炳記茶檔

营业中

休息中

今日朝早黎到大坑做野，見帶時間拿拿臨搵間茶記食個快早餐。點知搵到炳記，見佢夠「麻甩」唸都無唸就坐低左 （雖然果日成30幾度）😀叫左紅腸餐肉粉蛋出前一丁，bonus係有幾條生菜，如果下次有多d時間就黎試佢既美極腸仔煎雙蛋🤪

今天去大坑取蛋糕，看到炳记茶档，好多人，那就试试吧，排队大概一刻钟吧，然后室外的很热，位置还算多，后来好多人，所有菜品都还ok，但是就是觉得和平时吃的没什么太大区别，不会再去

今天同同事到大坑開工，經過見到一間綠色大排檔，好多人在排隊就走去試試，叫左個豬扒麵同凍奶茶果豬扒麵喺秘製豬扒辣辣地幾好味，杯奶茶都幾香濃，個奶油多是厚身的勁脆口，個辣椒油是自家製的,好香左好辣，行門哩頭，都可以試試。

據說是香港四大奶茶王之一在這樣的環境品嚐美食，可說別有一番風味，因為環境的獨突，令食物加分不少。個人認為他們的奶茶味道，奶味略為不足，可能因為所選用的花奶，未如黑白牛奶香濃，但茶味卻是足夠。這裡主要提供公仔麵，及一些快餐，適合香港人的快節奏。因為我們已經吃了午餐，還是飽肚，所以只是點了豬扒拼雞翼（單點)，據說也是招牌推介之一。有點黑椒香味，也是有點特別之處。這裡有不少遊客光顧，主要因為慕名而來，個人認為這裡的環境風味，比食物更佳。因為這類的熟食檔位，在香港已經所剩無幾。

實在太熱唔記得影相其實我唔係住港島區但係成日都好想再食呢間豬扒麵同奶茶，連續落咗幾日雨一係就大太陽，等左成個月冇食過。終於決定今日咁熱都要去食豬扒麵熱奶茶，奶茶真係好滑好好味，幾乎係我全香港飲過最好味嘅奶茶！豬扒麵更加唔使講見到台台都係叫同一樣野香港其實都只係剩返好少小店，真係要多啲珍惜同埋識多啲，因為唔知道幾時有一日可能就冇得再食啦

豬扒切到好細粒，形狀同台灣滷肉無分別，咬落去又硬又鞋，完全唔知食緊咩，得個咸字。雞翼咬落去好有韌性，咬唔斷一樣，滷水雞翼做到咁差 真係少見。公仔麵話係出前一丁 食落去又係鞋口，湯底又無出前一丁隻味，真係寧願佢比福麵，加d熱水比我焗熱食好過。環境質素無乜好評 始終後巷就預左唔衛生。而員工質素就有待改善，侍應鞋口鞋面咁。只能說十分差！伏到爆炸，完全唔知d評分係邊度黎。如果未食過既 建議大家唔好去，普通是但一間茶記都好食過佢。

老公今日生日。一起身佢就話要去呢度食早餐。今日佢牛一冇理由唔聽佢講嘢早上8:30到達竟然都要排隊，雖然好快有得坐低。我自己鍾意食清啲所以叫咗豬扒米老公一如既往叫咗豬扒麵食，佢一路食一路用個風扇仔吹住自己。咁熱都喺度食證明真係唔錯。大排檔冇風扇呢度嘅魚露辣椒🌶️非常好味。我自己唔食得太辣都加咗少少落去。老公起碼加咗五六spoon食完一碗麵都好似未夠再加多左多士牛油煉奶麥多。非常之好味道奶茶都非常好味。強烈推介。

不是第一次幫襯這間食肆，所以本文經過多次觀察的食評服務態度那個唔知是老闆還是夥計的人經常口黑面黑，仲要規定客人先叫食物才可以叫飲品，一搞錯次序又克里面，首先我唔明點解要先叫食物才可以叫飲品，而且有朋友未食過的會被它嚇怕。食物方面飲品方面，曾經贏過港式奶茶比賽，奶茶質素中上，有少少茶味但距離一杯好奶茶，例如灣仔金鳳，相差好遠好遠。麵食方面完全失敗，講到好出名的豬扒又（鞋）又無味，所用的公仔麵和米粉不知何故都十分（鞋），入口口感差到爆。成間食店只有多士和三文治比較好。總結1. 排隊時間好長2. 預咗要受氣3. 食物質素十分低4. 賣點是大排檔，但環境十分分差5. 不會再來

過咗午市先過去食，今次可以坐擁最靚景的台！不得不叫馳名豬扒同雞翼吧？豬扒鬆軟又煎得香，仲熱辣辣幫你分開上，都係果句啦，細位最見誠意。雞翼非常入味，輕輕一咬就骨肉分離的地步。隻麵最有誠意唔會煮到淋曬，而係佢比好多生菜，有樣阿媽驚你唔食菜之心喺入面！街邊大排檔買少見少，假日炳記仲大排長龍，要預返時間！見老闆滿場飛，似乎邊享受邊做，正呢！

