炊公館

营业中

休息中

朋友生日訂左呢間餐廳食生日飯, 之前一直有留意這間餐廳, 因為在FACEBOOK都有看過宣傳的照片, 好似好吸引, 都想嚟的, 加上原來有個無敵海景, 更加想嚟, 今次真的有機會呀, 好開心. 一早訂左枱, 因我們想拿蛋糕入去, 餐廳很好已經說可以免收切餅餅, 然後在FACEBOOK發現了生日推廣, 8位或以上有75折,仲有生日蛋糕送添呀, 好正呀.這個海景真的無敵呀, 食環境都抵呀.餐廳入面環境都唔錯. 唔算好大, 但都好舒服, 好高級的感覺.先叫左薰蛋, 上海菜, 賣相好靚好吸引, 溏沁的, 好味, 夠甜的, 真的半流心的蛋黃, 正.黃花魚, 兩條的, 唔算好大條, 但都好香, 煎得剛剛好, 肉都好滑身的. 好味, 雖然多骨左少少.焗黃雞半隻, 好香脆的外皮, 雞肉好滑, 真的係黃色的肉, 好香呀, 好好味, 唔會好重味, 啱啱好, 真的同平時食開的雞唔同的, 有些質感, 配菜還有薯仔, 都好香, 仲有豆角等.面豉唐生菜, 呢個面豉醬都好香, 雖雞普通的一道生菜, 不過都整得好味的, 入味. 豉汁帶子蒸豆腐, 豆腐好滑身, 有一粒帶子係面加埋少少豆豉, 呢個配撘係最夾的, 帶子都好

好姊妹日前終於結婚喇，可惜因為我撞正要出trip而錯過左佢既婚禮，真係極度遺憾，所以今晚就由我請返佢兩夫婦齊齊食餐好以示祝福，仲可以順道分享下佢地既新婚喜悅。我地一人揀左一個dish，包括有焗法國黃雞、德國脆鹹豬手同埋鮑汁雞粒炒飯，當然咁高興又點少得飲酒？所以order左支House red wine。焗法國黃雞同我地東方人食開既白切雞好唔同，d雞肉係偏黃色既，係好奇心驅使下我就上網search下，原來係因為呢種雞一直用粟米餵食成長，所以做出黎既燒雞色澤會比較金黃，哈，原來如此，我都好like食粟米架喎，會唔會因為咁而皮膚黃d呢lol？隻雞用左香草黎焗，雞皮好香脆，雞肉相當嫩滑，啖啖肉好滋味。而德國脆鹹豬手，好姊妹個老公好gentlemen咁將佢切碎，方便我地女仔食。鹹豬手整到皮脆肉嫩效果，煙煙韌韌口感好好，而且非常惹味。旁邊有個醬汁，點黎食有助減少膩感。至於個鮑汁雞粒炒飯，色澤睇落好似糯米飯，飯粒炒到粒粒分明，唔會濕漉漉一pat pat，鮑汁味道鮮甜，飯夠入味，最重要係唔會過咸。加上個靚景同紅酒，大家都好enjoy今晚餐飯~

收到銀行推廣，知道做緊呢個信用卡優惠，有鵝肝、龍蝦、蟹、海斑，每位$458減到$298，咁抵食，又可以睇住無敵海景，所以就帶埋女朋友黎食餐好既。呢個餐總共有7道菜，等我逐一點評下：1. 香煎法國鵝肝配意大利香醋鵝肝煎得啱啱好，外面脆，入面嫩，充滿油香，香醋味道清甜，可以減輕膩感。2. 松露野菌湯充滿松露幽香，口感濃厚，跟埋麵包食都幾夾。3. 蒜蓉牛油焗開邊龍蝦焗龍蝦香噴噴，蝦身肥厚多肉，事先開邊，食起黎就比較方便唔狼狽。4. 川椒蒜片炒海斑球聞到辣中帶香，係麻香，食落唔會過辣，少食辣既女朋友都接受到，魚肉厚實嫩滑。5. 上海龍蝦鉗扒菜遠肥厚啖啖肉好滿足，質感軟腍夠鮮甜，配埋菜清清地幾好。6. 原個鱈場蟹蓋海鮮炒飯炒飯入面有唔少蝦肉粒同蟹肉粒，好豐富，飯香口唔油膩。7. 密瓜雪榚西米露味道清香，淡淡既甜味慢慢係口入面溶化，口感清爽。每碟菜上枱女朋友都喪影，個環境佢又係咁喪影，睇黎佢對我既安排應該好滿意。

