熊小館

营业中

休息中

係megabox行到攰見到呢間餐廳好多熊仔，感覺好舒服親切，再望埋個餐牌，價錢都非常之親民，就入咗去試下。間餐廳內部真係好冇溫暖小屋嘅感覺，好多熊仔嘅擺設，見到好多小朋友都食得好開心，一家大細都喺度打卡。晚市二人套餐先二百幾蚊，仲要包咁多嘢，都幾抵，我就嗌左$279既二人套餐。首先上咗餐包同埋蒜蓉包，蒜蓉包覺得好脆，忌廉湯都唔錯。個set仲包埋餐飲嫁。白酒忌廉煮藍青口 ($68)加多咗個小食，藍青口嘅份量都幾多，同埋白酒忌廉煮得唔錯，蒜蓉包拎嚟點呢個汁非常之夾呀。深海帶子配醬燒汁牛柳值得一讚嘅係啲粟米粒係用牛油炒香過，同埋帶子都煎得啱啱好。牛柳更加唔使講，估唔到一啲都唔韌，以一間有主題嘅Cafe來講真係相當之有質素。卡邦尼煙肉扁意粉意粉好重芝士味，好creamy，煙肉都幾多，基本上每食一啖意粉都有煙肉，仲有啲菇添。是日甜品係雪糕，其中一客加咗$16升級至心太軟，好流心！而且個皮係微脆仲熱熱地，好好食！呢個心太軟絕對要試下。呢間餐廳除咗環境舒服之外，員工都好nice，好有禮貌。晚餐係呢間食成個感覺覺得好和諧好warm，推薦！

熊小館主打親子設計。走進店內盡見非常可愛的小熊, 小朋友都忍不住走去撫摸, 甚至主動要求和牠們合照。餐廳食物種類不少, 大都是西餐。今天點了幾款食物, 其中一些頗有水準, 值得和大家推薦一下。 或許有點意外, 但我首先推介的是餐前的蘑菇湯, 濃郁的忌廉, 混和了淡淡的蘑菇蓉 (利申: 本人很怕草青味很重的蘑菇味), 配上蒜蓉多士麵包, 是很好的餐前小吃。兩位孩子都難得地把湯喝個清光呢!另一樣推介的是安格斯牛扒, 煎的時間剛好, 上盤時仍然有少許冒煙, 這令我有點驚訝, 沒有想過這些親子餐廳也這麼有水準。肉質、肉味也合格有餘, 以這價錢絕對算得上抵吃! 我們還點了海鹽炸薯條、卡邦尼意粉, 這些都不俗。但熊小館令我喜出望外的, 卻是飲品的外觀, 顏色鮮艷奪目, 令大人小朋友都很想喝! 大家有機會絕對可以來嚐一嚐!

終於捱到放假，去咗Megabox打個轉，行到肚餓突然好想据鐵板，查一查open rice先知原來有間咁有特色嘅餐廳。入到餐廳就俾好多熊啤啤🐻包圍，餐廳好多角落都可以打到卡，另外仲有個area俾小朋友睇下書玩煮飯仔同砌積木。法式蛋黃醬焗鮮露荀通常露荀我會揀幼幼細細黎食，好怕會有渣好老好難吞，但呢個粗粗碌又唔會喎，加分👍🏻鐵板肉眼扒好耐冇食鐵板，我仲特登影咗個Slo-mo去記錄低😜牛扒叫咗七成熟，剛剛好仲帶少少粉嫩，牛味都出唔會俾個汁cover咗。扒餐仲有餐湯同蒜蓉包，餐湯足料唔稀。黑熊（跟餐+$18）其實就係黑牛😂可樂+朱古力雪糕。我一直都唔捨得破壞隻冰熊嘅樣，飲哂杯野最後先試隻冰熊係咩味道，答案係⋯輕微嘅甜味。蜂蜜味BBQ燒豬仔骨醬汁都幾夠味，肉唔會好乾身，搵刀輕輕切一切就同骨分離咗，唔洗拎住條骨慢慢吮。食咗咁多肉咁heavy，跟餐配埋個小salad消下滯。總括我覺得都幾抵食，食物質素都唔錯，雖然冇叫到二人set，散叫食到飽飽都唔過四舊水。坐得闊落而且景觀都唔錯，我仲欣賞咗場好激烈嘅ice hockey🏒。

