熊小館

营业中

休息中

::熊小館 ::小熊主題夠晒童真，店內到處都有小熊的影子，而且店面空間感十足，望住溜冰場，可以放鬆心情好好享受晚餐#特濃芝士鐵板雞扒以鐵板上菜保持溫度，相機食先的朋友依然享受到熱辣辣的雞扒，配菜豐富，望到咁靚的display已經胃口大增，拉絲的芝士邪惡度爆燈，加上嫩滑的雞扒，食完好有滿足感呢#黑松露蟹籽帶子黃金意大利飯金黃的帶子鮮甜有口感，香濃的醬汁包裹住每一粒飯，啖啖都食到誘人的芝士味，隱約滲出一點點黑松露的香氣，層次豐富，食得出係用心之作!#唐揚脆脆雞翼雞翼size夠大隻，食落好滿足，伴以沙律醬，越食越想食!#玫瑰法式燉蛋白餐牌話”完美的句號”，個人非常認同，所以一定要食個甜品呢! 賣相精美的法式燉蛋白口感香滑，甜度適中，大人小朋友都會鍾意!#木糠布甸忌廉香滑口感細膩，配上一層層的”木糠”，食完之後令我重拾對木糠布甸的熱愛呢特別一讚呢度嘅服務，店員感覺親切，會主動關注客人需要，令整個用餐體驗加分不少！

🛋最近去九龍灣MegaBox睇傢俬，行到餓就喺附近覓食。見到間充滿少女心嘅餐廳，好多小熊大熊擺設，就諗住入去打下卡～點知食物質素都幾好！🥪鹹酥流心芝士吐司（$44）：吐司表層先灑上芝士再拎去烤焗，烘出奶酥嘅效果，烘熱嘅吐司更顯香脆。將吐司切開，就會見到溢瀉嘅芝士夾心。夾心滿載嘅程度係每一啖都會食到芝士。芝士本身帶鹹香，食落更加滋味。唔好睇佢好似細細份，食晒成份都好飽肚，好滿足～🍲烤雞肉羅宋湯螺絲粉（$44）：最令小編驚喜嘅係個羅宋湯底，放到上桌上依然好熱好香濃（最鍾意飲熱湯，暖湯硬係覺得怪怪地）有大量嘅蔬菜以及牛肉塊。螺絲粉嘅軟硬恰到好處，不存在放置咗好耐淋曬嘅情況。以輕量下午茶餐來講，過到口癮但又會太飽。☺️整體而言：食品質素不俗，係一個幾好俾小朋友放電嘅地方。樓下就係溜冰場，喺態小館食住等望住小朋友溜冰都係一個唔錯嘅選擇～（個芝士吐司真係幾正）熊小館 (九龍灣)地址：九龍灣宏照道38號企業廣場5期Megabox 11樓電話：34212213營業時間：11:30-22:00熊小館 (將軍澳)地址：將軍澳新都城中心二期2樓2086-2087號舖電話：29920772營業時間：11:30-

就算大個左都會有想回歸童心既時候。最近就去左Mega Box 11樓既【熊小館】，主打啤啤熊既西式親子餐廳。地方好大，而且有好多啤啤熊裝飾同俾小朋友玩既corner。今次我地就叫左一個二人套餐同甜品。 二人套餐： 餐湯配蒜蓉包：菠菜忌廉湯都好濃好多，味道都中規中矩。蒜蓉包蒜蓉味好香。 蛋黃醬焗蘆筍：蛋黃醬配蘆筍都幾特別，但略嫌蘆筍調味偏淡，草青味會比較重。 美國安格斯牛肩扒：分量都算多，配燒肉汁好夠味。配菜薯條同蔬菜都好新鮮！ 卡邦尼煙肉扁意粉：令人喜出望外，味道好濃既卡邦尼。而且餡都好多，調味又岩岩好！推薦！ 橙汁熊熊（+$8）：橙汁加草莓熊熊冰，味道係普通橙汁，但超級cute 薔薇之戀（+$16）：玫瑰花柚子蜜，圖片有漸層，但實際上係無。味道偏濃，可能凍會好D 生日版心太軟：因爲就快到我生日，就叫左一個生日版。心太軟超級熱同流心。味道又唔會太甜。推薦！

