煌苑

营业中

休息中

剛剛過去的禮拜日，同外父外母一家人去了石門飲茶，見到下午茶特價食品都頗為豐富，而價錢方面亦唔算貴，地方亦都寬敞闊落，裝修 很新淨，坐落去飲茶好舒服，枱與枱之間唔會太密， 因為我最怕，枱與枱太近， 用餐時會聽埋隔離枱嘅溝通內容！我們點了一些特價下午茶食物，我覺得最為有水準就係那個肉絲兩面黃，麵煮得很脆口， 份量亦相當之大，肉絲鋪滿麵上， 好抵食！其他點心亦很有水準，粉果皮薄 肉料新鮮。 除咗食物方面 有水準 服務員態度亦都好殷勤，這間石門分店有進步了！

開acc以來睇文多過打文，今日終於忍吾住幫呢間野開齊寫食評！劣！呢間酒樓曾經被blogger/ 雜誌喻為親子餐廳，空中花園有小型遊樂區+影相區域。陽光普照，難得放假開開心心帶2個小朋友山長水遠來嘆茶，諗住小朋友又可以放電，大人又可以舒服抖下。點之一到步門口已被告知空中花園午市關閉！失望！諗住算啦，帶住小朋友肚餓，儘管試下味道如何。叫左8個點心，無樣得！叉燒包+叉燒腸粉（叉燒超難食，又硬又咸！），小籠包無汁都預左，個皮又硬又un！籮白榚我仔本應最愛，暖近乎凍既！咸蛋瘦肉粥得5-6條肉絲咸蛋仲凍既！其他點心都費事打...！嬲嬲地問埋原因點解空中花園關左（以我所知1月仲有開試過報紙）點知都係一個個大話！門口知客話只係開比夜晚婚宴！到入門口個西裝阿叔又話因爲無人打理，所以滑梯好多塵喎！跟住個針水阿姐就話新年後午市吾再對外開放但吾肯講原因！另外個茶水阿姐話經理決定！最後有個點心阿姨道出真相話因爲個個客都因為有個花園而吾肯交枱返吾到枱喎！多餘！sell自己有花園既酒樓但吾開囉！

星期日book枱食飯，附近的酒家全full booking.見呢間在openrice負評甚多，唯家人決定一試。星期五同店長book黎緊星期日的枱，佢話沒問題，已留枱。到左星期日，原來酒家已被內地團book場，而店長留左再下星期日的枱。他多番強調自己清楚今星期日full booking,所以話係覆我下星期日的日子。對佢的説話我全沒印象，加上我話訂黎緊的星期日，點解會覆我另一日子。過程中，兩名知客態度甚差！一行人只好臨時轉場。永入黑名單，唔會再俾機會！

今日一班同事食呢間煌苑，訂咗午宴套餐，點知第一籠蝦餃就喺籠邊附送曱甴，仲要唔只一隻，啲同事即刻嘩嘩聲！跟住班伙記即刻收走咗籠點心，換碟再上過畀我地。換完返嚟啲同事就逐隻蝦餃揀過先敢食，搞到我地成餐飯都冇曬胃口！之後啲嘢食都麻麻地，菜肉包有陣椰汁味，炒飯就勁細碟，碟伊麵又切到碎曬根本夾唔起。得隻乳鴿有啲睇頭，叫做入到吓口。我地同事食飯不嬲食曬清枱，係得呢次食剩成枱嘢冇人敢食。從未試過咁差，總之好失望！

會議廳午膳提供小強。八圍中，有六圍有小強在蒸籠出沒。收回去廚房，又端出另一籠小強伴燒賣。團體七十多八十人，只能面面相覷。一間酒樓，提供小強十多隻，叫人情何以堪？

上一次一年前黎已經有好差既服務經驗，2018元旦因爲周圍無位再結果要再黎，點知更失望同更一肚氣。先唔講俾少左個位然後追左三個字都無人加返個位黎，然後想揾人加水又係完全無人理。野食一般都算，叫左個豆沙南瓜餅，追左四次，由普通落單阿姐追到部長級追左差唔多成粒鐘，無一個人返黎話我知有定無追成點，最尾忍唔住出去叫收銀印返張單先發現原來無入到機。我唔明如果根本無入機點解追左一個鐘都唔知，之前既人究竟做過乜野？點解四個人無一個人真係跟過？後尾一個白衫經理無歉意下問我仲要唔要，我話如果要，要等幾耐，佢話”要我即刻拎出黎”, 結果佢真係唔洗5分鐘拎左我碟野出黎。明明5分鐘解決到既問題，無一個人認真處理，結果浪費客人時間。唔會再黎，亦會叫家人朋友唔好黎受氣。

