無邊 (已結業)

裝修以灰黑色為主調，加上各款金屬用具，充滿工業風感覺。英式-無邊全天早餐冇嗌到最至尊嘅All Day Breakfast，但呢款英式無邊全天早餐同樣夠晒豐富。中間嘅牛角包夠晒鬆軟，牛油味香濃。煙燻德國香腸當中加入左香料，食落味道獨特。另外仲有太陽蛋、蘑菇、茄汁焗豆、蕃茄同埋楓糖煙肉。主菜加錢可以配成套餐，左邊係跟餐嘅南瓜湯，右邊係特濃朱古力奶。德國煙燻腸蕃茄汁長通粉本來就以為得一款香腸，點知除咗有一大條香腸外，長通粉本身都加入左煙燻腸，份量十足。餐廳仲有本地手工啤酒品牌，門神啤酒提供。

希雲街一向係搵嘢食嘅好地方 呢間鋪我都嚟咗兩次 上一次係食咗佢嘅Meal deal 下午茶$40左右就有個set 係抵食嘅 今次就lunch嚟食😙鋪頭入面嘅連儂牆好亮眼 晏晝都算多人👍🏻我就叫咗一個素食嘅all day breakfast 賣相真係冇得頂 佢哋嘅餐具裝修都幾有格調😍 入面每樣野嘅調味都到位 尤其個炒蛋好食! 餐飲方面我就揀咗台式鳳梨茶 其實同飲品店冇乜分別 仲要飲到菠蘿肉 都好滿意💁🏻‍♀️ 如果人唔係好多仲可以嘆下傾吓計做下野 見佢pasta都幾吸引可以試吓😋

又到了女友生日，當然為到那裏吃飯慶祝感到頭痛啦！走遍銅鑼灣街頭，終於在希雲街地舖找到了一間相當之有特色的西餐廳-No Boundary餐廳以「無題」為主題，採用了六角型的碟子上菜及六角型的裝飾、到餐單上不少以「無邊」為名的菜式，可看出餐廳別具風味。我們二人同行，當然點了一個精選二人晚餐：一個素食無邊全天早餐及一個大細路漢堡。All day breakfast分量十足、炒蛋相當滑口，漢堡的牛肉則有滿滿的肉汁，配以脆脆的煙肉及沙律醬，令整個burger非常有咬口，十分適合我這位「食肉獸」。飲品方面，餐廳有豐富的本地手工啤酒，亦有不少適合女生打卡用的手調奶昔。花絮：飯間餐廳突然播起當年風行一時的”What does the fox say” 我女友是這首「洗腦歌」的粉絲，我厚着面皮地要求店員可否再播這首歌，女店員爽快地答應了，相當有人情味！

新年前夕，放工約了友人到去Sanrio characters 新春市集，順便係銅記食飯，到了食肆林立的希雲街，有不少小店及黃店，食飯多選擇之地，已揀了一間心水cafe，6點多去到，因早去之下唔洗等位，之後7點幾就好多人了。餐廳以黑色為主，型格設計，天花板上的枯樹甚有特色，金色獨角馬觸目，有復古之感，牆上的連儂牆，立場鮮明，主打All Day Breakfast及多國菜。SET DINNER，精選二人晚餐，價格合理，要了set D & H。南瓜忌廉湯，唔算好杰身，淡淡的南瓜味。焦糖鮮奶咖啡，跟餐+$12，唔算好甜，都不俗呢。No Boundary Deluxe至尊-無邊全天早餐，$128，六角形的碟子，賣相十分精緻，有煙三文魚、德國煙燻香腸、炒蛋、楓糖煙肉、波特菇、焗豆、蕃茄、粟米、沙律菜及小牛角包等，份量豐富，間中就會想食all day breakfast，可滿足下平時食唔到早餐的意慾，雖然多數都係現成貨，不過都會睇下用咩材料及炒蛋好唔好食同係味抵食，炒蛋份量多，唔算好滑正常水準，牛角包尚算鬆脆，楓糖煙肉香脆大片，蕃茄多汁，有沙律菜減油膩感。可2人share。菠菜汁雞肉野菌扁意粉，$9

