為食火鍋公司

营业中

休息中

這幾天忽冷忽熱， 以為會熱番點知又突然天氣驟降， 不過都好， 又可以 約埋一齊 打邊爐開懷地吃。呢間 以狗狗為主題嘅火鍋店， 牆身都有狗嘅踪影，反映老闆係一個愛狗之人。呢度食火鍋 有種玩法， 就係 每一個 部分食完之後， 當跳落下一個部分，就唔 可以返轉頭 食番對上嗰部分嘅食物。 好似第一部分就係小食， 有幾款， 好似薯條、 炸雞、沙律等等任叫任食， 食完呢部分之後， 就可以跳去下一部分 食刺身， 若果再返轉頭食小食就唔得㗎啦。飲品選擇尚可， 基本嘅都有齊。有罐装夏枯草如果唔啱欲，可另外叫啤酒整體種類都唔錯， 基本上係大包圍， 除咗有小食及 刺身， 仲有雞煲 或者係酸菜魚， 跟手仲有 火鍋， 配料 有海鮮類別係限量之外， 其他配料都係任叫。一個價錢包嘅嘢食都好多， 而且材料都幾新鮮， 性價比幾高。

周日剛同朋友跑完渣馬，對於能完成確實高興，我們更借題發揮約好食番餐慶祝。對於慶祝食嘢呢件事，最好就係食火鍋放題， 因為會盡興一啲，呢間火一鍋店位於牛頭角地鐵站 對面， 大概 兩個字左右嘅路程， 雖然係閒日都坐到咁上下人幾熱鬧咁，呢間舖嘅最大特色係以狗狗主題嘅火鍋店，見到門面招牌嘅狗狗標誌 好明顯。食物方面 對比其他火鍋店，佢哋分咗幾round食唔同嘅嘢，總之小食、雞鍋、 刺身、 酸菜魚乜都有大包圍， 而且部分係任食食到夠為止。豬大腸點些甜醬，唔錯。醬料吧選擇齊全牛嘅唔同部位都可以食到， 有埋文字介紹， 有啲部分比較爽啲、有啲比較淋啲各有特色。雞煲， 除咗主角雞肉之外， 更野味就係蒜頭啦。刺身 整體新鮮， 個人喜歡 鮮帶子刺身同埋蝦湯鍋有幾款， 今次食呢個係鮮茄鍋， 配料亦多選擇。生蠔係海鮮盤其中一款，不要淥太耐變蠔豉。飲飽食醉慶祝完渣馬， 我哋又再定下目標，為下次食更好而努力。

今日約左一位好耐冇見嘅朋友聚舊，想搵個地方慢慢傾，於是就諗起呢間無限時嘅邊爐餐廳😝 呢到嘅火鍋係分開幾round咁叫，先食round 1小食，小食入面嘅炸物都係即叫即炸，所以黎到嘅時候都仲係熱辣辣，每一樣嘅小食都好正，所以我地都有再叫多次😋 最推介炸薯條同炸大腸之後就開始食刺身，三文魚好肥美，大蝦都好新鮮，北寄貝都好爽口👍🏻👍🏻之後就可以揀食雞煲/酸菜魚，而係我哋今次就揀咗寵寵雞煲。雞煲味道好香濃，有好多雞肉，肉質嫩滑😋之後終於到主角-火鍋，我哋今次揀咗高湯牛尾嘅湯底，可以更加突顯肉嘅味道。呢度嘅牛肉都好有牛味🤤呢個價錢仲有海鮮食，真係好正😝之後可以用手機落單揀唔同嘅配菜，好方便，而且上菜都好快。佢嗰三款丸同埋手打烏冬都好正，係一般火鍋店食唔到嘅味道。

