火鳳凰火鍋料理 (已結業)

新開嘅火鍋店😋呢度主打一啲特色鍋底座位好闊落，大部分都係卡位好岩同朋友邊食邊傾，坐得舒服🍲雪山飛狐鍋就咁睇個名應該唔知咩黎🤣其實係魚湯龍躉鍋黎到都好吸睛😍一條魚上面有發起左嘅蛋白，成個造型好岩打卡🤣個煲滾起左之後可以飲湯同食條魚先個見到個湯係奶白色就知好濃郁😋魚味好重，完全唔會腥條魚炸過，所以就算keep住煲都唔會散哂魚肉好嫩滑😎亦都有鮮味不過食個陣要小心啲骨😝個煲仲有其他料：蘿蔔、馬蹄、韮菜等等基本上食呢個鍋已經半飽！🥓手切美國安格斯牛頸脊油脂分布唔算好平均，但牛味好濃，入口亦都嫩滑，打邊爐一流而且例牌都算多，兩個人食一定夠🍡手打四寶丸有蝦丸、墨魚丸、牛丸、豬肉丸係師傅每日自家製嘅食得出好足料👍🏻蝦丸真係每啖都有蝦口感亦都好彈牙，不錯而且可以嗌半份，岩哂2個人食😋🥗田園蔬菜拼盤用個籃黎上，擺得幾有心思☺️蔬菜種類夠多，份量都好足👍🏻三個人應該都夠食🐟鮮脆脘骨腩好新鮮好脆😆冬天打邊爐真係一定要食脆肉脘腩🥢珊瑚蚌一碟都相當多😯爽口好味👍🏻🍹飲品

地點較遍，但好食就得啦！ 試了北菇滑雞蒸飯、冬菇包、奶黃荔枝球、啤梨鹹水角、蝦餃和牛肉腸，味道不錯啊！荔枝球賣相非常好，蒸飯也好味。行動不便的朋友不用擔心，到達時可致電酒樓，借助大廈電梯上食肆。現在有晨鳥及下午茶優惠，大中小點計小點收費👍

前幾日經過勝利道太平道買狗仔嘢，見到一間招牌都幾搶眼嘅火鍋料理，最重要方便泊車，附近全部都係錶位，如果行返去旺角中心嗰邊就好遠，所以對駕駛人士真係好方便。佢唔係任食火鍋，係逐碟嗌嘅，我個人認為通常散嗌嘅牛肉係比較高質。雪卡羊肉卷好特別，平時飲茶食開嘅春卷，入面係羊肉，外面脆卜卜，入面係一條羊肉，鎖咗入邊好多汁，仲食咗好多羊味，有驚喜！蒙古麻辣鴛鴦鍋湯底我揀咗鴛鴦鍋，一邊係麻辣火鍋，另一邊唔係清湯咁簡單，係好似藥膳鍋咁。手切美國頂級封門柳肉味比較濃厚，多汁口感手切美國安格斯牛頸脊肉質軟嫩，油脂分布比較平均，入口溶化蝦兵遇上老油條口感好得意波菜苗非常多，抵食，新鮮龍口粉絲吸晒湯底嘅味道，非常入味，正！

位於何文田 太平道嘅火鳳凰火鍋料理，由旺角地鐵D出口再步行約6、7分鐘，地點都幾方便；由一條長長樓梯直上，沿路見到好多賀年年花/擺設，好有新年氣氛。店內以卡坐為主，坐位舒適闊落；人多嘅話亦可選擇廂房。先選店內推介火鍋湯底月- 雪山飛狐鍋 （魚湯龍躉），熱鍋上枱非常吸睛，影相打卡一定唔小得，奶白色嘅魚湯，中間搭上一片白雪雪嘅蛋白泡泡；先飲碗魚湯，鮮甜濃郁，再試夾起一片蛋白泡跟魚湯溶合，蛋白索左魚湯，入口順滑；龍躉原條煎香再入湯，魚皮蕉香，魚身仍保持滑溜👍🏻；湯內仲有大量新鮮淮山、白蘿蔔、馬蹄，淨係食煲湯材料已經半飽啦😋。打邊爐最鍾意係牛頸脊，脂肪較小嘅部位，入口牛味重有咬口👍🏻。手打四寶丸，全人手打造，入口濕潤兼彈牙，蝦丸最彈牙；墨魚丸味道最鮮；肉丸肉味濃郁。脆肉鯇腩，超彈嘅口感，份量都好多。珊瑚蚌，色澤金黃，非常新鮮，記得淥兩淥就食得架啦😆。蔬菜🥬籃，蔬菜種類好多，娃娃菜、波菜、油麥菜、生菜，款款都非常青綠，仲有鮮冬菇同粟米🌽，全部索汁一流👍🏻。