上回提及All Day Breakfast (全日早餐) 源於英國，今次就跟大家探討一下甚麼是傳統的All Day Breakfast (全日早餐)。根據對英國文化有深厚認識及接觸的才子陶傑所言，傳統的All Day Breakfast (全日早餐) 應包含「水煮蛋配荷蘭汁、茄汁豆、煙肉、煎蛋、烤番茄等等，伴上一杯早餐茶或咖啡」。當然啦，基於商業角度，這些組合只供參考，配合地區客人的口味才是長久經營的成功之道吧。筆者今天來到銅鑼灣的小店No Boundary，餐廳走復古工業風，色調以黑白灰金屬為主，顏色的交錯利用，營造了神秘冷酷，又帶點高貴優雅的人文空間。更叫人讚嘆的應該是聲援香港人的連儂牆吧……（筆者自動下刪一千字……）好！回歸正題，筆者點的是經典 - 無邊全天早餐 ($68)。煙燻德國香腸咸度適中；雙份的煙肉搭配濃郁的楓糖，是想不到的夾，呈現出另一種自然風味；牛乳炒蛋鬆軟綿密，十分嫩滑；英式茄汁焗豆居然有驚喜，夾雜著洋蔥絲，令整體味道及口感得以昇華；香酥小牛角包也十分不錯，牛油味濃，但不失濕潤感；至於牛油焗粟米及沙律菜均是正常發揮。總括而言，一個字，「正」！

之前約朋友去銅鑼灣食飯，見到都唔少人排依間黃店所以就打算試下。當晚就嗌咗set dinner嘅「菠菜汁雞肉扁意粉」配台式青蘋果茶。($98，另加一）啲湯好快就到咗，係粟米湯（？），不過味道就比較淡。然後意粉都好快就到，份量好足！一個女仔食真係好飽好飽！但同樣都係味道唔太夠，我同朋友都要問適應攞辣椒仔加味。最後就係個水果茶。杯茶相信嗌唔同口味都一樣茶底，然後青蘋果茶就加啲青蘋果啫喱粒粒落去。食完個意粉再飲杯水果茶，確實係幾refreshing。整體黎講用餐體驗唔錯，當然如果食物濃味返啲會好啲。同埋因為都不斷有人排隊，所以如果想坐耐啲同朋友傾計就未必可以。

本身見係黃店，所以即刻去懲罰。由於係佢哋嘅繁忙時間，所以都好忙。一開始嗌左all day breakfast同一個意大利飯。店員一直未俾單我。等左半個鐘左右先攞到外賣，翻到去醫院之後發現比錯嘢食。我即刻打去詢問，店員一開始有道歉，我亦問能否送翻岩嘅野食去醫院。佢表示唔得，態度開始差，並指由於人手短缺，所以他不能夠為我調換食物，然後便掛了電話。我再打過去，店員表示我想點投訴都得，但他們不會亦不能作任何賠償或食物更換。so here i am, to complain.

英式All Day Breakfast 🍴($98)其實我係俾呢個All Day Breakfast 吸引左黎, 因為實在太耐冇食過All Day Breakfast 喇😌 內容都算豐富, 有磨菇, 蕃茄, 腸仔, 茄汁豆, 煙肉, 兩隻太陽蛋同埋牛角包🥐 食物既味道係十分普通, 正正常常🧐大蝦Risotto🦐($128)呢個Risotto 都頗大份, 不過質地偏”希” 不過好重芝士粉所以食唔曬🙈 蝦既部分味道屬普通另外仲有10% service fee , 食物質素偏普通🙈

🐷🐷今日遊行前去左銅鑼灣嘅希雲街搵黃店食。一點幾去到已經見到好幾間黃店都排哂長龍。最後我地都等左成個鐘先入到去食野🙈🐷🐷我地叫左個海虎蝦雞粒番茄意大利飯（$128）有3隻大大隻嘅海虎蝦🦐🦐🦐，可惜佢無挑蝦腸🥺，好在個飯都好入味好好食補救番👍🏼另外仲叫左至尊無邊全天早餐（$128）乜都有得食，味道都正常好食啦😊👍🏼🐷🐷我地坐左喺餐廳嘅連儂牆嗰邊個位，咁當然要畫番我地出黎支持啦！💪🏼💪🏼餐廳門口仲放左幾箱水比大家任拎添～🙂

香港人必撐小店❤️自從依排搵得多黃店先發現其實好多小店食物質素都好高,今日同朋友去左銅鑼灣既依間小店,食物有好多選擇例如egg benedict,潛艇同burger都有,岩哂包包控既我,下次要再試埋😛Deluxe All Day Breakfast($128)有煙三文魚,德國香腸,煙肉,牛乳炒蛋,茄汁焗豆,蕃茄,粟米,波特菇,沙律菜同牛角包,牛角包充滿牛油香,波特菇肥厚多汁,煙肉煎得好香脆,食完成個all day breakfast好滿足啊😛Iced Oreo Chocolate($48)好大杯好邪惡啊🙈朱古力奶口感幼滑,飲落去啖啖oreo粒,值得一讚既係佢係用不銹鋼飲管好環保☺️