好多女仔朋友都對buffet又愛又恨，雖然超多美食當前，但有人怕肥唔敢喪食，有人就根本好細食，食一兩輪已經話飽，蝕本蝕到入肉~>.<好在近年好興半自助餐，勝在貴精不貴多，前菜、甜品任食，中間黎一個即叫即整又精緻既主菜，咁就唔覺浪費啦~三姊妹黎到呢度，先飲下餐湯同食下中西式前菜頭盤，再一人一款主菜，又可以順道Girls’Talk，真開心~脫脂奶烚白鱈魚($298)：非常啱女仔食，白滑脫脂奶遇上白雪雪既魚肉，齋睇賣相已覺吸引，仲伴埋咁多有益配菜，絕對係健康輕盈之選。海南雞飯($168)：雞肉滑嫩順口，點埋甜豉油、甜酸醬同薑蓉更加係錦上添花。碗飯有種淡淡既雞香味，鬆軟可口，最緊要係唔會太油。慢煮澳洲和牛面脥($298)：大家都知，慢煮既好處就係可以保存同鎖住肉汁，所以食起黎好juicy入味，軟腍無筋。配菜夠多，唔怕食得太多肉。

今年生日屋企人請我去Cham 食，之前睇其他食評寫唔錯，所以都幾期待下，咁岩佢又做緊promotion。佢個環境好舒服好有氣氛，睇住個維港夜景同屋企人摸住酒杯食飯，傾計，個畫面，諗起都覺得正。有專人serve你，成個感覺簡直一流！每道菜都系一道道咁上，唔會話搞到食唔切啲野凍晒。今晚前菜有法國蠔，鮮甜，有種好香既海水味，齒脥留香，配白酒，正！餐湯系龍蝦忌廉湯，味道香滑濃郁。之後有黑松露帶子，煙肉腸同火腿卷。飯方面我揀左海鮮意大利飯，幾好食，啲飯軟硬度同濕度岩岩好。主菜有鵝肝安格斯，我叫左5成，但好多翻來熟左小小。個鵝肝打破左我對鵝肝個睇法，甘香可口，從此令我愛上食鵝肝。配埋香草磨菇汁，無得彈！最後系薑蛋撻做甜品，呢個配搭好正，系個皮厚左小小姐。食到最後，上晒餐飲之後，餐廳為我同我妹準備左生日蛋糕，Tiramisu，賣相好得，味道不過不失，口感就一般般。今晚系難忘既！

朋友試過這裡的午餐後建議試他們的晚餐!  入內除了景觀外, 全部不入流!!!  各自點選了套餐上的菜式.  很快菜開始來了, 頭盤選了生蠔沒特別, 賣相超普通, 大興都可能會擺的好過佢.  二道來個龍蝦湯, 服務員唔會問人要唔要 black pepper, 要叫先比我, 跟住問朋友 "要唔要?" (以一間看似走高級路線的餐廳, 呢D對答點見得人), 味道得個鹹字沒有龍蝦味, 差過麥記之前出過那款.  之後主菜 (以為係), 選了美國安格斯牛柳配 goose liver, 牛味道欠奉, 似魚目混珠, 只係比咗一細細碗溝浠咗的 mustard, 冇味道之餘又唔比細匙羹, 咁叫佢哋啦, 可以攞每人一隻湯匙, 唔通要來飲? 又唔夠呀 .  食完以為到甜品, 仲順便問埋要咩咖啡茶, 點知來過 seafood risotto, 內有有殼的青口及蜆, 但得隻匙羹, 叫人用手食?  呢道菜應該係牛扒前食, 當 middle course, 你估食中菜當單尾咩!  更差嘅係, D刀叉唔係應該每道菜要換咩? 一套餐具差不多未換過, 係咁2換把牛扒刀比你咁大把!!!!  甜品唔理食咩都應該擺細羹叉啦係嘩! 

14/4， 是日做完文青後，一行八人係早幾日前Book 左 炊公館，靚景Fusion 餐廳慶祝老友 Christy 生日，是晚笑不停玩攪鬼apps, 笑到流眼水😂😂 是晚餐廳d 野好食，睇餐牌比銀碼嚇死，怎知埋單時除開唔貴，每人$200 叫左都有5個小食，7-8 個主菜 （8人以上有75折兼生日內前後五天送蛋糕），是晚靚人靚景陶醉夜，大滿足。

4人行LUNCH，黎到半自助餐枱前有唔少自助中西式前菜頭盤任食，好似沙律、巴馬火腿、涼伴雲耳、雞絲粉皮等，樣樣試少少，立即開胃！香煎美國安格斯肉眼經香煎後外脆內軟，脂肪平均，食落鮮嫩多汁，YUMMY~唐人街龍蝦麵lunch歎到原隻活波士頓龍蝦都好豪下！龍蝦肉食得出好新鮮同彈牙，中式生麵索晒精華~荷蘭牛仔肉肉味好香濃，肉質鮮嫩，點埋秘製醬汁更有層次~脫脂奶烚白鱈魚魚肉柔軟細膩，入口即化，配埋脫脂奶，健康又有營~做緊買三送一優惠，埋單平均每人$230，呢個環境呢個級數都算抵！