Mega box係小朋友天地就不嬲都知, 但係真係唔知樓上有間咁得意嘅cafe, 由裡到外都有大大細細嘅熊仔包圍住. 唔好話小朋友, 連我呢個嬸嬸都心心眼 💓 仲有埋慶祝生日嘅party room. 入到去經理仲抱咗個大啤啤熊畀我, 覺得開心~打開menu就好懶咁嗌咗個二人餐🤣 $298🦪法式香草牛油焗田螺前菜嘅份量啱啱好, 本身中意牛油薯蓉, 滿足.🥩美國安格斯牛肩扒嗌咗medium rare, 嗰嗰好冇血水但係好嫩, 長條形狀又好切, 真係為小朋友而設, 仲有埋椒同筍㖭😚🍗芝士焗蜜桃汁去去骨雞腿飯飯底係加蛋嘅飯, 飯嘅份量唔多但係對我嚟講啱啱好, 唔使吐骨又多肉呢件事好正. 仲有桃肉食~🥤薔薇之戀花香味好重, 本來以為小朋友主題餐廳嘅飲品會好甜, 但好surprised地又唔會喎, 讚.🍹橙色派對芒果橙汁, 實冇死~但係唔知點解畀咗兩支飲筒我.

今日去到Megabox11樓既親子餐廳食飯，餐廳安排左有隻大熊公仔坐喺隔離，好得意！成間餐廳都有好多熊仔擺設，陪住你食野，地方大，坐得舒服，仲有小朋友至愛既玩具Corner，好適合一家大細黎食飯，出面嗰啲親子餐廳需另收費，但呢度就冇，餐廳對出係溜冰⛸️場，咁啱有場冰曲比賽，一路食一路睇，非常愉快一個晚上。歐陸式濃湯配蒜蓉法包-湯係意大利雜菜湯，好足料。法式蛋黃醬配鮮蘆筍-蘆筍爽脆配蛋黃醬好味。深海帶子配醬燒汁牛柳-帶子煎得香又唔老，入面好滑，牛柳稔滑出色，薯條整得好好味，仲有粟米🌽，唔會淨係得肉冇菜。芝士焗忌廉菠菜龍利柳飯-小朋友好鍾意食，好大舊龍利柳，爭啲食唔晒。白酒忌廉煮藍青口-青口都新鮮，大碟又唔貴，個汁仲可以點蒜蓉包，抵食！玫瑰法式燉蛋白-大件抵食，第一次食用玫瑰🌹去做法式燉蛋，估唔到又幾夾！熱玫瑰熱情果茶-未飲已經聞到淡淡玫瑰🌹香。

這間位於九龍灣Megabox的親子餐廳，以可愛小熊🐻做主題，周圍都放滿可愛熊仔🐻🐼裝飾，打卡一流。餐廳除了設有給小朋友玩樂的角落外，部分用餐位置還可以看到樓下的溜冰場，用餐時間可以同時感受到打 ice-hockey的熱鬧氣氛，確實很寫意。💕燒美國穀飼厚切小牛扒伴醋漬野菌$168小牛排份量不多，牛味甚濃，肉汁豐滿。肉質有牛柳的香滑，同時亦有牛扒的彈性質感。配菜調味用了香醋來醃製點綴，減輕了油膩感，讓口腔留有清新的感覺。💕香草醬乾蕃茄野菌闊條麵$69平時小朋友出街吃西餐，很多時候都只可以點肉醬意粉。今次店長推介這款闊條麵，大人小朋友都喜歡的菜式，闊條麵煙韌有口感，乾番茄好醒胃，蘑菇切得薄薄的，即使年紀較細的小朋友都可以咀嚼到。💕白酒忌廉煮藍青口 $68日本豆苗Baby sprouts 配合濃郁香草洋蔥忌廉汁，層次豐富。藍青口滑溜沒有渣，CP值很高。💕薔薇之戀 $16清香的玫瑰花茶，再加了粒粒柚子果醬，甜甜的又給人清新感覺，消暑解渴。💕黑熊特飲 $30士多啤梨小熊冰冰🐻，實在太可愛，透心涼的朱古力雪糕和可樂～～oh 我想起我的夏天啊！

This teddy bear-themed restaurant has countless of teddy bear throughout the place.  My son was trying to count them all but gave up after 30+ in a small section.  There's a kids corner filled with various types of toys to occupy the kids.  Food is fairly priced but quality was subpar.The beef patty from the burger was way overcooked and it took serious effort to chew and consume it.The rice from the baked fish fillet fried rice was extra dry to a point that I had a hard time finishing it.

