煌府婚宴專門店 (已結業)

尋日(31-3-2019 Sun)一家人去拜媽媽前飲茶,約咗嚟呢間,我哋去到啱啱有位,坐低睇早市優惠點心,侍應提我10:45am截o架喇,重有5分鐘,我哋嗱嗱林剔喇,剔完啱啱重有1分鐘遞紙.遞完紙等,等呀等,等呀等,等成20分鐘,一樣嘢都冇到嚟,於是問問侍應,佢都即刻幫我call櫃台,佢答有落單,之後都print返張單俾我哋,我睇睇,佢哋落錯咗一個飯,不過算啦,唔叫佢哋改喇.到11:18am至開始有點心到嚟:1. $26.80孖寶B中嘅蜜汁叉燒腸份量唔多都唔緊要,我老公一食就話呢個係冷盤.唔係啩?等咁耐,諗住佢哋係即叫即蒸,原來唔係o架?點解要等咁耐?呢個我冇食到.2. $14.80嘅燒汁釀茄子呢個都好啲,暖嘅,魚肉有煎香,味道都唔錯.3.  再過6分鐘,$26.80孖寶B中嘅豉汁蒸排骨到嚟呢個味道清清地,肉鬆,但只係微暖.4. $22.80孖寶中嘅章魚肉餅飯其實我係剔鳳爪排骨飯,就係呢個落錯咗,份量好少,肉餅幾好食,但飯爭啲,有啲硬.5. $12.80一籠兩粒嘅蝦餃皇,要4籠唔算好大粒,味道口感正常.6. $22.80孖寶B中嘅潮式蒸粉果呢個唔太惹味,不過都可接受.7. $12.80

早兩日約親戚出黎飲餐茶，次次都約呢個位，以前煌府未開前亦然。煌府其實幾靚，但係地墊扣左50分，地墊實在太老土既款式了。職員有個淨係識企係度唔郁，有 d 又黑面黑到焦黑色。雖然係假期會好忙我都明既，所以我地都只能唔該前唔該後，希望佢地内心舒服 d 叫左個魚香茄子伊麵，無影到相，但係，超抵食，因為勁多份量啊，我地8個人，一人都食到1-2碗，不過阿媽就話好咸，但我又覺得 ok 惹味。呢款奶黃包係見佢靚先叫，但係就唔好食，奶黃唔流心都算，佢係好結實一舊舊咁所以係得個樣見得下人。叫左好多點心，全部都中規中矩啦，唯一令我有再叫既就係呢個餅，佢中間係芋泥咁，加埋 d 芝麻香，真係一流，必食推介啊，而且特別在其他茶樓無見過呢款餅得閒飲茶，任何一間茶樓都可以係親戚聚一聚既好地方。志在有個地方坐底食 d 野飲 d 野傾下計。中途警鐘響到爆，響到我地傾唔到計，BB 又嚇到狂喊，我地好無奈，最後搞左好耐先至停左，我心諗，如果唔係飲茶，而咁岩不幸係婚宴發生，真係會好嬲，超掃興

呢日同朋友去飲茶，近近地就去咗呢間煌府婚宴專門店。一上到去都feel到有少少中伏，間酒樓門面殘殘舊舊同入面都坐得幾迫，不過都想到去費事搵啦。間酒樓整體感覺唔係太乾淨，啲收碟車左穿右插。呢度環境一般，食物既質素亦都認真麻麻。食物整體質素好求其，點心紙上面既圖同實物有好大分別.....炸物有好多多餘油份，同埋入面既料都唔好食....蝦餃基本都做唔到，一夾就爛...點心唔得，好彩飯麵都正正常常。一百幾一個人咁既質素....可以食其他

年初一晚搵食團拜後晚上突然收到指令荃灣搵酒樓食飯咁就即時OpenRice 搵荃灣，酒樓搵左好多間都滿座好彩終於搵呢間8:30有位8點去到，都好努力盡快安排座位俾我地6個人食飯，叫左六個餸同埋六個碗飯安格斯牛仔粒羊肚菌🐮羅漢上素紅燒豆腐燒雞半隻🐔菠蘿🍍咕嚕肉鮑片生菜🥬席間，可能因為初一嘅關係不斷有唔同嘅服務人員企係附近睇下有咩需要咁俾左利是🧧之後就會換左第二個總結來講，味道都唔錯而且，初一六個餸埋單唔洗九百蚊其實係已經好抵