難得星期五放補假，於是決定帶阿媽去歎semi-lunch buffet，阿媽話成日睇電視劇見到d主角望住維港景開餐好正，既然佢開到口，一於帶佢黎呢度開心下啦！呢間餐廳可謂居高臨下，視野廣闊，單係景觀已經令人心情愉快興奮！半自助午餐由12:30pm開始，我地呢d精明一族梗係準時入座，頭盤、多款前菜同甜品、餐湯、咖啡及茶都係自助形式任食，主菜就可以喺近20款入面揀，唔同主菜收費亦會唔同。望望menu，主打多國菜，最吸引我嘅係燒鵝肝松露醬野菌焗飯，想像得到味道有幾濃，啱晒我呢d食慣重口味嘅人；至於阿媽呢，難得閒日可以一齊lunch，我就叫佢食豪d，我請，阿媽即時雙眼發光，點左龍蝦魚翅撈飯！落單後兩母女急不及待走去食物枱八下有咩醫肚，今日個餐湯係粟米羹，前菜方面，韓式泡菜、雞絲粉皮、沙律、pama ham等都係我心頭好，一於黎個mix & match，DIY一個啱自己口味嘅特色沙律先~飲完餐湯同食完前菜後，主菜就隆重登場喇！燒鵝肝松露醬野菌焗飯以錫紙盛載送上枱，店員即場幫我剪開佢，熱騰騰嘅蒸氣頓時冒出，首先聞到黑松露醬嘅濃，鵝肝嘅香亦隨之而來，輕咬一口鵝肝，豐腴甘香，野菌爽口juicy，每口飯

位處iSQUARE 29樓的炊公館，居高臨下，視野廣闊，單是景緻已令人心曠神怡* * * * * * * * *雖然到訪那天天氣不怎晴朗，可是能欣賞開揚海港景色，心情即時舒暢是日天陰密雲，原本預計心情不多不少會受影響，幸好能與友人聚餐，約好在座落iSQUARE 29樓的炊公館相見，首次到訪的筆者到達目的地，被店員帶往近窗口位置，眼睛先被居高臨下、飽覽維景的開揚景觀吸引，超級驚喜，心中不禁讚賞朋友的安排太細心了。 除了選擇豐富的半自助午餐，食店亦有多款矜貴的套餐提供，如龍蝦鮑魚、鱈場蟹蓋炒飯套餐等，看到食材已食指大動 不喜歡套餐，也可揀炒粉麵飯想吃點心嘛? 腸粉、蒸炸焗甚至點心拼盆(HK$238)在這裡也找到，價錢大約是HK$32至$88元(每件/每客)不等望望午餐menu除有單點食物，下午12時30分時段供應半自助午餐，頭盤、餐湯、甜品和咖啡及茶均以自助形式供應，主菜則可選擇餐牌上刊載的19款多國菜，大多以矜貴的龍蝦、鵝肝入饌，當然還有魚翅撈飯、海南雞飯、日本拉麵和西班牙海鮮飯作考慮，與餐廳主打fusion菜十分貼題。原先擔心種類多吃不了會做成浪費，唯聽友人之說 食物份量輕盈，加上又能

一直都好想嚟呢度試下個semi-buffet lunch，最近知佢做緊買3送1優惠，咁so，梗要拉埋3位同事一齊去食喇~入到去已被眼前270度靚景迷住，心情即刻relax晒~打開menu睇睇，發現主菜嘅選擇都相當豐富，搞到個個都心大心細~商量完一大輪後，決定order 一個龍蝦煎麵、一個唐人街龍蝦麵同埋兩個海南雞飯~點好晒主菜，大家就急不及待出去buffet bar八下，有唔少前菜、沙律、餐湯同甜品可以任食，女同事一見到parma ham沙律就非常興奮，攞咗一大碟返埋位同大家開心share，男同事就負責攞湯，今日供應嘅係酸辣羹，仲有餐包添~個沙律好新鮮清甜，個湯就好開胃足料，令到大家對之後嘅前菜非常期待~首先上枱嘅係兩客海南雞飯，單睇賣相已覺好精美，無乜骨嘅雞件食落入味又嫩滑，好容易就空口食咗幾件，配埋大啖鬆軟油飯，超滿足~之後出場嘅係龍蝦煎麵，一上檯就傳黎陣陣香氣，龍蝦入口香滑彈牙，啖啖肉好惹味，而脆卜卜嘅煎麵可以浸龍蝦湯一齊食，食法創新~再嚟係唐人街龍蝦麵，用上全隻龍蝦，份量十足，超大碟絕對唔講得笑，龍蝦夠晒入味爽口，啲麵亦索晒龍蝦嘅精華，食落好juicy~場內提供多款手工啤酒同c