其實這間酒樓在開張不久時，我曾經寫過一篇食評，我是給它笑臉的。但今次光顧，不論是服務或食材都不盡完善，不得已，要給它一個哭臉。我也明白現今做食肆不是一件易事，不但要面對昂貴的租金，又難請人，食材成本上升各種因素。但我認為既然是一間集團式的食肆，在員工陪訓和食材都應該有一定水準，更加不應該做到將貨就價，以特價招來客人，但品質則令人卻步。今次約了兩位朋友吃晚飯，我們六時便入座。見到大部分員工在我們遠處擺碟，很不容易找到一位侍應請她幫忙落單，但她說要找部長才可落單，便行開了。我環顧一周，看看有沒有部長的出現，但真的看不到任何疑似是部長的蹤影。那麼便再舉手示意看看有沒有人可以幫忙落單，但我們好像隱形了，竟然無人看到我們！終於叫到第四位侍應才落到單。上湯美國龍蝦伊麵伊麵（$138）👍單看份量是可以的，伊麵都是正路的。但那隻龍蝦，真的完全唔掂，我從來未吃過一隻龍蝦的肉是如此「削」和「梅」。我真的不知道可以用甚麼形容詞來形容這隻龍蝦，口感似在吃炒蛋，用筷子一夾就散開，唯有放棄！脆皮燒鵝皇（HK$138/半隻）👍👍👍燒鵝一般，不過不失，只略嫌較肥！原隻鮑魚扣花菰（@$18）👍👍👍從價錢出發，$18 有

上菜龜速，三催四請都仲未送到，食物質素名不副實，份量少，分菜並不專業，分到成枱都係，部長EQ極底，完全漠視客人需要，亦不理會問題，轉身就走，再叫都唔理你。要自行沖茶，食具有殘餘食物，問攞餐具要等最少10分鐘。廁所衛生程度不能容忍，地下濕滑，臭氣熏天。菜單優惠價格受特別條款限制，但並無列明，埋單先知有問題。要睇清楚張單，仲有不明收費。埋單亦是龜速，由開始叫埋單，到真正俾錢，需要20分鐘。成餐晚飯食到一肚氣。不知所謂。

今日老爺奶奶過黎碩門探我地，本身一心諗住帶佢地去彩福飲茶，但原來人地包左場好婚宴，焗住要去另外兩間酒樓。去到叫左鮮竹卷，腐皮卷，牛肉球，兩碗米線，粉果，腸粉。D野食一d咸到入唔到口，一D又冇味到病人餐咁！粉果個皮一夾就散哂！牛肉球淨係食到粉...鮮竹卷同腐皮卷油到可以炸薯條！本身唔止叫咁小野，但好多野唔係冇就落漏單！我從來都係唔好食冇下次就算數，未試過上網寫任何評分！今次呢間煌苑真係忍唔住要寫我既第一次食評！食到成肚氣...每樣野一星都唔值！

假日同爸媽外出飲茶，簡直是指定動作！今日就近近地，去石門啦！一入門口就有金碧輝煌的感覺，好適合婚宴呢！坐低叫左茶就tick點心了！來了。。先來喜愛的，香茜牛肉腸！切成一粒粒，易入口！mmm..好香肉味，好香茜味！肉感滑滑地，皮又薄，剛好包得好好的！之後。。鮮蝦菜苗餃！晶瑩剔透，好吸引！咬啖先！菜肉適中！菜苗好香~肉好嫩！好味呀！來點飽肚的。。蠔皇叉燒包！一打開就香噴噴！撕開，多肉呢！吃。。濃濃的叉燒汁，和包好配合！啖啖肉，夠滋味！來碗。。北海道元貝泡米線！wow!見到粒粒飽滿的元貝！仲有勝瓜，菇菌類！夠健康~夾埋d米線，試下lu~mmm..元貝滑滑易咬易吞，和米線好夾！勝瓜夠淋，菇菌好爽！好大飽足感呀！來點甜。。養顏紅棗糕！亮晶晶！食點。。好夠紅棗味！一層一層的，真的食到紅棗味！爸媽好滿足的一餐！

入坐後完全冇人俾餐具冇人理！叫叫下野食無啦啦走左去個場人有人等，吉枱大把！有野未到 print 張單出黎問我地欠咩未上，但個人又走左去，同空氣講咩！D阿姐好似夢遊咁，行黎行去！

