炎鳥羽

营业中

休息中

今日天氣咁凍，真係要搵餐好味暖下個胃，去左尖沙咀厚福街搵食，想食下熱辣辣既野食就揀左呢間居酒屋。餐牌都有唔同類型既食物，例如刺身、串燒、天婦羅同主食類如海膽炒飯，每樣野睇落都幾好味咁…仲有是日推介…雖然天氣有啲凍，但都想叫個刺身拼盤，再叫左好多唔同款既串燒，有推介既厚身牛舌，明太子雞翼，荔枝豬肉，冬菇，芝士翠肉瓜等等，好豐富既晚餐，仲叫左明太子玉子燒（究竟有幾愛明太子..），再加多個海膽海鮮炒飯。六款刺身拼盤，唔錯明太子釀雞翼，好香口，滿滿明太子，好滿足。明太子王子燒，個玉子燒好軟滑，好味道。豐富既串燒，個厚切牛舌真係好juicy，好好味，果然無推介錯。其他串燒都唔錯。食埋個海膽炒飯就飽哂。滿足一餐。

上星期，悶悶地，便約朋友去居酒屋吹吓水，減吓壓。我地嚟到居酒屋，當然即刻就叫杯啤酒，試吓先啦😊。🍺🍺🍺啤酒味相對較清，飲落有麥香，非常適合女生飲用。🎉🎉🎉每檯都有預設前菜，相當豐富。但當然要付費啦！然後，就叫左幾個燒物，包括魚子醬墨魚丸🍢，燒牛舌🍡，燒雞翼等等，一邊飲酒，一邊食燒物，認真享受，咁樣先至似去左日本居酒屋㗎嘛。🥳我地多叫個海膽炒飯🍛，炒飯炒得都算香，粒粒均衡，加埋放在上面海膽，嘴裡有海膽香濃，又有飯煙韌，口感一流。😋😋😋食埋炒飯，真係可以講相當滿足。💗💗💗

人人都去日本，唔通人人都想去日本咩！作為熱愛這片土地嘅香港人，當然要留港消費，促進經濟啦。今日想食日本野，黎到尖沙咀厚福街搵到呢間樓上店食午餐。環境相當有日本風格，整潔企理，坐位很舒適。午市有套餐及刺身丼，選擇種類都幾多，今次我就點左刺身丼，有三文魚`赤身同牡丹蝦。先上前菜沙律同味噌湯，質素合格，但湯有點淡，可能本人飲慣咸湯。再來主角上場，刺身擺盤賣相好靚，相機先食。魚生新鮮美味，三文魚油脂比例好好，肉無瘀黑，赤身肉質鮮嫩，口感一流。牡丹蝦大隻，蝦頭冇臭味，肉質爽甜。另外，追加左$20 的串燒，有多春魚，雞翼同雞頸肉，燒得恰到好處，唔會太焦，調味亦好好，如果加埋啤酒就一流。整體好滿意，下次一定會再幫襯。

今日朋友介紹我黎尖沙咀呢間炎鳥羽食日本野，真心建議大家book 位，因為我閒日7點黎都已經差唔多滿晒坐，勁受歡迎一坐低，店員就為我地送上前菜（$20/人），入面總共有3款食物，我特別中意牛蒡，非常爽脆 另外，我地仲叫咗：三文魚刺身 $58新鮮厚切，肉質肥美牛肉稻庭烏冬 $88牛肉呈半熟狀態上枱，完全無筋，牛味都幾出。王於烏東就非常滑溜，同朋友好快清左成碗荔枝豚肉卷 $32一串有三嚿由豚肉包住嘅荔枝肉，估唔到出奇地match, 豚肉被烤燻過，加埋juicy 嘅荔枝肉，口感豐富得黎又好食明太子蛋卷 $58蛋味好豐富仲好滑添，配合埋明太子味道就更出色 而且明太子份量都幾多明太子薯條 $68熱騰騰咁上碟，薯條好脆，送酒一流之後仲叫下其他串燒食，都正常發揮：蘆筍豬肉卷$38雞肉棒$48蒲燒鰻魚$48明太子雞翼$28整體黎講，間野都闊落，野食又唔錯，非常推介

