炻板燒 (已搬遷) 新店位置

今日去開屯門新墟，一直鍾意食燒肉既我，見有間燒肉小店「炻板燒」，一於去試試先。「炻板燒」係屯門新墟雅都花園商場地下，附近有巴倫約戲院，同凱都戲院，最啱睇戲前後時間去食番轉。午市套餐價錢好抵，今次$98就食到一人份燒肉餐連小食飲品，仲要lunch時間唔洗加一收費，正呀！事不疑遲，一於試試好唔好味先！今次點左兩份餐，一份係板燒牛小排($98)，另一份係板燒吉列牛($98)。店員首先會送上小食，麵鼓湯同飯，隨餐小食我地叫左唐揚炸雞同埋八爪魚丸。炸物小食熱辣辣，炸雞香脆內嫩，炸八爪魚丸亦做得出色，仲有飯素白飯！終於等到期待已久既燒肉啦嘩，兩碟牛肉送到面前，勁大份！肉既脂肪分佈大吸引啦！要讚下店家，每碟牛肉都有配上一片牛脂肪，係燒肉之前可以用黎抹係石板上，令燒肉時更加香口，同唔怕黏底，細心程度加分！板燒牛小排($98)， 牛嘅脂肪分佈均勻 ，用石板煎香後，外表香口，入面鎖住滿滿既肉汁，無得頂板燒吉列牛($98)， 吉列香脆加上石板煎封左牛肉既表層，兩重口感，讚！呢間小店一定要encore再encore呀！

電話訂坐，方便快捷，可能因為時間 尚早的關係，客量比較少! 可以坐卡位! 座位十分寬敞。封門柳和吉列牛必食! 兩個套餐一起上，封門牛柳， 軟滑香口，燒起來食，很有牛味， 切記不要不太熟，放上去石爐平，每面十多秒鐘就可以了。 煎香表面鎖住肉汁。吉列牛就煎香兩面， 入口軟滑，牛味濃郁，都係每面煎香就食得! 否則可能會太熟變得韌。再加送一個小食，可以選兩人沙律。選了椒鹽三文魚腩邊，都香脆可口! 如果套餐配一少份蔬菜沙律，就完美! 跟套餐的飯有日本飯素，都有水準!

今日屯門經過一間舖頭係食石板燒牛肉，經過門口都聞到陣陣嘅牛肉香味，你可以喺門口嘅餐牌見到價錢一啲都唔貴，如果你選擇外賣自取都係$55一個餐有湯有飲品。如果係學生仲抵食，學生餐有牛肉有飯有湯or飲品都係$68,都算好抵食，性價比高。餐廳入面嘅裝修都幾特別，成幅牆係好日式，仲要座位非常闊落，通常都係四人座位，你見到佢枱上面放咗黑椒，同埋食牛肉最重要嘅岩鹽，因為加少少岩鹽落去可以將個牛肉味突顯到出嚟。我再同太太嗌左兩份板燒牛小排當個石板爐嚟到，俾我哋嘅感覺係好特別，你會覺得好高級，好似係日本食燒牛肉咁首先等個爐熱左先，跟住你就要將餐廳準備俾你嘅牛油脂放上去爐面燒一陣，咁樣成個爐已經充滿牛嘅油香味，聞到已經覺得好正，跟住當然係將啲牛小排放上去燒一陣，我最滿意就係自己可以控制啲牛肉，唔會燒到太熟，當啲牛肉燒到七八成熟，已經係最正，呢個時候加少少岩鹽，一啖咬落去肉質鮮嫩，加上牛肉脂肪好均勻，你會食到陣陣牛肉香味入口即溶嘅感覺，最重要個岩鹽將啲肉味提升左一個層次，再配埋餐廳準備嗰個日式飯，食到停唔到口每個餐都可以跟一個麵豉湯同埋特色小食，我哋食咗個八爪魚丸，唐揚炸雞麵豉湯就正常，但係兩個小食都好出色

難得閒日放假，所以就同媽媽去巿中心個頭食lunch，諗爆頭都唔知食乜好，剛啱路過見到呢間石板燒的店，就決定入去睇下係咩來頭。店內的環境，看得出店主係有用心裝修和設計，牆上有一大幅日式畫，加上座位尚算寬敞，令人感覺非常舒服。Lunch Menu一d都唔貴，個set仲要包埋麵豉湯、味素飯同汽水㖭，勁抵。除了幾款板燒牛之外，仲有丼飯、烏冬同小食，唔算好多選擇，但對於lunch黎講都已經好足夠。板燒封門柳 – 一邊燒一邊食， 好正！之前未食過封門牛，原來係咁好食，口感十分嫰，而肉味好濃，令人回味，配上有味素的飯，好飽好滿足，好彩飯後唔洗開工咋，否則肯定飯氣攻心。鰻魚蛋包飯 - 個蛋包飯勁大份，包住嘅米飯炒到一粒粒，配上切到size剛剛好兼有口感嘅鰻魚，讚，估唔到丼飯都做得咁好。下次約埋朋友食個全日板燒set先，咁就可以叫多幾款板燒牛，大家開心share喇！

