煌苑

营业中

休息中

馬鞍山綫石門站附近的商埸，最近進駐了很多不同的食肆，其中的中式酒樓就有三間，分別有煌苑、富臨皇宮和彩福皇宴。今天便先試煌苑的午市。椒鹽九肚魚（$48）九肚魚很肥美，炸漿也不太厚也不太油膩，但份量較少。花之戀臘腸卷（$21.8）花卷的外皮包著臘腸膶腸各一片，外皮鬆軟但臘腸較肥，比較油。脆趣蘿蔔絲腸腸粉包着米網和蘿蔔絲，腸粉都夠滑，但內面就不夠脆。脆皮燒腩飯（$38）份量夠多，但就比較廋，皮也不夠脆。午市双寶（$118）脆皮乳鴿乳鴿有兩隻，皮脆肉嫩，很夠味。雪菜火鴨絲窩米火鴨絲配合雪菜、韮皇和芽菜，令米粉更有口感。

這間位於沙田石門店京瑞廣場的煌苑，整層三樓都是這間茶樓，所以就算人多都不需要等很長時間。剛上桌的是蒜茸蝦春卷, 春卷脆卜卜，蒜茸醬醃過的蝦幾入味，好抵食。煌府蝦餃皇也是即點即蒸，略嫌有少許蒸得過火，兩隻的蝦餃皮黏在一起了，不過口感和味道也是不錯的。四寶滑雞扎、蠔皇叉燒包和黑松露燒賣皇都是不錯的選擇。另外要推介的是滋味孖寶，當中包括潤燒脆皮乳鴿和雪菜火鴨絲炆鴛鴦米。炆米很有鑊氣很香口，加上了一些青椒和紅椒來平衡。乳鴿也啖啖肉，份量也很足。

15-2-2017 (Wed)同成team同事10個人farewell男同事CW,又揀o黎呢o度食,幾個早o黎o既同事已剔o左o野食,我o地食o左:1. 鮮蝦腐皮卷(大點)同上次一樣, 一碟三件己剪開o既,,今次冇燶到 ,外脆,味道清淡,OK.2. $118.00o既滋味孖寶中o既雪菜火鴨絲窩米大大兜,米粉唔過腍,味道唔太濃.3.$188.00o既皇牌三寶中o既兩面黃 肉絲炒麵其實都唔多算係炒麵,似煎麵.麵脆唔油,不過冇味o既,就算上面o既肉絲味道都好淡.4. $68.00o既脆皮燒腩仔肥瘦各半,皮脆,唔鹹,正常.5.$188.00o既皇牌三寶中o既蜜味叉燒腸叉燒切成粒,冇乜口感,亦唔太甜.6. 四寶滑雞紥(大點)我食o左雞同火腿, 雞肉大大件,口感正常.7. $118.00o既滋味孖寶中o既潤燒脆皮乳鴿2隻皮唔脆但好鹹,肉太腍,應該係唔太新鮮.8. $108.00o既三款滋味小食~冰鎮話梅苦瓜試吓食,苦瓜一啲都唔苦,涼涼地,話梅清淡,但恰到好處,唔錯.9. 鮮蝦菜苗餃(大點)菜都幾多o既,皮正正常常.10.$188.00o既皇牌三寶中o既潮州粉粿五香味唔太濃,但口感正常.11. 蠔皇

10-2-2017(Fri)同5個同事farewell男同事CW,原本我o地去彩福,但我去到時好多人,條龍幾乎冇郁過,女同事CY話佢富臨同煌苑睇有冇位,最後,煌范係即刻有位,重要係一張大枱,而且全場唔full,坐得好舒服.我o地人齊就剔o野食,剔o左:1. 鮮蝦腐皮卷(大點)一碟三件己剪開o既,但有四件比較燶,我食唔燶o個件,外脆,但o岩o岩呢邊冇蝦仁,只有菜,味道清淡,OK.2. 蒜茸蝦春卷(中點)亦都係三件剪開一半,同樣外脆正常.3. $48.00o既鮑汁花生鳳爪鳳爪好腍亦入味.4. 順德鯪魚餅(中點)正常,冇乜問題.5. $48.00o既風味魷魚鬚炸燶o左,外面亦唔脆喇,味道亦唔鹹.6. 蘿蔔千絲酥(大點)外脆內軟,亦夠熱.7. $42.00o既豉味虎皮尖椒我冇食到,同事們食話有辣有唔辣.8. $48.00o既銀杏咸菜豬肚豬肚夠腍亦唔羶.9. 香茜牛肉腸(大點)一碟六件,牛肉切成粒,冇咬口.10. $21.80o既姬松茸蘑菇包內裡有姬松茸,雞髀菇,鮮菇同冬菇.我覺得姬松茸味最搶.11. $18.00 o既煌苑蝦餃皇(2隻一籠)兩籠我冇食到.12. $18.00 o既黑松露燒賣皇(

