烏龍燒 (已結業)

平時食串燒都係點完佢燒好送上黎，點知今日經過見到呢間'烏龍燒', 入面啲人自己轉下轉下啲串燒自己燒自己食幾過癮，就同朋友拎飛入左去原隻鮑魚時日最愛！十分鮮甜既鮑魚，食落好新鮮又好有咬口.佢既大小對比價錢係超值，而且一直都覺得鮑魚好適合燒烤食海鹽牛肩胛淨係睇相都會見到佢脂肪同肉嘅比例，係入口即溶.唔會太多脂肪食入口變咗太油，亦唔會太多肉變咗好韌黑松露墨魚滑比想像中重黑松露味，墨魚都打到幾彈牙安格斯肉眼牛柳牛魔皇出動點可以只叫一種牛！呢一個牛柳串相對上就較重牛肉味同多汁啲，喜好邊一款牛就因人而異喇海鮮不能停，叫咗三隻燒原隻生蠔，呢間餐廳啲海鮮普遍都好鮮甜，雖然冇特別肥不過啲肉係真係幾甜好得意架呢個鉢仔牛油蒜蓉金菇，正常人都會知呢一個係完美配搭不能不吃！有食開串燒既愛好者，都知燒翠玉瓜係好好味架😁加上餐廳提供左平時串燒所需既幾種粉末，多少因自己喜愛而定，食落就真係好似喺出邊叫既咁如果覺得同朋友食平時普通嘅餐廳食道門真係好推介大家來自己動手燒下燒下，有樂趣之餘嘢食水平真係好唔錯

今個夏天好懶惰，想BBQ,又唔想去咁遠就近近地係旺角食下串燒唔好諗到我咁頹，呢到係可以自己動手燒，有得玩又有得食燒海螺串海螺都幾有嚼頭，而且燒到外面脆卜卜，口感唔錯台式墨汁墨魚腸個名強調左兩個墨字入面既肉汁都真係黑色，而且幾juicy 口肉質唔鬆散燒新鮮鮑魚原來鮑魚已經挑起左出黎燒完一邊，可以輕鬆夾起鮑魚，再燒另一半感覺好貼心黑芝麻糖水沙冰呢到有幾款特別飲品，係以中式糖水作賣點黑芝麻味道都真係幾濃而沙冰配串燒真係透心涼沙茶燒金菇係有個小煲比你慢慢燒就滾既時候，店員會過黎幫手沙茶醬好惹味，金菇又好吸味超級好食菜蒲玉子燒幾得意既菜式首先煎香玉子，再落菜蒲同蛋液三種味道同口感

食物就好普通!我覺得太貴啦一串魚皮餃既價錢可以買一盒啦!~~~如果自己燒同加撈醬汁咁既~咁點解唔係屋企自己燒.....六人去~差唔多三百幾蚊一位!!見到openrice食評好才試的,又買行哂雜誌~但失望比較多!!!!但環境係唔錯既!

新開張，家姐話自己落手燒好過癮所以去試下。我地食宵夜時段，有八八折，平日十點幾去到，得二枱客，我地好快坐左係卡位等食。每枱都有獨立抽風機，卡位枱比較高身，加埋個爐有d五就手，另外抽風機放正爐上方，燈光五可以照到成個爐面，睇五到d 串燒熟定五熟，每次都要特登拎起檢查。餐牌五算多選擇，價錢偏貴少少，最驚喜有台式腸，菜甫玉子燒😍 今次試左幾款串燒，牛舌，牛柳粒，鐵板雞翼，黑松露墨魚滑，台式墨魚腸，生蠔......醬汁除左有蒜蓉䜴油，都可以自選，四種免費任選二種，再自選一款特式調味粉。我揀左蜜糖，咖哩同自選海苔粉。真心推介黑松露墨魚滑，五洗添加任何醬汁都已經好好食！😋 店員主動介紹燒法，燒到外邊金黃焦香就食得，入口有黑松露香氣，墨魚滑爽口，必點菜式！另外點了煲仔蒜蓉牛油金菇，一大塊牛油係面，睇住佢慢慢溶化，陣陣香味飄出，正！ 店員都照顧周到，不時跟進我地既情況，牛油差不多溶化曬仲會叫我地攪拌下，令每條金菇都沾到牛油。另一推介係菜甫玉子燒，一開始一粒粒玉子連鐵板放上去燒，二邊金黃再加菜甫同蛋漿，燒到半熟就可以連板上，店員都主動幫手夾起鐵板。 感覺有d似韓式爐邊蛋食到甘上下，叫左杯腐竹糖水沙冰，有

