無嚐

营业中

休息中

第一次去這新甜品店中伏，没下次和朋友去東大街新開這甜品，新開這店有個四眼哥哥，熱誠推介，又講店開了很多年，見佢口材噤好，都不介意試下，我是住筲箕灣，它開了多久我也心中有数。 本着一试心態也無所謂。但也没位要等位，因傍邊甜品店没開，一個駌央奶茶心太軟，一個楊枝金露，中晒伏，心太軟里面一舊舊的粉，超甜，超難食，我女朋友間中也有自己整下甜品，佢自己整好食多了。真想句中哂伏無下次楊枝金露，真失望，D芒果切到碎晒细细粒，都不知有没十粒，超扼錢，柚子又苦。份量又细碗，不過佢地噤嘅水準，算吧。早知落去西灣河吃好過。吃甜品本來很開心的事，真是没晒心情。第一次就中伏没下次。

🍌泰式香蕉煎餅 $38熱辣辣，加左好多棒子醬同煉奶，甜甜的，外面煙韌包住熱既香蕉🍌同埋蛋🍳，口感豐富😉🥥椰子奶露 $38香濃椰子味🥥，唔會好甜，奶順滑偏稀，秋冬滋潤之選😝.✨溫馨街坊小店，簡單裝潢，有種慢活的感覺，甜品款式選擇多，一個人煮加收錢，需時等候

腰果露淡而無味 好似食緊沒有味道的糊仔份量少 $40元得半碗 味道又差 冇下次 浪費一次食甜品的quota 希望老細見到comment會作出改善 呢個價錢 呢個味道 真係對唔住客人

🔻椰子奶露 $38🔻糖不甩 $34兩款都不錯，椰子奶露唔甜，好重椰子味。糖不甩好特別，唔係用花生碎，而係椰絲，同埋佢用咗芝麻湯丸。個人喜好都係鍾意食返傳統嘅糖不甩。🔻香滑芝麻糊 $32呢個嚟到睇個色已經心諗咩事咁淺色，然後𢳂出嚟好似嘔吐物咁，男朋友話自己好似食緊蠟青🤢🤢

第一次寫食評，因為呢間嘢實在太令我失望。新開張嘅時候，諗住支持下小店買咗碗芒果西米露，買返屋企一開入面得一半都冇，仲要成40蚊😅😅真係呃錢。 早排第二次入去堂食，諗住堂食會好啲，叫左個芒果盛（$48），睇佢餐牌好似有好多嘢，有小丸子呀雪糕咁，點知黎到成碗都係西米，面頭再加啲雪糕😅😅我問店員唔係有小丸子咩？佢話佢都唔知。😅😅走入去問廚房問，出嚟話佢哋餐廳冇賣小丸子😅😅😅 唔明點解餐牌要咁誤導人，味道又麻麻地，一味死甜，食完出嚟要飲好多水，份量又小又貴…好失望…無下次…

今晚冬至食完飯，就想食湯丸，附近翠X 老字號排晒長龍，見呢間無嚐新開，裝修四正，又無咩人係門口排隊，就林住試下，買左個芝麻糊+2粒湯圓外賣，總數$43，點知一拎外賣個陣，一睇得半碗滿😑真係得半碗已經連埋兩粒湯圓，個碗又唔係大，心諗如果好食都算，雖然怕肥，但比左40幾蚊買碗芝麻糊真係唔expect 呢個份量，返到去，真係幾啖食晒，味道就好一般，湯丸係細粒嘅，價錢又唔係平，份量小，可能佢唔係sell 人傳統野呱，唯有咁林😑要好有勇氣先至再返去試佢其他嘢

第一次試呢間新開嘅甜品舖，試左芒果盛同楊枝甘露，唔錯😍😍。價錢可以接受，每樣都40左右。除左芒果系列甜品，亦都其他唔同嘅選擇，岩晒唔同嘅人。係筲箕灣黎講係新嘅choice ,可以一戰。First time trying a new shop for dessert, tried mango related dessert, and they taste good. #楊枝甘露 #芒果盛 #芒果系列甜品 #mango #SKW #筲箕灣 #東大街

