影片
成日夜晚收工嘅时候宵夜特别想食车仔面，跟住电车路呢间车仔面档已经开咗一段时间，平时见佢生意都唔错，之前都食过，今晚再试吓佢。餐厅冇室内座位，只有喺餐厅外面摆咗几张枱，如果怕天气太热，咁就奉劝大家都系买外卖好啲。因为当日夜晚唔算太热我都顶得顺，所以就选择左留喺餐厅食。餐厅嘅食物选择都算多，除咗有一般车仔面会食到嘅选择（猪红萝白个d），仲会有一啲特别嘅选择（红烧猪蹄筋，芝士海鲜豆腐丸等等）。拣咗小辣嘅汤底，似系普通腩汁加左辣椒油，不过个辣椒几香食落都几好食。叫咗 萝卜、猪软骨、芝士海鲜豆腐丸、红烧猪蹄筋。啲𩠌都几多一啲都唔孤寒，萝卜炆得好入味好淋，猪软骨啲肉都滑身，而且个软骨位都有d咬口，芝士豆腐丸味道冇咩特别，不过呢只丸出面好小见，可以一试。到红烧猪蹄筋，份量都比得几多，第一次食猪蹄筋，口感好滑，烟烟韧韧，有d位几爽口，都几特别。不过唯一嘅缺点就系放咗喺汤入边之后会冲淡咗个味，略为唔够咸。不过呢一间车仔面好有心，需要炸嘅食材，佢会翻炸左先会上菜，就算斋都会，加埋甜酸汁，热辣辣特别好食。值得一赞。
继续阅读
煮打车仔面又平又好味！系平民之选😎!!!有好多𩠌菜可以选择！仲可以whatsapp落定单，之后外卖自取！好方便😎🙌🏻🙌🏻要注意佢每碗都加左牛腩汁做汤底钟意清汤嘅朋友记得要走牛腩汁ah~~每个𩠌菜分量都唔算少！..个人最推荐白萝卜！😍🥕煮到好lum,好入味呀..😋😋虽然佢系腩汁汤底，但系唔系好多油👍🏼very good!😆-佢仲有好多平价小食嫁🤓🤓下次一定要再黎试下!!!
继续阅读
其实好少女仔lunch time要好似男仔一样食茶餐厅碟头饭先够饱，通常一份三文治或者一碗车仔面已经好够，最近俾我系公司附近发现左原来呢边唔止有煮打菜，仲有间叫煮打面，一于lunch time试试佢！环境：舖头入面不设座位，出面就放左两张枱仔，坐得4-5个人，而且始终系系条街到食，呢排又天寒地冻，都系叫外卖算啦。服务：呢度可以预先用whatsapp落单叫外卖，如果成班同事一起叫外卖就真系好方便，各自打番自己想叫既野食，唔怕漏单或者错单。卫生：眼见舖内地方都几企理，但承上所讲，堂食既话要系出面食，卫生情况争d喇。但如果叫外卖既话就冇问题！味道：今次叫左鱼蛋鸡翼米。鸡翼系我个人喜好，所以基本上食亲车仔面我都会点，而呢度既鸡翼其实一般般，煮得过左火，鸡肉有d鞋。但咖哩鱼蛋系必点之𩠌，点解？一黎都几好味，够实净够弹牙，唔系发到好大既入面松泡泡既发水鱼蛋，二黎我地计过，就咁嗌小食鱼蛋10蚊得9粒，但车仔面叫鱼蛋就7蚊有8粒！抵好多呀！抵食：25蚊既两𩠌面，虽然系呢区都仲有其他选择，但其实呢度既质素都唔会被比下去，而且呢度可以提早用whatsapp落单，所以落到去唔使等即刻有得攞，我谂我以后都仲会继续帮衬！
继续阅读
㖊日放工返筲箕湾食晏，唔知食乜好，又怕等餐蒙，喺OpenRice 见有车仔面，见另一间嘅食评话服务态度麻麻，于是拣咗哩间哩间嘢虽然唔系对住大马路，但系都算易揾，因为哩条好短嘅横街以前嘅食肆系好旺好热闹哩间车仔面嘅堂食系坐门口出面嘅折台，对我无影响，因为我系买返娘家食😆😆食食下先记得影相😅我个面：粗面 + 芝心豆腐丸 + 鱼肉春卷 + 牛腩 + 牛肚佢地选择都算多，而且味道系一般人都会接受嘅程度，起码牛唔会"un"或者太苏, 丸同鱼肉春卷唔会有急冻味/烂肉味/酸宿味舖仔细细，做到咁，我已经觉得唔错星期六放工又多个选择🙂
继续阅读
点了两碗三𩠌面（咖喱鱿鱼，卤水鸡翼，萝卜，冬菇，豆卜，卤水豆腐），一支水，盛为70大元，面底可以转菜底，我觉得不错！萝卜冬菇够入味。值得推介的是卤水豆腐！咖喱鱿鱼都算爽嘅，呢度𩠌菜选项都算多，辣汁叫咗小辣，小小辣，刚刚好yum yum yum 堂食的话只有外面可以坐。大热天时都不敢觉得热，因为有自然风。位置在筲箕湾的巷仔内，出面条街可以停车一阵。还算方便！虽说是小店，但卫生不错。小店服务态度好！支持香港小店！
继续阅读