熊仔主題餐廳，小朋友最開心🥰放電一流。今日同契仔仔去街，當然要搵啲啱小朋友嘅餐廳食嘢，等佢可以坐定定。全間餐廳都係熊熊嘅公仔，圖畫，擺設。食物質素就好一般，但係選擇種類都多，高級版的快餐。前菜，湯，主菜，甜品都有，價錢唔算貴，大約$150一個人，食物都啱小朋友食嘅。但係餐廳真係好嘈，啱啱嗰日又球賽進行，所以特別嘈，細聲啲講嘢都聽唔到，座位不太舒適，如果冇乜要求都可以接受，唔係要帶小朋友，係唔會去呢到。

熊小館 Cafe Med ❤️今次同朋友去開megabox行街，就去左熊小館晚餐，入面好靚，好多熊公仔🧸，好cute😍😍二人套餐😋$298法式蛋黃醬焗蘆筍😋蘆荀配搭蛋黃醬好夾，份量多，夠哂2人share😍蜂蜜BBQ燒豬仔骨😋豬仔骨燒到啱啱好，好濃味， 肉質嫩滑，再配埋佢嘅醬汁好好食，仲配埋粟米沙律🥗👍👍💯蕃茄奶油吞拿魚螺絲粉😋螺絲粉茄味濃郁，醬汁creamy，雖然係番茄忌廉汁，但一啲都唔膩，配搭車厘茄，食落仲好清新添😍😍忌廉湯配餐包🥣🥖忌廉湯好重忌廉味，餐包都好食🤩唐揚脆脆雞翼$48😋雞翼有四件，炸得好鬆脆，再配埋佢預備嘅醬汁，脆而不膩😍😍飲品 -白熊🧸🍹+$18白熊賣相好吸引，佢用咗熊仔做嘅冰，而且配合七喜同雲呢拿雪糕，好正🥰🥰飲品-橙汁🍹+$3鮮橙汁，味道👍👍地址：九龍灣宏照道38號企業廣場5期Megabox 11樓整體評分：5/5味道：5/5抵食：5/5環境：5/5

全港親子餐廳第一位，可以睇住個溜冰場嚟食飯唔係度度有！店入邊有兒童遊樂區同埋圖書閱讀區！加埋超多熊啤啤！🐻🐻🐻🐻🐻🐻🐻🐻🐻🐻🐻🐻好啱一家大細嚟食嘢打卡🥰🥰叫咗個二人套餐$278有齊餐湯餐包同埋嘢飲！美國安格斯牛肩扒七成熟🥩牛肩扒好友肉味，七成熟剛剛好！仲好有肉汁！芝士焗忌廉菠菜龍利柳飯🧜‍♀️龍利柳焗飯啲芝士可以拉絲㗎，加埋菠菜夠晒健康啱小朋友食！自家製朱古力心太軟加$16🍫剛剛焗起熱辣辣！朱古力心太軟流出來！送是日甜品雪糕一杯！🍨有朱古力，雲呢拿，士多啤梨味選擇！#megabox #熊仔#bear#主題餐廳#熊小館#cafeMED#朱古力心太軟#熊啤啤#打卡餐廳#小朋友勁開心

今日突然下午同家人去MEGABOX ，於是行下行下見到呢間餐廳的環境唔錯，於是望下餐牌，都OK。所以就入去一試。佢既環境好好，四周圍都是可愛的熊熊。而且又有小朋友天地，非常適合帶小朋友黎食和玩。相信無論是大人定小朋友都會好享受在這裡食東西。下午的選擇不多，只有兩張餐牌，未能試都佢既甜品和小食，非常可惜，因為我們主要比佢既小食和甜品所吸引。芝士忌廉汁海鮮焗飯餐（$62）飯內有多種海鮮，如魷魚、青口、蟹柳、魚等等。個人覺得質素普通，因為食材都是急凍的食物。兒童餐（$68）肉醬意粉 腸仔 栗米 小熊食物都不過不失，唯一要贊的是啫喱，配合餐廳的主題小熊，有心思。

安格斯牛肉漢堡（4.5）肉味好重，而且份量上嚟雞，漢堡嘅大細甚至乎係大過麵包嘅大細，誇張到。漢堡包肉汁足夠，係食完令人感覺幾滿足嘅嘢。佢就配埋薯角，好彩就唔係炸 而係焗，我就唔太鍾意食熱氣嘢。豬扒包（4.5）幾好食，因為塊豬扒應該係梅頭，都整得幾冧佢好雖然都知道佢一定係冰鮮，但應該都係處理得好好嘅。所以入口冇痴牙，肉質唔鞋棉花糖多士（3.6）甜度適中，啱晒小朋友食。即叫即整，所以上到碟嘅時候，棉花糖依然係外脆內軟後記、但後來發現佢漏左單。記得order完問佢拎單睇飲品方面熱奶茶係幾正常嘅，有正常嘅茶餐廳水準薔薇之戀（4）都幾有玫瑰味，但係甜咗啲

