煌苑

营业中

休息中

12/02/2023 晚飯：服務：坐低15分鐘都沒人理，沒人問你開茶比你，同位主任講完都唔開，最後叫了第3次先有人開茶比我哋，差到痺！食物：薑蔥蠔，用蠔仔（size細過5蠔子硬幣）加粉漿煮炸，充當大蠔，而且炸到有燶黑賣相極差，味道油膩扁咸。👎🏻👎🏻👎🏻👎🏻👎🏻清蒸魚：上到枱是凍，蒸魚豉油完全冇味，條魚完全冇鮮味，仲衰過我自己喺屋企煮。👎🏻👎🏻燉湯：拿出來時完成沒有蓋的！空氣中的細菌及灰塵全部加料入湯裏，問你死未！竟有這樣的不顧衛生的酒樓。👎🏻蒜蓉開邊蝦：上枱時是微溫的，蝦完全沒有半點鮮味及有些肉質更是霉難的。👎🏻馬拉盞炒生菜：整體死咸及油膩👎🏻燒鵝皇：仲衰過街市嘅燒臘舖，肉質死實沒味👎🏻這間酒樓在服務及食品上完全差到極點，絕對不要幫襯😣😫😫😫

本身想去嗰間兩點前就截咗拎籌，跟住誤打誤撞入咗呢間，真係十萬個後悔…首先啲餐具非常污糟，有漬仲有異物痴住🙄🙄然後發現壼水唔熱嘅！想換過壺水，冇人理… 難得揾到個啦，點知粗聲粗氣叫我揾其他人🙄🙄叫咗幾款點心，等咗超過半個鐘，阿姐慢條斯理遊下遊下，成個場得佢一個推一大車咁送，間唔中叫有多一個幫下手，但同時係有三個staff係坐門口吹水架喎…咁多樣點心一次過送到，仲要環哂成個場先送到嚟，啲點心緊係唔熱啦，態度又差，真係冇下次講翻啲嘢食，最厲害有呢個流心奶黃包，都預咗佢唔係流心架喇，甩到個皮一忽忽咁，照好意思送上枱都真係好嘢，仲有個小籠包係出咗咩事啊大佬，真係第一次見係咁嘅款，仲要痴底爛哂喎，仲有痴哂塵喺湯到添…都真係冇幾可食到咁無奈，激到我要第一次打食評… 睇翻openrice先知原來咁多負評真係唔係講笑，大家千祈唔好中伏喇😭😭

入座後要求比多一双公筷及載洗杯碟水兜遲遲都不比，食物等半小時都未送上，要多番追問侍應有没有入单，好彩有位高级啲侍應幫手才送上食物，但同時又發覺之前有份點心漏入單，又等左半小時才送上，一肚氣！

今日去飲茶，一行人點咗10幾個點心，但職員全程當你透明，都唔知邊個得罪佢地，食完成枱碟，無人收，叫佢地都唔收，仲話係咁架啦，你咪自己收碟，我明大家都有好多野做，但你都唔好乜都唔理先得架算，我地自己收，之後加單，可以一個鐘都未出食物，仲要果時已經無乜人，問又唔理，都唔知佢想點野又唔係平，又唔好食，無下次

超垃圾，唔會有下次，人生真係未試過伏到甘，真係前無來者，要即刻搵第二度搵嘢食，平衡返個心班，真係慘不忍睹，個雞煲唔得，打邊爐既食物超唔新鮮，仲要雪住拎出嚟，頂，想點呀。

好多時候去酒樓食點心，我都一定會帶奶黃流沙包，不過真係唔係度度都有流沙嘅奶皇包。好多時候去食，都係有一Pat奶黃醬喺個包度，就話自己流沙。但係呢一間酒樓嘅流沙奶皇包真係好出色，佢唔單止超級流沙，而且係爆出嚟㗎。材料好充足，絕無偷工減料。其他嘢都好好食，例如我最愛嘅牛肉球，佢真係有牛肉味㗎而且你會食到少少芫荽。然後有一個吸曬味嘅腐竹喺底，真係不能錯過。我哋又食到佢嘅叉燒腸粉，不過就覺得好一般。佢個蜂巢芋頭酥，都好唔錯，不過趕住食就冇影到相。如果咁啱去石門飲茶，不妨可以試吓佢哋嘅點心，大眾價錢來講又唔算貴。

食物都算OK，畢竟價格平。但服務好差，落單都好不耐煩乳鴿味道算好吃。鮮蝦替兩腸粉算好吃。但是茶水總有一種奇怪的味道，換了壺水都是一樣，幾次吃飯都是如此，懷疑水未曾燒開過。

第一次po文，就係為咗講吓呢間餐廳。因為要換身分證，所以同父母去咗石門飲茶。叫咗呢個『菠蘿海鮮炒飯』食，送菜嚟時我真心👈🏼係真心👈🏼以為落錯單，連送菜阿姐都笑笑口話『淨係得脆肉瓜😅』，冇錯，就是黃色的脆肉瓜炒飯！於是叫人拎走問吓，轉頭拎返嚟，我😳😦😱，原來冇落錯單，呢個原來真係菠蘿海鮮炒飯，廚房好貼題咁灑咗兩粒菠蘿比我。大佬呀，我又唔係要你比d海膽龍蝦我，茶餐廳都會落d蟹柳呀、魷魚呀之類落去炒吖，比d誠意丫！

