影片
更多
2014-08-13
2734 浏览
呢日同男友仔出灣仔, 去完展覽, 就返過銅鑼灣, 約好咗另外3個朋友仔一齊食dinner~目的地係呢間開咗無耐既『燒烤時代』! 因為係團購, 所以一個月前已經打咗電話黎book位~時間book咗5點半, 我地準時到達…可能時間尚早, 人丁好單薄, 入座率只有十枱以內客仔~因為男友仔已經好肚餓既關係, 所以唔理三七廿一, 就即刻寫紙仔!!例牌動作, 先寫飲品, 再寫刺身, 最後就係其他燒物串燒炸物…etc.當然, 飲品最先上枱… 跟住就係刺身…. 樣貌都唔錯, 食落亦可以…….. 唯獨!!! 叫「白肉豚」既刺生好腥!!!一邊食刺身, 一邊等….等咗好耐, 其他燒物串燒炸物既單… 竟然一去無回頭!!!?雖然, 食呢D流單都係預咗, 不過估唔到佢真係一樣都唔比我食…….所以我地就問一問個侍應哥哥…侍應問我地有D咩未黎, 其實真係除咗刺身, 其他都無黎….佢就話: 你再寫紙比我, 我先幫到你入去追佢…..我地話: 下!? 又寫, 如果一陣黎double咁點算!?佢就話: 咁你就比返佢, 同佢講已經黎咗, 就得架啦!既然係咁……..唯有再寫過啦~果然!! 直接比呢個侍應哥哥果幾張紙仔既野, 好快
目的地係呢間開咗無耐既『燒烤時代』! 因為係團購, 所以一個月前已經打咗電話黎book位~
時間book咗5點半, 我地準時到達…
可能時間尚早, 人丁好單薄, 入座率只有十枱以內客仔~
因為男友仔已經好肚餓既關係, 所以唔理三七廿一, 就即刻寫紙仔!!
例牌動作, 先寫飲品, 再寫刺身, 最後就係其他燒物串燒炸物…etc.
當然, 飲品最先上枱… 跟住就係刺身…. 樣貌都唔錯, 食落亦可以…….. 唯獨!!! 叫「白肉豚」既刺生好腥!!!
一邊食刺身, 一邊等….等咗好耐, 其他燒物串燒炸物既單… 竟然一去無回頭!!!?雖然, 食呢D流單都係預咗, 不過估唔到佢真係一樣都唔比我食…….所以我地就問一問個侍應哥哥…
侍應問我地有D咩未黎, 其實真係除咗刺身, 其他都無黎….
佢就話: 你再寫紙比我, 我先幫到你入去追佢…..
我地話: 下!? 又寫, 如果一陣黎double咁點算!?
佢就話: 咁你就比返佢, 同佢講已經黎咗, 就得架啦!
既然係咁……..唯有再寫過啦~
果然!! 直接比呢個侍應哥哥果幾張紙仔既野, 好快就上枱啦!!
然後, 仲有一件無言既事….
因為有2粒朋友仔係遲咗黎, 所以佢地黎到先交佢地既野飲紙…
等咗好耐, 2杯野飲又消失咗!!? 所以就問頭先收飲品紙果位侍應姐姐, 點解飲品寫咗咁耐都未有??
佢同我地講等陣… 隔咗陣, 佢就拎住張紙仔過黎問: 係咪呢張呀?
確認係我地張紙仔之後, 佢就冷冷地話: 無枱號!
...... 有少少無言, 算啦~ 寫返枱號就比返佢~
至於食物既味道, 炸物唔會油膩, 不過佢唔係用炸漿, 而係用麵包糠, 天婦羅蝦同天婦羅帶子都唔錯, 幾好味~焗蠔味道都鮮, 不過超級細隻, 而且有少少過火… 老了一點!!
串燒, 原本係我地最期待既美食, 可惜款式少之餘, 質素亦好參差… 水果菜蔬類係最好味既, 雞翼好入味, 海蝦都唔錯, 肉質結實, 不過其他就….一係太咸, 一係太老, 一係太乾~
燒三文魚頭, 雖然係熟既, 但係個樣真係完全唔係燒出黎既樣.... 白白的......
燒菠蘿唔知點解係凍既, 小小微暖都無... 但係好甜~
仲有就係…. 枱, 雖然唔細, 不過唔知係咪因為我地坐角位, 完全無人黎收碟~
整體黎講, 今次呢個團購都幾失望, 團購應該係吸客招數, 雖然佢又未至於難食, 可惜完全吸引唔到我地會再黎!!
张贴