凍冰冰的天氣下有咩好得過去食火鍋, 估唔到何文田有一間咁高質素嘅火鍋店我哋坐嘅二人廂座好特別, 勁有花樣年華feel , 仲有同用銅製的鍋及茶煲, 就像時光倒流回到六七十年代冰鎮話梅涼瓜拼甜蜜小蕃茄 $48先嚟一個小食開開胃, 小蕃茄夠新鮮爽甜, 加埋酸咪咪嘅涼瓜一齊食, 味道好夾愉妃養生藥膳醉雞鍋配半隻雞 $148醉雞鍋配料好豐富, 包括當歸,蔘鬚, 杞子, 紅棗及一些藥材, 個湯好濃郁禁不住先喝了兩碗, 成個人都暖晒另外雞件食得出係新鮮雞, 雞肉鮮嫩多汁而且唔肥, 唔會有肥膏黐住雞皮, 燙熟後連雞皮都可以食埋唔會油淋淋手切美國安格斯牛頸脊 $278牛頸脊上枱時實在有驚喜, 唔單止牛肉肥瘦比例均勻, 而且擺盤有心思排得非常之整齊精美, 牛頸脊口感夠滑嫩同埋帶少少油脂香, 牛味亦夠濃郁手打四寶丸半份 $48四寶丸分別有墨魚, 蝦丸, 牛丸同埋豬肉丸, 全部都用鮮肉打成, 特別係牛丸同埋豬肉丸食落彈牙多汁唔會有肉騷味, 比起外面坊間嘅真係好味得多皇帝菜 $42 食火鍋菜當然不可缺少, 菜吸收了湯汁裏的精華特別好味火鳳凰撈起冰冰粉 $28這款甜品就是從未吃過, 冰粉口感有點像蒟蒻與大菜糕之

火鍋店地方非常闊落, 全部枱都是卡位形式, 私隱度唔錯, 坐得非常舒服火鍋醬料及配料是自助的, 有十多款不同選擇愉妃養生藥膳醉雞鍋 $198香濃的當歸及藥材味最吸引我, 鍋底還包了半隻雞, 上台時香濃撲鼻, 雞肉在湯汁中浸熟後肉質仍保持鮮嫩多汁...正鮮爽白鱔片 $128鱔片用厚切的, 每片均有成六吋長, 而且一碟還有十片以上非常抵食, 只需將鱔片灼約十數秒即成, 入口非常鮮嫩爽口, 魚皮位置帶點煙韌, 食得出非常新鮮, 值得推介武林聖火令 $68一碟有兩件像雪條造形的超巨蝦子蟹棒, 首先用厚厚的蝦膠包在木棒上, 外面在包滿了一層卜卜脆的蟹子, 灼熟後就如食雪條般拿在手上慢慢享用, 鮮蝦味濃, 每咬一口都是啖啖超爽蝦肉, 感覺超滿足金羅漢果海底椰雪梨茶 $68雪梨茶好足料, 帶有淡淡甘甜的金羅漢果味, 再加上海底椰絕對夠晒清熱滋潤, 降燥最啱, 而且味道不會死甜, 是吃火鍋的絕配

天氣凍，最好就打邊爐，朋友介紹佢屋企附近開左間新食店，中午食點心，晚上就火鍋。今晚就去試新野😁。入到店內新裝修無耐，全部都是卡位又寬闊又坐得幾舒服👍🏻點了個胡椒粟米蘿蔔豬肚鍋，個湯底都幾足料👏🏻，打邊爐最緊要碟牛，來個手切安格斯牛頸脊，賣相不錯，雪花唔多，但牛味重，幾正👍🏻。叫了個特色食品（三國演義）姐係三色墨魚，食落似墨魚滑，好彈口🤭。蝦兵遇上老油條🤣個名好攪笑，即係油炸鬼配上蟹籽，中間有啲墨魚膠，我老婆話好好食😋。之後來個白鱔片，嘩！鱔片好厚肉又大片，咬口感一流，仲要份量唔少，真係超抵食👏🏻👏🏻。打邊爐我通常都會叫菜，點了菠菜苗，點知份量大到，好似嚟咗盆花咁🤣🤣，真係好誇張，名副其實抵食夾大件😆。滿足晒，下次要黎飲個茶先🙂。