安安燒旁開了間烏龍燒。一樣是串燒，但烏龍燒的賣點是其宗旨「烏烏龍龍自己燒，自自在在好逍遙」，讓食客落手落腳自己燒。在轉角位的店面很少，座位不多。氣爐佔了桌上不少空間，顯得更逼。不過，餐廳一邊用玻璃，一邊甚至開放式，就在行人通道隔離，不會太焗促。跟韓燒一樣，每張枱上都設有抽氣管，保持空氣流通。餐廳未有酒牌，酒精類飲品未有供應。除了一般串燒店都有的丸類、肉類、海鮮、蔬菜等分類，較特別的有煲仔燒、鐵板仔燒和竹筒飯。每枱有份烏龍秘笈，介紹桌上的各款醬料，包括醬油、沙爹醬、蜜糖汁、孜然粉、七味辣粉，另外落單時自選的灑灑粉。灑灑粉每兩人可選一款，6位或以上就有3款。我們選了韓式泡菜粉，但最後幾乎沒有用過。秘笈裡還介紹了某幾款食物的燒法。腐竹糖水冰沙讓我留意到烏龍燒的，並不是其串燒，其實是腐竹糖水冰沙。還未有機會去樹記試腐竹雪糕，猜男友會樂見最愛的糖水變成冰沙。清甜又冰涼，夏天解暑解渴之選。甜度可以接受，腐竹味都夠出，雖然不太可行，心裡還是暗暗希望冰沙裡能有腐竹碎。自家製雪花芝麻糊冰沙以為長長的名字只為噱頭，只是個普通的芝麻味沙冰，沒想到，果真是芝麻糊般厚稠，十分特別。味道夠濃，但當然不能跟熱呼呼的

呢個腐竹糖水冰沙真係有今生冇世，雪到變沙冰都仲好有腐竹糖水味，我好肯定佢生前一定係一碗好好味嘅靚腐竹糖水。燒花枝丸，花枝丸切開半粒好似有啲笠水咁，但係其實半粒嘅口感入口啱啱好。台式墨汁墨魚腸，三隻台灣腸之中，呢隻最好味，墨魚味豐富。燒菜心苗，初時以為燒菜心苗會燒好耐都仲未諗，但係又唔係喎，我地燒一陣就已經夠諗，好快就食得，搽少少店家秘製嘅豉油汁真係好食到冇朋友，唔食菜嘅人都可以試下。燒鮮冬菇，冬菇勁大隻，直徑足足有四吋，而且菇味勁濃，燒咗好耐都仲咁 juicy。燒3色雞中翼（ 蒜蓉黑椒蜜汁），3色雞中翼隻隻都各有特色，建議黑椒味可以落少少秘製沙嗲醬，好味好多架。燒白鱔，白鱔肥美新鮮，屬必點菜式。海鹽牛肩胛，肩胛賣相精美，色澤紅潤，一上枱已經急不及待燒黎食，每邊大約只需要燒一分鐘就食得，牛味香濃，我覺得靚既牛落少少海鹽已經係最好既配搭。燒香蕉，臨尾黎個燒香蕉，香蕉上面嘅焦糖燒到脆脆地，同個香蕉好夾，為今晚畫上一個完美嘅句號。

今日去食烏龍燒，環境都可以，冷氣夠大，職員嘅態度都好好，食物都好快黎。側邊有一本秘笈比你，。幾好幾好但見到有fb post講奉行自己串燒自己燒政策，但系燒嘅過程中，不斷有職員過黎講，呢個應該點燒，呢個應該甘燒，完全覺得吾系自己想點燒就甘燒。感覺比人控制，明白到職員嘅好意建議，但每道菜，如果我地用自己方法去燒。職員就會過黎講，你地可以甘樣整。系每一道菜，系每一道菜。