--------📍超吸引全日早餐 -- No Boundary💕今日又同朋友去懲罰黃色小店！💛之前聽聞過呢間cafe嘅全日早餐好正💕lunchtime時段仲有套餐供應 好抵食❤-------⭐No Boundary Classic ($68)呢個全日早餐非常豐富💕有德國腸 雙份煙肉 牛乳炒蛋 沙律菜 茄汁焗豆 粟米 牛角包兩個女仔share就啱啱好💕炒蛋幾香幾滑腸同煙肉都煎得幾香 唔會好油👍牛角包牛油味香濃 但食落有啲腍咗🙁但整體質素都唔錯的 性價比高👍-------⭐挪威煙三文魚野菌意大利飯（$98）份量幾多👍忌廉汁好creamy好香😆包住每一粒飯好滿足😆三文魚都夠新鮮👍-------⭐熱花生醬朱古力奶（+$12）套餐價小編身為花生醬控就點咗呢個😆聞落真係有好香嘅花生味🙈飲落係有skippy味嘅朱奶😂但如果花生味再濃啲會更正🙈-------⭐焦糖香蕉朱古力奶（+$18）套餐價呢個飲落口感濃郁啲👍焦糖味好濃 仲有兩塊有焦糖醬嘅香蕉 好正💕--------整體食物質素唔錯 份量夠多 性價比高😆大家不妨一試呀~但係唯一一樣有少少失望就係套餐寫咗係包括餐湯同飲品 但可惜當日店員同我地講餐湯已

銅鑼灣希雲街嘅 No Boundary 食下午茶/ early dinner。店雖小，但坐得舒服😌。下午茶 menu 選擇多樣化，價錢又合理。最緊要食物好好味😋👍🏻⋯⋯叫咗 carbonara 意粉及 Danish toast + ice-cream同 hubby 及細🐷分享，結果吃個一乾二淨！尤其個 Danish toast 幾有心思，d pastry 皮好香脆！餐廳服務態度好，仲播住我哋鍾意嘅 Black Eyed Peas 同 Bruno Mars... 下次再來食晚餐先！

No boundary is a relatively small restaurant that provides all day breakfast and lunch or dinner sets of all kinds.Me and my friend each ordered all day breakfast and vegan all day breakfast, of reasonable prices 7x to 8x hkd. For vegan all day breakfast, the juicy and refreshing mushroom is my fav; and despite its vegan, it still makes me feel so full.Staff there are kind too.

間唔時都會想食下All day breakfast 🍳 感受下美好既一日💕呢間店成日都無位，今日晏左出門去都等左一陣先有位～一見到碟嘢勁靚已經心情好好🥰🥓煙肉有啲蜜糖好好食，雖然煙肉係唔係咁健康，但偶然食下冇所謂啦🥰德國腸都OK嘅，滑蛋炒得唔錯，好Juicy，土司烤得好好，外脆內軟🍞有機會再嚟食😋😋

<<No Boundary>>.💛要令大家知道無左好多集團式餐廳之外，其他依家仲有好多選擇，我地小小既舉動都代表支持💛.💛 至尊-無邊全天早餐 $128｛包餐湯，+餐飲價｝挪威煙三文魚，德國煙燻香腸，牛乳炒蛋，雙份楓糖煙肉，波特菇，英式茄汁焗豆，香煎蕃茄，牛油焗粟米，沙律菜，香酥小牛角包.足料👍🏻😗每一樣材料好平均，所以相都可以看得出來是很大份，一個人真的可能食不完特別欣賞牛乳炒蛋，好滑好香，食完都想再食😚但牛角包我就有點乾身，我朋友就說可以接受，都是不同口味吧~另外，他們用的碟很美有質感是一個六角形的雲石碟，😚看著美美的碟，食都會開心D環境方面店內不大，但都可以坐到大約20人左右但店內外的東西都很有質感，🥰加上有人情味值得大家要錢狠狠懲罰一下.地址：銅鑼灣希雲街9號地下評分5🌟為最高；💫為半粒特色：🌟🌟🌟 🌟 🌟性價比：🌟🌟🌟上菜時間：🌟 🌟 🌟環境：🌟 🌟 🌟 🌟味道：🌟🌟🌟 🌟記得follow ▶️@tastemysay◀️.#懲罰黃店 #TMS香港 #TMS黃店 #TMS銅鑼灣 #香港加油 #cafe #香港美食 #必食 #人情味 #真香港人 #好人