星期六下午2時多入座，寫了下午茶點心紙才通知今天沒有下午茶，門口亦沒有標示，而且還要3時半交枱，本來是去樓下富臨，已經特登避開這間，因為朋友去錯了已經開了位，無奈！

年初三本來打算一家大細開開心心飲餐茶，有小朋友，所以揀咗呢間有平台公園玩嘅酒樓。一早8點幾打去book檯，個侍應話booking full咗，叫我去walk in，咁我要攞張12人大檯，就早一個鐘去walk in 攞飛仔等啦。但眼見門口個位知客小姐只係俾大檯俾booking個啲客，我哋攞咗飛等咗成個半鐘都冇分派一張大檯俾walk in 個啲。如果唔會分檯俾walk in 客，咁你叫人去walk in做乜。問佢佢就好冇禮貌咁話'係咁架啦，人哋年初一等三個鐘都係咁啦' 但當時有老有幼，唔方便再去第二間，加上已經等咗成個半鐘，唯有死忍等埋佢。終於等到檯，但仲谷氣，門口個位已經態度極差，入到酒樓啲侍應態度一樣差，三催四請都唔會幫你加水，食物味道一般，仲要漏單。好好哋飲餐茶但攪到個個都唔高興，我一定唔會再幫襯，亦唔會介紹呢間服務態度超差，食物水準一般嘅酒樓俾朋友。

一家訂了2圍枱預早慶祝團年, 訂了6時半, 約7時吃了第一道拼盆, 等到8時10分才吃第二度菜,  到9時半還有5道菜未出, 問侍應取盒, 問了3個侍應也沒有成功....忍無可忍, 終於要求找最高級店長, 又問了3個侍應, 又等了半個鐘, 本不想打搞其他食客, 但終於忍唔住在場大叫, 希望得到一個合理回應, 這時店長才出現, 說了一聲: 對唔住, 駛唔駛斟茶認錯?真是無言, 自問好脾氣, 從未在公眾場所如此無禮, 不過也沒有說個一個粗口, 也沒有說半句侮辱的說話; 不過一班自稱飲食服務業的人似乎對他們自己的專業也不尊重, 枉要求他們會尊重客人. 

book咗6:30兩席團年飯（$3880/圍）7點上完第一味"燒味拼盤"...等...等...等...等...以為廚房煮唔切，足足等咗一個鐘，頂唔順叫侍應跟吓，點知個個侍應都淨係識講"等"...完全無人跟！等足1.5個鐘8:30終於上第二碟菜，有大有細有老人家餓住等，餸菜唔熱唔緊要，第一次食餐飯等4個鐘，炒麵炒飯、甜品、生果都仍然未上枱...都係等！總結：由無人坐到爆場，由爆場到清場，食完幾個鐘換來一肚氣！第一次寫食評，真心希望有心食一餐正常晚飯嘅朋友睇到佢地服務真實的一面。

去石門搵食, 午市都幾多人等位, 煌苑最新開, 就試試佢.酒樓人手都幾足夠, 總有WAITER離你不遠.滋味孖寶 - 脆皮乳鴿2隻 + 雪菜火鴨絲窩米 $118 (假日加$5) 脆皮乳鴿絕對**唔脆**, 較為細仔, 似"老水乳鴿"多過脆皮乳鴿.雪菜火鴨絲窩米的米粉幾爽口, 真係好大窩, 夠多鴨絲, 湯底味濃.黑松露燒賣皇 (2粒) $18 - 只係大粒少少的燒賣, 一丁點黑松露在頂.沒有特別, 完全無黑松露味.點心較貴, 亦唔多選擇,  平日飲茶會較抵.