一向好鍾意食串燒，每次經過串燒店， 聞到嗰種燒烤香氣 ，都有股衝動想幫手“反一反”串燒， 同埋搽上大量自己鐘意嘅醬汁。 終於機會黎啦~~ 喺旺角波鞋街後面開咗一間叫做《烏龍燒》嘅自助串燒店， 每一張枱都有一個細細嘅燒烤爐， 自己鐘意點燒就點燒。每個爐上面都有強力抽風喉， 唔怕燒到成身油煙味。 一坐落枱就畀本“武林秘笈”吸引， 秘笈裏面教我哋每樣食物應該配搭邊款秘製醬汁， 就算係“烏龍”嘅我都同樣可以燒得好好味。《烏龍燒》裏面嘅食物款式非常之多， 有好多都係我第一次燒。蔬菜方面揀左燒大蘑菇，菜心同埋粟米。 大蘑菇燒起上來非常之juicy, 隨自己口味搽少少醬油同埋加自己鍾意嘅調味粉， 燒到兩面都令身就可以食得。 燒粟米方面就唔多講，我就最鐘意搽啲蜜糖，再落少少七味粉， 甜甜辣辣非常醒胃。燒菜心就最考功夫， 燒之前查搽小小秘製醬汁， 注意菜葉嘅部分比較容易燒燶， 燒到咁上下就要搵野隔一格。呢度最特別係有竹筒飯系列同埋煲仔系列， 竹筒飯係用完個竹筒包住飯嚟燒， 今次揀咗冬菇鹹蛋黃臘腸竹筒飯， 店員每隔一陣就幫我哋反一反個竹筒飯， 確保每個位置都燒得均勻， 燒十五分鐘左右就燒好， 竹筒飯充滿咗

點估都估唔到可以喺旺角BBQ，想BBQ唔一定山長水遠去燒，旺角有間烏龍燒可以自己一嘗燒烤既樂趣有多款調味料可以自己調配食物，濃淡都得燒烤一定唔少得燒雞翼，味道入味，燒到個皮脆脆地，一咬雞汁溢出鮑魚仔雖然不是好大隻，但勝在新鮮，鮮甜多汁，隨自己喜好加調味料燒雞軟骨好香脆，好香口，味道好味燒墨魚餅燒墨魚餅有技巧架，要燒好哂一邊先可以反轉，否則會散哂，好彈牙，好有口感，味道醃得剛好，墨魚味香，而且表面好香脆，入面好彈牙燒菠蘿燒熱左好香甜，多汁，菠蘿味好濃有得自己燒自己調味，自己話哂事

訂左枱都要坐等成個鍾，又唔趕客唔限食幾耐，安排實在可以改善，食咩都唔係咁等下話問要等幾耐，剩係答一張枱，間鋪唔大服務又差，呢個價錢其實有更多好選擇抽氣系統唔強，成間野都係燶味

與他都係'無飯夫婦'，所以每日放工後搵地方食飯係一件幾煩惱既事，通常搵邊間餐廳食飯都係小妹做開，因為小妹太難服侍了，又要岩我口味，最好係未食過，菜式有新意同特別就最好，所以鎖定地點後就不停來回開飯網搵餐廳！初時望到旺角新食店「烏龍燒」仲誤以為係食「烏龍麵」的，後來望到相片先知係食串燒的，見到食評所講的中式糖水沙冰、餐蛋串串同菜甫玉子燒都夠晒特別和吸引，一於去試試。烏龍燒既宗旨係:「烏烏龍龍自己燒，自自在在好逍遙。」望住牆上呢幅烏龍秘笈覺得好盞鬼!店內的設計係開放式的，沒有設置開門位，這樣空氣會比較流通，衣服也不會吸盡了燒烤的味道，但冷氣不夠會有點焗就係；每個坐位打開蓋後都可讓客人擺放隨身物品。（不過當晚落大雨就不停有雨水飛入黎）烏認燒提供多款醬汁同味粉都係餐廳主打，入坐已提出了孜然粉、七味粉、蜜糖、沙嗲醬同自加秘製醬汁。另外包括廚師特調Funny灑灑粉：海苔味粉、泡菜粉、惹味香菇粉、梅粉和咖哩粉都係兩位送一款，四位送兩款等。（散叫同醬汁一樣每款$5）餐牌部分叫完食物後自己放上去燒，好似燒烤咁，另外仲有本烏龍秘芨有講解某些食材要點燒先好食，自己燒自己調味，可以食又可以玩！腐竹糖水冰沙 $

