焱丸水產

营业中

休息中

最近經濟麻麻身邊既朋友仔返工都大壓力 😮‍💨今日放工專登約左朋友仔去撐下枱腳尖沙咀棉登徑有好多選擇我地揀左街尾的焱丸水產 🎏我地放左工去到大約8:30 居然唔多人 坐位空間感滿滿 坐得好舒服 🌟芝士蟹肉甲羅燒唔貴啊，$78，店員姐姐會幫手燒埋，用青瓜絲送燒好左既蟹膏，食完成個口都係蟹膏味，超滿足 🥰🥰🥰🌟三文魚籽帆立殼燒鐘意食三文魚籽的話要試，燒左既三文魚籽，係會比平時更加香 ✨ 加埋帆立貝食，海鮮既鮮味係好夾好夾既 👍👍👍🌟醬油木魚帆立殼燒 都好食，有埋d 蕃茄片，燒左d 木魚，比起三文魚籽果款，這個比較健康，但我還是鐘意三文魚籽果款多啲 😅🌟鮑魚殼燒 關鍵係✨店員會幫你燒埋 🔥處理好哂🔥睇住d 新鮮鮑魚係度郁，又唔駛自己郁手，真係好治癒，真心正既 🌈 店員仲會加埋調味醬汁，服務真係好好 👍👍🌟蟹雜炊依個有d 似粥既炊，係令人好舒服的，成個炊，都係滿滿的蟹肉味，本身以為食蟹腳會好唔方便，但原來廚房處理過，食起上來好方便ga 🫶🫶🫶🏻🌟肉盛壽司盒一上枱果下，朋友嘩左一下，因為真係好誇張 🤭 好靚啊，滿哂出來，打卡一流 ❤️ 壽司都好好食，中間有青瓜絲增加口感 😋🌟鮭魚冷麵三文魚控既我，爬

如果要喺尖沙咀揀一間有質素嘅日式餐廳，焱丸水産必定榜上有名，今日約返朋友過嚟食餐飯，吹下水蟹子蟹肉薯仔沙律 $78薯仔沙律望落去呢真係成座山咁，薯蓉口感綿密，仲有唔少蔥絲同埋魚籽，入面仲有少少蟹肉，底下就有沙律菜同埋蕃茄片，覺得整勻嚟食，口感會更好特上壽司盛合 $338叫咗款壽司盛合，入面包括有拖羅、三文魚、帆立貝、牡丹海老、鰻魚、油甘魚、三文魚籽、松葉蟹肉、松葉蟹膏、海膽、香蔥吞拿魚蓉，壽司質素都好唔錯，味道鮮甜A4和牛壽喜鍋 380壽喜鍋入面有豆腐、蘿蔔、娃娃菜、粉絲等，材料煮得入味，A4和牛片有3片，放落壽喜鍋湯底好快就淥熟，加月見蛋汁，味道香濃嫩滑

香港的日本餐廳其實已經多得好像身處日本一樣，因此除地點之外，需要有特別賣點，焱丸水產主張磯燒，即是將最新鮮、從世界各地海洋捕捉到的魚貝類，空運直送，餐廳會仿效傳統磯燒，即時從店內自設的魚缸”捉魚”，然後有專人即時用烤爐燒烤，就好像古人會即捕即時即煮般。單論這點，已很吸引。環境上，有點令我回憶起當日在沖繩的居酒屋，以木系裝修及多張傳統日本風情畫，充滿異國風味。無論如何，先看今次食咗乜:🔹焱丸活貝大盛🔹$398餐廳招牌作，必點之選，有生蠔(牡蠣)2隻，鮑2隻，白蜆(珍珠蜆) 4隻，及日本扇貝2隻，會食到真有海水味，而且每款都味道鮮甜，而且一如磯燒優點，能夠均勻加熱，不使用過多油脂，保持更多營養成分，基本上會比較健康。而且專人幫你燒，基本上不用害怕自己燒得唔好。🔹蟹味贈甲羅燒 🔹$78另一款餐廳必點的海鮮料理，用🦀甲殼作為容器，然後將蟹肉，鵪鶉蛋，蟹膏，魚子，蔥花等配料放入去，十分吸引眼球，再由職員幫你放上爐上面燒，個人非常喜歡，超好食，味道非常濃烈得黎又唔會過鹹，🔹日式甜醬牛肉鍋 🔹$158黎到居酒屋，食鍋係一個最好選擇，因為乜都有，賣相又靚，今次點嘅日式甜醬牛肉鍋入面有牛肉，雞蛋，金菇，

