熊小館

营业中

休息中

今日兩點幾黎到Mega Box,即刻要搵地方醫肚先，黎到戲劇呢層，見到轉角位有隻大熊企咗門口，原來係間熊仔為主題的餐廳，俾佢吸引咗入去試。點完餐後，可以四周圍行下影下相，呢度有小朋友玩既廚房加閱讀天地，同埋有個間房可以開生日派對，周圍都放滿熊仔，熊仔控必到。先黎一個羅宋湯加法包，個湯熱辣辣，配埋脆脆法包食絕配主菜係燒牛肉乾葱配紅酒汁跟意粉，牛肉燒得啱啱好，唔會過熟肉質亦軟林，配埋個紅酒汁食好入味另一主菜係水波蛋卡邦尼煙肉意粉，即叫即整，上碟熱辣辣，卡邦尼汁唔會好滯，分量調配得好好，配半熟水波蛋，好好味呢度除咗可以打卡外，嘢食仲係熱辣辣上碟，下次再黎MegaBox會再幫襯。

係MegaBox 諗住揾間餐廳食個tea~就比門口2 隻熊仔吸引住原來係熊仔主題餐廳-熊小館餐廳佈置好別緻，成間餐廳都好多打卡位📸📸設置兒童區比小朋友玩，最岩一家大細嚟！🌠美國安格斯漢堡伴炸薯條諗唔到呢到嘅漢堡係以手打安格斯牛肉製成，食落口感十足、 肉味濃郁，薯條非常香脆，大人同細路都岩食😜就算係下午餐，但份量真係十分！🌠金磚西多士配朱古力醬西多士一件件細細件唔洗切好方便，西多士外脆內軟食落香脆而唔油膩~配朱古力醬好match!🌠鐵板一口牛估唔到呢到有鐵板牛食😆牛質鮮嫩，而且好有牛味每件牛都切好，最岩我呢啲懶人食，唔會洗切呀嘛！不過由於鐵板上，會較熱，食個陣要小心😄整體食物唔錯，環境舒服！見到唔少媽媽帶埋小朋友黎聚會，小朋友可以邊玩邊食，真係好岩親子嚟😆

一句講晒食物好食又有打卡位又可以俾爸爸休息下嘅好餐廳做左人父母先明白食飯似打仗要眼明手快慢啲都俾小朋友打爛整瀉枱上嘅擺設而呢間餐廳有玩樂區枱上又有熊仔擺設枱頭望上面牆上又有擺設可以俾小朋友冷靜下停落嚟而我哋亦可以抖下食物我地忌廉芝士海鮮焗飯好creamy好香白汁料又足👍🏻咖哩牛肉飯黎到原來係牛腩👍🏻勁香金磚西多士配甜奶每舊都炸四邊👍🏻冇得輸下午茶食三樣嘢都係百六蚊左右👍🏻👍🏻👍🏻👍🏻👍🏻

今天跟朋友一起逛街，走著走著經過這間挺可愛的餐廳，看到價錢也不貴，就進來吃個下午茶了！而且還很好幸運的能坐到比較特色的位置，邊就有個熊公仔陪你一起吃，老夫的少女心爆發了！跟女朋友或小朋友來的就真係非常好！豬扒配牛油酥皮吐司（４４元）這個用來作下午茶就剛剛好！豬扒很大的一塊，肉也挺厚的，吃起來還有肉汁的，味道也挺足的！牛油酥皮吐司，我吃到是有蒜香味的，所以吃起來不會太單調，又有牛油香，而且經過烘烤，表面是脆脆的，內裡軟軟，再配上有肉汁的豬扒，真是挺滿足的！這個還配有一小份的沙律，蔬菜爽脆清新！烤美國安格斯漢堡伴炸薯條（７８元)這個完全是被特價兩個字誘惑了的！我都減價了不試嗎！試！漢堡挺大的一個，漢堡扒也很厚，內裡還放上了沙律！漢堡扒用上了美國安格斯牛肉，吃起來牛肉味挺濃的，肉質比較軟！而配的薯條也炸得剛好，外脆內軟的，配上蕃茄汁不錯！金磚西多士配糖漿（４４元)下午茶不吃西多士就感覺沒有吃到下午茶一樣！所以我們就多點了一份西多士來吃了！西多士送到來，外表炸得金黃金黃的，感覺非常酥脆的樣子，食慾感滿滿的！西多士已經切成為了一口的大小，所以一口吃下去就能感受到糖漿的香甜，西多士的外脆內軟，還有