琴日3個人食288果個餐 小食刺身冇特別 酸菜魚簡直不知所謂 完全冇味 同滾水淥冇分別 食左一半 直接打邊爐算 跟餐牛肉拼盤成盤都係頭頭尾尾既牛肉碎 以上都唔係重點 淥菜食 發覺勁勁勁大條新鮮生猛鼻涕蟲係菜度 但係已經掉左落煲 咁就叫店員換過新煲 但女仔朋友已經嚇到唔敢食 唯有同店員講唔洗再出餐加埋單 然後坐左10幾分鐘都冇人黎 再追問同一位店員先講係出面埋單 成件事入面 兩個店員一男一女完全係成碌木咁 踢一踢郁一郁咁 你地既反應同態度反映到你地係完全唔當係咩一回事 我地完全冇提出過咩要求什麼免單之類都冇 直到我哋埋單離開一句唔好意思對唔住乜嘢都冇

新的一年相約朋友新春團拜食好西，去朋友工作附近吃火鍋，這裡的超級豐富豪華套餐很吸引。因為除了無限時任飲任食外，早一天訂座可以奉送時令燉湯。這裡裝修很火猛又得意，因為牆上面滿滿都是可愛狗狗的大得寫。套餐由ROUND 1食到去ROUND4，吃完一圈輪住吃下一圈的。今日的是日燉湯是蟲草花燉雞湯，很滋補的一款湯品，味道香甜濃郁喝下好舒服又潤喉。ROUND 1是餐前小食*********************點了薯條、唐揚脆炸雞、蟹籽沙律、酸甜炸大腸、鮑汁雞腳，炸雞外脆內軟而肉質鮮嫩多汁，炸大腸很鬆脆甘香，鮑汁雞腳煮得夠入味。ROUND2前菜五點刺身盛合(一次性）**********************三文魚、北寄貝、帶子、牡丹蝦、油甘魚款款都很新鮮，真的鮮味迫人，帶子很厚身又鮮甜而牡丹蝦很大隻。ROUND3 頭盤二揀一：為食酸菜魚(一次性）/任食寵寵雞煲******************************朋友喜歡吃雞煲所以點了寵寵雞煲，一大窩材料很豐富，每兩分鐘炒一炒要炒四轉，熱辣辣超香濃的雞煲很惹味，這裡還有給牛栢葉、魷魚和豬皮放落雞煲一起吃，配料吸滿醬汁超正。ROUND4火鍋

呢間火鍋一直都好旺場，基本上成TEAM約食飯都會落泥，就腳又好食，款式種類又多，刺身雞煲火鍋混合，一次過食哂曼食既野，真係非常港式式。今日老細請食飯，為佢精打細算食個抵食餐，$288就已經無限時任食，仲有埋任食和牛同鹿兒島豬肉，真係好抵食。前菜任叫，我地分別叫左炸雞、蟹子沙律同埋蕃薯條。呢到炸物有水準，新鮮炸起熱辣辣，亦可按人數比份量，十分貼心。侍應仲提我地可以食夠先落下一PART食刺身，不過落左刺身就無得返轉頭叫小食。我地都有保留地只ENCORE左炸雞，就乖乖叫刺身同即叫起埋個雞煲。刺身有3款，三文魚、北寄貝同牡丹蝦，屬正常既好食，我地又好快吞哂。雞煲上台時，雖然侍應有溫馨提示我地每2分鐘要炒一炒，我地兩個轉個頭就忘記左，搞到燶左底。雖然雞煲既外貌受損，但無阻佢既美味，依然好嫩滑，肉質亦相當不錯。二人分量雖然唔算多，但食得落係可以無限添雞既，我地最後都添左一轉。食完雞後侍應就幫手落埋邊爐湯底，去到呢到，我地己經飽左一半，所以都係清清地叫蕃茄薯仔湯。好快比埋QR CODE我地落火鍋料，亦好快手上埋海鮮拼盤，入面既蝦同蠔都非常非常好食，蠔正常SIZE但非常鮮甜，而蝦夠新鮮大隻肉質結實，絕