今日黎左一間親子同情侶都岩既主題餐館，以熊熊🐻為主題，仲有埋小朋友既玩樂corner,岩哂鐘意影相打卡或暫家庭樂既朋友仔✅法式香草牛油焗田螺上碟夠熱，薯蓉有香濃牛油味，夠軟滑唔會食到薯粒，田螺夠大粒😆✅海鹽瘋薯條有檸檬沙律汁同肉醬可以揀，今次就揀左比較清新既檸檬沙律汁，薯角夠香脆咸香，加返酸味味既醬汁減低膩感✅深海帶子拼醬汁燒牛柳牛柳揀左7成熟，上到碟既生熟度岩岩好，帶有微紅，牛柳厚得黎肉質嫩滑，燒汁夠味但吾會濃到搶左肉味，如果個醬汁熱啲更好，值得一試✅卡邦尼煙肉扁意粉意粉熟好剛好唔會覺得黏笠，卡邦尼醬汁味道濃郁👍🏾👍🏾但相對稠身，好睇自己鐘吾鐘意呢種濃厚醬汁，但味道好唔錯✅玫瑰熱情果茶&檸檬草蜜茶無唸過玫瑰同熱情果可以係一個配搭，但味道又出奇地唔錯，熱情果味道較重，但入口又有淡淡玫瑰香，值得一試，跟餐加16蚊就飲到啦😋🌟呢間餐廳岩哂鐘意影相或者帶埋小朋友黎，今次揀左二人套餐，價錢合理而餐廳寛敞，擺得入bb車亦有小朋友玩樂區，岩哂家庭樂或者情侶💑

係megabox行到攰見到呢間餐廳好多熊仔，感覺好舒服親切，再望埋個餐牌，價錢都非常之親民，就入咗去試下。間餐廳內部真係好冇溫暖小屋嘅感覺，好多熊仔嘅擺設，見到好多小朋友都食得好開心，一家大細都喺度打卡。晚市二人套餐先二百幾蚊，仲要包咁多嘢，都幾抵，我就嗌左$279既二人套餐。首先上咗餐包同埋蒜蓉包，蒜蓉包覺得好脆，忌廉湯都唔錯。個set仲包埋餐飲嫁。白酒忌廉煮藍青口 ($68)加多咗個小食，藍青口嘅份量都幾多，同埋白酒忌廉煮得唔錯，蒜蓉包拎嚟點呢個汁非常之夾呀。深海帶子配醬燒汁牛柳值得一讚嘅係啲粟米粒係用牛油炒香過，同埋帶子都煎得啱啱好。牛柳更加唔使講，估唔到一啲都唔韌，以一間有主題嘅Cafe來講真係相當之有質素。卡邦尼煙肉扁意粉意粉好重芝士味，好creamy，煙肉都幾多，基本上每食一啖意粉都有煙肉，仲有啲菇添。是日甜品係雪糕，其中一客加咗$16升級至心太軟，好流心！而且個皮係微脆仲熱熱地，好好食！呢個心太軟絕對要試下。呢間餐廳除咗環境舒服之外，員工都好nice，好有禮貌。晚餐係呢間食成個感覺覺得好和諧好warm，推薦！

熊小館主打親子設計。走進店內盡見非常可愛的小熊, 小朋友都忍不住走去撫摸, 甚至主動要求和牠們合照。餐廳食物種類不少, 大都是西餐。今天點了幾款食物, 其中一些頗有水準, 值得和大家推薦一下。 或許有點意外, 但我首先推介的是餐前的蘑菇湯, 濃郁的忌廉, 混和了淡淡的蘑菇蓉 (利申: 本人很怕草青味很重的蘑菇味), 配上蒜蓉多士麵包, 是很好的餐前小吃。兩位孩子都難得地把湯喝個清光呢!另一樣推介的是安格斯牛扒, 煎的時間剛好, 上盤時仍然有少許冒煙, 這令我有點驚訝, 沒有想過這些親子餐廳也這麼有水準。肉質、肉味也合格有餘, 以這價錢絕對算得上抵吃! 我們還點了海鹽炸薯條、卡邦尼意粉, 這些都不俗。但熊小館令我喜出望外的, 卻是飲品的外觀, 顏色鮮艷奪目, 令大人小朋友都很想喝! 大家有機會絕對可以來嚐一嚐!