去開MegaBox行街見有啲肚餓走咗去食下午茶，見呢間熊小館都幾多人食就入去試下。呢間熊小館係以小熊為主題，入邊有好多小熊嘅擺設好得意好適合小朋友嚟嫁。豬扒配牛油酥皮吐司豬扒唔會太乾身，依然保持到有肉汁鎖住外面包着好鬆軟嘅嘅牛油酥皮吐司非常之夾。德國啤酒脆醬炸魚柳薯條雖然話係德國啤酒脆醬但但食落冇乜啤酒味，魚柳幾大件而且啲肉質好嫩滑加上d炸粉唔會太厚比例適中。心太軟心太軟即叫即整所以上枱非常之熱辣辣一切入啲朱古力醬即刻傾擁晒出嚟，食完令人好滿足啊。

長假期最後一日，今日帶阿囝兩個人的浪漫去行街街，去左九龍灣行到肚仔餓，上Openrice揾到呢間親子餐廳就帶阿囝去試下。呢間親子餐廳主題係Bear Bear 熊，有名你叫，入面真係好多熊Bear Bear公仔同裝飾。餐廳幾大，好多座位，空間感都足夠。我地嗰枱有一隻座枱Bear Bear陪我地食野，經理見到我個囝仲主動拎隻大Bear Bear黎陪我地食野，變左4人一枱。全日套餐好多選擇，唔同肉類，海鮮，素食，飯，意粉等等都有。下午茶餐主力好似係吐司，不過意粉，飯，肉，三文治，心太軟都有。雖然係下午茶時段，我地都未食lunch，所以叫左兩個全日套餐加一份輕量下午茶餐。各款餐配熱咖啡或茶，凍飲橙汁汽水加$3，全日套餐配湯及牛油法包加$6，配是日沙律或甜品加$9。蒜香白酒藍青口扁意粉 $72+10%蒜香白酒藍青口扁意粉好快就上枱，一共有八隻藍青口，大部份都仲痴住個殼，size唔算大，但係都好嫩口下。扁意粉份量好多，質感尚可，熱辣辣，個蒜香白酒汁唔算多但係夠味，好香。扁意粉加左d菠菜同甜椒絲，增加左少少口感。烤美國牛肉漢堡包伴賓尼迪蛋配炸薯條 $68+10%我個囝想食漢堡所以叫左呢個餐。個包都幾

👍🏻環境:10分適合帶小朋友前來，設置兒童區俾小朋友玩(但疫情嚴重冇開放)，有好多圖書睇同熊啤啤，有bb椅提供，有兒童餐添！每張枱都有隻小熊可以打卡用，充滿童真，仲設有生日打卡位，影相一流！👍🏻服務:侍應很貼心，會簡單介紹食物，會比客人主動揀位置坐。食物[👍🏻鐵板一口牛 $54]一口牛嫩而耐嚼，多肉汁大大粒有口感，中間薯蓉最後先吃會更重黑椒肉汁味，當小食吃一流。[👍🏻金磚西多士配朱古力醬 $44]厚厚的金黃香脆多士，外脆內軟，乾身無油膩感，可以配朱古力醬或者牛油吃，睇落好少食落很飽肚。[👌🏻芝士焗蘑菇免治雞肉千層麵 $66]白汁芝士圍繞，多層的麵皮堆疊，內層夾免治雞肉、蘑菇、芝士，較特別嘅配料有着多重口感和濃郁以特別嘅味道。