一個價錢滿足三個願望🥰😍冇限時‼️‼️‼️為食火鍋公司 (觀塘)觀塘創業街15號萬泰利廣場地下C號舖🍲冇限時火鍋盛宴 $368 (一位)😋時令燉湯幾足料、老火靚湯暖下個肚仔再食大餐😋餐前小食: 叫咗唐揚脆炸雞同蟹籽沙律，幾開胃，質素ok😋五點刺身盛合(一次性)刺身都新鮮，特別係帶子同蝦好鮮甜, 分量適中，質素好過一般放題😋任食雞煲醬汁非常濃郁，大量配料，食落好香芫荽味，孜然粉味，洋蔥、雞件滑而勁入味，可以任添！😋火鍋✔️湯底清甜，叫咗薯仔蕃茄 （可以喺自助吧拎幾舊粟米熬個更甜嘅湯底😋) ✔️先上一個海鮮拼盤，象拔蚌同鮑魚爽口彈牙，蜆肉同蠔脹卜卜，好濃味，全部乾淨冇沙✔️多款牛肉，各部位各有特色，均重牛肉味✔️其他配料蔬菜類就有自助bar同另外設有手機下單，基本打邊爐材料一應俱全✔️Encore: 鹿兒島茶美豚, 手打黑/白滑鮮✔️醬汁豉油特別一讚，唔會過鹹，食落比較健康之餘，唔會掩蓋肉類本身嘅香味👏🏼所以食物質素都不錯，感覺好似食自助餐😂 好多野食！會encore😋Igable打卡度：8.5/10Taste 好味度：7.5/10 Worth revisiting返兜度：8/10

估唔到尼間野質素甘好，地方闊綽，都幾好坐，員工服務態度好好，野食都好唔錯，有好多好得意既哥基相，鐘意哥基既真係可以去一轉，最緊要冇限時，可以慢慢食仲有尼間最特別係分頭盤呀前菜，食幾多叫幾多都幾好，啱曬我心意，唔會拿太多變左浪費野

同事出外工作後，發現這簡潔感覺之雞煲火鍋店，因而，今晚選擇和他來一個火鍋聊心事天，一次過可以滿足吃不同之肉～店子雞煲免費任吃，無限時任食添～第一個快樂是小吃，有不同快樂小吃，同事點了炸雞和蟹子沙津。第二個快樂是刺身，好棒喔～二人吃有三文魚，赤貝，蝦～第三個快樂是鮑魚、海蝦、蜆等，是日海鮮選擇多，這個海鮮選擇每日提供時令海鮮，海蝦丶沙白蜆丶大堆頭，滾翻熱便可吃，其中最愛吃青口～彈牙香口！要廣島蠔和貴妃蚌都很新鮮。不用調味，湯底味道也會濃郁。第四個快樂是正式火鍋，火鍋配料也很多，丸類棒～棒由於我們是收工後馬上到店子，所以還未滿座，裝潢清新，餐桌寬敞乾淨！飲品也是任喝，啤酒是需要收費，同事不想飲，沒有點上啤酒！拿了飲品後，刺身也送到，刺身新鮮，顏色十分鮮豔！餐牌上所寫的火鍋配料也很多，丸類好棒！丸類非常特色，必定要試！豬肉丸內有芋頭～鮮味十足，菜及菇類是需要自己走動走動，到雪櫃那邊提取喔！自助出面亦有很多不同的菜～芋頭、薯仔等配菜，味道濃郁，吃完不覺口渴～自選鍋底，鮮味湯底配上高質牛小排，輕輕勺一勺，豉油亦不用加，肉質嫩滑，牛肩胛脂肪少，店子也有其他火鍋配料，包括特色丸類，蔬菜選擇有羽衣金蘭

📍為食火鍋公司 (觀塘)呢間餐廳嘅雞煲同埋邊爐都係任食，而且仲係冇限時，唔使急急腳咁食。✨為食套餐 $288/位1️⃣ROUND 1餐前小食炸瘋薯條、酸甜炸大腸、鮑汁雞腳、蟹籽沙律、唐揚炸脆雞2️⃣ROUND2 前菜三點刺身盛合3️⃣ROUND3頭盤任食寵寵雞煲4️⃣ROUND4 火鍋盛宴雖然小食係任食，不過只限食刺身之前。雞腳又腍又入味。炸瘋薯條外脆內軟好香口，所以我哋encore咗😂。炸大腸炸得好香脆，不過任食嚟講真係太邪惡🫣。刺身拼盤包括三文魚、北寄貝、甜蝦。我哋唔食三文魚所以走三文魚😳。✨為食海鮮拼盤 是日5款（一次性)鮮蝦、蠔、蜆、半殼元貝、脆肉鯇、白鱔片海鮮比想像中高質素。蝦肉同元貝都好鮮甜。蠔肉大隻唔縮水，一啲腥味都冇。✨為食牛肉拼盤 5款（一次性）潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯肉質最軟嫩係SRF和牛肩胛肉眼芯。不過偶爾食下爽脆嘅黃喉都唔錯。雪花一口牛就比較易淥得太老，所以我哋唔係咁推介🥲。佢哋仲有唔少任食火鍋配料。鹿兒島茶美豚甘甜冇羶味，肉質幾嫩滑。寵寵濃汁牛肉丸真係超多汁，好值得encore。手工一口雲吞同魚皮餃相對就普通啲🫢。📍為食火鍋公司 (觀

