燈籠滷味 (登龍街)

营业中

休息中

野食都keep住同之前一樣味道無大差別今次想試埋芋圓見仲有時間就加單甜品甜品都未到呀姐就收完我d野同我講有客 叫我走講真 個芋圓同張相比都幾大落差再加上俾呀姐趕一趕happy friday 個mood無左

銅鑼灣周圍搵食，終於可以試吓久仰大名嘅台灣過江龍燈籠滷味，舖頭位於登龍街，非常方便。我哋一人一份嗌咗好似車仔麵咁樣自選配菜既油麵，佢個滷水汁滷得非常之入味，唔會太鹹之餘仲食到好香滷水汁入邊材料嘅味道。以為嗌一個油面再加少少餸會唔夠飽，點知嚟到咁大碗咁，非常足料，牛腱一個碗已經有好多塊，豬耳亦都好爽脆，連甜不辣都好好味。嚟到台式餐廳，當然要一人一杯台式飲品先夠過癮，我地嗌咗珍珠奶茶，另一杯就普通奶綠。珍珠奶茶嘅珍珠唔會太甜，亦都好有彈Q彈Q嘅感覺，奶綠呢個茶底亦都好清香，媲美得上台灣嘅夜市。最後我哋嗌咗瞓台灣腸仔配蒜，一啖咬落去，相映成趣，真係好有台灣嘅回憶。

很久沒吃燈籠滷味，是日放工來吃晚飯！台式香蒜腸 腸仔薄切 煎得香口 ，配蒜片同吃，香味倍增！燈籠滷味當然要吃一下滷味!滷水很入味，盲點也不會錯！麻辣手撕雞手工烏龍麵以為是冷烏冬，原來是溫的。整體對我而言都幾辣，食開十小的我事後有d火燒心的感覺，手工烏龍麵彈牙、爽口，推薦能吃辣的朋友!麻辣糯米釀雞翼外皮香脆，肉質嫩香，辣度是十小辣也接受的程度！麻辣手撕雞手工烏龍麵附贈的冬瓜茶！！入口很香，味道清甜，解辣一流！

放工快食然後去睇戲，就來到燈籠滷味，這裏的二人餐剛好。二人餐名為燈籠飽飽二人餐，有一碗主食，2個小食，一個甜品及2杯台式飲品，價錢不過$208，在銅鑼灣來說，真的很抵食！主食是滷味麵，有6款滷味，蜂巢牛肚、豬耳、百業豆腐、麻吉燒、黑木耳等，自選菜選了唐生菜，以台灣王子麵作麵底。滷味夠入味，而且份量夠多，尤其牛肚好好食！滷雞翼有4大隻，隻隻肥美飽滿，滷水汁滷得好入味。外加了個炸雞和炸花枝丸、貢丸，估唔到雞粒仲有shake shake粉配，炸得juicy香口。丸則彈牙、香口。甜品芋圓大大碗，三色芋圓煙韌可口，加上有珍珠和紅豆，口感更加豐富。飲品選了仙草奶茶，仙草真係好好食，滑嘟嘟，而另一杯柚子綠茶則清新。同茶飲店都質素一樣。二百零蚊的價錢食到飽飽，難怪差不多枱枱都點呢個餐！

今日下午一家黎食lunch,老婆同小朋友就點咗個二人餐。我就叫咗個車仔麵，因為我本身食好多野既關係，所以叫定加底。個面嚟咗之後，我見到淨係得幾啖，就問個waiter係咪漏咗加底，佢竟然話已經係加左個麵粉本身味道都冇乜特別，正正常常，不過貢丸又只係得3x半粒,少得可憐，一定無下次至於個二人餐就尚算可以，有碗麵，有小食，仲有甜品。正常台灣野咁上下。不過由於第一碗麵畀我既印象好差，令到我完全冇乜心機繼續食落去。已經plan定之後再食下一餐

一提起台灣食滷味既餐廳，相信好多人第一時間都會諗起台北師大夜市既燈籠滷味啦。自從係2020年頭黎咗香港開分店之後，排隊既人流不絕，所以一直都未有機會食到。今日黎到銅鑼灣，就決定去試下啦。餐廳既位置係登龍街，好近時代廣場。雖然附近有好多間餐廳，不過一行到附近就已經聞到係燈籠滷味飄出黎好香既香料味道，未食就已經流哂口水啦。餐龐祖傳既滷湯係由台灣直送既湯底配方，由幾十種中藥材熬製而成，所以味道特別濃厚。除咗有二人餐之外，仲可以係接近40種配料當中自由配搭，真係應有盡有。🎈自選王子麵 叫左蜂巢牛肚、雞翼、大腸、白蘿蔔、杏鮑菇、百頁豆腐、鵪鶉蛋7樣配菜。湯底唔會太鹹，麵質亦都唔會太淋。蜂巢牛肚質地彈牙，有濃郁既牛味。雞翼肉質鮮嫩多汁。大腸口感爽脆。白蘿蔔好入味。杏鮑菇唔會太硬，而且大件。百頁豆腐質地軟淋，重豆味。鵪鶉蛋有3粒，重蛋香果。王子麵質地彈牙，同湯底好夾。🎈Shake Shake海苔鹽酥雞店員會俾一個紙袋，同埋一小碗嘅海苔，可以自行調味和shake。雞粒炸得金黃酥脆，而且咬下第一口啖，就感受到鬆軟多汁既雞肉，配上微微的鹽味和海苔，超有口感！🎈黑糖珍珠奶茶上枱已經聞到濃郁既茶香同豐富既奶味