鍾意食日式磯燒嘅朋友應該都聽過呢間位於尖沙咀嘅焱丸水產，佢啲海鮮真係好新鮮👍🏻當中必點嘅有焱丸活貝大盛，非常豐富嘅貝類拼盤，有非常新鮮又大隻嘅鮑魚，仲郁緊㗎，生蠔都係大大隻，非常肥美，而朋友就非常鍾意食蜆，仲有汁㗎，當然唔少得兩隻扇貝啦☺️另外仲叫咗甲羅燒，要咗原味，真係非常多膏。呢度非常好嘅一點係職員會幫你燒，可以解放雙手。呢度嘅lunch set都好抵，焱丸特選壽司盛，件件壽司都係厚切魚生，先$128，仲有大大份嘅日式甜醬牛肉鍋配烏冬，都只係$108，仲配埋蒸蛋、沙律菜、麻醬豆腐，非常豐富。另外咁日式嘅環境梗係要飲番杯勁好飲嘅巨峰啤酒，提子味十足，而唔飲酒嘅朋友就叫咗冰菠蘿梳打，估唔到有成條冰菠蘿，有驚喜☺️

日本菜幾時都咁吸引，而日本新鮮海鮮更加令人趨之若鶩🤤開業多年嘅磯燒水產專門店焱丸水產一直都係我bucket list，今次終於帶埋朋友一齊嘆下呢度嘅燒海鮮，嚟個奢華痛風盛宴🤪店內裝修充滿昭和風，有唔少懷舊日本海報。餐牌有不少磯燒水產選擇，都係由店員幫手燒，將海鮮燒至最佳狀態，可以食到海鮮原本鮮味🥳🦪焱丸活貝大盛 $398一個拼盤嘆盡燒蠔、活鮑魚、大蜆、扇貝，痛風都要食🤣店員會幫手燒，見佢細心地慢慢燒，可以將海鮮燒到最靚嘅狀態👍🏻作為鮑魚愛好者好滿意呢個鮑魚，超生猛，由上菜到燒嘅時候都係猛烈蠕動😂鮑魚燒到面頭焦香，肉質彈牙，好食😋扇貝大大隻好juicy💦燒蠔就夠晒肥美飽滿，有蠔鮮味。大蜆都出色，juicy帶海水鹹香。🦀蟹味噌甲羅燒 $78另一款痛風之選有邪惡嘅甲羅燒😈混合大量蟹膏、蟹子、香蔥同生鵪春蛋，撈勻𢳂嚟食，蟹膏味好香濃😽🦑烏賊磯燒 $95其他可以磯燒嘅海鮮都幾好，好似呢個看似平平無奇嘅燒魷魚，店員燒到質感剛剛好，表面帶少許焦脆，咬落又彈又嫩😚塗上燒汁，味道剛好😋🍣鮭魚冷麵 $138除咗燒海產，呢度仲有唔少刺身、壽司、魚生丼等選擇。最特別嘅有三文魚「冷麵」😛將三文魚刺身切到好似麵條

即叫即燒生猛活海鮮！全程有專人代勞燒烤，可以專心享受新鮮、空運直送嘅魚貝類，令人回味無窮！𖦹 焱丸活貝大盛 $398招牌菜之一！包括帶子、鮑魚、蠔、蜆，上枱時啲鮑魚仲郁緊！！食落每啖都感受到海洋嘅鮮味，搭配特製醬油，令味道更上一層樓。𖦹 焱丸蟹噌甲羅燒 $78賣相色彩繽紛，蟹味撲鼻而嚟，鮮味突出而且完全唔腥，crab lovers 必嗌。𖦹 鹽燒三文魚鮫 $128超大嚿而且充滿濃郁嘅三文魚油香氣，鮫位嘅軟骨富嚼勁，口感獨特，加啲檸檬汁更突顯出三文魚嘅鮮味。𖦹 北海海鮮丼 $180海鮮愛好者的天堂！豐富到滿瀉嘅海鮮丼包括魚生、三文魚子、連海膽都有，每啖都非常滿足！𖦹 焱丸活貝大盛 $398招牌菜之一！包括帶子、鮑魚、蠔、蜆，上枱時啲鮑魚仲郁緊！！𖦹 焱丸蟹噌甲羅燒 $78賣相色彩繽紛，蟹味撲鼻而嚟，鮮味突出。𖦹 鹽燒三文魚鮫 $128超大嚿而且充滿三文魚油嘅香氣，鮫位嘅軟骨富嚼勁。𖦹 北海海鮮丼 $180豐富到滿瀉嘅海鮮丼！