又一間新式燒烤店~平時好少去燒烤店，因為食親都係肉，自問自己唔算係食肉獸，所以就道不同不相為謀。但呢間就好唔同拉，就咁一塊塊既肉就見唔到，取以待之既係有睇頭，又得意既新品。首先介紹飲品，腐竹雞蛋糖水飲落真係同甜品十足十似飲，唔同既係會無咁甜，飲哂都唔算膩魷魚、帶子都好新鮮。帶子仲附上蒜蓉，我就梗係落哂去帶子本身都鮮美，加上蒜蓉後就更香。魷魚就彈下、又有質感蝦米菜莆肉鬆竹筒飯原隻竹筒比客人燒，打開後，可以見到係幾咁足料每啖都有蝦米同肉鬆既香味，不過竹筒既香氣就無咩拉薑蔥爆廣島蠔就真係必食蠔每粒都好飽滿，咬落爆開既蠔味，真係無法抗拒除左食物有心思，餐廳都好細心咁準備左剪刀用黎分野食，同剪走太焦既部份都得

坐落喺兩條街交界轉灣位一間細細既食店 以燒烤為主 食物質素高 而且有創意用心 每枱客人都會有個燒烤爐 側邊 有燒汁 蜜糖 satay , 七味粉 孜然粉， 跟住可以自選一種粉 (我點左海苔粉) 其它若有想食既粉同醬汁就要另外再加錢 點可以一路keep住自己燒 一路隋喜好點唔同既醬調味黑白糯米 紫薯椰漿 甜竹筒飯 43 蚊用竹筒包住飯 然後成個放上爐燒 佢會俾個timer你 時間係14 分鐘 夠鐘就可以拎落黎開竹筒食飯 一開竹筒 黑白糯米既香味傳出黎 食落去好香椰漿味但食落唔甜 而且入面好多香甜既紫薯 增加香味 又有粉質既口感 十分特別原隻魷魚 39 蚊魷魚原條新鮮 所以燒熟之後勁爽口 建議點多d燒汁同七味粉 會十分惹味！薑葱爆廣島蠔煲 48 蚊用一個細而且通窿既瓦煲 入面放左幾隻新鮮又大既廣島蠔 燒到入面既湯滾熟為主 蠔好鮮甜多汁 而且醬汁十分濃香葱味 湯汁滲哂入蠔入面窩蛋菜莆玉子燒 33 蚊成個鐵兜放上去燒玉子 燒到金黃色時再倒菜莆同蛋漿上去 蛋醬燒到半生熟再連同玉子一齊夾上黎食 雙重蛋味再加上菜莆既爽口感 特別又好味 !黑松露墨魚滑 48 蚊 成塊睇得出係手打既墨魚餅 比較扁身 燒

去旺角行完街同朋友去白布街睇下有咩新野可以試下，行行下見到呢間新開既串燒店，可以自己燒好得意，仲爆晒場有人排緊隊！應該好值得一試，之後我就拎籌！等左一陣終於有位，一坐底就拎d醬汁同調味粉俾我地，另外有剪刀、紙巾、鉗等等既用具，燒烤就更方便。呢杯龍眼紀子菊花蜜好清甜，有淡淡菊花既香味，龍眼肉好厚、好清甜，成杯飲品好滋潤既感覺～原隻鮑魚呀佢地會配埋蒜蓉俾我地落，仲好細心處理左鮑魚既污穢及不可食用位置，燒既過程唔係就住，燒完仲可以直接食用！以$38一隻鮑魚既質素黎講，真係無得輸！鮑魚味道幾濃郁，好嫩、好有海鮮味，咬落去仲好有口感！小小既一窩金菇菜都落足料，用一大磚牛油同大量蒜蓉去煮，非常香牛油味，仲好清甜海蜇本身好爽口，加上麻辣既味道就更惹味！另外，仲有d芝麻撈埋一齊食，更香雞子打邊爐就成日食，燒烤就真係第一次！好大粒好新鮮，咬落去仲有汁咇出黎！注意唔好燒太耐，乾晒就無咁好食。牛肩胛既脂肪分佈得好平均，食落去好香濃既牛肉味，油香充斥著成個口腔注意燒果陣唔好搽豉油，因為佢本身有海鹽。生蠔都幾肥美，燒既時候都可以放一d蒜蓉，味道更加香！燒蠔既味道有好淡既海水味，咬落去好有質感。燒菠蘿好甜！！！燒

見雜誌介紹過，諗住試下，估唔到咁有驚喜！食材好新鮮，好抵食！店員仲好細心介紹，服務又周到！👍🏻「自己鐵板自己燒」我個人都比較鍾意自己落手落腳燒。食到中段都掛住食，唔記得影相😆