢哋食飯食得好開心，睇得出店長好喜歡小朋友呢！食物方便有多款set lunch可選，仲有兒童餐。我哋點了「芝士忌廉汁海鮮焗飯」（ $62 ），有蝦、蟹柳、魷魚、魚柳、青口、三色椒等配料，都幾多餸，再加埋面頭有塊芝士焗溶咗，味道都唔錯。「瑞士白菌燴豬柳長通粉」（ $66 ），呢個汁都幾好食，而且一個豬柳燴得好腍，同時候長通粉仲有啲口感，估唔到都幾好食。午餐加$6可以有湯和包，我覺得都值得加，個湯係羅宋湯不過冇乜平時嘅辣味，都幾啱小朋友飲，而且塊多士烘得好脆，唔錯唔錯。餐茶可以加$3轉凍飲或鮮橙汁或罐裝可樂，鮮橙汁對小朋友來講都係一個唔錯嘅選擇。

充滿童真嘅啤啤熊親子餐廳🥰餐廳好有心思四圍都見到好多熊仔，大人細路見到都會好開心，餐廳內有個空間係比小朋友玩的，咁家長就可以邊食邊睇住小朋友自己玩又可以同朋友傾吓傾，另外見到lunch 1點半後有9折，2點半至6點就7折，真係好抵！我就叫左個set lunch 水波蛋卡邦尼意粉，仲有餐湯(雞蓉粟米忌廉湯)同香脆蒜蓉包，沾滿哂白汁嘅意粉質感唔錯，份量啱啱好，加埋水波蛋嘅蛋汁，正丫！加多$9仲有埋甜品食，夠哂滿足丫😙

今日同佢媽媽去行宜家傢俬，行完有啲肚餓就食埋個下午茶先走啦。入到去見到呢一間有啲隱蔽，但係個裝飾好靚嘅咖啡室，啲餐牌價錢有見到唔太貴，所以就決定入去試吓啦。佢入邊個裝修有啲似以前喺尖沙咀執咗笠嗰個小熊國，真係好有童年嘅感覺🤪🤪🤪因為都有啲肚餓就決定食個早啲嘅晚餐，於是我哋叫咗白汁菠菜鴨胸天使麵，同埋一個豬扒薯菜，仲有甜品就係黃金金石磚☺️首先係個湯加埋蒜蓉包，羅宋湯十分之足料，係我飲過羅宋湯之中好飲嘅嗰一批，而蒜蓉包亦都非常之脆唔錯唔錯。每個菜都係幾十蚊，真係好抵呀仲要新鮮咁樣乍起嘅西多士同埋薯條真係好好味，嘢飲方便我哋叫咗齋啡同埋咖啡，個杯仔真係好鬼死靚呀有熊仔個樣係上面🤩可惜而家因為限聚令暫時就冇得食晚餐啦，我見佢晚餐嘅餐牌有更加多嘢食，下次過嚟九龍灣會再嚟呢一間食下

今日帶小朋友去mega box 玩，見到呢間熊仔主題既餐廳，小朋友就衝左入去，咁唯有順便去食個tea環境好歡樂，到處都有啤啤熊，有小朋友既值得一去，好多親子活動時間食物方面都好多選擇，味道都ok ，重點係所有員工都好nice，仲好細心咁上菜，小朋友有時玩到癲哂，都會幫手叫停下叫佢食野先加分加分！直至杯橙汁熊熊🐻有舊熊仔冰係度，小朋友見到即刻乖哂，好好奇望住，真係好特別好可愛！總結值得再去，唯一有個圖書位，因為疫情close左，所以希望疫情快啲完，等小朋友可以入去玩

今日再次去到呢間充滿童真既舖頭，可以輕鬆傾下計食下午茶，休閒度過週末!炸瘋薯好耐冇喺旺角見到既瘋薯，我地揀咗伕醬味，食落好濃郁既肉醬味而且又唔會太咸，而且又唔會直接淋上薯條到，保持到脆脆既口感!芝士焗蜜桃去骨雞腿飯好香既焗飯味而且蜜桃好甜又唔會搶走雞腿既味道，食落味道平均而層次感突出，飯身亦都夠乾唔會焗完仲濕咗!淡咖喱雞肉長通粉呢個真係好有驚喜，淡咖喱唔會冇味，食落既味道好豐富而且香料味突出! 配合埋長通粉既特色可以完美掛到湯汁上去，食落每條長通粉都有咖喱香味。雞肉好嫩滑又有肉汁，整體都好出色!