今日行程簡單又輕鬆, 好舒服。帶住兩隻野去megabox行下ikea, 睇下人地玩ice hockey, 然後就去熊小館食個安心晚飯。餐廳有一個小corner, 可以比小朋友睇下書, 玩下玩具, 父母就可以放心食飯。第一次嚟, 發現熊小館嘅食物都算唔錯, 介紹下幾款食物比大家啦! 我個人最愛 – 蜂蜜味BBQ燒豬仔骨, 醬汁幾惹味, 肉亦都唔算乾, 食落幾juicy, 不過老婆覺得略咸。白酒忌廉煮藍青口, 啲cream味道好濃, 但唔會好「涸」喉, 不知不覺就食哂成盤啦! 最後係薯蓉焗田螺, 啲薯蓉唔知點解好好味, 好滑, 薯味好濃郁。我個仔食咗第一啖已經問我, 點解好味過佢以前食個啲咁多? 我真係唔識答! 最欣賞佢擺盤既設計, 都係有用心, 特別係d飲品, 望落都覺得好靚, 好吸引啦! 有機會一家大細經過megabox, 可以入嚟叉一叉電 (當然我係指大人) !

今日因為有小朋友嘅原故特登揀間有得玩嘅餐廳6個人嘅關係，餐廳都安排咗一間房仔俾我哋再分開兩枱有好有唔好啦好在相對較安靜因為晚市好多人同埋多小朋友所以要傾起計上嚟，有間房仔係好啲嘅但就比較難俾店員留意到如果想落單/加單就可能要耐啲小熊套餐 -68成個餐都算係大份，配上熊仔樣啫喱可以吸引到小朋友食單點加28蚊可以有餐湯，牛油法包同一杯嘢飲正常發揮，無咩特別經典焗意大利波隆那肉醬意粉 -69意粉淋淋哋，好合我口味🤣黑松露蟹籽帶子黃金意大利飯 -92帶子係大粒嘅，但整體唔算好特別忌廉汁黑松露煙三文魚天使麵 -92呢度都係麵類岀色啲雖然黑松露味唔算太突岀白酒忌廉煮藍青口 -68份量都幾多，不過又唔算好好食蜂蜜味bbq燒豬仔骨 -140幾喜岀望外，豬仔骨唔鞋口肉質都幾鬆軟入味唔知點解大家都好想食洋蔥圈，所以就叫咗一個啤酒脆漿炸洋蔥圈 -48但整體係失望嘅因為粉漿好厚，而且食落淨係有成口油嘅感覺

今天逛mega box，行經熊小館見超大的熊仔，樣子討人喜愛😘💕，餐廳內設有小朋友遊戲天地和生日房，環境舒適，更睇到溜冰場。我們點左鐵板肉眼扒$148 配牛油法包和蘿宋湯，🥩肉味香大大塊，配露筍、🌽、蕃茄仔、炸薯角，真不錯👍👍白酒忌廉煮藍青口$68，份量頗多都好抵食。青口鮮甜，汁美味。芝士美國安格斯牛肉漢堡$$108牛肉味濃郁，很厚身多肉汁，配炸薯角外脆內軟，好味😍甜品：心太軟，賣相靚靚，朱古力味香濃配水果、cream，為這餐劃上完美句號。熊小館 Cafe MED地址：九龍灣宏照道38號企業廣場5期Megabox 11樓

晚上7:30 左右去到拎飛，我同小朋友一齊2 個人去！7:45 入座！一心諗住叫左個兒童餐先，自己轉頭先叫！由叫兒童餐相隔10 分鐘左右我先再叫我自己個嘢食…等到8:10 門口帶位嗰個男職員問我叫左D咩！我話俾佢聽兒童餐B+一個鐵板雞扒！相隔10分鐘鐵板雞扒黎咗，兒童餐仲未黎！我就同個女職員講兒童餐落咗單超過30分鐘！點解仲未黎？佢話幫我追，但不了了知！到8:30 再同帶位個男職員講…兒童餐及加嘅餐湯、嘢飲仲未到…叫嘢食等左成45分鐘以上咁耐仲未有！我問佢仲等幾耐？佢話半分鐘… 之後3 分鐘佢親自拎過嚟！小朋友終於有得食…小朋友食個肉醬意粉食左少少唔食，起初我冇留意，以為佢餓過龍，冇胃口！淨係食咗啫哩及飲杯橙汁！之後我就諗住食埋個意粉…點知原來啲意粉係生嫁！連大人都感覺意粉好硬…點可以比小朋友食？怪唔之得我小朋友唔食！之後我俾錢嘅時候同門口個男職員講上次星期六下午時間黎唔係咁… ***佢話因為生意好+ 廚房好多新人！***之後我同佢講個兒童餐等超過45分鐘最後個肉醬意粉D意粉竟然係生，叫佢埋去睇吓…佢冇理我！佢只回答我一句…***唔係啩，唔好意思***