居酒屋除咗氣氛要好之外，食材夠新鮮、料理夠美味都非常重要！我自己就好鍾意去尖沙咀嘅炎丸水產～ 就正如餐廳嘅名咁 - 有我最鍾意食嘅海鮮啊 😍 佢哋嘅海鮮除咗夠新鮮之外，仲會有店員親自幫你將海鮮燒熟，就唔使怕自己功力未夠破壞海鮮嘅美味啦 😋 焱丸活貝大盛海鮮迷必點！入邊有帶子、鮑魚同埋蠔各兩隻，仲有四隻蜆，全部都勁新鮮 😍 店員幫手燒得剛剛好～ 尤其鮑魚，入口完全唔會韌 👍🏻 用最簡單嘅調味已經可以燒出海鮮嘅鮮味 😋焱丸蟹噌甲羅燒賣相色彩繽紛嘅甲羅燒，燒完之後蟹味超濃 😍 鹹鹹香香咁超好味 😋蟹肉厚燒玉子玉子燒夠曬 juicy 👍🏻 加埋蟹肉夠曬鮮甜 😊辣味（妹）豆腐炸豆腐外脆內軟，又夠嫩滑 😍 辣辣地好過癮 😋明太子蟹噌燒飯糰成個飯團嘅表面烤到焦焦脆脆 👍🏻 鍾意食飯焦嘅朋友一定要試 😍 配埋鹹鹹香香嘅明太子同蟹噌，食晒成個冇難度 😋

吃一餐豐盛的不用特別理由係尖沙咀瞬間到日本的居酒屋，品嚐屬於日本地道的味道！餐廳裝潢充滿了濃郁的日式風情，牆壁上貼滿了各式各樣的日式海報和招牌，散發出濃厚的懷舊味道。我地睇中呢間餐廳有專人幫我地燒活貝，我哋就可以邊吃邊飲邊暢談焱丸活貝大盛：有帆立貝、牡蠣、白蜆和活鮑魚，活貝十分新鮮，由專人烹調，口感剛好。蟹味噌甲羅燒：配上蟹籽和鵪鶉蛋，蟹味香濃。日式甜醬牛肉鍋配烏冬：附沙律、前菜、茶碗蒸和生蛋，牛肉鮮味，湯頭濃郁，烏冬吸收晒湯汁十分入味。豐洲壽司刺身定食：共8貫壽司、兩款刺身和一客海膽，海膽味濃入口即溶厚切吞拿和生鯛鮮味口感一流，鮭魚籽和蟹肉軍艦十分好味。冰菠蘿梳打：杯內有原條菠蘿，口感酸酸的十分開胃🍶梅乾燒酎（免酒精）：梅乾酸酸的，十分開胃

今次去咗尖沙咀呢間隱世日式居酒屋「焱丸水產」，餐廳環境充滿日本風情，店員仲會主動幫手處理爐端燒海鮮，感覺真係好似去咗日本食咁～ 叫咗幾樣，質素唔錯，仲好抵食喎😮🦀 焱丸蟹噌甲羅燒每次去居酒屋都必食甲羅燒～ 呢度份量又幾大隻～ 見店員加埋鵪鶉蛋同蔥花一齊燒，香氣撲鼻～ 蟹膏濃郁得嚟帶點甜味，食落去口感豐富～ 最特別係旁邊配用上青瓜絲，輕輕解膩後，可以食其他菜式❤️ 🐚 焱丸活貝大盛有齊帆立貝生蠔、生蠔兩隻、鮑魚兩隻、白蜆四隻，全部海鮮都新鮮到不得了。上枱時見到佢地仲郁郁下😍 店員幫手燒真係一絕，純熟手勢+火候控制得啱啱好，貝類鮮甜多汁，鮑魚彈牙得嚟帶點炭香～ 🍣 焱丸海鮮雜錦丼海鮮雜錦丼用料豐富，有三文魚、吞拿魚、海膽、帶子、甜蝦等多款刺身~ 魚生厚切又新鮮🍚 蠔鍋飯蠔鍋飯用咗新鮮蠔仔，4大隻經處理後嘅超肥仔生生蠔鋪上面！外層焦香惹味，入面蠔肉肥美鮮甜。整鍋飯香氣勃勃～ 飯粒吸收晒蠔汁嘅精華～ 正呢