成間餐廳都好可愛丫，4圍都係熊啤啤！有熊啤啤陪食飯好開心🤣野食都幾多選擇，我同老公2個人叫左3個下午茶😂食飽飽，岩岩好🔅芝士煙三文魚吐司 $50賣相一般，但都幾好食！麵包皮脆脆，入面塊煙三文魚大大塊，仲有芝士、生菜同火腿🔅鐵板一口牛 $54依個好好食，鐵板上熱辣辣，牛粒都幾多，好軟唔鞋！仲有配舊薯蓉，夠飽肚🔅心太軟 $52份量唔大，勝在即叫即整，外脆內流心，好好味！旁邊仲配有忌廉同蜜桃🍑🔅鮮橙汁 跟餐+$3好大杯，值得加錢叫黎飲🔅橙色派對 跟餐+$16即係芒果橙汁，仲有塊檸檬🍋，都幾好飲！佢枝篤篤棒仲有熊熊頭 好可愛丫😍疫情過後要同兩個仔黎食，因為依度仲有兒童玩具區俾小朋友玩，又有圖書睇，仲有好正既兒童餐丫🤩

因為特飲黑熊🐻同白熊🐻所以吸引左我來熊小館，用熊仔來製成的冰🐻🧊,第一眼👀已經深深比佢的目光所吸引😎而餐廳內也有熊bear bear的公仔可供影相🥰餐紙都印左好多🐻🐻,甚至連特飲支spoon都係熊仔🐻😍找緊晚上堂食的尾巴，來個Set for two超抵食👍🏻餐湯+牛油法包🧈🥖雖然好像唔起眼的前菜但感受到廚師很用心去整😋餐湯唔係一般的餐湯好好飲，牛油法包也是烘過的，太用心了💜小食法式香草牛油焗田螺🧈🐌配埋香口的薯蓉🤭罪惡感爆燈💡但真係太好味主菜美國安格斯牛小排🥩成條狀💕而且可以選擇喜愛熟的程度，唔鐘意見血🩸的我🤭當然係選welldone啦🥳配菜薯條🍟亦是脆卜卜💜卡邦尼煙肉扁意粉🥓🍝香濃的卡邦尼汁好惹味😋我地仲額外加左個白汁青口🫕😝係十分飽但係飽永遠都仲有甜品格的🤭凍的焦糖燉蛋🍮同埋雪糕🍨作今餐的結尾💕

一直說過要帶姨甥女到呢間好有特色的餐廳食飯，今日還未放工，姨甥女已經一直打我電話問姨姨幾點放工，帶佢去食飯。本應打算取消因為最近疫情又嚴重，但因答應左小朋友，所以還是硬著頭皮去。一去到餐廳，小朋友見到咁多唔同的熊仔，非常雀躍開心，幸好今天餐廳也不多人， 侍應安排一張有熊仔陪坐的位置給我們，姨甥女立即要同熊仔坐。餐廳四處都有熊仔的蹤影，亦有個熊仔corner 俾小朋友玩，因疫情暫停開放，最後個經理叔叔都俾妹妹入去玩，玩到唔想走🙈。另外有個獨立房可以讓小朋友開生日派對。坐低看餐牌，讓妹妹自己點餐，有張小熊套餐係給小朋友的。 1. Bear’s meal b $68，小朋友見到熊仔啫喱糖而被吸引，還有肉醬意粉🍝、腸仔和牛油粟米🌽，份量十足，都吃不完。2. 鐵板西冷扒$142，五成熟配上薯條同蔬菜🥬，薯條正合小朋友心意，西冷牛扒肉質也不錯，淋上蒜蓉汁，香氣撲鼻，充滿肉汁賦美味。3. 飲品叫左兩杯特飲，一杯黑熊朱古力雪糕特飲，隻熊仔冰真係好可愛🐻‍❄️，叫來影相扼like 都不錯，配上朱古力雪糕球，小朋友至愛。另一杯叫左熱檸檬香茅蜜糖水，正好今日天氣凍可以驅寒。4. 最後甜品叫左生日版的心太軟