今日同同事中午去左荃灣區工作,做到咁辛苦就梗係要飲杯茶醫一醫個肚啦我地就去左寶石大廈煌府婚宴專門店午膳入到去個場都算幾大,冷氣都真係幾夠勁好彩有熱茶飲下我地叫左一個飯,燒腩仔,炒豆,同燉蛋個炒飯都算幾乾身,炒得都算好香,不過料就唔係好多燒腩仔-個皮燒得唔夠脆,肉質鞋左D炒豆-都算好香口燉蛋-都OK既不過佢無用火槍燒一燒個面D糖冇融化

臨近冬至要做節啦，一家人去咗食這間王府，我不知價錢，不過聽聞都比較抵食好像一圍枱不用$3000 ，佢上菜速度非常之慢，由七點半入席去到10點半才可以走，好多碟餸都好大，但係這個湯就真係唔好飲，好似好雜錦，有雞有花膠亦有豬皮，最好味都應該係條魚同埋個燒肉，個燒肉入口即溶，估佢唔到，賣相好似好硬，個燒雞好大隻，不過個肉質唔好味，最後食個臘味糯米飯加甜品，甜品係紅豆沙，個名叫做團圓仲以為係湯圓。但只係暖，唔係熱，好似煲左好耐先拎出泥咁

今日同屋企人搵地方食午飯，由於有兩個小朋友， 我哋要搵一間容易泊車、仲要唔好咁迫人嘅地方。 十二點幾差唔多一點去到寶石大廈，好彩仲搵到位泊車，仲好快有枱可以坐低 。酒樓好好，安排咗我哋坐享單邊嘅大枱，坐唔定嘅小朋友可以喺旁邊行嚟行去，同埋有位放bb車。 酒樓職員仲好快咁主動搵咗兩張bb櫈畀我哋。 我哋叫咗好多嘢食， 包括乾炒牛河、蝦餃、 燒賣 、叉燒包、 牛肉球、煎蘿蔔糕 、鳳爪排骨蒸飯、叉燒腸 、蝦腸、 牛肉腸、 蘿蔔絲酥餅 、叉燒酥，埋單都只係3、4百蚊，好抵食。

第一次寫食評，因為太嬲今早同媽媽去飲早茶，都知道要盡量搭枱，但走了一圈都冇位搭，咁唯有坐大枱。由行入去到坐低前後十分鐘，一直冇人理，終於找到個經理叫開茶，佢竟然唔肯開，仲鬧我哋做乜兩個人都坐大枱！我解釋話冇位搭，佢竟然鬧咁都唔可以坐大枱！因為同老人家一齊費事周圍再搵茶樓，我忍～再行多個圈，依然冇位搭，唯有叫另一個阿姐幫手開茶，等咗五分鐘佢拎壺茶來發現我兩個人，竟然唔俾茶我，又話我做乜坐大枱！我再解釋話因為冇位搭，佢依然堅持唔俾茶我，仲鬧我“你自己搵枱啦！”晨早流流俾鬧兩次，我真係忍不住即刻走咗！不知所謂的服務和做生意手法，趕客！！！

服務態度差，今日3大2細到茶樓飲茶，樓面直接計4位茶錢，當時只係向戴眼鏡西裝服務人員查詢兩位3歲小朋友係咪照計茶錢，隨即擺面色兼用差的語氣話另外未黎小朋友唔知幾大個，要照計。我屋企人即刻忍唔住話使唔使咁既面色講野，之後問其他服務人員要兩張bb櫈又唔太理，直接比多張大人櫈就算，我都忍唔住野都唔食直接比茶錢就走。自問我地唔係用無禮貌語氣講野，亦唔係唔肯比茶錢，只係問野都可咁既態度回應?知茶樓唔係每位服務人員工作態度都差，收銀人員都有耐性聽我的意見。之前係呢間食幾次，食物同服務不俗，但希望貴公司留意個別人員的服務態度，因為咁既服務好趕客!