為食火鍋公司喺牛頭角站行過去，唔識路嘅我第一次真係搵唔到，附近都係工廠大廈，入夜之後最旺應該就係呢間餐廳！嗰日係平日夜晚，但都好多人嚟食，任食火鍋仲要唔計時，咁都唔使$300 ，真係超級抵食。套餐好特別，有分唔同嘅次序食，首先係食小食前菜，可以揀炸雞粒薯條，鳳爪等等，全部都係任添，特別推介炸雞粒！接住落嚟係刺身，不過不失！之後就係食酸菜魚或者雞煲，咁我哋揀咗酸菜魚，其實食到呢度都飽飽地，全部野都好好味(*¯︶¯*)最後先係今日嘅重頭戲，火鍋！湯底比出邊嘅特別，我哋揀咗牛骨湯，清清地淥菜嘅時候啲菜特別甜整體來講10分推介，非常啱同同事朋友一大班人嚟食，一定會更加開心

呢間人氣放題火鍋店，每次經過都見到好多人，已經想試好耐，嘢飲有好多選擇。呢間火鍋店都幾企理，佢個食法幾特別，會分開咗前菜、刺身、火鍋一層層咁樣可以食，但係每食完一層之後，就唔可以返番轉頭。前菜有炸瘋薯條、鮑汁雞腳、唐揚脆炸雞、蟹籽沙律同酸甜炸大腸，我覺得最好味嘅係鮑汁雞腳，整得幾入味，同埋我見個個都有加多幾隻。之後就上三點刺身，有三文魚刺身、赤貝同埋赤蝦，全部都幾新鮮。之後叫佢上竉竉雞煲叫咗個小辣，雞煲都幾香口，中間唔記得咗攪拌頭嗰個，所以整到燶燶哋，食咗一轉已經開始有啲飽，之後就開始食火鍋。湯底就叫咗櫻桃鮮茄薯仔湯，佢有兩款一次性嘅食物，分別係為食牛肉拼盤、為食海鮮拼盤。牛肉我最鍾意就係黃喉，咬落去好爽脆，海鮮隻生蠔都好鮮甜。之後任食嘅牛肉有牛腰脊、牛胸腹、肩胛肉，任食牛黎講都算靚，好重牛肉味，食咗起碼十幾碟。紫菜響鈴、 炸魚皮，兩款都夠脆。佢個濃汁牛肉丸，爆汁都幾正喎。珍寳蟹柳真係超級大條，又係幾好味。食埋個菜，真係超級飽。

天氣又開始凍返😋😋又到打邊爐嘅好時光😍今晚相約舊同事一齊去食無限時打邊爐🐣餐廳光猛，坐得闊落👍🏻睇下餐牌入面勁多野食🤤我地點左豪食套餐🤩🌸時令燉湯，飲完成身暖笠笠😆係燉雞湯黎😋🌸小食可以任點同隨意加單😎簡直滿足左我地食小食嘅願望🤩有炸薯條&甜蕃薯條，唐揚脆炸雞，蟹籽沙律，酸甜炸大腸，鮑汁雞腳。🌸五點刺身盛合，刺身有厚切三文魚，帆立貝，油甘魚，赤蝦，北寄貝😍味道好新鮮😋又大塊🤓🌸任食寵寵雞煲雞煲係任食嘅，我地點左bb辣，店員教我地炒香雞件黎加入魷魚，牛百葉，豬皮一齊炒香❤️雞件好香嫩，配料都超入味😋味道香香辣辣🥳我地揀左黃金皮蛋芫茜湯底🤩🌸海鮮拼盤有大大隻鮑魚&元貝，厚切龍躉片，大大粒蠔，蜆，彈牙鮮蝦，白鱔片🤭🌸牛肉拼盤入面好多罕有嘅牛肉款式，包括潮汕五花趾，吊龍伴，手切牛頸脊，黃喉，澳洲封門柳，熊本雪花一口牛，SRF和牛肩胛肉眼芯，SRF和牛三角肉🤩當中黃喉係第一次試，口感都幾好😋我地仲可以任點其他配料，食完之後大滿足❤️