本人自細就好鐘意小熊維尼，到近年就改為鐘意Duffy，至今屋企都起碼收藏左二、三百隻公仔，絕對係一個熊痴🙈上星期日約左好朋友食飯，佢話九龍灣有間以熊仔🐻做主題既親子餐廳應該幾岩我，所以大家就決定先去行街再去餐廳食晚餐🍴.餐廳位於Megabox既11樓，扶手電梯上到樓層後可以見到餐廳門口有隻巨型熊公仔🐻作招徠，相當引人注目❗️由於係親子餐廳，裡面既空間非常寬敞，除左有唔少熊公仔🧸作裝飾令人感覺溫馨之外，更有一個兒童遊樂區域提供少量圖書📚同玩具🚗俾小朋友，大人們就唔需要太擔心食緊飯既時候小朋友會扭計要離開，非常適合一家大細過黎用餐👨‍👩‍👧‍👦呢度既主食最平60零蚊就有交易，如果食牛扒🥩既話就160蚊左右 (未計加一)，價錢算係中等🤔當日我地就點左晚市二人套餐，298蚊有餐湯、餐包、前菜、主食、甜品同飲品，相對上比較抵食🈹******************************✨二人套餐 ($298)🍴歐陛式濃湯+牛油法包🥣🥖當日餐湯係羅宋湯，湯內有唔少雜菜🥬，可以話係非常足料👍🏻 湯碗邊明顯睇到呢碗餐湯比起其他地方飲到既係無咁油，味道亦適中唔會過鹹，只係略帶微辣，小朋友👧🏻👦🏻就未必岩

於MegaBox 11樓 - 熊仔主題餐廳成間餐廳都好可愛💕有好多熊公仔擺設，好可愛💗好適合一家大細黎☺️（店內附兒童遊樂場和圖畫閣讀區）今次係平日下午黎唔多人，好清靜，坐得好舒服😌簡左坐邊位一路睇住人溜冰一路食野好特別😊😊😊今次選擇左全日套餐因為2:30-6:00pm有7折優惠！好似平過下午茶餐😆哈～「野菌珍珠帶子意大利飯」熱辣辣送到黎有充足既珍珠帶子同野菌菇仲有d彩椒點聚令外表同味道更加豐富而意大利飯都充滿住濃濃的芝士味以呢個價食到，都算係物超所值「烤美國牛肉漢堡包伴賓尼迪· 炸薯條」薯條岩岩炸起，熱辣辣好香脆！賓尼迪蛋蛋液好出色！ 讚！牛肉有小小乾唔夠多汁但包烘得剛剛好都好讚～以呢個價錢都算好唔錯😉最後各自加左$9叫左個「木糠布甸」甜品食但有d失望，有點遜色呀⋯布甸入面既餅乾碎，壓得唔夠實，好散不過呢個價錢都唔應該要求多既

👩🏻‍💻今日黎到熊小館食嘢，本來諗住同個friend high tea最後都決定預埋佢兩個👩‍👧‍👧小朋友，一行四人，但真係無諗過呢間食店‼️係可以比小朋友來玩🥰真係啱晒🥰👍🏻💕入到黎，店員主動咁擺咗啲熊公仔係枱上面，同一隻好大隻嘅熊公仔，用嚟打卡真係一個好好嘅地方🥰💕​​🍛全日套餐C.干煎咖喱雞扒​🌟呢個餐有配餐湯同飲品，粟米雞蓉湯味道唔錯，好香濃，蒜蓉包香脆美味💕😋​🌟咖喱雞扒今次揀咗配意粉🍝，咖喱汁可以分開上👍🏻 味道唔會好辣，係日本嘅甜咖喱，意粉口感適中彈牙，雞扒都煎得好靚，香到好惹味💕🥰👍🏻💯咬落有肉汁唔會太乾，有香烤嘅味道🥰💕​​🍮自家製心太軟​🌟今次呢個心太軟，食落口感香甜，朱古力味濃郁💕一切開即刻有流心效果👍🏻不過太好食所以唔記得影相🤣有cream同埋黃桃伴碟， cream食落都唔會好甜，幾啱小朋友食，份量適中👍🏻小朋友既至愛💕💯​​🍛野菌珍珠帶子意大利飯 ​🌟味道好香，意大利飯嘅汁都有好多，佢有好香嘅青椒味，煮得啱啱好，飯唔會過熟，口感煙韌，粒粒飯都沾到醬汁🥰野菌嘅量都有好多，帶子粒都有好多，材料豐富口感鮮味👍🏻💯💕​

呢間以熊啤啤做主題嘅餐廳每個角落都係打卡位🐻無論大人定小朋友都會童心爆發喔😆🍔烤美國牛肉漢堡伴賓尼迪蛋·烤薯條（$68）漢堡包輕烤過，香脆鬆軟帶有牛油香，幾好味喔😍中間夾住嘅牛肉漢堡口感札實略嫌牛味唔夠濃郁而賓尼迪蛋就非常出色👍🏻輕輕一拮，蛋漿溢出有種莫名嘅療癒感呢😆伴碟仲有香脆軟綿嘅薯條漢堡包+薯條，永遠都係絕襯喔💕🍅鮮茄菠蘿焗豬扒飯（$62）呢碟焗飯係炒飯底面頭加咗好多芝士去焗，幾香口😋豬扒有手掌咁大塊仲伴有好多粒菠蘿，好正呢！醬汁濃郁，味道偏甜個人比較喜歡酸酸微微嘅蕃茄醬汁喔！主食可升級做套餐，會有飲品及餐湯喔！