餐廳裝修有日本屋台吧枱嘅概念，有和式嘅風格，令客人好似置身於日本居酒屋嘅感覺，有返鄉下嘅感覺🤭Menu選擇都多，有揚物、串燒、海鮮、刺身，呢到三文魚腩刺身肥厚香口！必試呢到嘅銀雪魚！燒我好香，熱辣辣上枱，油脂喺魚皮上彈下彈下，點沙律醬食，食到魚香油脂得嚟，肉質又滑！串燒我幾鍾意自家制免治雞肉棒，配埋生蛋黃同燒汁，外表燒得焦脆，一咬發現內裏都好多肉汁，每一啖都點蛋汁食，入口滑溜，正！最有驚喜係荔枝豚肉卷，荔枝口感清新juicy，酸酸甜甜，解到豚肉嘅油膩感，食落罪惡感都冇咁重！

今日朋友約左我去尖沙咀食lunch，佢好鐘意食日本野，約左我黎炎鳥羽居酒屋～好在呢到lunch set 有熟食hehe，岩曬唔太好生野的我 ．黑豚肉生薑燒Don ＄78唔收加一，叫一個lunch set 仲有前菜沙律同湯～未食main 都已經有滿足的感覺呢個don 份量好足～勁多黑豚肉，而且成個飯好入味！成個醃得甜甜地~加上個飯有醋，超開胃，夾埋一齊食係好正！另外可以加＄20食小食～但個飯份量真心多，我下次先再試！

經常在尖沙咀一帶覓食開飯，特別鍾情日式居酒屋，貪其包羅萬有，各適其適。今天跟朋友推薦來到有尖沙咀美食集中地厚福街上的一座美食商廈藍馬，到訪其中一家以性價比見稱的日本居酒屋 - 炎鳥羽。店舖不算太大，設計簡約，有滿滿的日式風情。今天被安排座在吧檯位置，半開放式廚房可以見到一眾師傅們準備食材的情況。.➰前菜 💲20.➰刺身✿ 劍魚腩刺身 💲88先來一客肥美的劍魚腩刺身，一客四片肉質肥美。.✿ 生蠔 💲58/1日本生蠔買三送一，真蠔比一般的曰本蠔大隻。肉質厚身Creamy蠔味重，質素相當高。配上自家調制的醋，是很不錯的頭盤選擇。.✿ 吞拿魚他他配牛油果 💲78非常清新的一客刺身前菜，牛油果薄片配上吞拿魚他他魚蓉。配以紫菜片和香烤的魷魚薄片墊底，整體感覺有層次也清爽醒胃。.➰小食✿ 味噌雞肉釀番茄 💲58很有驚喜的一客小吃，下單時侍應告知要稍等一會，原來是心機之物。原隻大番茄預先切開，稍微淘空後釀入味噌雞肉碎，然後再裹上點點炸粉將表皮烤得香脆，口感有層次。.➰串燒✿ 燒鳥🔸鹽燒雞翼 💲32🔸雞腎 💲28🔸雞軟骨 💲28🔸雞皮 💲28來到居酒屋，串燒是主打必點的項目之一。在吧檯可以看到師傅們燒製

免加一LUNCH日本居酒屋但lunch 竟然唔收加一真係好難得厚福街藍馬大廈不嬲都多唔同餐廳，今日試試佢個lunch set，唔洗加一覺得好抵食！🤤午餐SET配有沙律湯前菜⭐Sashimi Donburi Lun set $108可以自選3款唔同刺身，而個價錢就係根據你想要的刺身款式而有唔同～．三文魚腩x3．油甘魚x3．日本刺身帶子x3好鐘意呢個option，因為可以自己揀想食咩就食咩！刺身全部都好新鮮，飯調味好好，醋嘅比例岩岩好，食完係超開胃，唔鐘意食飯嘅我都忍唔住食曬成碗呀真係～🙈如果怕唔夠飽，仲可以加＄20去叫小食～我就岩岩好，下次再試佢d 小食同串燒先😆