星期日夜晚同屋企人出街食飯，今次選擇左嚟呢度食火鍋雞煲放題，最開心係冇限時，可以同屋企人慢慢傾偈慢慢食，享受天倫之樂。我哋揀咗$288嘅套餐，星期六日同埋公眾假期係需要加$10。店員都清楚講解流程，會按住餐牌嘅次序食，每轉第二round係唔會有得返轉頭，所以大家都要食到夠晒皮先轉下round，同埋有啲食物只係供一次性。第一round係餐前小食蟹籽沙律青瓜爽口，撈埋沙律醬同蟹籽，食落清新開胃。炸瘋薯條薯條炸得香脆，而且薯仔味都幾濃。酸甜炸大腸炸大腸處理得幾乾淨，外脆內軟，酸酸甜甜冇咁油膩。三點刺身盛合刺身有甜蝦、三文魚同埋北寄貝，都幾新鮮。甜蝦爽彈、三文魚肥美，北寄貝鮮甜爽口。寵寵雞煲雞煲叫咗小辣，一上枱已經聞到陣陣嘅麻辣香味，雞肉皮滑肉嫩，夠晒入味。豬皮、魷魚、牛柏葉，同雞煲一齊炒，索晒啲麻辣汁，好正，爽口入味。食夠雞煲就開始打邊爐，湯底方面我哋揀咗櫻桃鮮茄薯仔湯，酸酸地幾開胃。為食海鮮拼盤拼盤有鮮蝦、蠔、蜆、半殻元貝、脆肉鯇、白鱔片，全部海鮮都幾新鮮，鮮蝦彈牙，蠔同蜆脹卜卜，味道鮮甜，脆肉鯇同埋白鱔肉質結實清爽，元貝肉厚多汁。為食牛肉拼盤包括：潮汕吊龍伴、黃喉、手切牛頸脊、熊本雪花一

見天氣涼涼地，同朋友一行四人一早卜左位，星期日夜晚去左食仼食火鍋。食次叫左冇限時次鍋盛宴-$378一位(星期六日同公眾假期加左$10，平日$368)，姨個餐如果早有訂座，會送時令燉湯。性價比勁高，食到勁飽，又好食！佢有分幾round，去左下一round就無得上反上一round。ROUND1餐前小食: 炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳，可以仼！叫！特別推薦鮑汁雞腳同唐揚脆炸雞。ROUND 2 前菜(一次性): 五點刺身盛合，刺身都好高質，特別係三文魚，好厚肉。ROUNO3頭盤: 二揀一：為食酸菜魚(一次性）/任食寵寵雞煲，今次就叫左雞煲，佢仲會附上豬皮魷魚，我地叫左小辣都辣，不過好惹味！好食！因為仲要打邊爐，所以就無再添加第二轉雞。ROUND4火鍋盛宴:櫻桃鮮茄薯仔 /黃金皮蛋芫茜 /高湯牛尾 /麻辣鍋（鴛鴦鍋+$30）我地叫左櫻桃鮮茄薯仔，好清甜，唔係用味精既湯底。豪食海鮮拼盤 是日6-8款（一次性）豪食牛肉拼盤 8款（一次性）姨兩款拼盤一上到黎大家都哇左聲，好高質。海鮮好鮮甜，牛肉好多款，都勁重牛味！食完仲有勁多配料可以叫，仲有得仼叫好多高質牛，推薦澳洲