點咗份牛排，知道只係$78 所以唔會有太高嘅要求牛排 同連鎖式快餐店的一樣，薄 要靠醬來調味味道普通，為求充飢點咗杯咖啡☕️ 太苦……餐廳有好多熊🐻做裝飾，可以做打卡點，枱面上都有一隻小熊俾你影相用。餐廳好忙，招呼不下……唔好意思，真係無下次了……

第一次光顧呢間餐廳，成間餐廳都係熊仔公仔，雖於公仔有啲舊，但對於小朋友來講仍然相當吸引。我地兩個人叫左個帶子risotto 同埋香草雜菌闊條麵，味道唔錯，價錢都算相宜，份量對於男士可能少一點。另外叫左個焦糖燉蛋，較遜色，焦糖太厚，所以不香脆，有點硬，而蛋卻不熱。我地叫左野等左超過30分鐘都未黎，先發現員工無落單。其實呢個年代，一個大餐廳，員工已經唔夠，仲靠人手抄寫落單，實在太落後。知道漏單後，員工連番道歉，都趕緊出番我地嘅食物，態度良好。整體表現不過不失，也可一試。

今日喺九龍灣行傢俬舖，然後打算喺MegaBox附近搵間嘢食食個晚飯，喺OpenRice上面見到呢間熊小館嘅食評好好，於是就過嚟試吓啦！入到黎已經覺得好親切，因為帶位嘅職員好可愛同友善，佢帶我哋去一個有隻熊仔坐喺度嘅位度，話我哋可以同隻熊仔一齊食飯，成件事好有童真，好得意🥰。見到呢度嘅環境真係好適合大小朋友嚟，有一個角落係特登比小朋友入去玩玩具，四圍都好多熊仔嘅公仔同埋擺設，鍾意熊啤啤嘅人一定要嚟呢度食！餐牌上面見到有二人套餐，睇落超抵！因為入邊每件嘢係獨立叫嘅話都要$80/100以上，但係呢度咁多樣嘢加埋先至二百幾蚊！好抵食，所以二話不說就揀咗二人套餐。首先係兩個餐湯，今日嘅餐湯係忌廉湯，味道都幾濃，份量多👍然之後就係法式田螺，真係好耐冇食過法式田螺，好味～數量都唔少，外面仲有啲薯蓉圍住佢，我最鍾意食薯蓉！所以呢一個薯蓉撈法式田螺非常啱我，薯蓉口感唔錯，又唔會話感覺到落咗好多牛油，感覺冇咁肥膩。主菜方面，我哋揀咗豬仔骨同埋卡幫你意粉。豬仔骨非常有驚喜！佢本來係蜜糖燒BBQ醬，啲味好入味，豬仔骨嘅質素都好高，把刀一掂落去都已經骨肉分離，完全不費氣力就可以將啲骨同埋肉完美分開，非常好食，而

👧🏻Wodafoodie in Kowloon Bay呢間以🐻啤啤熊做主題既特色餐廳每次經過都覺得好得意好靚😍周圍都有啤啤熊既毛公仔做裝飾，每張枱上都有一隻小熊，仲有一個角落有齊圖書、毛公仔、玩具俾小朋友玩，可以俾小朋友係個到放電，大人就慢慢享受食物，真係一間好貼心既親子餐廳😆☺️好開心可以坐到呢張枱隔離有隻大既啤啤熊可以俾我影相😍✨🐮磨菇紅酒汁牛柳伴法式田螺 $158牛柳叫左五成熟，好嫩好嫩🥰本身已經夠味唔點汁已經好好食！法式田螺上面鋪滿左幼滑既薯蓉，田螺好厚肉，配埋薯蓉同醬汁一齊食勁夾勁好食🥰可能係親子餐廳既源故，佢除左磨菇仲有露筍粟米車厘茄，好欣賞佢加咁多蔬菜令成道菜健康左好多☺️✨🐥特濃芝士鐵板雞扒 $98呢個雞扒我勁推介！！！鐵板熱到辣手，但係雞扒都仲保持到好嫩滑😍！！切開仲要好juicy，啖啖肉，配埋特濃芝士真係食到lam lam脷😝✨🍝香草醬乾蕃茄野菌闊條麵 $69本身諗住食清d就叫個素意粉，估唔到佢個香草醬咁香又落得頗多，所以每條闊條麵都掛曬汁好好食！😋比起食白汁感覺清新好多無咁膩。✨🐚白酒忌廉煮藍青口 $68估唔到青口份量咁多！個汁係好香濃既忌廉，好入味😋✨🍮玫瑰法式燉蛋

