炙・宴 (V City)

营业中

休息中

Vicity 新開了幾間餐廳，炙宴、但馬屋未有都未有時間試吓，難得今日放假可以一試，今次試了炙宴。門口裝潢設計像日本居酒屋，掛了幾隻紙的豬燈籠。店來坐位都算寬敞。入座後叫了個日本和牛丼，南蠻炸雞，炸墨魚，煎餃子。南蠻炸雞味道還可以，但是不脆，只有5小塊，炸墨魚來了，我呆了一呆$50只有數少塊，以為味道有驚喜，點知味道超一般。另外，餃子味道真的很普通。為一味道不錯就是和牛丼，但只有5少塊。我相信只試一次便夠了。CP值太低

星期五晚上7點去到，不用等位，直接入座，店內還有坐枱。餐牌十分多選擇，有豬牛雞三文魚，最後叫左個豬頸肉飯，完全無火炙的香味，感覺就是普通的煎豬頸肉，極度失望，不符合商品說明啊。醬汁方面，同我媽用豉油糖煎的豬頸肉味道一樣，但餐牌上明明是寫特制日式燒肉醬汁，真是十分奇怪，這也算了，整碗飯醬汁很少，很乾很難送飯，最後吃剩了半碗白飯。而且，那幾塊豬頸肉簡直是肥得離譜，脂肪和瘦肉的比例幾乎是1比1，拍得住豬腩肉，早知道食腩肉好過。上百元單單吃一碗住家味道的豬頸肉飯，前菜麵豉湯沙律飲品都要另外加錢(還好沒有加)，好唔抵。

餐廳坐位不多，但都不用等位。 店內職員甚多， 上菜都比較快。叫左個特選宮崎和牛飯試下，$159。成個menu 入面最貴，另外可以加配面豉湯。和牛薄薄一片，脂肪感重。配上燒汁，相當惹味。但分量唔算多，價錢相對貴。另外叫左個豬手面，$88。豬手得一舊，但都幾大舊。豬手炆到好淋，但只係食到咸味。面質似中式面，更粗身，面粉感重，增飽腹感。至於個湯，乳白色，咸咸地咁，冇咩香味，食唔出咩湯底。成個menu都係散叫，選擇亦比較少。價錢都唔平，和牛控可以試試，但我就食過就算啦。

7:30入座唔係太多客人，要咗個普通豚肉丼飯，店長推介嘅日式汁燒豬軟骨，牛油燒帶子，帶子係雪藏貨色，即係食到牛油味食唔到帶子鮮味，個豬軟骨黐立立，啲肉勁鞋，個飯都有6.7塊豚肉，但肉質偏冧，冇乜咬口，好似用咗好多梳打粉葉舊肉，味道偏鹹，白飯係日本米，口感包滿有飯味，入座只會提供熱水，今日要食藥，冇嗌野飲，同侍應想攞杯常溫水，個侍應即刻黑面，普通貨色試一次就夠，不過個門口裝飾得幾吸引，除咗豚肉丼飯，仲有牛，雞，三文魚揀，

大約三年沒有踏足屯門新墟了是次因為與友人行山後的撤出地點於屯門附近這裡的食肆都頗大的轉變，以前平價餐廳比較多這間日本丼飯也是最近才開張的同行屯門友朋友也未試過門外非常多的人等位雖然這店只是吃丼飯，但有豬、牛、雞、湯麵，加起來超過十款選擇困難症的人士真的非常頭痛我選了MENU第一頁推薦的招牌菜 - Aburi-En豚肉丼 - $72少有地將豬類放於MENU的前部份，又稱為北海道十勝名物，應該是主打、比較出色的菜式豬肉大約有六大塊左右，肉質偏瘦，只有邊位帶點肥肉有些肉塊剛好可能醬料較少，遮蓋不住有點雪味，有點像我家中自己煮的但其他醬料夠的，又很好吃整體其實很細碗，要比喻就像某連鎖店的細丼飯的SIZE另一朋友點了沖繩琉香豚肉飯 - $108可能肉質比較高級，但跟「Aburi-En豚肉丼」分別不大賣相感覺上較好及份量較多最後一位朋友點了南蠻炸沖繩雞丼 - $72南蠻炸雞出名很多食肆也有，不會陌生這份量明顯較上兩款多朋友非常滿意