在城市的喧囂中，發現一處甜品的避風港實屬難得。今天的遭遇，無疑是一場味蕾的驚喜之旅，尤其是在嚐試了這家新開甜品店的招牌創新：芒果「盛」。店內的環境精緻而不失溫馨，簡潔的裝潢讓人一進門就能卸下一天的疲憊。而親切的店員以其熱情接待，成為了這個甜蜜經歷的開端。芒果「盛」，這個名字本身就預示著一個豐盛的滿足。首先映入眼簾的是那金黃誘人的芒果雪糕，它不僅外觀誘人，更在口感上達到了冰涼細膩與香甜熱情的完美平衡。雪糕下層的鮮甜芒果和西米露，則為整體口感增添了一絲絲的驚喜。每一口都能嚐到芒果的鮮美，西米的Q彈，以及西米露微妙的甜味，這些都在不知不覺中細膩地編織了一個甜蜜的夢境。更不可忽視的是，這道甜品中所融入的啫喱粉條，彷彿是藝術家在畫布上的最後一筆，為這道作品帶來了結構上的變化和層次感。它不僅令人驚艷，更在健康的同時提供了一種全新的享受方式。這家甜品店的芒果「盛」無疑讓我留下了深刻的印象。它不僅僅是一款甜品，更像是一次味覺和視覺的雙重旅行。對於那些尋求創新同時關注健康的甜品愛好者來說，這里將會是你的新寵。

來到東大街，試了甜品店「無嚐」！無嚐是一家很多朋友推薦的甜品店，他們的楊枝甘露讓人回味無窮。每一口都能感受到新鮮多汁的芒果，清爽的椰汁和香滑的牛奶交織在一起，口感綿密豐富，甜度控制得恰到好處。每一勺楊枝甘露都帶來一種四季的清涼感，讓人愛不釋手。而無嚐的椰子奶露更是一絕。它濃郁順滑的質感，帶著椰香的甜美，讓人彷彿置身於熱帶島嶼。椰子的天然風味在口中綻放，甜度適中，不會過於膩人，反而讓人回味無窮。喝著這杯椰子奶露，一股涼意從喉間滋潤全身，仿佛將炎熱的香港冬日完全忘卻。值得一試！

難得一日同百年難得一見的好朋友食糖水！即興下入咗呢間糖水！裝修很好！選歌不錯！職員服務很好！十分不錯！下次一定再嚟！#絕對唔係因為焦糖布丁by mo呢間甜品鋪嘅就腳裝修企理 糖不甩熱辣辣 個人覺得太淋by 好朋友

經過門口，被裏面嘅裝修吸引住木系水泥牆，裝修簡約既有個性我地兩個人，叫咗個開心果露，椰子奶露，香蕉煎餅，估唔到個開心果露有驚喜，好好味！椰子奶露亦都好軟綿綿！香蕉煎餅甜咗少少，但都好好味！下次一定會再返嚟，值得推介

這是新開的甜品店，於是進來試試環境很舒適，價錢合理甜品新穎，好多甜品都特別，款式多不但樣子精美，有心思，吃起來味道好，沒有令我失望，下次再來這，會再吃 建議大家來嘗嘗

估唔到呢度都食到開心果路，仲要唔甜， 每啖有粒粒口感， 好有開心果味。 另外再叫咗糖不甩， 擺盤精美。 唔算過甜。Yummy Yummy . 下次想試下椰子奶露。 服務態度好 ，最緊要好近， 方便我。

今晚來到東大街食甜品——無嚐。今次活動係打卡有禮免費贈送法式焦糖燉蛋。雖然是贈品，但一啲都唔敷衍！味道好好！另外叫左花膠紅棗燉鮮奶，冬天非常滋陰！泰式香蕉煎餅，甜得來非常香口！糖不甩煙煙韌韌，花生味好香！紫薯西米露不太甜～但很香柴薯味！值得推介的甜品店！

蛋白杏仁茶～ 熱辣辣好香杏仁味 足料唔係用粉沖 物有所值 估吾到細細間咁有驚喜 裝修簡單舒適 地方乾淨整潔 食得舒服 服務亦都非常周到 下次一定會黎試埋其他嘢事 尤其係個croffle 好似好吸引！