I went to this restaurant with my husband during weekend. This restaurant is my husband favorite place to have breakfast. Today we were little bit late, I was too slow to get change . There was a long queue when we arrived at 10:00am. Waited for around 20 mins before we could seat down and eat. We ordered two bowls of pork noodles as usual and a cup of milk tea. We couldn’t find another place that serve similar style of pork noodles. The pork is delicious even they served together with the noodl

食物本身是OK的就不做過多評論但此店家服務態度超級差！！！我點了一碗麵一杯奶茶，吃到一半收到whatsapp便拿起了電話。服務員見到竟然把我的麵和奶茶拿起來放到一個角落的桌子上，跟我說「要玩電話就在這裡玩啦」Excuse me????今時今日還有這樣不尊重客戶的店？拿了一下電話直接把食物端到另一張桌上趕走客人？你這樣的態度還完全沒有歉意之後誰還敢來這裡吃東西？東西再好吃能上天？絕對不會再來！！！十分不推薦！

今天因事，早上來到了大坑，當然要去去名氣大大，態度差差的炳記食個早餐。果然不失所望排隊的時候便見識到老闆 hair dryer 的本色，當然被鬧的人感覺上是整個食早餐的其中一部份，沒有太大的感覺。我叫了豬扒香腸公仔麵和熱奶茶，豬扒確實是做得很好味，很入味。腸仔還是腸仔公仔麵沒有很能做得很好。唯一有點美中不足的是可能我叫了腸仔和豬扒，所以面有點偏鹹。奶茶確實很有特色很香滑和濃厚。這家看似是霸佔後巷的特色大排檔，場上還掛了不少裝飾。我看到有一張是香港歌手陳奕迅信2002年送給他們的。值得留意是小店下午三時便關門，太晚去到的朋友可能要失望。

一直都好想試炳記，今日終於可以朝聖！由於下午要返工，我就同男友去食過lunch，朝早落狗屎，幾怕佢關門，但好彩好快停雨。去到1點幾已經見到有條龍，但都照排啦，等左15分鐘，個哥哥已經開多幾張枱應付人潮。不過全部都係坐室外，各位去之前要留意，但我就係中意呢種大牌檔風味。一坐低阿哥哥已經催你落單，然後又會叫d人食完就走，因為好多人等緊。小妹就嗌左雞翼腸仔米，加奶油多，熱奶茶男友嗌豬扒雞翼麵，凍奶茶。雞翼腸仔米，佢地的招牌係豬扒and雞翼，說真的，好好食，我覺得咁的價錢呢個質素，真心幾好，米粉同腸仔不過不失，佢仲有自製辣油，不過無食。豬扒雞翼麵，男友話都75分，係個麵無乜味，湯好似滾水咁，又唔似丁麵，總之個敗筆係個麵度。奶油多，呢個係我黎的目的！外脆內軟，正到爆！幾飽都要嗌呢個！奶茶，幾好飲，但本人不嬲唔好奶茶，唔識評論，茶味好夠，奶都濃郁。總結，會再encore

今早九點到，諗住啲人返晒工，點知要排隊，好彩好快有位，冇諗過閒日都要排，不過我之後就冇左條龍。第一次朝聖，當然豬扒米加熱奶茶，杯茶真係好得，豬扒不是想像中的硬，仲幾林。朋友見周圍都食多士，就加了蛋牛治烘底share來食，朋友最喜歡這個，烘得好脆。傾談了一個鐘很開心，期間有兩位說普通話的紋身大漢遊客搭枱，他們問我們見不見到Eason，原來是追星🤩，他們吃得很辣，見店員拿了特製指天椒比佢哋加，佢哋話好正，我就唔食得辣。總括來說會再幫襯👍🏻

炳記茶檔是一間令我又愛又恨的茶檔！最愛便是佢地既多士和奶茶。每次幫襯最少叫三份多士才能夠皮。今次難得經過大坑，緊係要去幫襯一下。一樣例牌凍奶茶走甜，但今次因爲怕肥，所以只敢叫了兩份多士。今次分別叫了油麥多和油占多。油麥多吸引之處是烘底的麥包裡會暗藏提子乾在裡面的呢，查上牛油後，鹹鹹地之餘再加埋提子乾那酸酸甜甜的味道，對我來說是很開胃的，所以次次都會不經不覺會叫多份。而油占多是我由細到大最鍾意既多士食法，牛油加果醬真是完美配搭，這個都是我必食之選。當滿足地ko完兩件多士後，惡魔又出現了。竟然比我見到隔離枱叫了一份奶油多也滿吸引的呢！最後還是輸給了魔鬼又再叫多了一份奶油多。當我還沉浸在罪惡感的情況下，奶油多終於上枱了，當下所有罪惡感一掃而空。真是很好味呢，甜甜的很美味，最緊要是多士烘烤程度剛剛好是我喜歡的鬆脆度。買單的時候，老闆都打左個突，驚訝我一個人居然食了三份多士呢。哈哈，沒錯！身為麵包控的我，我確實是沒問題的。