專登來試試遠在日本來香港新開餐廳，專門食豚肉飯，味道真的不錯👍🏻 豚肉帶有小許薑蔥味 ，另一個揀了和牛飯，真的入口即榕呀 ，其他小食都是麻麻地。 重點：飯份量太小。

從i.g.上看到有焼和牛丼，心諗正但因屯門唔就腳遲遲都未去，今日終於從九龍入屯門試，點知食物普通、份量普通、態度普通、晚市連水都無杯但仍收10%charge 同快餐一様

📍Vcity 新開食店要加一 但服務差餐牌好吸引 但好失望囉 如果唔係其他餐廳落左場都唔會試如果見到好多食客=大家都第一次入去試伏野整體 好唔值呢個價 仲要加一 普通餐廳58$質素都好過你地 檢討下啦唔該—————————————————火炙三文魚親子丼 $108口感一般 唔新鮮 食唔出火炙 三文魚薄 份量少 睇圖以為好多囉賣相都唔吸引 飯都係一般服務態度差 唔想做就番屋企啦 mui嘴mui到咁 唔講以為你先係客人重點係佢唔值呢個價 呢個價可以食到好肥美新鮮既火灸三文魚啦唯一可以讚係地方闊 無咩人 幾光咁 上菜速度都幾快整體 好唔值呢個價 仲要加一 普通餐廳58$質素都好過你地 檢討下啦唔該———————————————————-當店名物豚肉 No.1 $72咁既質素仲number 1??其他係咪唔洗試啦。。。豚肉唔新鮮唔juicy 自己整可能仲好食豚肉係幾肥美既賣相好唔靚 圖文不符囉大佬整體 好唔值呢個價 仲要加一 普通餐廳48$質素都好過你地 檢討下啦唔該———————————————————勿試 伏

見到新開張，諗住試下 。都幾失望，只係一間好普通食物水準嘅一般日式餐廳.燒雞有好重嘅雪味。要用七味粉掩蓋雪味，餃子好油。 三文魚薄薄幾片， 啲侍應只係喺度傾偈。 冇興趣會再來試，

💖心心推介💖*炙·宴*🍱🍹🍤🥗🍤🍹🍱屯門 V City 新店，門面擺左3隻小豬，日式裝潢，開放式格局，內裡光線空調充足，座位密密麻麻，略為擠逼。以商場內中央空調為主，入座後有少少焗，怕熱既建議坐靠外面的位子。😏😏😏😏😏😏😏😏😏😏今日同屋企人過黎試試，我地點左 特選宮崎和牛飯同埋 燒帶子。由於埋單已經400幾，所以冇另外加其他食物/飲品。🤤🤤🤤🤤🤤🤤🤤🤤🤤🤤特選宮崎和牛真係好好味🤣🤣🤣🤣🤣🤣和牛完全冇筋，容易咬開，口感新鮮好滋味。個飯就好失望，煮得差，襯托吾到美味的和牛。🤗🤗🤗🤗🤗🤗🤗🤗🤗🤗燒帶子一口食好滋味🤣🤣🤣帶子大隻厚肉，上面放左蔥襯托，但好似放涼左，口感同味道差一點點。💞💞💞💞💞💞💞💞💞💞😋😋😋😋😋😋😋😋😋😋*想了解更多歡迎細閱（下面）*☎：28893018*🍛：炙・宴屯門屯門鄉事會路83號V City商場1樓L1-3號舖*🕐：星期一至六及公眾假期11：00-22：30*星期日11：00-22：00💬💬💬💬💬💬💬💬💬💬💗💗💗💗💗💗💗💗💗💗#foodie #foodporn #Openrice #instalikesandfollowers4u #tbt #rocket_hasta

見佢新開張，唔使排隊就入去試下。感覺上同一般日式料理餐廳冇咩分別，但一開始點餐已經有問題，落錯單都算了，我點嘅餐有加到十蚊要個味噌湯，但送餐嘅時候冇連湯送黎，同個仕應講話漏左個湯，佢可以全程篤住手機同我講嘢點餐到送餐時間上亦等得比較長，而送黎嘅餐個飯碗邊全部都係汁一掂個碗就成手都係，如果係茶餐廳我都算了，但你都算係中高檔嘅食市掛？（價錢唔平）竟然係咁嘅質素？客人見到個碗都唔開胃啦整體上感覺一般，唔會再去食