屯門炻板燒，位置方便，鄰近新墟街市，係雅都商場門口旁。最岩師奶仔買完餸，走過黎食lunch醫肚😋Lunch都幾多選擇，有平有貴，睇下想食頹D定豪d😂😂我就緊係試生招牌-板燒吉列牛🐮套餐（$98）套餐（$98）有麵豉湯，吉列牛6片，小食，飯素白飯同汽水一罐牛既賣相好靚，脂肪分佈平均🙌🏼附上一舊肥脂肪仔開爐用，又有油香又唔會令到黐底✌🏼吉列牛四邊都小炸過 ，食落口感豐富又脆脆地牛味好重，唔會過膩👍🏼板燒有樣好，就係自己操控幾成熟👏🏼調味既話枱面有黑椒同喜馬拉雅粉紅鹽自己加小食-8爪魚丸 炸得香脆，加左辣粉食落有點辣🤨另外叫左鰻魚配唐揚炸雞飯（$88）鰻魚燒得岩岩好，好厚肉又唔會好淋，最緊要無骨👏🏼反而炸雞就炸得乾身左軟殼蟹沙律（$68）蟹籽好多呀😱😱軟殼蟹即叫即炸，卜卜脆好食好在同朋友坐到個卡位，好舒適咁食一頓好食午餐

看了各種食評跟相片，本來覺得還可以，就順道來了小店試試水。點了168蚊10塊的板燒牛，看別人評論中照片的牛塊是一條條的，幾大塊。點知我收到的却是小塊既，吾知仲以為搞錯左。10塊牛合埋一齊等於牛柳條大小，比正常牛扒一半都沒有！簡直搵笨。牛味道不能說差，一般般，口感還可以，就是份量對比別人拍的非常不合理，當刻咋也不說，也不敢問，草草食完還餓着肚子走人。只能說我運氣差，反正200蚊食這麽10小塊心裏非常不舒服！

屯門不乏有心小店，呢日放假想食日本野，就黎到雅都花園地下炻板燒呢度食個LUNCH 相當有鄉下既感覺作為一個鰻魚控，小妹點左以下菜式鰻魚粒蛋包飯係signature 既木瓜型蛋包飯，面頭有一條條既燒汁軌道，仲有蔥花，一上枱就聞到蛋香原來個蛋皮都幾厚身，入口唔會好老；飯粒選用珍珠米，入面當然仲有主角鰻魚粒同紅蘿蔔🥕等蔬菜，飯粒索哂鰻魚汁味，而且keep到粒粒分明，味道惹味又健康跟餐仲有麵豉湯.魚老表一開始覺得呢個小食個名好搞笑😆，望埋details,原來係原條鰻魚+炸三文魚腩鰻魚係即叫即燒，所以小妹都等左一陣先上菜，果然無令我失望，大大條燒得好滑三文魚腩炸到皮脆肉嫩，點埋蛋黃醬好夾呀喂如果份量再多d就好啦麥茶+$12 就有一支消脂茶小妹表示食完呢餐鰻魚宴真係好滿足呀

今日同朋友lunch time路過呢間餐廳見佢menu都幾多選擇，所以揀咗呢間餐廳中午個陣入到去full哂不過咁岩有幾枱人離開所以我地等咗一陣就有位😍超好彩😍😍😍我叫咗份吉列牛試下因為平時都係食開吉列豬，所以想試下其他新野雖然佢既份量唔算多，但一個人食岩岩好吉列牛幾特別同好味😋😋😋本身都係抱住試一試既想法叫呢個餐點知佢令我幾驚喜味道比我想像中夾同特別😋同埋佢唔係燒好哂先上菜佢連埋個爐上埋比我地自己燒所以啲牛肉想要幾熟都可以自己控制同埋佢跟餐既醬料同啲牛肉都好match!牛既口感都係中上既質素，性價比高💯💯另外叫咗份蛋包飯份量比我想像中多🤣好抵食🤣🤣最後跟餐叫咗份炸雞同泡菜小食質素都好高！！

