影片
招牌菜
间野真系差到无人有, 千万唔好团购. 我第一次团购就 lai 野, 等我仲谂住同朋友开心食餐好嘅所谓嘅火锅城, 其实大细同茶餐厅差唔多, 无乜人帮诊. 攞起张 order 纸就知出事, 除左肥牛同所谓芝士肠之外, 其他全部都系菜同菇!!!!! 咁你唔好话自己系任食火锅丫, 顶! 同麦肉兜兜一样, 谂住加钱要啲虾啦, 呢样又无, 𠮶样又无. 老实讲, 我真系想去消费者委员会投诉!! 唔知有无人和应? 就算唔系团购都唔应该去呀!!!!!!!!讲起火都黎!!!! 仲限时限刻, 等我惊死唔够时间, 仲同朋友搭的士去!!!!!!p.s. 以后团购食市一定要做下 research 先~~~
继续阅读
买咗火麒麟嘅团购。间舖属中型, 唔算大亦唔系细, 有 20 张枱左右。整齐干净, 虽然离旺角 MTR 唔算好远, 但系棕树街真系好多人都唔识去架!Order 咗花甲汤底。女侍应先尼一个火焰 show, 用点火器点著个锅底嘅花甲, 见到蓝色火光, 所以锅底应该系落咗酒, 然后佢跟住先至倒汤落锅底。呢个火焰 show 真系几有特色同埋 spectacular 架! 花甲都几大只, 系真材实料。女侍应先送上任食嘅安格斯牛, 碟头不算大。但系每次 reorder 都系几分钟内就送到。至于火麒麟最正嘅就系佢哋菇类嘅选择好多, 有可能系全港最齐全, 由最细嘅金菇至到最大嘅鲍鱼菇都有。蔬菜嘅选择亦都唔少, 连怀山都有。火锅落怀山, 我系第一次试, 结果系好好食架! 由于个火锅除咗花甲, 牛同埋芝士肠外, 就全部系不同种类嘅菇同菜, 所以锅底嘅汤系好清, 冇油浮面, 系可以饮都唔驶怕胆固醇嘅。火麒麟系 vegetarians 嘅好去处!任饮嘅竹蔗水, 个樽里面系浸住半条竹蔗嘅, 卖相甚佳。至于服务方面, 染咗茶色头发嘅女侍应, 招呼十分周到, 抵赞! 结论 : 火麒麟嘅服务好。花甲锅底火焰 show 有特色。菇类、蔬菜选择多, 系 vegetarians 嘅好去处!
继续阅读
因团购的关系, 一行8人订了任食安格斯肥牛火锅餐券. 一月购买等到昨晚终于出发, 十分期待, 大家都留著肚子, 放工后去食餐劲的. 到达时, 老板招呼不错, 介绍左个虫草鸡煲, 想试既木瓜雪耳..无㖞, 咁叫稳阵既沙嗲啦, 之后叫野食, 俾左张order 纸, 一张是for团购, 得A5 size咁大, 里头只有安格斯肥牛同蔬菜 , 无丸无饺 得芝士肠, 但咬落去都无芝士既, 好明显只系普通既脆皮肠啰. 仲有另一张系要俾钱, 因团购唔包果d食品, 呢张系A4size黎, 咁我地就心有不甘咁俾钱order啰. 点知隔左10分钟, 老板返黎话好多野都无得供应㖞, 你地再拣过啦... (所有手打丸无, 海鲜无, 得番一款白菜饺, 连鱼片头, 炸响玲都无)下 有无搅错呀, 俾钱都无得食. 咁无法啦, 鬼叫团购左咩, 唔系真系想起身走人呀! 汤底... 虫草鸡煲,都几似汤, 不过咸d啰, 可能做汤底系要咁挂. 到肥牛出场, 纸都唔够佢薄, 仲都好肥下添, 张相既已经叫瘦, 我忍唔住问老板有无d瘦少少架? 佢话安格斯牛系咁架, 咁先好味, 放汤度两三下就食得㖞...唔系嘛!!! 味道方面, 佢同普通肥牛并无分别 我地有成8个人, 黎到既野都系细碟都痺, 配给都唔够分呀, 好似冬菇得4只, 豆腐得3小块.... , 次次追亲佢就话黎紧, 肥牛要解冻㖞.... 我地等到人都癫, 个个食到够钟都唔知食左d乜同埋无mood再食落去.....其他野都唔驶影啦, 都系一d 普通既新鲜瓜菜咁啰, 全晚最多就系菇, 呢餐绝对唔系任食肥牛火锅, 只系任食蔬菜火锅啫. 成餐野尽兴就无喇, 好兴就有! 同场加影食客食烟, 醉酒爆樽....离谱, 下次有人请我都唔会去!
继续阅读
一间新开火锅店。地方虽然比较细一点，但胜在食材新鲜，汤底多创意。首推麒麟烈焰龙虾锅，用原只波士顿龙虾。还有红袍首创藏娇锅，滋润虫草花鸡锅和其他应有汤底。食材方面有自家制炸鱼皮、向铃（腐皮卷）及手打丸等。喜欢食牛人士，可以一试佢哋自创「麒麟牛皇大拼盘」，拼盘内除咗牛肉外，仲有牛鞭及牛脷托。而其他推介有新鲜牛胸尖（白牛肉）。
继续阅读