朋友約我去 登龍街,  燈籠滷味,幾特別街道名同店名同音 睇真的 D,  消費卷有大激賞燈籠飽飽  二人餐 $208,餐廳來自台灣, 裝飾帶點特式.  主打滷味小食. 滷味即叫即做,  非常好.   看見鄧麗君照片, 想起她的名曲  燈籠飽飽  二人餐,  主食有六款精選滷味+手工麵, 雞翅膀,  海苔鹽酥雞, 甜品, 台式飲料.  好豐富啊.餐飲有七個選擇.   我們點了 古早冬瓜茶 和 苿香奶綠. 大大杯涼冰冰.  消暑解喝.  真係好岩飲.人氣台灣小吃, 有四個選擇:  揀了 Shake Shake 海苔鹽酥雞, 用鐵籃送上,  鹽酥雞新鮮炸起, 炸得好香脆, 炸漿薄, 附送一碟海苔粉,  即沾即食, 雞粒肉嫩滑,  外皮鹹香又脆口,  好好食.   或又可以將鹽酥雞同海苔粉放入紙袋 shake.  帶些玩味.地道夜市小吃:   師大秘傳滷雞翅膀,  即滷水雞翼, 一 客四隻, 滷水調味正, 雞翼肉嫩皮滑, 好滋味.主食大 大碗 ~  招牌燈籠滷味六種: 有蜂巢牛肚, 豬耳朵,  百頁豆腐, 麻吉燒,  白蘿蔔,  黑木耳, 材料多另有 香蔥, 鹹菜,手工麵.    我們加配牛腱

台灣啊~台灣~我都已經好耐冇去台灣啦~已經四年了，真係好掛住台灣嘅街頭嘅美食，尤其係滷肉飯，同各種滷水小食🤗所以朋友介紹左我嚟呢間台灣菜，推介佢地嘅滷水比較正統有台灣風味。為食嘅我，當然一定要試下，我叫左一個非常豐富嘅午餐:⭐秘制滷味雞翅膀(四隻)拼古早滷肉飯》 $52+ 高麗菜$11+ 瓜 (翠肉瓜) +$11+ 甘梅香脆地瓜條 +$15+燈籠黑糖珍珠奶茶(冷) +$25滷肉飯嚟到嘅時候，真係望到都已經流口水😋，跟住再加上大量嘅絲瓜同同高麗菜，豐富又好食!👍再加上金梅地瓜條，炸得夠熱又香脆，加埋杯冰凍嘅黑糖珍珠奶茶，真係覺得自己去左台灣咁😝

好耐冇食台灣滷味經過銅鑼灣，難得又唔使排隊？所以就去咗食個下午茶一入到去成間店舖都係滷水嘅味道我哋叫咗兩碗都係揀咗王子麵好入味 下次覺得可以試吓粉絲應該會更加好味餸方面，我揀咗貢丸呢個貢丸真係好出色每次我都會揀佢雖然佢已經剪開咗一半但都保留到佢嘅肉汁值得推介仲有大豆皮佢係輕微炸過嘅質地但係用滷水煮過之後吸晒啲味 亦都係我每次都會揀嘅高麗菜就係台灣嘢食必備仲揀咗個豬蹄呢個略嫌硬咗少少今次識嘅甜不辣轉左比較鍾意以前扁身嗰款多啲暫時未有假期去台灣過嚟食回味下都好

同朋友係銅鑼灣行完街街要搵啲野醫肚 行行下就見到呢個套餐幾抵食就試下佢！-燈籠飽飽二人餐 $208呢個餐係包左招牌燈籠滷味+地道夜市小吃+一款人氣台式小吃+餐後甜點+兩杯台式特色飲料首先招牌燈籠滷味佢係包左6款精選滷味（蜂巢牛肚、豬耳、百頁豆腐、麻吉燒、白蘿蔔同埋黑木耳）菜就有椰菜花/唐生菜/通菜三款可以揀～麵亦都有四款可以揀 包括台灣王子麵、冬粉、米線同埋需要加錢嘅手工烏冬咁我同朋友就揀左唐生菜同埋冬粉 滷味全部都好份味！個人特別鐘意百頁豆腐 唔係度度有得食比較特別 同埋唔係一咬就爛哂有啲口感幾得意😆地道夜市小吃就係4隻聲稱係師大秘傳嘅滷雞翼 咁味道都唔錯係好入味嘅滷水雞翼！(˶‾᷄ ⁻̫ ‾᷅˵)人氣台式小吃就係四選一嘅 咁佢有細碗嘅燈籠古早滷肉飯/甘梅香脆地瓜條/起司麻薯/shake shake 海苔鹽酥雞可以揀 我同朋友就揀左shake shake鹽酥雞 個人認真鹽左啲 不過鹽酥雞咸係正常嘅🤣🤣餐後甜點方面係九份經典芋圓 雖然係跟餐嘅 但係都好唔錯幾足料！都幾多芋圓同埋好多紅豆 不過芋圓唔算特別煙韌～台式飲品就有幾種可以揀 茉香綠茶/古早冬瓜茶/古早台灣紅茶/蜂蜜荔枝紅茶/台味奶茶/