今日返工前之想搵啲好野食安慰下自己，準備返工又要做到嘔。同事介紹左我黎附近呢間炻板燒，估唔到真係無介紹錯！估唔到中午呢到都坐爆晒人，要等位，本身都仲擔心食唔切，但店員做野勁快手好快執好枱有位坐呢到有得用熱石板自己燒肉食，亦有現成飯套餐，今日趕住返工就唔慢慢燒啦叫左個鰻魚封門柳，鰻魚原條上，勁大條呀上面仲加左啲木魚，啲料多到睇唔到啲飯飯亦索晒啲鰻魚汁，正呀鰻魚燒得岩岩好，唔會好淋，同平時係街市買返屋企放入電飯煲咁煮完全唔同，反而好彈牙好入味，勁香口，無得彈呀！封門柳亦好重牛味，唔會過熟好硬，餸飯一流日本富士柚子汁，好濃柚子味，唔會太甜，亦完全唔似係合成既味道，高質今次無食到石板燒，呢間餐廳咗高質，下次一次要試埋佢先，叫返份靚牛坐低慢慢歎

新界牛搵野食 今次黎到大西北🙆🏼‍♀️🙆🏼‍♂️平時都甚少入屯門 為咗去Donki 走到入黎逛吓😂呢個範圍既野食都幾多選擇 同埋都幾多人最後揀咗呢間食石板燒既 純粹想食🤣最近去好幾間食店 牆身都有好多野睇🤩今次呢間牆身畫上一幅好日本風情既畫除咗有改版神奈川沖浪🌊仲有一隻好有霸氣既牛🐃又有因海浪而躍起既錦鯉 畫得好有特色🤩店舖唔係大 不過就坐得幾舒服野食種類既選擇未至於花多眼亂 不過足夠😌唯獨是覺得店舖既抽氣要做好少少🤏🏼因為隱隱約約都會聞到啲油煙味但唔算嚴重 食完出去個身唔會一陣味👍🏼同埋要讚吓個店員真係好nice 除咗有介紹食物之外間唔使都會同你傾一兩句咁 係唔錯既用餐體驗😆-🔸板燒吉列牛10片 ☻︎: 8/10 咁黎到就一定點都要試吓吉列牛既🐃佢有10片/15片既份量俾大家揀為左唔好晒 我地都係保守啲叫10片🤭一個燒牛餐有飯有麵豉湯有野飲 都算抵食😋牛既吉列脆邊做得好靚 厚薄適中用上店舖提供既牛脂肪去燒 成件事會更香🤤牛肉既質素唔差 牛味重 雪花好均勻 亦唔會過膩👍🏼至於生熟度就好睇個人喇 火喉唔會好猛 所以好好控制🍖呢個價錢食到呢個質素都算唔錯喇🤣-🔸滑蛋吉列豬扒丼飯 ☻︎: 7/10加

身為屯門牛，講真去到新墟市中心附近真係成日諗唔到食咩，今日同媽媽見到雅都門口有間日式野好似好正，就入左去！地點係我地附近，lunch都幾抵食。燒牛好似好正！就同媽媽各叫一個！一個叫左板燒牛小排，一個叫左板燒吉列牛。佢幅大牆有幅大油畫！都幾有日本色彩！有heart 既裝修！頸渴，叫左支野飲！😋😋😋😋吉列牛，套餐仲有麵豉湯同飯佢就用一舊牛脂肪放上石板做油脂！正呀！飯上面脆卜卜，口感好好！板燒牛小排，啲肉好靚呀！我地食午市平啲，就每份餐有6-7塊！午餐份量都算可以😌我覺得牛小排好食啲！仲有炸物跟！炸墨魚丸同炸雞！總括黎講都ok☺️☺️不過位置比較算偏僻，未必成日經過到！大家都可以試下呀😝😝😝

原本見到三百幾蚊有個套餐，好似幾抵咁，咁就即刻買咗啦，見佢又有小食又有嘢飲加主菜。食到一半咁再叫多一份封門柳過下口癮，追加都係$108。到埋單嘅時候，個侍應同我講$295。我當堂嚇左嚇，心諗幾時叫左二百幾蚊，個侍應同我講原來啲小食係唔包嘅，個套餐只係包兩份牛肉加飲品，你自動幫我落咗單就送上枱之後叫我俾錢，如果要加錢我就唔食啦。咁我即刻出示返張餐飲券俾佢睇，佢係話唔包只係用優惠價加購，我即刻想講粗口。大佬呀，白紙黑字寫到話有你都話可以冇嘅，咁我咪照比囉，但一定唔會再有下次，幾黃都係咁講。

