影片
有IQ 题送架餐厅@烧烤时代锣湾骆克道491-499号京都广场3楼前身是松屋, 是间日式放题专门店,见卡片及电梯指示贴纸仍然是印著松屋,烧烤时代个名总是令我想到少女时代,鱼生样子新鲜, 水嫩的身体在呼唤著食欲,鱼生非的杯茶, 我就转移目标去熟食及烧物了。冷盘我点了蟹子沙律及豆腐,蟹子沙律有蟹柳丝,、青瓜、生菜及红萝卜丝,与沙律酱及虾子混合, 蔬菜爽口清新哦。豆腐卖相很丑, 与相象中有很大出入,仍然见到盒装豆腐的纹,浅茶色的豉油汁无味, 放上蕃茄怪怪。芝士年糕, 内里的芝士融化,年糕也热乎乎软糯糯,咬下绵绵的, 芝士就旁边溢出。烧物蒜蓉烧蚝, 太多蒜蓉把蚝味都盖过,味道辛辣, 蚝(蚵仔?)不肥美只有手指甲般大,只有不新鲜才要用浓味的调方法。烧海鲜要尽情吃,虾烧好就直接洒上盐, 完汁完味,没有烧焦轻易就拆去虾壳,带点干身但肉够扎实 直接呈现的鲜味,吃完我位置前积满是竹签。另外是煮虾大葱猪肉串选用了五花腩,表面盐下多了,看到一粒粒盐巴在串烧面,入口稍咸, 腩肉片嫌干身唔够水份,油脂未有被迫出滋润著瘦肉。烧鸡翼也是洒上大量调味份,鸡皮全舖了味粉, 辣到异口同声也觉得太重太浓味,蜜糖鸡翼有郊外BBQ风味, 惹味无比,鸡皮甜滑嫩弹性, 本身不太吃鸡皮也引不住。猪软骨爽口有嚼劲, 我连食了2串,烧鸡脾菇同翠玉瓜,翠玉瓜水份十足, 鸡脾菇咬下似硬身的香口胶奇怪是烧蔬菜又无落调味烧日本迷你紫皮蕃薯,一口一粒, 中间是甜软的黄芯薯肉,唯表皮烧得唔够干身同脆,烧耐点会更香口好味, 似街头炊蕃薯。饮品选择也不少, 令人花多眼乱,有冷有热, 由汽水到柚子蜜及桃味特饮都有,除了啤酒要额外比钱, 其余都是任饮,吃过烧物觉口渴来平衡口腔味道最适合不过。有4个口味的雪糕, 芝麻 、绿茶、朱古力同荔枝,见之前的食评是其他口味, 应该会不时转换口味。绿茶控的我自然点了绿茶来尝尝,茶味淡淡的,偏爱甘涩而又浓的我来说略嫌不够,再外一球少见的荔枝味, 荔枝味清幽,唔会有股人工的味道, 一赞哦!若不是朋友买了雪糕蛋糕来替的庆祝,会加点一球ENCORE。生日没有切饼费收取,因是雪糕蛋糕太硬切不开,自称“根本英俊”的店员先生 帮我们切同分饼,招呼殷勤有笑话同IQ 题附送等我比几气大家估(有D 粗俗同18禁)Q1: 有乜方法能令到耳仔变长? (四字成语)Q2 : 陈冠希去百货公司应征, 边个部门最适合佢?Q3 : 打桌球点解要用手指大家可以去揾根本先生寻找答案,也可以留言估下, 迟些再告诉大家答案。每人消费$220
继续阅读
评价: 管理人员质素差、欠管理常识！服务员欠责任感及服务态度差劣（无培训）！环境卫生麻麻因为家中小朋友生日，所以拣咗一路帮衬开嘅松屋，知道佢改咗叫新名「烧烤时代」但又未试过，所以book咗9pm尝试一下，点知.....Sat: 9pm 入座 $183 +10% (生日个位: 正日7折、前后7日, 8折) 「门面」 入到去装修、摆位无变过，6人枱嘅卡位依然都仲系咁逼😔 逼得黎又好似有野咬咁，最差劲嘅系周地都系零零星星嘅竹签、纸巾！有系正常但无人打扫就系有问题！之后打开餐牌睇睇「新」店有咩唔同啦！发觉食物多咗少少花款，但可以拣嘅种类唔太多 e.g. 烧墨丸、牛丸 👈 但完全只系食紧泰式辣酱嘅味道...「食质」 第一轮落嘅order都好快黎到，黎咗头盘刺身（一般，可惜无凡立贝）、烧鸡翼（叻喱底味但表面又食到第二浸味-7味粉，加上块皮烧到干哂，口感麻麻）.....黎咗个烧日本蕃薯仔，最离谱系呢个，烧到好似受咗「辐射」咁，成条毛虫咁好似(有脚😫)!!「服务质素」 食开放题嘅朋友都知道落order有「潜规则」，就系所点嘅数目会打7折比你。都算！成晚所落嘅单都一定漏，不断写、不断催，都只系换黎一字「漏」！好似净系用刀切嘅鱼生刺身，总共落咗2张（同一张）单，都等咗23分钟第三次催人跟，先送上黎！！ 叫雪糕嘅时6个人叫6杯，第一黎3杯，有2杯系错嘅！第二次再落番，等咗15分钟无黎！再催，个服务员叫我地再写，之后又黎错口味！仲要double上黎 火都黎埋！最令人唔满意嘅系：埋单嘅服务！佢禁完张单将个盘一路行过就咁摆低，连多谢几钱都无讲就咁行咗去！！ WTH.... 对过张单又有出入，因为有一位小朋友可以打8折但佢无计到 （但入座时已经同其中一个waitress讲咗！）「总结」价钱比起以前松屋又收贵咗，但食物质素同服务态度就完全系差哂同恶劣！呢一间野可以正式放弃！唔会，甚至系「唔值得」去帮衬！！！