行街行到攰食返個下午茶，門口有好大隻熊仔🐻‍❄️，俾佢吸引咗行過去，近年呢啲主題餐廳好似都少咗好多，所以入去enjoy下個氛圍🥰。每張枱面都有個熊仔，有啲座位上會擺咗隻熊仔陪你坐，如果親子餐廳嘅話真係一流，因為仲有小朋友玩樂區，都幾開心🥳🔻芝士忌廉汁牛粒焗飯$66🔻加$6要個餐湯，值得架👍🏻。係羅宋湯黎，好鬼香濃，肉味幾香🤤，飲落有少許微辣，仲配左件蒜蓉包，又係好鬼香脆🤩，溫熱微暖，好好食😋。個焗飯係炒飯底，芝士🧀味十足，忌廉汁好滑同芝士好夾🤩，最正係的牛粒，肉味幾香濃，淋得黎易咬👍🏻‼️‼️芝士真係好香濃好正，推介‼️‼️🔻烤棉花糖吐司$44🔻烤至軟身既棉花糖，下面配置一片充滿牛油🧈香氣既脆多士，一切開會聽到碎裂既聽，好吸引😋。咸香牛油吐司加上棉花糖，咸甜得宜，原來幾好食👍🏻。🔻薔薇之戀+$16🔻 係柚子玫瑰花茶，睇落無咩特別？飲落就知😎。熱既柚子茶，入口茶味濃，帶有淡香既玫瑰花🌹味道，飲落感覺幾舒服😌，清新香甜，值得一試👍🏻🔻自家製心太軟$42🔻正👍🏻，濃郁既朱古力🍫，切開就流晒出嚟🤤，我就鐘意由個頂慢慢食落去，咁就可以食晒個心😋，每啖都有濃郁既朱古力，可以加少少cream，會減少甜膩感👍🏻

今日去咗九龍灣探朋友，然後到MegaBox行街街，朋友勁鍾意熊仔，晚餐我哋揀咗呢間朋友bookmark咗好耐，想黎試嘅熊仔主題餐廳。一入到餐廳門口，門口已經放着超大熊仔，友人勁開心，興奮打卡。我哋被安排坐嘅餐枱有兩隻大啤啤熊，友人即刻心心眼。影完相一輪後，我哋終於決定食乜嘢，揀咗一個二人晚餐set。二人餐包括咗餐湯，蒜蓉包，一款前菜，兩款主菜，甜品及飲品。價錢只是$298 ，相當吸引。餐湯及蒜蓉包餐湯是歐陸式粟米忌廉周打魚湯，粟米爽甜，忌廉湯creamy，蒜蓉包香脆，蒜香美味。前菜：法式香草牛油田螺焗薯蓉以鐵板上枱，保證熱辣辣。田螺以香草汁調味，田螺孫幾大隻，肉質爽滑，薯蓉香滑。主菜一：美國安格斯牛肩扒牛肩扒我哋order左medium，牛肩扒表面煎得金黃香脆，上面灑上了金黃蒜片增加香氣。切開牛扒，內裏粉紅色，沾上牛肉汁，十分滋味。牛扒以炸薯條伴碟，薯條炸得非常金黃香脆，充滿牛油香氣。比一般街外吃到的薯條更為香脆，而且每條都十分長。即使放涼了亦不會變軟，薯條實很有驚喜，值得一讚。主菜二：芝士焗蜜桃汁去骨雞腿飯焗飯上邊鋪滿了焗得金黃的芝士，非常邪惡及吸引。飯面亦有有很多去骨的雞腿肉，大大

今晚約左好中意熊既朋友一齊食飯 🐻眼見有2人餐 $298 自選系列好似好吸引 CP值好高 😆😆頭盆三選一主菜八選二免費甜品三選二（另加錢多四款選擇）包兩杯飲品我地頭盆本身揀左法式蛋黃醬焗鮮蘆荀點知sold out 😩😢轉左個法式香草牛油焗田螺田螺好大粒 牛油味相對較少 有d似食海螺😂下面薯蓉 飽滿感上升😂另外點左個帶子牛柳配薯菜 （5成）本人中意3成 但朋友食唔到太生 所以轉5成5成 對於我嚟講好好 一切血水滲出 外熱內暖 肉質好嫩🥰 愛了粗薯條 好熱 好脆 正☺️卡邦尼意粉 唔太重奶味同芝士味 食洛好輕盈！煙肉冇煎過 有點傷心🥲薔薇之戀好重 花香味 👍