沙田石門 京瑞廣場開咗好多食店2樓富臨 經常食 3樓煌苑 就試吓呢間午市價有套餐 皇牌精選 精品推介双併粉麵+燒味 算低食大內手功紅蘿蔔 ~買相靚靚 $28.8手功錢咸水角味道 上檯凍嘅 失望禪院上素刺蝟~ $28.8手功價暖嘅 似炸饅頭 餡料唔多 唔油膩双併$118炸乳鴿~ 脆 嫩 都算中size (散叫$48)珍菌鴨絲炒鴛鴦米~好味炒得乾身但肥膩午市得1款特價推介~ 鴛鴦虾餃皇 但沽清 餘興：飯後可憑單遊玩後花園(兒童樂園)影相逗小孩好地方夜晚至有泊車優惠

訂左兩圍晚餐圍席 不論食物質素或服務態度都強差人意首先 在八點鐘叫侍應上菜 等了差唔多半小時都未上菜 好明顯漏單追啲侍應先如夢初醒落單上菜十分混亂最先應該來的乳豬中後段先到龍蝦伊面沒有任何味道炸子雞沒有炸子雞話要俾白切雞拼豉油雞蒸魚超腥 半生的上糖水 紅豆沙湯圓的湯圓是生的唯一可取的是荷葉飯嘗試找經理了解情況 只有諸多推搪採取消極迴避態度 絕非理想的服務態度未試過去酒樓吃飯有如此不快的經驗絕對不會再來 亦不會推介任何朋友前來

經理濫用職權私自優先比位有著數派的熟客，而且唔通知門口知客編位的同事，引發派位混亂，令人覺得不公平兼不知所謂。就算裝修幾豪華，食品幾平幾美味，都令人生氣，仲埋沒了其他勤奮員工的努力，這種舊作風已不存在很久，就算有都會立即通知編位，不會做法咁低下，令兩組客人發生罵戰。

3/12星期六早上原本想去煌苑飲早茶，早上8時半已入座落單，當時侍應好認真數點心紙上的order，但到9時仍未有點心，便向另一侍應追單，但這侍應第一時間向我地sell賀年糕劵，我地請佢跟單先，再等多近半小時仍未有點心到，我地自己去收銀處直接問有冇落單，結果是没有。因為之後已約時間同媽媽覆診，所以没有再落單未食就走了。煌苑要認真處理侍應的問題，服務有如趕客一樣。事後看到幾則食評也表示服務欠佳，加上附近有幾間酒樓，我也没有興緻再去煌苑試。

1、樣樣都好難食蘿蔔榚：凍冰冰燒腩仔：生到見紅腸粉：正粉腸D粥同豬腳薑擺喺大門口無蓋，有無咁衞生呀？2、侍應大帝態度極唔掂 一上扶手電梯已經見侍應阿姐同茶客大嬸喺度激烈溝通侍應阿姐對住將卡亂咁tick叫埋單呢世都唔嚟侍應阿姐嗱住一堆單起勢撞埋嚟，當然一聲道歉都無3、價錢嘛⋯⋯ 早茶㸃心：6個 + 1碗仔燒腩飯 = 300！！！唔通係我大鄉里唔知大家都發咗達？搞食嘅唔好好搞，整係搞飛天馬車，呢D係唔係不務正業？！喺度擺酒聽激死，三思、三思。

服務差到暈，見阿姐行埋黎就叫佢加滾水，但佢不單沒有幫忙，還要話d客唔開蓋，聽話開左蓋喇，但呢位阿姐就特登先去執左其他已離席的台，才私私然幫手加滾水。另外，停車場$18 一個鐘係要留匙泊貨車位！早茶有d平野，$3.8 燒賣都好抵，其他就麻麻地喇！例如 豬腳薑得2件豬腳，細細碟咁，7個人食就認真唔夠了！筷子隻隻長短不一，同酒樓高級的裝潢格格不入。失望，不會再光顧！