今次再來v city經過這店，剛開舖，填補上次想吃的好奇。又是brunch time，和朋友一人點一餐，朋友點豚肉丼，送雜菜沙律加麵豉湯；我點了火炙豬腩肉豬骨湯拉麵送雜菜沙律，追加迷你冷豆腐配京蔥白飯魚。朋友說整體質素不錯，比丼丼屋的餐好吃；和我之前在其他日式麵店吃的黑蒜油湯麵比較，這間的湯底算是夠味得來不嗆喉，我幾乎喝了整碗麵的湯，豬腩肉片數量就少了點只得一兩片，麵底偏幼，不腍不硬剛好。點豆腐用來是清清味蕾，當中的白飯魚味道反而像銀魚。始終餐廳新開不久，乾乾淨淨，有少量卡座，適合二三四人傾住偈食。

日日都出街食，有時真係唔知食咩好，白無聊賴咁喺商場行下街，見依間餐廳新開張，又有人排隊，所以就排埋一份啦老公叫咗特選豬腩肉丼，碗上面有3大片腩肉，6分瘦肉，4分肥肉，我食咗一啖，有入口即溶嘅感覺，應該係煮淋咗再燒返香個面，好食，豬油好甘香，但我唔夠膽食太多，因為要keep fit啊我叫咗特上鰻魚飯，鰻魚好軟滑，無骨，珍珠米上又夠多鰻魚汁，肥美可口！炸八爪魚粒，份量不多，而且炸得好油，認真麻麻地整體嚟講，食物味道好味，但份量少咗d，女士食一個丼飯都未必夠飽，但價錢比較高

Vcity 進駐了不少新的餐廳，這間剛剛新開數天，見到日本料理就忍不住想快快去試，人很多，在App取票後慢慢行住街等位食飯。一入座，店員溫馨提醒新開業暫時只可以收現金及出餐時間可能等得比較耐，入座後第一件事望望銀包有幾多現金先，哈哈。一打開Menu好多選擇呀，全部都心心眼，每款都好想試呀！三心兩意下，我們決定叫人気No. 1 & No. 2！人気No. 1 – 当店名物豚丼 $72醬汁非常出色，配上日本米真係不得了，食到一粒米不留！而豚肉果然是人気No. 1呢，肉質柔軟又入味。人気No. 2 – 宮崎牛プレミアム重 $159 配上炒菇和蔥花，和牛薄薄的，不會油膩，日本米配上日式燒肉醬汁，好好味！！！ 仲叫咗一份小食，由於本人大愛日式炸雞，又是店長おすすめ，無理由唔叫份 南蠻炸沖繩雞 呢！哈哈哈，最愛呢款Tartar sauce的炸雞，好想叫多份呀，不過已經好飽了。價格相對高，但可以間唔中來一次，下次再試其他款式。

話說一早知道有這間新餐廳，在他們的第一天去了試食，亦都知道應該會很有人氣，應該會等很久。怎料在拿到票後(當時是下午2時57分)，還有11張枱在輪候，但4分鐘後就已經可以入座(下午3時01分)。可能因為已經過了午市優惠時段，套餐會附送味噌湯和迷你沙律，如在其他時段就要加$15了。小編與友人在3時04分下單，要了一個和牛飯和豚肉飯，最後和牛飯在3時27分才終於上枱了，等了23分鐘。而豚肉飯在3時33分亦都送上枱了，等了29分鐘。期間亦聽到附近的客人也不斷在催促食物的進度，有人的都快吃完了但他朋友的食物還未出現，這幾天應該也會再次發生這種情況。回題，特選宮崎和牛飯($159)，大約有6-7片牛肉，還有一些炒菇和蔥花。原本以為底下薄薄一層的飯會很少，但因為配和牛，所以最後其實都很飽肚。米飯上的特製日式燒肉醬汁不會過多，不會過咸，剛剛好。另外他們的其一賣點是以鐵板燒演繹出柔軟焦香的燒肉與米飯融合的完美感覺，但和牛一點都燒得不夠焦香，只達到了肉質柔軟這一點。而和牛本身不會太油膩，油脂適中，牛肉味和牛脂味都突出，熟成度剛好。另一個是沖繩琉香豚肉飯($108)，約有6-8塊豚肉，也是有一些炒菇和蔥花。