見佢咁多teddy bears以為只係得個靚字，原來食物質素都幾好喎。而且價錢真心唔貴。原來好想試個2人餐，但因為無晒心太軟，所以轉散叫。童話式餐廳嘅牛扒會係點？估唔到都幾好呀，十分滿分我會比7-8分。食到牛嘅肉甜味，唔難咬，軟熟得黎唔係拿到淋嗰d⋯⋯伴碟嘅薯蓉田螺係勁好食，肥美夠味又嫩滑雞扒芝士：厚厚嘅芝士，仲拉到絲架，真材實料。如果雞扒甜度減少少就更好了。我本人平時唔太愛甜野。但配個芝士真係好正。白汁藍青口：大大碗，好多隻，好抵。鮮甜又夠汁！

今日帶小孩去MegabOX行街經過熊小館.小孩見到就吵要入去.入到去是小朋友天地,系一間充滿幸福甜蜜的小熊親子餐廳.叫左一份鐵板什扒裏面有豬扒.雞扒.煙肉.鮮蛋.雞扒肉質好嫩,而豬扒D肉都還可以唔會好硬.份量都好大份.另外叫左一份小熊套餐里面有天婦羅炸蝦·蜜糖雞中翼、牛油粟米,炸薯條.小熊啫喱.小朋友最鐘意,小孩話好好味.好鐘意尼度環境,總話每星期都要去另外叫左一杯黑熊里面有可樂.朱古力雪糕.冰熊·去完返尋味、值得帶小朋友去的好地方

mega box找來一間特色餐廳已經食過寶林間熊小館覺得好多bear bear環境幾好食物質素不錯試下呢間上次食tea今次食dinner餐廳比寶林大好多而且仲有溜冰場景還有小朋友玩樂區可以玩煮飯仔，而且好多大bear bear二人套餐都幾豐富有餐湯，有頭盤，有主菜，有意粉飯仲有甜品，我哋仲怕唔夠飽叫多碟白酒忌廉煮青口大大盤，厚肉抵食首先，講下餐湯，羅宋湯羅宋湯非常足料配非常脆口的蒜茸包頭盤叫左法式香草牛油焗田螺薯蓉好滑，入口即溶美國安格斯牛肩扒牛肩扒厚切，不失牛味配菜也不錯露筍鮮甜冇乍卡邦尼煙肉扁意粉熱到出煙上菜非常新鮮，creamy好味甜品加錢轉左心太軟心太軟需時製作但新鮮出爐，一切就流心值得加錢轉特飲轉左玫瑰柚子茶特別清新呢度坐位幾闊落侍應態度親切時不時更加會拎公仔氹下細路好適合一家大細黎食飯

今日行開九龍灣，去某間傢俬舖度買傢俬咁就順便去呢到食飯，因為我朋友好鍾意啲熊仔所以去呢度食飯，咁我哋就叫咗以下:凱撒沙律: 呢個沙律我覺得個蔬菜幾新鮮， 加埋D芝士，同埋撈埋啲沙律汁，我覺得清得嚟又新鮮，作為飯前小食我覺得係幾好同開胃。唐揚脆脆雞翼有四件: 雞翼炸得好好,恰到好處皮脆肉嫩,唔使一分鐘，已經KO一隻。 如果可以多幾隻你話幾好呢。 價錢同比例都ok的。香草醬乾蕃茄野菌寬條麵 :呢一個係我朋友叫嘅，咁佢就做咗個升級優惠就加咗28蚊，咁就包咗餐湯啦、有牛油法包同埋叫咗杯凍飲嘅。 寬條面我覺得整得唔錯，係因為佢落咗好似橄欖油令到成個面都幾新鮮同開胃。 所以如果鍾意食清少少嘅朋友呢個面都幾適合。鐵板肉眼扒:肉眼扒其實都juicy, 雖然我叫咗七成熟，啲牛肉嗰啲肉汁都流曬出嚟，同埋呢塊牛扒係鐵板燒嘅，所以啲牛來特別HOT，食落特別有風味，可惜我今日唔飲得紅酒如果唔係我一定會嗌過紅酒去餸塊扒。 最後我同朋友飲埋杯凍檸茶就閃人， 其實呢一間餐廳我覺得都幾適合一家大細，可惜嘅就係隔離個溜冰場有少少嘈， 如果唔係我覺得静少少會更加好，其實呢啲都唔關餐廳事，呢間餐廳啲嘢食同環境佈置都幾好 我覺