新一年、三五知己食番餐開心飯實在是一樂也！朋友推薦了尖沙咀的炊公館、自己未去過、所以冇意見。餐廳是中西合璧菜式、唔係容和菜！真係提供中式及西式菜餚。雖然自己唔太喜歡食魚翅，但今晚主角正是魚翅龍蝦撈飯。魚翅份量唔太多，芡汁推得幾好、唔太稠、都幾滑口。龍蝦肉、鮮味不足。飯比較腍口，做撈飯一流。不過整體入口都算融和。 反而今晚前菜的，當咸蛋王遇上炸薯條、黃金炸薯條真係幾好味、唔通真係吾健康菜餚就越好食。 餐廳係呀一鮑魚分支店、擁有尖沙咀美麗景緻。食物出品都算平均。

之前看到介紹，被環境吸引，所以與友人試一試！當天是閒日，已訂了位，所以不用等侯，亦不需要等，因為客人不多，walk in也可以！這裡環境優雅新穎，典型高級餐廳格局，而且位於29樓，有高高在上的感覺，窗外視野廣寬，場內寧靜舒適……但點餐後才發覺味道原來好一般，而前菜沙律、餐湯和甜品也很簡單，因為半自助式，一目了然！！

這間之前一直好少留意, 但由於與儲里數的公司有關連, 所以O係個LIST搵到, 就試試是日星期日lunch, 餐廳六成滿左右, 好快就安排到座位。兩位都有一些window seat, 早去就容易有有semi-buffet, 包前菜, 沙律, 餐湯同甜品, 另點一款主菜, 今次就點左龍蝦煎麵同西班牙海鮮飯每枱可安排有一壺茶, 就點左普洱, 西餐飲中茶都算第一次。沙律吧自助式,有凱撒沙律, 車厘茄, 薯仔沙律, 配料有青瓜, 西芹, 紅腰豆, 粟米, 煙肉碎, 麵包粒,芝士碎等等, 醬都有3種選擇, 按自己口味添加。個人覺得沙律最緊要是菜, 這裡的菜都爽脆清甜, 只是不時要refill 菜, 廚房的菜未篩乾水份, 比較濕, 整體都好好。前菜難得有一些中式前菜, 如雲耳及雞絲粉皮, 兩樣都爽口, 味道柔和, 麻醬充滿濃濃花生味。甜品之一是腰果酥呢張就俾大家睇O下咩叫食環境, 哈哈哈哈~~西班牙海鮮飯- 海鮮主要有花甲, 青口, 魷魚, 西班牙飯應該是粒粒分明, 會似電飯煲起的飯, 但這個明顯像意大利飯, 黏黏的, 糊糊的, 忌廉及蕃茄味重。魷魚好爽口彈牙, 平時多見青口連殼煮, 但今次連花甲

帶母親吃飯(一：炊公館)當孩子還小的時候，親戚幾家總是會在假日聚在一起吃飯喝茶。親戚某常對小朋友們說：「你們可幸福了，父母都帶你們吃盡香港好吃的東西！」有好些回我把母親也帶去，她聽了以上的對白，卻有點不以為然，反問：「為什麼每次總是吃蘿蔔糕？」自此後，她便拒絕出席吃蘿蔔糕的飯聚了。母親當然對那些蘿蔔糕不以為然，因為她做的蘿蔔糕超級好吃，因此，這與「吃盡香港好吃的東西」的許諾好像有點不對。為此，我心裡也暗自承諾，希望可以在自己的能力範圍內，不時帶她去食肆品嚐美食，目標不單是她從沒去過的，更要吃一些能令她回味再三的菜式。上個星期，我就把她帶到尖沙嘴國際廣場29樓的炊公館，嚐過了他們的「龍蝦鮑魚午市套餐」，母親說，雖然每位要花近三百元，不過，那套餐的確「抵食」，說時，是笑不攏嘴的。這一頓午飯如何令她滿意？先由頭盤說起吧。侍應先送上一小碟，是兩塊素鵝和兩塊叉燒。素鵝還是暖的，味道適中，倒是那兩塊叉燒，半肥半瘦，是叉燒中的上乘佳作，也是暖的，一開始的印象分已是滿滿的了。其後再來一碟煙三文魚，一口啖之，嘴裡滿滿的充塞著魚油香，滋味！吃完頭盤後，侍應送上每人一碟腸粉。腸粉本無特別，特別在上面淋滿粉紅