沒有千鈞一髮或是花前月下等動人情節 , 只是單純的一家人吃餐家常便飯而已 ~用餐地點是位於 荃灣-沙咀道 寶石大廈 的 煌府婚宴專門店 煌府婚宴專門店 , 地方乾淨企理 , 燈火明亮 , 搞婚宴當然有料到 , 但其實一般晚飯小菜也同樣不錯 ~Menu ~ 金牌沙薑雞 $ 48 (半隻) : 很久沒吃過沙薑雞了 , 此雞皮薄肉質嫩滑 , 有充足的沙薑味道又不會蓋過了雞的原味 , 很不錯 ~ 殿堂叉燒皇 $ 98/例 : 個人口味 , 我最討厭食瘦叉燒 , 所以我點的必定是半肥瘦 , 這家的叉燒蜜味十足 , 肉質豐腴 , 爽彈鬆軟 , 吃下又不覺肥膩 , 邊位略有焦香卻不會過硬 , 好吃 ~ 蒜蓉粉絲蒸蟶子皇 $ 128/份 : 蟶子蒸得火喉剛好 , 肉質嫩滑細緻且非常鮮味 , 粉絲也吸收了蒜茸和蟶子的鮮味 , 美味可口 ~  脆皮咕嚕蝦球 $ 98/例 : 咕嚕蝦球的外層十分脆口 , 蝦球肉質爽口彈牙 , 味道是 6分甜 4分酸 , 而且味道很平衡不搶喉 , 放了長時間 ,口感還是非常脆口 , 很高水準 ~總括來說 : 食物美味 , 服務態度良好 , 性價比高本篇完 ~

第一次來荃灣寶石大樓這邊的分店，反而南豐中心的分店卻有吃過幾次，以味道來說兩間的出品都是不相伯仲，倒覺得寶石大樓分店的出品並沒有食評網上的評語那麼差。一坐下，侍應生便送上果仁花生一碟，餐牌上說明茗茶每位 10元，酸菜(果仁花生) 每碟 10元 (一檯七位以下是一碟，七位以上是兩碟)，另多謝加一服務費。餐牌上寫著的多是海鮮類食品，也有推出五大晚飯優惠，最好是可以同時享用。金牌杏汁燉白肺 $128/盅喝下去是有點稀的質感，但在味道上能喝出有杏仁的味道;白肺煲得腍，吃落滑溜，感覺是有吸收杏仁的味，除此外還有雞腳、赤肉...... 雞腳煲到起膠呢！上湯焗美國龍蝦伴伊麵 $138/隻餐牌上說明這隻龍蝦是約有一斤重，還以為特價食品會多少有一些瑕疵，怎知道龍蝦肉竟有鮮味，吃落爽口；墊底的伊麵吸滿上湯，鹹鹹味道卻不失彈牙口感，這比龍蝦肉有鮮味更難求得。薑蔥焗肉蟹 $98/ 隻 餐牌上說明這隻肉蟹是約有十二兩重，薑蔥焗所得來的香氣勁濃，肉蟹 肉也鮮甜美味。 經過這次體驗，真心的吃過並覺得沒有其他食評所講的那麼差，重申一次以上食後感只限當晚我個人的感受。    味道 3.5環境 3服務 3.5衛生 3抵食