屯門區真係好少見到呢類石板燒店，呢間小店位於屯馬線屯門站附近，出站行5分鐘就到，幾易揾。店面較細，大概有7-8張4人檯，一直滿座，都好多人幫襯。座位有幾張卡位，牆身係充滿日本特色嘅錦鯉畫。中午有唔少石板燒牛套餐選擇，都配左飯素白飯、小食、麵豉湯同汽水，仲有其他丼飯同烏冬套餐，同埋全日套餐。仲要唔需要加一，真係比較少有。全日獨L餐因為呢度主打石燒牛，我就比佢地嘅"全日獨L餐"吸引左，可以一次過食兩種牛。有吉列牛同封門柳各6片（$188），然後加$28轉餐（有中華沙律、飯、麵豉湯同汽水），另外再加埋枝日本富士柚子汁（$28）。每張檯都有即磨黑椒同海鹽，方便食客調味。兩款牛肉賣相都好靚，脂肪分佈平均，仲有一舊小肥肉，用來防止石板黏住d肉，想得周到。吉列牛每邊燒幾秒就ok,再點上小店提供嘅燒汁，每一口都好滿足。封門柳就自己加黑椒同鹽調味，個人覺得唔需要點燒汁，更能夠食到本身牛嘅鮮味。日本富士柚子汁都幾大枝，係碳酸有氣飲品，低卡路里又有飲汽水嘅感覺，好正。店家非常大方，跟餐嘅白飯落左超級多飯素，無論淨係拌飯食，定撈埋燒肉一齊食都咁好味。

夜晚同朋友行完街行到攰想醫下個肚，於是黎左新墟呢間食板燒牛肉既專門店試試喇～一入門口就見到牆上面有幅巨型鯉魚同牛牛壁畫，加上波浪既襯托，充滿日本風情味😍至於食物選擇方面，呢度除了有正常既日本料理之外，當然唔少得主打菜板燒牛肉啦～而且每份板燒牛都會跟一碗飯素白飯、麵豉湯同飲品，真係好豐富啊！唐揚炸雞($48)外表炸得好金黃，入面皮肉都冇分開到，每一口咬落都好有質感，沾少少沙律醬仲更加惹味添！吉列豬扒稻庭烏冬($62)嘩！豬扒炸得好鬆脆，肉汁仲可以鎖住係入面，而且仲好大塊添😋😋另外稻庭烏冬既口感好綿滑，同埋都好彈牙，配埋豬骨湯加紫菜粟米，真係冇得頂啊！！板燒牛小排10片($178)終於到主菜出場喇，一黎就已經見到雪花紋佈滿哂成碟牛，我都急不及待用附送既牛脂肪係石板上面抹一抹先，然後再放兩塊上去燒，係燒既期間已經聞到陣陣牛香味。燒好之後即刻放入口，果然肉質軟腍腍咁，完全冇嚡口感覺🤤🤤再配上一口飯素白飯，成個口感又提升左去另一個層次啦😋😋

今日，我哋去咗間板燒小店。板燒係自己燒，可以自己決定牛扒成熟程度。我哋叫咗兩個Lunch Set，包咗麵鼓湯、牛、小食、飯素白飯，我地再加咗$10轉日本飲品，價錢一啲都唔貴，真係好抵食。小店牆壁上畫有栩栩如生的魚，好靚。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽麵鼓湯：湯入面有好多昆布，味道正常，都係好飲既😋板燒吉列牛：望落油脂分布都唔錯🤩 我地食吉列牛會點一點店鋪提供既燒汁，超級好味😍板燒牛小排：唔好以為佢樣樣衰衰就唔好味，但係它先係最好味，真係好好味架。我哋唔點燒汁就咁落少少鹽&黑椒就已經好好味 好正 必推唐揚炸雞：熱辣辣既炸雞面層有七味粉，食落口有少少微辣，同埋外面脆卜卜，入面雞肉好juice，仲有仲有炸粉係一啲都唔厚，好好味😆記住點沙律醬黎食，就算唔點都好好味❤️推推推🥰八瓜魚丸：呢個八爪魚丸都係炸既，跟唐揚炸雞一樣都熱辣辣，食落彈牙、有咬口 正飯素白飯🍚：白飯上面鋪滿超多飯素，就咁撈飯食都好好味。😁日本Sangaria supkiri蘋果汁：有果汁成份，飲得出係蘋果汁黎，好飲日本Sangaria橙味梳打：好飲CP值🌟高