继续阅读
呢日同男友仔出湾仔, 去完展览, 就返过铜锣湾, 约好咗另外3个朋友仔一齐食dinner~目的地系呢间开咗无耐既『烧烤时代』! 因为系团购, 所以一个月前已经打咗电话黎book位~时间book咗5点半, 我地准时到达…可能时间尚早, 人丁好单薄, 入座率只有十枱以内客仔~因为男友仔已经好肚饿既关系, 所以唔理三七廿一, 就即刻写纸仔!!例牌动作, 先写饮品, 再写刺身, 最后就系其他烧物串烧炸物…etc.当然, 饮品最先上枱… 跟住就系刺身…. 样貌都唔错, 食落亦可以…….. 唯独!!! 叫「白肉豚」既刺生好腥!!!一边食刺身, 一边等….等咗好耐, 其他烧物串烧炸物既单… 竟然一去无回头!!!?虽然, 食呢D流单都系预咗, 不过估唔到佢真系一样都唔比我食…….所以我地就问一问个侍应哥哥…侍应问我地有D咩未黎, 其实真系除咗刺身, 其他都无黎….佢就话: 你再写纸比我, 我先帮到你入去追佢…..我地话: 下!? 又写, 如果一阵黎double咁点算!?佢就话: 咁你就比返佢, 同佢讲已经黎咗, 就得架啦!既然系咁……..唯有再写过啦~果然!! 直接比呢个侍应哥哥果几张纸仔既野, 好快就上枱啦!!然后, 仲有一件无言既事….因为有2粒朋友仔系迟咗黎, 所以佢地黎到先交佢地既野饮纸…等咗好耐, 2杯野饮又消失咗!!? 所以就问头先收饮品纸果位侍应姐姐, 点解饮品写咗咁耐都未有??佢同我地讲等阵… 隔咗阵, 佢就拎住张纸仔过黎问: 系咪呢张呀?确认系我地张纸仔之后, 佢就冷冷地话: 无枱号!...... 有少少无言, 算啦~ 写返枱号就比返佢~至于食物既味道, 炸物唔会油腻, 不过佢唔系用炸浆, 而系用面包糠, 天妇罗虾同天妇罗带子都唔错, 几好味~焗蚝味道都鲜, 不过超级细只, 而且有少少过火… 老了一点!!串烧, 原本系我地最期待既美食, 可惜款式少之余, 质素亦好参差… 水果菜蔬类系最好味既, 鸡翼好入味, 海虾都唔错, 肉质结实, 不过其他就….一系太咸, 一系太老, 一系太干~烧三文鱼头, 虽然系熟既, 但系个样真系完全唔系烧出黎既样.... 白白的......烧菠萝唔知点解系冻既, 小小微暖都无... 但系好甜~仲有就系…. 枱, 虽然唔细, 不过唔知系咪因为我地坐角位, 完全无人黎收碟~整体黎讲, 今次呢个团购都几失望, 团购应该系吸客招数, 虽然佢又未至于难食, 可惜完全吸引唔到我地会再黎!!
继续阅读
第一次去尝试。餐厅在铜锣湾地铁站相当之近。五点半开始食。五点半倒已经有三份一座位坐满。职员好友礼貌。地方可以接受。很清洁及没有烧烤味道。首先叫咗三文鱼好味吞拿鱼好味，甜虾好新鲜，九十分。welks 好鲜味。跟住开始食烧肉样样都好味。羊扒超级好味多汁。所有的食物十分之有水准。出乎我意料之外。唯一比较不好食嘅食物就系烧蚝，因为太多沙。雪糕好味，又有各样冷热饮品及啤酒。纵观这是一间超乎水准的烧烤餐厅。员工服务相当好。收蝶相当之快。希望这间餐厅可以长久做落去。管理层是值得一赞。加油。
继续阅读
纪念日<3 于是同男友食晚饭, 本身去X喜屋, 想食三文鱼~ 不过冇位, 就周围揾野食, 最后就试新野~黎左哩度~6:30pm 入坐, 可以食2个半钟, $199 另加一, 事后先知原来做紧团购, 蠢左tim 都冇咩走单既情况, 唯独系咸猪手同炸馒头点完都冇出现过~~刺身都OK,甜虾几鲜甜,我最钟意既三文鱼就不过不失啦,几肥美~白玉豚都几好味! 马刀贝好爽口黑椒牛舌好香!!翡翠螺..有沙..都冇咩点食羊肉串,真系好香丫! D香料好似旺角街舖食果D味,不过食落就唔系好香味,有羊肉味咁啦!芝士烟肉焗蚝: 好似食唔出烟肉=_= 又唔多芝士, 仲好似有D壳TIM/_\盐烧海虾都系ABOVE AVERAGE~羊架不错,几香! 比较林身烧菠罗几甜,几好~仲以为切好既牛油粟米TIM, 味道冇咩牛油味既热菊花蜜几好味芝士年糕:太少芝士了...不过都几脆有4款味既雪糕:芝麻,朱古力,抹茶,曲奇曲奇雪糕唔太好食,口感较差,D曲奇冇曲奇味=3=但其他都好好味,朱古力味有好多粒粒, 抹茶好香 必定要食~总括而言, 大部分既水准都几好, 放题都算系咁架喇, 冇咩好特出或者难食, 不过差唔多价钱可以有更好既选择, 未必有下一次lu~
继续阅读