今晚近近地落荃灣搵食，向寶石樓附近見到煌府婚宴專門店，其實已經開咗一段時間，不過仲未食過，就決定今晚上去試試啦！由於煌府專做婚宴，所有門面都裝修得好grand 好得體。侍應推介我地有個孖寶套餐好抵食，咁我地揀一個套餐再加2個餸。等緊小菜嘅時候，突然有一陣好香嘅螺頭香味飄過黎，原來隔離枱叫咗燉湯，原本叫4個餸已經好多，但實在太香太香啦！最後都忍唔住加多個燉湯，唉！2個人食咁多，太誇張了！宗谷淮杞燉響螺響螺香氣十足，燉湯材料豐盛，有雞件，瘦肉，瑤柱，響螺，杞子，淮山等等，味落味道香甜濃郁，每一啖都好滋味。秘制冰梅骨酸酸甜甜嘅冰梅醬好開胃，肉排爽嫩又大件，沾上醬汁好食到停不下來。安格斯一口牛估唔到份量咁大咁足料，牛肉粒鮮嫩軟滑，雜菌爽口鮮甜，加上燒汁既香味，好惹味呀！清蒸游水沙巴珍珠躉店員貼心地幫我們起骨方便進食，魚肉新鮮嫩滑，肉質鮮甜，食得出非常新鮮。金銀蛋煮莧菜莧菜鮮嫩，吸收咗濃湯之後更加鮮甜滋味，果然不時不食，現在正直莧菜當造期最後店家還附送甜品'桂花杞子糕'味道不太甜而且好清新，完全為今晚橫上完美句號。

今日經過荃灣，一個人唔知道食咩好，於是去飲個靚茶☕️。一入去唔洗等位，我仲唸緊間酒樓好唔好食架。落單舉手即刻有人應，值得加分。爽快過我樓下酒樓。不過最需就係Aim Aim過左十一點，無左早市二選一🤣🤣。最驚喜ge係佢地有一位位ge燒味飯。D叉燒超林，都好有肉汁。之後叫左個孖寶，我最愛ge腸粉同燒賣。腸粉夠熱夠滑，食上泥份多有滿足感😍。燒賣傳統一式四件，除左有哂肉汁之餘，上面仲有粒蝦Tim😎加多一份爽脆感。見食得今開心，壓軸加多一份春旦燒賣💪🏻💪🏻。春旦正丫嘛😊😊。食落去啖啖旦味，Aim囇我E D發燒友。食飽飽就埋單，食今多野都唔洗一百蚊，超級抵食🤑🤑。

是晚黎到酒樓賀中秋，過時過節特別鍾意出去酒樓食，哈哈，十月頭又國慶又中秋，真係好難book到枱。好好彩book到荃灣的煌府，食八點半，唔算太多客，坐到張靚枱，夠光猛又足冷氣。隨意點了幾個小菜，慢慢吹下水等食了。環境幾靚，玻璃加上水晶燈好光亮。地方大，枱同枱間好濶，仲有大電視，又幾適合做婚宴喎。店員送上小食同辣醬，小食雖然要（$10），但我覺得都合理嘅，比人賺下啦。餐具乾淨，開了普洱茶，茶味一般，但至少夠熱，茶位（$10）。鹵水豬耳（$38）先來的小食，豬耳入味又脆口，微辣很開胃。漁香肉沫三層樓（$68）兩邊是不同味道的！前邊係灑了淮鹽的，後邊係淋了肉沫。淮鹽因加了五香粉真的香味十足，少少鹹吊下味，肉沫微辣有點像麻婆豆腐🤣兩款都好味。內裏是玉子豆腐，加了紫菜，炸得外脆內軟又香口。豉蒜虎椒脆腩片（$88）爆香的虎皮椒勁惹味，間中一至兩口辣勁十足，好味又刺激。腩片炸過已迫出油份，食落香脆不油膩。而且個豉椒汁好濃味，勁好下飯，好正好正。勝瓜黑木耳浸海鮮（$98）最後點左個蔬菜類的，勝瓜加上海鮮，滿滿一大盤。內裏十分豐富，有勝瓜，木耳，芹菜，豆皮，蝦，帶子，魚柳等，海頭鮮甜，加個白飯做湯飯超正，

一入到去，講左成幾次開(湖)普洱都冇人黎開，講完D職員又問飲咩茶！叫完野食後，又要等好久先黎一兩個餸！D叉燒又咸到咩咁！差5多食完，有一碟餸，仲食剩一兩舊，個女人冇la la收鬼左！最後，仲要落留左碟腸粉！D職員真是⋯⋯👎🏻收野又好似喺度發夢、瞓覺😡