今天是老婆難得的假期，我特意帶她到尖沙咀的焱丸水產享用午餐。這間餐廳是香港首間海鮮磯燒元祖店，以其新鮮的海鮮和獨特的用餐環境受到食客的青睞。餐廳復刻傳統的日本魚市場場景，食客們在木箱和漁旗的環繞下，品嘗從豐洲直送的當日水產，讓人有種身臨其境的感受，彷彿置身於日本的海邊。我們選擇了超豪華12件壽司盛套餐，內含茶碗蒸、前菜——芝麻醬冷豆腐、沙律和味噌湯。前菜的芝麻醬冷豆腐清爽可口，搭配上香濃的芝麻醬，讓人一試成主顧。隨後的沙律也同樣令人愉悅，為接下來的主菜熱身。壽司的每一件都極為新鮮，魚肉的質感鮮嫩，彷彿能讓我們體會到海洋的味道。另外，我們還點了三文魚鮫昆布豆腐鍋套餐，套餐中同樣包含茶碗蒸、芝麻醬冷豆腐、沙律和味噌湯，搭配著三文魚鮫的鮮味極佳，讓人欲罷不能。為了增添用餐的趣味，我們點了2個蟹味噌甲羅燒和2個鮑魚殼燒。店員非常耐心地用桌面上的烤爐幫我們烤熟，蟹味噌的香氣四溢，鮮美可口，而鮑魚也在火中變得更加鮮嫩，彷彿每一口都充滿了海的滋味。最後，我們選擇了清爽的飲品，分別是青蘋果颱風乳酸和冰菠蘿梳打，讓整頓餐點更加解渴。最後以鮭魚冷麵作結，裡面配有一條條的三文魚生，搭配著濃郁的蛋汁醬油，讓我

空運直送新鮮魚貝類海產✈️日式居酒屋為裝修主題🏮有種唔似香港嘅感覺🔸焱丸活貝大盛$398帆立貝、蠔🦪、鮑魚各兩隻😋白蜆四隻由職員到枱旁負責調味磯燒，感覺磯燒可以更好鎖住海鮮嘅鮮甜蠔肉肥美、鮑魚彈牙、白蜆好鮮甜👍🏼🔸蟹味噌甲羅燒🦀$68用味噌調製蟹膏，加入蟹籽及鵪鶉蛋黃令口感更豐富👍🏼🔸日式甜醬牛肉鍋🍲$138甜豉油鍋底令豆腐雜菜鍋更入味，加入三片牛肉及加配烏冬$35更飽肚店員都好主動燒海鮮，會介紹食材星期一晚都坐滿八成👍🏼有生意吸引到客人

中女都係唔適宜食太多野，食下海鮮就岩數架啦～▫️烏賊磯燒▫️焱丸活貝大盛▫️鮑魚殼燒▫️A4和牛壽喜燒鍋d海鮮又真係幾新鮮，隻鮑魚係爐上面跳舞🤣好殘忍又有d治癒（變態的）店員貼身服侍 燒得岩岩好和牛就有少少肥美但係唔膩Overall 唔錯⭐️⭐️⭐️但唯一美中不足係店入面既抽氣做得唔夠成晚都係充滿油煙的千萬不要穿吸味既衫去食呀🧣