沒有晚市的日子已經一段時間了😣真係要平衡一吓自己嘅心態😅而且臨近過年都要辦吓年貨🤪今日去咗Megabox shopping完梗係醫吓肚仔啦...見到有間餐廳佈置得好別緻勁多熊啤啤公仔🧸好適合帶埋小朋友一齊嚟🤩呢度主題係熊仔🧸小朋友實喜歡💕見到餐牌先知原來係排頭位嘅親子餐廳。我地3個人揀咗3個餐:鐵板一口牛 - 伴有薯蓉同極香嘅乾蒜, 牛肉淋身牛味重金磚西多士 - 唔洗切一啖一件好方便, 啱晒我呢啲懶鬼美國安格斯漢堡伴炸薯條 - 呢個不得了, 差唔多見枱枱都叫我地又點能夠執輸呢!?牛肉係自家手打, 夠晒肉汁而且煎到微微濃好香口, 以$78呢個價錢有咁嘅質數真係冇得輸👍🏽

同小朋友去Megabox 行下，然後搵嘢食～ 揀咗去11樓的「熊小館」食飯～ 餐廳好適合小朋友，無論裝修同擺設都係，又有小朋友的play area, 不過因為疫情關係所以冇開放～ 雖然有少少可惜，但我哋張枱旁邊都有兩隻熊仔喺度，陪住我地食飯～😍 食物方面，星期六日都有全日套餐同下午茶，又有折，幾抵食👍🏻 我地叫咗兩樣嘢食，加$6就可以有餐包同湯，好抵喎👍🏻味道亦都唔錯😋烤美國安格斯漢堡伴炸薯條 $88漢堡整體份量適中，漢堡唔會好乾，味道好好👍🏻 炸薯好香脆，好味😚蜂蜜味BBQ燒豬仔骨配白飯 $78燒豬仔骨都算大份，配埋醬汁好好味，肉質唔鞋，我哋轉配意粉😆 好味👍🏻燉蛋店長話哩個叫「會心微笑」😊 佢話：「香港人要笑多啲呀😄」淨係哩份人情味已經值得一讃啦👍🏻👏🏻 整體來講，食物味道好，而且抵食，一定會再去👍🏻

又黎左屋企附近呢間熊仔餐廳職員好好咁比左張有熊喺隔離嘅檯我地 好得意咁大個人 好耐無試過對住熊仔食飯喇呢度食物種類繁多 質素都唔錯 價錢比一般西餐廳平-紅酒燴牛肉伴香草薯蓉牛肉夠軟淋 唔會好多筋咬唔到薯蓉香草味道濃 賣相了得 好有心思-煙三文魚凱撒沙律三文魚同沙律菜都好新鮮 不過醬汁可以多啲-鮮橙汁 $6加$6就有新鮮果汁 味道天然唔死甜-心太軟 $42最有驚喜係甜品！果然超級流心 朱古力味苦甜 約食約好味 估唔到甜品好有水準-九龍灣宏照道38號企業廣場5期Megabox 11樓

九龍灣 #Megabox 不嬲都係親子同情侶勝地，除咗有勁多家品傢俬行之外，今次嚟到呢間 @cafemed_hk，門口除咗擺放咗大大隻熊啤啤🧸，餐廳入面仲有勁多大大小小嘅熊仔打卡！見到有唔少親子情侶都特登嚟👨‍👩‍👧‍👦，如果想「左擁右抱」，仲可以問店員拎隻熊啤啤陪住您一齊食㗎（⚠️有可能違反限聚令）！💚 蜂蜜味BBQ燒豬仔骨（配意粉）豬仔骨燒得好靚，醃得幾入味，肉質軟嫩同唔黏骨👍🏻 不過意粉可以煮得爽口少少💚 蒜蓉西冷牛扒（配薯條）牛扒偏大塊，啖啖肉🥩 薯條炸得唔錯，份量都好夠！💚 自家製心太軟即叫即整，新鮮熱辣之餘朱古力味都好香，流心做得好唔錯🤤Cafe嚟講佢哋價錢都算相宜，而且地方都好寬敞，座位都好闊落，無論係閨密談心定係親子聚會都好適合👍🏻味道: 🌕🌕🌕🌖🌑服務: 🌕🌕🌕🌕🌗環境: 🌕🌕🌕🌕🌗價錢: 🌕🌕🌕🌕🌑－－－－－－－－－－－－📍Cafe MED 熊小館九龍灣宏照道38號企業廣場5期Megabox 11樓－－－－－－－－－－－－#tiufufoodie在九龍灣 #hkfoodie #hkfoodlover #食到九龍灣 #九龍灣美食#香港foodie #食好西 #香港食評

