影片
营业时间
今日营业
11:30 - 22:00
星期一至日
11:30 - 22:00
*最後落單時間: 21:30
以上资料只供参考，请与餐厅确认详情
食家推介
想分享好差既食飯經歷！一個人星期五晚上9:11pm到屯門Vcity炙燒堂食，一早唸定食乜，叫咗個燒日產牛套餐，9:14pm侍應落咗及比埋張單，單上寫住10:11pm離座，但待應口頭話9:30pm last order,要10pm離開。我得一個人，舖頭當時大概6成人，我又點咗牛肉，理應好快煮好同食完就走得。 點知等左23分鐘，我第一次追侍應問係咪漏咗單，佢話整緊，好，咁我再等，大概2-3分鐘，另一位侍應上咗隔離枱既套餐，隔離枱遲我約10分鐘先入座，我第二次問侍應點解隔離枱遲過我到都可以食先，佢話佢點左燒豬肉飯套餐，我話燒牛仲耐過燒豬肉？ 佢er…er..er，答唔出，佢話同我問下，話大概仲有2分鐘；過左4分鐘，都未到，我再追，佢話要多2分鐘，我話2分鐘又2分鐘，仲有幾多個2分鐘要等，之後搞到9:47pm先上菜，我話你9:47pm先上到菜，唔好叫我10pm準時走呀，我食唔切！食咗大概3分鐘，叫我埋咗單先，收錢就好準時，上菜追極都未到，到左10點我仲食緊，個盤仲有未食完既甜品、湯及未飲完既擰水，個侍應仲好意思問我可唔可以收？ 我馬上話我未食完呀（嬲）！！呢間餐廳真係好差，收錢執嘢就準時，未滿座都搞唔掂，做嘢效率真係慢到嘔，如果佢哋真係做唔切，就唔好叫人入座，又催人快啲食完走，13分鐘叫你食曬成個餐，真係好差好差既用餐感受，啲肥牛偏少又油到爆，冇味既，檸檬得兩塊薄如紙，只係得麵豉湯同個米飯係正常，咁樣既質素、侍應廚房既極慢反應速度，hea住做咁，感覺極差，$108蚊完全唔值，貼錢買難受，永遠都唔會再幫襯！
继续阅读
咁岩經過 入去試試 覺得性價比麻麻男仕食就會唔夠飽份量係比較少宮崎和牛豚肉雙拼飯覺得豚肉食落比牛肉好食豚肉燒到又香又淋送飯一流都知和牛會比較濟 如果佢再燒香 就會無咁油蒜味洋蔥宮崎和牛丼配溫泉蛋感覺似係餸頭餸尾 將用唔到既部位放左落個飯到觀感唔太好同埋都唔太好食酥炸宮崎青眼魚炸得酥脆又唔太乾細細條都有肉可以連骨食沖繩豬肉煎餃5件都係普普通通急凍再煎熱冇咩特別 因為份量唔夠所以要加下小食總括黎講 性價比唔高唔係特別好食所以應該冇下次
继续阅读
8點來食晚飯，食左個刺身飯及牛肉飯，食完飯後，朋友想試下D花生，有位待應過來收盤，叫我地唔好食外來食物，我地話好，跟住佢轉過頭就大聲係個場度講，”我已經講左唔好食花生“！我相信在場的人和客都聽到！我知我哋有唔啱嘅地方，但他們也無需要當面大聲斥責個顧客，今時今日咁嘅服務態度，真係好唔要得，希望間公司會有所改善！
继续阅读
今日同屋企人一齊行下vcity食飯，見到呢間吾洗等位，即入試下先，我哋大約晚上6點入去食餐廳環境：有卡位有普通位，可以視乎有冇小朋友，有小朋友就梗係坐卡位舒服啲啦😂😂一坐低之後，職員即刻遞水熱水，服務周到👍🏻😄食物方面：我哋叫左三個餐，兩個大人食，小朋友食個兒童餐🤭咖喱雞扒飯🍚個叻喱汁超好味🤤仲要吾辣，小朋友都食到👍🏻雞扒塊塊又厚又多肉🤩勁大碗白飯，仲有麵豉湯，又有薯角，我仲加左杯荔枝乳酸飲品🍸又幾好食🤩🤩照燒雞扒飯🍚呢個餐就平幾蚊，少左啲薯角咁😂但個照燒汁好好味，配上雞扒又吾錯🤩🤩都幾抵食，一個人食份量岩岩好👍🏻👍🏻兒童和牛漢堡餐呢個餐係今日食三個餐入面最貴架😂😂應該係貴係塊和牛漢堡度😂😂小朋友食都幾正，啲腸仔紅蘿蔔全部有特別形狀，好吸引小朋友😆😆😆仲要有啫喱糖😆😆😆成個份量都吾小下🤣🤣🤣整體上性價比都幾高👍🏻值得再黎食😆😆
继续阅读
聖誕期間真係多咗外出食飯，尤其日式和風料理更加喺我哋嘅大愛😋呢日我哋就去咗呢度試試人氣嘅日本產和牛鐵板同宮崎和牛日本豚鍋喇👏聖誕期間仲有聖誕丼添1）日本產和牛鐵板餐（配白飯）$98聞到陣陣烤肉味已經令人急不及待😍加埋個賣相就更加吸引！和牛有數塊，份量十足；烤過嘅和牛肉質相當juicy嫩滑且很有牛味，配埋白飯、甜品真係一流👍2）宮崎和牛拼特上日本豚鍋 壽喜燒湯 $179見門口有宮崎牛證書，又是日本米饗宴活動餐廳之一，質素及水準絕對有信心保證！所以就再試試呢個鍋物，果然没有失望；不過相對鐵板嚟講，可能用火燒過特别香口，所以喜歡後者多D😋3）ABURI-EN聖誕丼 $158呢個丼飯包括牛肉、炸雞和豚肉，份量十分豐富；許多時見餐廳只有表面三、四塊肉左右，但呢碗至少起碼有六、七塊，而且塊塊size都唔小，食物質素也很有水準，我哋兩個人食都絕對足夠！因為真係有好多塊肉😂4）芒果熱情果梳打、原味乳酸梳打（套餐另+$18）味道不太甜，配搭烤肉鍋物也相當解渴清凉～爽!!! 一定係小朋友首選👍👍👍...整體度：🌟🌟🌟🌟環境度：🌟🌟🌟🌟🌟衞生度：🌟🌟🌟🌟抵食度：🌟🌟🌟🌟
继续阅读