跟朋友慶祝生日，朋友特別喜愛吃海鮮及日本美食。上網搜尋後，發現尖沙咀「焱丸水產」，可以一次過滿足晒兩個願望！ 😋是日選擇；1️⃣焱丸活貝大盛🍽活貝大盛包括有2隻帆立貝、2隻牡蠣、2隻鮑魚及4隻白蜆，燒烤過程，由店員處理，很貼心。而每款海鮮，味道鮮美，特別是鮑魚，烹調時間恰到好處。2️⃣焱丸蟹噌甲羅燒🍽蟹殼裡盛著滿滿的蟹膏，經燒烤後，陣陣香氣不斷湧出，令人垂涎。3️⃣辣味(妹)豆腐🍽香脆的外層，加上辣味慢慢地滲透在舌尖上，惹味非常！4️⃣野菜天婦羅🍽清新的野菜，脆身而不油膩，沾上醬汁，令又一番風味！5️⃣海鮮炒飯🍽份量蠻多，米飯炒得夠乾身，粒粒分明。配上海鮮，增添食慾。6️⃣炸一口芝士🍽熱辣辣，味道既香又濃。

呢晚友人帶咗我嚟尖沙咀嘅呢間日式海鮮磯燒店，一行入舖，見到木系嘅裝修，聞到好香嘅燒烤味，真係超級有日本氣氛🇯🇵蟹味噌甲羅燒呢個係店家嘅推介🤩由店員即席浜燒，配料方面有蟹肉、蟹膏、飛魚籽、鵪鶉蛋同埋蔥花。店員先將材料攪拌均勻，再加熱🦀 呢個甲羅燒真係鮮味十足，仲可以配埋伴碟嘅青瓜絲食🥒蟹子蟹肉薯仔沙律賣相幾靚，呢個沙律主要係用上綿密嘅薯蓉製作，面頭有啲香蔥同埋飛魚籽，入面仲食到有少量嘅蟹肉🥔 加上底下有沙律菜同埋番茄，呢個沙律都唔會剩係得薯蓉🥗香草牛油蝦係餐廳嘅新出品，已經勁香牛油味🧈 一份有四隻大蝦，蝦肉彈牙，而且同牛油嘅味道好夾🦐 底下仲有少量嘅洋蔥，索晒牛油同埋蝦嘅香味。花魚一夜干每次嚟居酒屋都好想食一夜干，呢度有得揀半條或者一條嘅份量，呢晚同友人咁高興嚟食飯就揀咗一條🐟 一夜干整得幾乾身，但係魚肉亦都可以keep住咁有油香咁嫩滑，配埋特製嘅酸汁，更加可以解膩。日式甜醬牛肉鍋幾特別嘅係牛肉同鍋係分開另上，咁就可以食到喜歡嘅生熟程度🐮 牛肉唔係好肥嗰款，食落口都幾有牛香。鍋物入面有小棠菜、娃娃菜、牛蒡絲、金菇、冬菇、秀珍菇、紅蘿蔔、豆腐同埋薯粉，一份有咁多配料都幾豐富🥰 我地仲另外加

好友知我鍾意食海鮮，帶我去食正宗的磯燒，我到而家都在回味中😍😍😍✨ 焱丸活貝大盛✨🦪🐚鮮❗️鮮❗️鮮❗️扇貝、鮑魚、生蠔都是巨size ，大大隻，開心的喺火爐上開著舞會💃🏻🕺😄點解咁講？新鮮到，一路燒一路睇住佢郁下郁下，真係超正🤩店員燒到啱啱好，鮑魚彈牙，扇貝鮮甜，蜆肉有口感，生蠔海水味濃，肥美到爆😍✨蟹雜炊✨🦀將蟹肉煮湯的精華去炊煮米飯，待吸滿精華後，再淋上蛋汁，不但令人賞心悅目，食落更鮮甜到爆，非常之正👍🏻👍🏻✨ 泡菜黑豬肉鍋✨🐽十分足料，滿滿的一鍋。豬肉呈淡淡粉紅色，食落非常嫩滑。鍋入面豆腐，香菇等吸滿湯汁，搭配入味韓式泡菜，真的香辣又惹味😋✨ 炸蓮藕片✨超有驚喜，每一塊都炸得非常香脆，感覺好似食緊薄脆薯片咁😍好食到停唔到手，好快見底。餐廳裝潢極具特色，令你猶如置身日本海邊的居酒屋 ，令人十分享受。想睇更多介紹，馬上Follow我啦😁。#big_big_foodie #big_big_foodie食勻尖沙咀