呢間小店喺厚福街樓上店，餐廳唔算大，但係氣氛好好，好似日本嘅居酒屋，仲有一排吧枱，坐住可以望住廚師燒串燒食物選擇方面都係大路食物，有刺一身，串燒，鍋物等等每人都會上一客前一菜，有3種漬物麻醬豆腐菠菜沙律🥗油甘魚刺身4切雞泡魚魚乾：魚乾魚肉偏淋身，調味都比較濃味關東煮🍢燒牛舌+燒京蔥： 牛舌係厚切，肉質都算淋算淋，調味都係比較重口味，比較咸一啲雞肉棒配生雞蛋🥚：呢個調味比較合理，雞肉棒肉質比較彈牙，配蛋汁都幾香枝豆：

一向都較少去樓上餐廳食飯，因為吾就腳，又怕中伏。呢日同事聊食午飯，提議食呢間午餐，聲稱夠豐富又不貴。午餐有前菜、沙律和主食，仲可以加20蚊追加3串串燒，果然夠豐富。跟餐沙律用芝麻醬調味，濃郁度正常，生菜食到爽爽聲，夠新鮮。難得跟餐有茄子漬物，有驚喜。仲有碗麵豉湯，湯夠熱不死咸。我揀左三款刺身做丼既主食，包括帶子、甜蝦和三文魚腩，每款有3大片，好滿足。帶子夠厚切，啖哇肉。d飯好有壽醋味，仲有少少飯素，不過略嫌份量少左d，女仔都係勉強夠食。我地3人共加左20蚊，每人一串串燒，我揀左明太子雞翼。雞翼有肉汁，配埋明太子，好惹味。午餐有生有熟。雖然係樓上餐廳，但環境都吾錯，寧靜舒適。

呢間居酒屋想食好耐，終於約到朋友一齊黎食lunch。午市套餐有分已設定既或自選刺身組合，全部都包前菜、沙律同味噌湯，最平既只係$68。我揀左個自選刺身丼ABB組合 $128，另加$20點左串燒同朋友share沙律及前菜（醬茄子）味道正常冇挑剔，味噌湯唔會死鹹抵讚。自選刺身丼揀左油甘魚+劍魚腩+火炙左口魚裙邊。單睇外觀都知品質唔差，魚生表面有光澤，刀功切口整齊，厚度大小恰到好處。油甘魚有彈性、劍魚腩夠肥美、左口裙邊燒過之後，入口充滿魚油香，整個丼飯由材料以至擺盆都值好高分，食得好滿足。本來想點深海池魚，但當日冇貨，唯有下次再試。串燒我就食左牛肋骨，肉汁豐富、質地柔軟而肉味濃，個人認為串燒比刺身丼有過之而無不及，有驚喜。整體黎講，位置方便、食物高質、價錢合理、午餐選擇多而且有彈性，如果附近返工，絕對係食lunch好選擇。

今日去尖沙咀行完街，突然好想食日本野，就諗住去厚福街睇下有咩食，見到呢間炎鳥羽，就去試下。一入到黎，覺得環境非常日式😍食物方面，我地叫左三文魚刺身、雞肉棒、日本A4和牛、露筍豬肉卷、荔枝豚肉卷同埋海膽海鮮炒飯。三文魚刺身，非常新鮮，肥美鮮甜。雞肉棒好特別，第一次食呢種雞肉棒，而且配原隻生雞蛋加醬汁。雞肉加埋雞蛋嘅蛋香，好好味呀！日本A4和牛，不枉係A4和牛，真係好有牛味，而且好juicy。蘆筍豬肉卷同埋荔枝豚肉卷，兩款都好好味呀！燒完個豚肉好香，完全唔油膩。薄薄嘅肉配埋入面嘅露筍好爽脆。配荔枝好特別，好甜又好清新。海膽海膽炒飯份量幾多，夠晒兩個人食。炒飯炒到粒粒乾爽，入面有帶子同埋蝦，好爽口。主角海膽份量都多！而且好鮮甜，好滿足呀🥰