大胃有時都想重拾吓童真，見好似真係未試過入去親子餐廳食吓嘢，同埋好奇啲嘢食大人啱唔啱食，就入咗呢間用熊啤啤做主題嘅餐廳唔好以為佢地嘅質素一定會一般喎，佢個安格斯漢堡相當不錯，上面有醃酸咗嘅青瓜，細路食唔怕太酸，大人食又易入口切開漢堡唔會鬆散，漢堡扒夠晒實淨薯條炸得幾脆口，一條又一條冇停手雞髀焗飯又係幾正，雞髀去骨不在話下，仲要幫你切開晒細細塊，好細心，大人細路都唔怕啃親。飯底炒得幾好，焗嘅火候都剛剛好佢地嘅心太軟係自家製，大胃覺得唔會太甜，但又幾滋味啲流心仲要幾rich吓，值得推介另外佢地嘅特飲都好特別，檸檬草茶飲落好有泰式風味玫瑰柚子茶澀味好足，兩種味又好match呢度仲有小朋友專區，不過疫情期間冇開，希望可以快啲開返啦

熊小館🍽-Megabox高層有間可愛熊熊餐廳🐻亦都係親子餐廳有個小孩區👶🏽但其實去既都係大人多🤣-Set Lunch 紅酒牛肉配意粉 $77主菜個牛賣相雖然唔太吸引但塊牛煮得岩岩好好易咬牛排上面D乾葱碎加左唔少分😋而意粉🍝就正常啦🤣Set Lunch揀左Crème brûlée🍮同個賣相想像中有D分別但味道唔錯😉-蜂蜜味BBQ燒豬仔骨配薯菜 $78 加$6升級餐湯餐包餐湯係小編至愛羅宋湯夠哂入味而蒜蓉包卜卜脆🥖豬仔骨都算多切到5條🍖BBQ個醬都好夠味😌薯菜要真心讚薯條沾左d粉再炸所以勁脆勁好味😋😋-🌟評分:🏅🏅🏅🏅

作為老師嘅我 日日見到小朋友只係留係屋企都替佢地覺得悶啊🥱所以今次介紹一間親子都岩食嘅餐廳❤️就係喺MegaBox 嘅熊小館🧸佢以得意可愛嘅熊啤啤做主題而且設有兒童圖書同玩具供小朋友玩更開心嘅係有兒童套餐 我係小朋友嚟到實勁開心😆雖然食唔到晚餐 但食下午茶 一樣份量十足新品 烤美國安格斯漢堡伴炸薯條($88)安格斯嘅肉香 令到整個漢堡入口層次更豐富另外叫左個水波蛋卡邦尼煙肉意粉 ($69)濃濃嘅芝士味 配上忌廉煙肉 好味好邪惡😋加$6 就有蒜蓉包同餐湯 佢嘅羅宋湯好飲啊👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

金磚西多士配朱古力醬 $44外脆內軟的黃金西多士，加上朱古力醬、牛油、糖漿，一件件適合同朋友share，都好方便，一邊傾計忍唔住一舊接一舊。自家製心太軟 $55香濃朱古力蛋糕加上流心的朱古力漿，一切開如火山熔岩般湧出來，熱騰騰的口感，加上蜜桃忌廉，好滿足。鐵板一口牛 $54一上枱鐵板香噴噴好大煙，牛肉粒厚切，口感髮軟嫩身，醬汁惹味，用鐵板放得耐都唔怕凍左，薯蓉細滑好creamy，好香牛油味。熱情玫瑰 草子莓莓 (跟餐+$16)一間以熊啤啤做主題的餐廳，好適合情侶、親子，周圍都有熊仔做佈置，打卡一流，餐廳有兒童遊戲區，小朋友可以睇圖書，玩玩具，店員好親切問要唔要熊仔陪你食tea。