其實這間餐廳，我特別喜歡，尤其是銅鑼灣分店，餐廳的職員比較有禮貌，食過咁多次，當然好欣賞佢嘅滷水汁！但今次本身2個鐘頭前先食完自助餐，但又想找個地方聊聊天，吃點小食，所以就選擇咗佢！除了滷水外，小食，甜品同樣出色！贊！

🍽 燈籠滷味銅鑼灣登龍街39號地舖《燈籠滷味》主打滷味同台式小食 👅早兩年喺香港插旗已經大排長龍了 ！！一直都係我bookmark咗好耐嘅餐廳～餐廳環境佈置充滿台灣特色，而且仲會播住台灣歌手嘅歌 (^^)燈籠飽飽二人餐 $208招牌燈籠滷味有蜂巢牛肚 豬耳朵 百頁豆腐 麻吉燒 白蘿蔔 黑木耳材料多口感很豐富 滷水很入味 有素有葷 必點推薦！麵底揀左冬粉 ～ QQ嘅質感❤️ 吸收了湯汁後就更加美味 *V*人氣台式小吃滷水雞翼皮滑肉嫩 勁好食🤩地道夜市小吃Shake Shake 海苔鹽酥雞 ！新鮮炸起，炸到金黃色嘅外層 加上大量海苔粉 👅脆卜卜 口感酥脆 非常好食 🫶🏻九份芋圓🍡非常足料 甜道適中，芋圓口感煙韌彈牙 餐飲古早冬瓜茶及苿香奶綠 飲落好清新 咁熱天氣之下飲杯凍飲，真係好爽～～～

去到師大夜市必吃清單中就有這樣的一間，現在香港也能吃到。燈籠滷味和台灣一樣有玲瑯滿目的滷味食材。我前陣子去的是銅鑼灣分店，原來樓上都有座位，還頗有氣氛。點餐和香港食車仔麵相類似，就按自己喜好去選想吃的滷味，而且可以加麵食。我們點了六款的滷味，一共 $82。建議大家吃之前先看看齊不齊，因為我們發現少了要叫店員補回。✨爽脆的台灣直送水蓮菜 ($20)、杏鮑菇 ($12)、鴨血 ($15)、有3隻的鵪鶉蛋 ($12)、米血糕 ($13) 和高麗菜 ($10)看起來份量差不多，反而另外點的一個套餐感覺比較抵吃。🍜燈籠飽飽2人餐 ($208)首先有6款精選滷味 + 1款自選菜 + 1款自選麵類。蜂巢牛肚超軟腍、豬耳朵和黑木耳口感帶脆、百頁豆腐則不太喜歡。麻吉燒倒是比較好吃、白蘿蔔很入味，菜選的是空心菜。麵類要了冬粉 (粉絲)，都是吸滿了滷水的味道。這間的滷水吃落有淡淡的藥材味，微甜得來幾香醇。套餐有兩款小吃，一款是固定，另外一款則是四選一。師大秘傳滷雞翅膀 (4隻) - 滷水味濃，雞翼都幾大隻，肉質也很嫩滑。Shake Shake 海苔鹽酥雞 (自選) - 外層好夠脆內裡多汁，這種吃法還是第一次

呢間人龍店想試好耐，今次去咗銅鑼灣分店，都要排一陣先入到座。呢間鋪好有台灣嘅味道，總共有兩層，牆上有好多台灣嘅海報同相。雖然坐得有啲迫，但好似去咗台灣咁😍自選滷味車仔麵🤤全部滷味款式同麵都可以自己揀，每款大約10幾蚊。白蘿蔔🥕 $10呢款真係好好食，好入味好淋豬耳朵🐽 $12滷得好入味，外皮軟，軟骨好爽口，必叫！甜不辣😋 $12我幾鍾意食，口感幾得意，好似魚糕質地咁，煙煙韌韌麻吉燒🥰 $11口感幾特別，Q彈感覺百頁豆腐🥢 $12本身係冇味嘅，但因為滷汁食食吓好濃味，用嚟中和下都幾好雞腎🐤 $11唔算特別出色，冇乜特別王子麵🍜 $12喺台灣嘅即食麵，麵索晒啲汁，好入味

從來未食過咁精彩既滷肉飯，佢唔似一搬平凡既滷肉飯，好難解釋，係芡汁配肉碎！精彩！我單點左一碟炸花枝丸，非常驚喜！喺依家呢個通脹咁犀利即經濟環境，竟然有3粒，實在太豐富，我都有d擔心店主無錢賺，以後食唔到你話點算！環境衛生絕對可以放心，絕對無曱甴果d咁既野，放心食！咁精彩，唔怪之得咁多好評啦