又一次難食到要上來寫食評⋯今次是給他們五大精選的晚市優惠吸引來的既然有目的而來，所以就叫了五大精選中的其中三大：1）蠔皇鮑魚伴花菇賣相與餐牌差好遠，鮑魚比花菇小得多（12～15頭的大小）像澳紐罐頭鮑般軟身沒咬口，而且水煮一樣，完全沒有味道。菜又凍又乾又老，似伴碟多2）清蒸沙巴龍躉碟大魚小蒸過時，魚肉散開不滑的，明顯不新鮮，連豉油都不鮮甜，魚身扁平尾有花點，肉質跟平價桂花魚沒有分別3）薑蔥粉絲蟹煲餐牌上是原隻，上檯卻是斬件的，好心機的嘗試把牠砌返埋，才發現少了一個蟹鉗卻多了一節後腳，經理話理應一隻的，但都係一隻的份量云云。味道只有一個字，咸。水蟹少肉，冇乜野食，煮底滿滿是薑還有白飯是凍的，餐前小吃花生好深色不知放了多久這是我食過最不新鮮的一餐海鮮，做推廣的菜色都這樣子，一定無下次離開前打量一下四周環境有個有趣發現：他們有些檯是木腳，有金屬腳，有直腳又有斜腳的，甚至有張係叠檯，雖然都蓋上同樣的檯布，係檯就算了嗎？

Book左枱食飯，入來食野已經feel到晚飯唔係佢地main target, main target係婚宴。最後我地被安排去一間偏廳到坐。雖然偏廳既位一眼望得晒，但係人手不足，而且落order或者有咩要求都係強差人意。好似叫兩碗飯遲遲未來，叫普潽同鐵觀音來得一樣。而且，啲餸份量都好少，唔抵食。但呢啲都唔係令我覺得最離譜既地方。最離譜係，佢計埋一個1歲既小朋友茶錢！！小朋友完全無飲過你啲茶，而且1歲連搭車搭飛機睇戲都唔洗錢，你為左賺錢連個bb都要計茶錢？雖然我屋企人有同佢講，但佢地堅持要收。以後唔會再來，好失望！

哈哈…朋友就黎結婚呀, 佢話諗住係呢間煌苑擺酒, 於是佢叫左我地幾個姊妹黎睇下個環境&試下呢到D野食喎, 呢到勁近馬鐵站, 石門站一出轉右就係, 好方便, 相信親朋戚友黎飲宴都好方便. 一上到去好有西式FEEL, 比起其他酒樓會有D唔同, 都算寬敞, 不過而家係夜晚, 朋友話如果唔係可以睇到證婚個場地都好靚. 望望餐牌勁多平野食呀, 平時黎食飯都抵LOW, 哈哈….有個5大精選, 樣樣叫齊都可以架, 勁正, 平時其他酒樓多數都係只可以選一款. 真係抵到爛呀, WAKAKA…..我地叫左上湯焗美國龍蝦伴伊麵$138, 嘩……..份量一D都唔少, 勁多伊麵, 龍蝦望落不算太大隻, 但舊舊都有肉架, 而伊麵開頭都驚食唔哂, 但我地都食得哂, 哈哈, 因為每條麵都會被上湯掛住, 唔乾.之後我地叫左條清蒸生猛沙巴龍躉$88(約1斤), 肉質超嫩滑, 果然係生猛呀, 哈哈….必叫!! 勁想叫碗飯送口TIM 呀, 不過有咁多伊麵都不用了.跟住仲有呢個薑蔥銀絲蟹煲$98, 原隻蟹架, 仲有膏TIM AR, 粉絲係底, 索哂D蟹汁, 好鮮甜, 不過稍為乾左少少, 但味道OK.我地仲叫左D孖寶餐, 呢個係

今日探完朋友個B, 係佢屋企附近食飯, 勁近馬鐵, 哈哈, 食完飯走既時候就好方便啦^^ 朋友話呢間酒樓好抵食架, 我入到去已經覺得呢間酒樓好靚, 門口已經有咁靚既裝飾擺設, 係到影相一流, 哈哈…..講返D餸菜先, 哈哈….真係超抵, 我地叫左個孖寶A餐, 有咸青檸蒸鮑魚, 都有6隻架, 蒸得啱啱好, 好彈牙, 再加埋咸青檸絲一齊食好FRESH^^ 另外仲有黃金脆皮燒雞-半隻, 肉質嫩滑得黎外皮炸得乾脆, 唔會過火, 勁正!! 呢2味餸都只係$218, 唔叫唔得, 哈哈….之後叫左個薑蔥鮮蠔煲$108, 大概有6隻, 蠔味鮮甜, 啖啖肉, 再加埋D薑蔥一齊食好野味, 而且味道唔會過咸, 又有火喉.跟住叫左個上湯焗美國龍蝦伴伊麵, 都只係$138, 原隻龍蝦, 啖啖肉, 肉質都夠彈牙, 味道都夠鮮甜, 以咁抵既價錢食到龍蝦真係超抵, 而且D伊麵超多, 好似唔使錢咁, WAKAKAK….. 最後我地仲叫左條清蒸生猛沙巴龍躉$88一斤, 條魚好新鮮, 因為肉質堅滑, 而且唔會有泥味, 蒸既時候都啱啱好.總括黎講呢到真係超抵食, 下次一定會再來幫襯, 哈哈!!