影片
更多
2014-09-14
1004 浏览
評價: 管理人員質素差、欠管理常識！服務員欠責任感及服務態度差劣（無培訓）！環境衛生麻麻因為家中小朋友生日，所以揀咗一路幫襯開嘅松屋，知道佢改咗叫新名「燒烤時代」但又未試過，所以book咗9pm嘗試一下，點知.....Sat: 9pm 入座 $183 +10% (生日個位: 正日7折、前後7日, 8折) 「門面」 入到去裝修、擺位無變過，6人枱嘅卡位依然都仲係咁逼😔 逼得黎又好似有野咬咁，最差勁嘅係週地都係零零星星嘅竹籤、紙巾！有係正常但無人打掃就係有問題！之後打開餐牌睇睇「新」店有咩唔同啦！發覺食物多咗少少花款，但可以揀嘅種類唔太多 e.g. 燒墨丸、牛丸 👈 但完全只係食緊泰式辣醬嘅味道...「食質」 第一輪落嘅order都好快黎到，黎咗頭盤刺身（一般，可惜無凡立貝）、燒雞翼（叻喱底味但表面又食到第二浸味-7味粉，加上塊皮燒到乾哂，口感麻麻）.....黎咗個燒日本蕃薯仔，最離譜係呢個，燒到好似受咗「輻射」咁，成條毛虫咁好似(有腳😫)!!「服務質素」 食開放題嘅朋友都知道落order有「潛規則」，就係所點嘅數目會打7折比你。都算！成晚所落嘅單都一定漏，不斷寫、不斷催，都只
評價:
管理人員質素差、欠管理常識！
服務員欠責任感及服務態度差劣（無培訓）！
環境衛生麻麻
因為家中小朋友生日，所以揀咗一路幫襯開嘅松屋，知道佢改咗叫新名「燒烤時代」但又未試過，所以book咗9pm嘗試一下，點知.....
Sat: 9pm 入座 $183 +10% (生日個位: 正日7折、前後7日, 8折)
「門面」
入到去裝修、擺位無變過，6人枱嘅卡位依然都仲係咁逼😔 逼得黎又好似有野咬咁，最差勁嘅係週地都係零零星星嘅竹籤、紙巾！有係正常但無人打掃就係有問題！
之後打開餐牌睇睇「新」店有咩唔同啦！發覺食物多咗少少花款，但可以揀嘅種類唔太多 e.g. 燒墨丸、牛丸 👈 但完全只係食緊泰式辣醬嘅味道...
「食質」
第一輪落嘅order都好快黎到，黎咗頭盤刺身（一般，可惜無凡立貝）、燒雞翼（叻喱底味但表面又食到第二浸味-7味粉，加上塊皮燒到乾哂，口感麻麻）.....黎咗個燒日本蕃薯仔，最離譜係呢個，燒到好似受咗「輻射」咁，成條毛虫咁好似(有腳😫)!!
「服務質素」
食開放題嘅朋友都知道落order有「潛規則」，就係所點嘅數目會打7折比你。都算！成晚所落嘅單都一定漏，不斷寫、不斷催，都只係換黎一字「漏」！好似淨係用刀切嘅魚生刺身，總共落咗2張（同一張）單，都等咗23分鐘第三次催人跟，先送上黎！！ 叫雪糕嘅時6個人叫6杯，第一黎3杯，有2杯係錯嘅！第二次再落番，等咗15分鐘無黎！再催，個服務員叫我地再寫，之後又黎錯口味！仲要double上黎 火都黎埋！
最令人唔滿意嘅係：埋單嘅服務！
佢禁完張單將個盤一路行過就咁擺低，連多謝幾錢都無講就咁行咗去！！ WTH.... 對過張單又有出入，因為有一位小朋友可以打8折但佢無計到 （但入座時已經同其中一個waitress講咗！）
「總結」
價錢比起以前松屋又收貴咗，但食物質素同服務態度就完全係差哂同惡劣！
呢一間野可以正式放棄！唔會，甚至係「唔值得」去幫襯！！！
张贴