煮打車仔麵 (已結業)

成日夜晚收工嘅時候宵夜特別想食車仔麵，跟住電車路呢間車仔麵檔已經開咗一段時間，平時見佢生意都唔錯，之前都食過，今晚再試吓佢。餐廳冇室內座位，只有喺餐廳外面擺咗幾張枱，如果怕天氣太熱，咁就奉勸大家都係買外賣好啲。因為當日夜晚唔算太熱我都頂得順，所以就選擇左留喺餐廳食。餐廳嘅食物選擇都算多，除咗有一般車仔麵會食到嘅選擇（豬紅蘿白個d），仲會有一啲特別嘅選擇（紅燒豬蹄筋，芝士海鮮豆腐丸等等）。揀咗小辣嘅湯底，似係普通腩汁加左辣椒油，不過個辣椒幾香食落都幾好食。叫咗 蘿蔔、豬軟骨、芝士海鮮豆腐丸、紅燒豬蹄筋。啲餸都幾多一啲都唔孤寒，蘿蔔炆得好入味好淋，豬軟骨啲肉都滑身，而且個軟骨位都有d咬口，芝士豆腐丸味道冇咩特別，不過呢隻丸出面好小見，可以一試。到紅燒豬蹄筋，份量都比得幾多，第一次食豬蹄筋，口感好滑，煙煙韌韌，有d位幾爽口，都幾特別。不過唯一嘅缺點就係放咗喺湯入邊之後會沖淡咗個味，略為唔夠鹹。不過呢一間車仔麵好有心，需要炸嘅食材，佢會翻炸左先會上菜，就算齋都會，加埋甜酸汁，熱辣辣特別好食。值得一讚。

煮打車仔麵又平又好味！係平民之選😎!!!有好多餸菜可以選擇！仲可以whatsapp落定單，之後外賣自取！好方便😎🙌🏻🙌🏻要注意佢每碗都加左牛腩汁做湯底鍾意清湯嘅朋友記得要走牛腩汁ah~~每個餸菜分量都唔算少！..個人最推薦白蘿蔔！😍🥕煮到好lum,好入味呀..😋😋雖然佢係腩汁湯底，但係唔係好多油👍🏼very good!😆-佢仲有好多平價小食嫁🤓🤓下次一定要再黎試下!!!

其實好少女仔lunch time要好似男仔一樣食茶餐廳碟頭飯先夠飽，通常一份三文治或者一碗車仔麵已經好夠，最近俾我係公司附近發現左原來呢邊唔止有煮打菜，仲有間叫煮打麵，一於lunch time試試佢！環境：舖頭入面不設座位，出面就放左兩張枱仔，坐得4-5個人，而且始終係係條街到食，呢排又天寒地凍，都係叫外賣算啦。服務：呢度可以預先用whatsapp落單叫外賣，如果成班同事一起叫外賣就真係好方便，各自打番自己想叫既野食，唔怕漏單或者錯單。衛生：眼見舖內地方都幾企理，但承上所講，堂食既話要係出面食，衛生情況爭d喇。但如果叫外賣既話就冇問題！味道：今次叫左魚蛋雞翼米。雞翼係我個人喜好，所以基本上食親車仔麵我都會點，而呢度既雞翼其實一般般，煮得過左火，雞肉有d鞋。但咖哩魚蛋係必點之餸，點解？一黎都幾好味，夠實淨夠彈牙，唔係發到好大既入面鬆泡泡既發水魚蛋，二黎我地計過，就咁嗌小食魚蛋10蚊得9粒，但車仔麵叫魚蛋就7蚊有8粒！抵好多呀！抵食：25蚊既兩餸麵，雖然係呢區都仲有其他選擇，但其實呢度既質素都唔會被比下去，而且呢度可以提早用whatsapp落單，所以落到去唔使等即刻有得攞，我諗我以後都仲會

噚日放工返筲箕灣食晏，唔知食乜好，又怕等餐矇，喺OpenRice 見有車仔麵，見另一間嘅食評話服務態度麻麻，於是揀咗哩間哩間嘢雖然唔係對住大馬路，但係都算易搵，因為哩條好短嘅橫街以前嘅食肆係好旺好熱鬧哩間車仔麵嘅堂食係坐門口出面嘅摺檯，對我無影響，因為我係買返娘家食😆😆食食下先記得影相😅我個麵：粗麵 + 芝心豆腐丸 + 魚肉春卷 + 牛腩 + 牛肚佢地選擇都算多，而且味道係一般人都會接受嘅程度，起碼牛唔會"un"或者太蘇, 丸同魚肉春卷唔會有急凍味/爛肉味/酸宿味舖仔細細，做到咁，我已經覺得唔錯星期六放工又多個選擇🙂

點了兩碗三餸麵（咖喱魷魚，滷水雞翼，蘿蔔，冬菇，豆卜，滷水豆腐），一支水，盛為70大元，面底可以轉菜底，我覺得不錯！蘿蔔冬菇夠入味。值得推介的是滷水豆腐！咖喱魷魚都算爽嘅，呢度餸菜選項都算多，辣汁叫咗小辣，小小辣，剛剛好yum yum yum 堂食的話只有外面可以坐。大熱天時都不敢覺得熱，因為有自然風。位置在筲箕灣的巷仔內，出面條街可以停車一陣。還算方便！雖說是小店，但衛生不錯。小店服務態度好！支持香港小店！

今日lunch行過見開左間新車仔麵咪試下，我點左5個餸，牛腩，豬紅，大腸，冬菇和脆酸齌，要左小辣。牛腩炆得幾好，因為我比較鍾意食D有根，唔會好似煲湯瘦肉，不過就要加$4都值，豬紅ok入味，大腸有5，6條倒，又無一陣大腸果D味，都幾肥美吓。冬菇普通sides有4粒，好入味下。叫左個脆酸齌，完來另外上，我都你第一次食，唔係我地食開齌舖果D酸齌，食到係即炸，外脆肉軟加甜酸酱，又幾特別，唔會放落湯到霖曬，不過食車仔麵一定要加辣，小辣嚟講我就剛剛好，今次叫得太多餸好飽呀，以後午餐又多過選擇喇。