一間由香港人打理嘅日本餐廳，平日都有好多熟客捧場，聽到師傳同客人傾計，非常有家庭感，言談間，聽到材料全部都係新鮮訂，有啲唔新鮮唔靚嘅食材，會直接取消品項，難怪呢間小店咁有質素啦(⁎⁍̴̛ᴗ⁍̴̛⁎).食物選擇同一般日式餐廳差唔多，主打係串燒同魚生，有一人前廚師發板餐，入面有串燒、魚生、天婦羅、烏冬，試到枱先知道係咁黎架，所以建議大家睇左有咩食，先再單點串燒(/ω＼).魚生非常新鮮好味，串燒即叫即整會耐少少，肉同蔬菜串都好有火喉，咬入去仲keep到爆汁，好味好味！.我哋即時加左白鱔，價錢比其他串燒店貴啲，黎到得一串，有少少失望，不過又真係做得幾好，熟度一流，仲會彈牙，大家可以試下喎

今日嚟到厚福街搵食，呢頭有好多唔同嘅餐廳林立，今次就去藍馬商業大廈入邊有間樓上居酒屋。餐廳嘅裝修充滿日本風情，以木系為主，恍如置身喺日本嘅居酒屋一樣。餐廳夜晚都比較爆滿，所以最好預早book定位。店員安排咗吧枱俾我哋，可以一路享受美食一路觀摩廚師準備串燒。首先會有前菜三款，等你開啟味蕾。首先點咗個三文魚腩刺身，日本空運到港嘅飛機貨，非常新鮮，肥美厚肉。餐廳都係以食串燒居酒屋為主。我哋要咗個免治雞肉串，手打雞肉十分嫩滑，在沾上日本雞蛋及醬油，味道濃郁好惹味！點左明太子蛋卷，蛋卷份量都非常多見到厚厚嘅雞蛋包住澎湃嘅明太子，充滿蛋香。再有吞拿魚他他配牛油果，呢個配搭幾特別，用紫菜包住吞拿魚他他同牛油果連埋塊餅一齊食都幾香口，味道唔錯。仲有我至愛嘅西京燒銀鱈魚，魚肉香滑，魚皮燒得剛好，夠薄脆。最後仲有海膽炒飯，佢即叫即炒的所以想點熱辣辣，飯粒分明，10分滿足

今日要自己一丁友孤獨食晚飯，search 左一下OpenRice有咩好食，就決定食邊間日本嘢，一個人坐喺吧枱都唔使驚尷尬🙈🙈🙈餐廳面積唔算特別大，但勝在裝修舒服，乾淨企理。一個人食飯就唔需要考慮其他人，自己鍾意食咩就點咩😎首先一坐低佢就幫我到咗杯熱茶，同埋俾咗個前菜（$20)我青瓜同蘿蔔都好新鮮，蘿蔔就被青瓜硬少少，但食落都仲好脆口，而且冇紅蘿蔔嘅強烈嘅味道，唔錯佢個醬汁都幾特別，點落令到普通嘅青瓜同紅蘿蔔都有一個昇華牛蒡～一開始見到黑蚊蚊一堆野唔知咩黎。但原來佢表面有個小魚乾，下面有啲海帶（？）同青瓜片，配埋酸酸甜甜嘅汁，好開胃👍🏼刺身先到，係我最愛嘅海膽。微甜，口感軟糯，大大舊放入口，全部都係海膽😚😚。唔點wasabi 都已經好好味紫菜份量好足，唔洗擔心唔夠食如果個頭先嘅海膽係好味呢一個燒生蠔就係超級好味！生蠔絕對唔係細細舊，更加唔會燒到細細舊。佢嗰調味好輕手，但係炸過嘅蒜蓉（？）加蔥，再加鹽輕輕咁燒就帶出左蠔嘅鮮味。而且佢燒嘅熟度掌握得無與倫比，熟左，但係仲係極度嫩滑，明明係食緊熟嘅蠔，又會有種食生蠔嘅享受。最緊要嘅係⚠️只係58 蚊😤😤😤如果唔係已經叫左其他野食，我實食多幾隻‼️我