侍應服務太差差差差差本來三個差，但都要比五個差，叫了三礶啤酒等到來待應問我要幾隻杯我說一隻，待應不耐煩說如果再攞杯@*******!%#都未見過的待應態度咁差差差對茶客，再睇吓全場得三十個茶客，終於明白点解咁小人原來的人不想來受氣，樓下富臨就人頭湧湧呢的就係服務差別

因為疫情關係...原本想去的酒樓去到先知無開😑, 再去第二間睇下, 又無開🙄, 結果呢間有開, 咁就唯有試下呢間喇😬下午茶星期一至日1:30至4:00, 星期六日及假期加$2🥢蝦餃皇2粒($16.8)餃皮厚左少少, 蝦餡料充足, 味道一般🥢蟹籽燒賣皇2粒($16.8)👍蒸得剛剛好, 燒賣香豬肉味, 幾juicy, 咬落有口感, 味道亦唔錯🥢芝士蝦春卷($19.8)碟底好多油, 春卷蝦算多, 但啲蝦比較淡口無咩味, 另外亦食唔到有芝士, 整體成條春卷無咩味🥢叉燒米線($18.8)👎叉燒有雪味, 質地差, 味道差, 米線太淋🥢燒腩仔米線($18.8)燒腩仔皮算脆不過肉身淡而無味, 米線太淋孖寶B($29.8), 我哋選咗👇🥢鮮蝦菜苗餃餃皮比較淋, 足料但餡料唔算香🥢魚茸釀虎皮椒魚肉完全無魚味, 好似落好多麵粉另外, 以茶位計每人一碟嘅超特價點心有以下兩款, 供應時間上午11:45至4:00, 星期六日及假期加$2👇🥢雷沙煎堆仔3隻($6.8)炸得香口好食🥢上湯韭菜餃($6.8)餡料豬肉多韭菜少, 唔算好味環境開揚舒服, 檯與檯之間嘅隔距都有一定的距離, 坐得舒服, 服務及衛生正常魚堅總評

想帶媽咪去一間靚啲嘅酒樓飲茶，我哋住沙田所以去咗石門搵食，第一次來呢間煌苑，估唔到佢環境原來係好靚，又新淨，原來可以擺酒，唔怪得知周圍都係水晶燈，好友公主感覺，飲茶都飲得開心啲環境咁靚，嘢食都唔算貴，下午茶來講算OK😋蝦餃燒賣係兩粒兩粒咁樣一籠，啱晒我哋兩個人，一人一粒。質素唔錯，大大粒，有蝦有口感😋魚肉釀尖椒一定要點我最鍾意食嘅尖椒，佢keep住左好多核喺入面，都好辣下，正呀！都算釀咗好多魚肉入去，煎到香香地，大大條，唔錯😋鮮蝦豆苗餃皮薄餡靚，啲客都算大大隻，豆苗趣口，果皮少少煙韌，熱辣辣，大大姐，好味！仲要係孖寶入邊， $30都唔使就可以揀兩款，抵食總結：環境好靚，飲茶同擺酒都好適合，食物味道不錯，會再來！💗煌苑📍石門安群街1號京瑞廣場二期3樓

Affordable value for money quality Chinese restaurant@Shek Mun, Sha TinMy families and I went to a restaurant called "Royal Courtyard" (煌苑)located in 3/F, Kings Wing Plaza 2, 1 On Kwan Street, Shek Mun, Sha Tin(沙田石門安群街1號京瑞廣場2期3樓)The restaurant is spacious.There is greenery platfirm with staircases for photo!!We ordered the "Steamed Grouper with black fungi ，enoki mushroom & garlic"蒜蓉清蒜龍躉配雲耳金菇HKD$48..The grouper is incredibly sweet ,moist,soft and succulent.Thick cut.generous portionThe enoki mus

食物質素差 雞煲啲雞冇肉食 加左湯打邊爐冇味 啲料好似餸頭餸尾拿埋一蝶比你食咁 出面個自助櫃全部都痴埋晒一舊舊 夾都夾唔到 菜都冇多碟 成餐飯得個魚皮同飲品係入得口 叫人換Gas佢叫我搵第2個換 第一次寫劣評 仲要好真心咁寫 冇下次！完～

同屋企人去申請回鄉證，之後想食一盅兩件，見到稻x，唔想去，諗住試下哩間，不過一定無下次😞😞😞基本上大部分嘅野食都唔熱，大部分只係暖或凍，地方需大，但職員少，門口職員仲要態度差，全間酒樓最值得讚嘅係上菜送點心嘅姐姐，好親切😇😇至於酒樓外嘅洗手間,烏糟到，同公廁有得比🤬🤬

又被阿媽的咗去石門飲茶，上網見到好多負評，但問心嗰句，三個人， 人均消費$108，食十樣嘢！ 好意思要求米芝蓮質素嗎？我同家人食得幾開心， 而且食物質素唔差，地方寬敞乾淨，光猛樓底高，因為係婚宴場地，而且星期日唔需要等位喎！嗱嗱嗱，佢個小籠包係認真唔得嘅！皮厚，冇肉汁，肉餡好實，唔好食！金錢肚就真係值得一讚，鍾意有厚度有嚼勁，同埋佢好入味！ 墊底嘅芋頭入曬味，而且係好芋，我鍾意食😋擂沙煎堆仔$8.8剛剛炸出嚟，好正，雖然芝麻唔夠均勻唔夠多，但係佢個皮真係好脆好，裡面煙韌，啲芝麻蓉夠細滑。 有種芝麻香。$8.8， 仲想點呀😜