唔知食咩好 落街睇下附近有咩好食 行到去太平道見到有間新開嘅火鍋店 咁就上咗去啦裝修都好闊落 坐得好舒服自助調味吧我哋點咗個推介嘅雪山飛狐鍋（魚湯龍躉）一上枱真係覺得好吸睛 好似有一大嚿雲喺個鍋上面咁 其實係蛋白嚟嘅 店員教要篤散佢 再連湯一齊飲 魚湯奶白色夠滑又有鮮味嚟得打邊爐就一定要食牛啦 兩個人少少就叫碟細嘅牛頸脊手切美國安格斯牛頸脊夠新鮮 牛味濃鮮腐竹好厚好大塊手工蟹子芝心蝦丸蝦丸大大粒好彈牙 蝦味濃 仲有呢隻芝心丸嘅芝士係可以做到拉絲嘅效果😳真係估你唔到呀下珊瑚蚌有時最怕啲珊瑚蚌碎濕濕 但係呢度一整塊之餘 肉質又爽口 鮮味彈牙 另外再嗌咗一碟淮山同埋萵筍 兩樣都好新鮮最後仲叫咗杯大檸樂 打住邊爐飲可樂最perfect match離開咗旺角火鍋戰區 呢間店環境舒服食物質素又唔錯 可以再encore

旺角東站近勝利道方向有間上一樓下晝食點心，晚上打邊爐嘅餐廳。入口喺太平道上樓梯，門口寫住新店試業，睇點心既相幾吸引，睇落係有心機做。今次嚟到已經係黃昏，唯有下一次再食點心。坐位有四排都係卡位，當中有兩排靠窗，座位寬闊，就算兩人都係比四人座位。天氣又凍又大風，當然要胡椒豬肚湯鍋底暖下胃。個鍋用銅做，大大鍋夠得體。記得要order鱔片，上碟超大塊，總共有12件，入口厚厚的。比起其他餐廳，一碟鱔片大約多一倍份量。老友鬼鬼係生蝦滑配油炸鬼，上面再鋪想一層蟹子。原本以為放落湯底，蟹子會飄走晒，但係當蝦滑熟透，蟹子仲緊緊的黐住，入口脆卜卜。菠菜苗都唔小份量，成個盆栽咁，大過個面，夠抵食。

平時去親打邊爐, 枱與枱之間都好近, 搞到成餐飯都好嘈, 傾計都要好似鬧交咁, 一係就要去啲貴到離哂地嘅, 難得搵到呢間可以坐得舒舒服服, 但係價錢都唔算太貴, 食物質素都好好.另外佢嘅鍋底都非常特別, 朋友唔食辣, 所以就叫左個雪山飛狐鍋, 即係龍躉魚湯, 個雪山其實即係蛋白, 鍋一到, 店員就提我地飲左個湯先, 白雪雪, 好濃郁嘅魚湯, 再加埋中間嘅蛋白雪山, 口感幾特別.手切美國安格斯牛頸脊一個例牌嘅份量都唔少, 兩個人食啱啱好, 每一片嘅油花都好均勻, 肉味好濃好新鮮. 珊瑚蚌以128黎講份量唔算好多屬正常份量, 但係因為珊瑚蚌嘅質素可以好參差, 佢算係中上級數, 食落非常爽口, 一啲都唔會韌, 都唔會一陣腥味.手工蟹子芝心蝦丸'推介‘! 叫左半份, 份量比想像中多, 58蚊有四粒, 仲要粒粒都真係有乒乓波咁大粒, 最得我歡心嘅係佢個芝心, 平時啲芝心丸多數個芝心都係芝士醬咁, 但係佢個芝心係可以拉絲果隻, 丸嘅質地亦都好彈牙, 蝦味亦好重. 正! 🤤最後仲叫左淮山同萵筍, 呢兩個分別都只係38蚊, 以一間有咁嘅裝修嘅地方出面絕對搵唔到, 而且份量絕對不少.

朋友屋企附近開咗新嘅火鍋，立馬試新嘢…眾多湯底之中，呢個最特別：雪山飛狐鍋(魚湯龍躉)奶白色魚湯底，裡面有兩條炸魚，面層上浮住有梳乎厘班戟樣式嘅蛋白球，好特別~ 原來係珍珠龍躉，而唔係厚皮龍躉… Google一吓… “珍珠龍躉石斑魚又稱龍虎斑或珍珠斑係用龍躉石斑與老虎斑培育出來的雜交新種石斑魚，其肉質細嫩、成長快速、抗病力強。肉質鮮嫩的珍珠龍躉石斑魚，外觀有靚麗的斑斕花紋，有着老虎石斑魚的頭，龍躉石斑魚的尾的外型。”手切美國安格斯牛頸脊味淡～三色墨魚有特色～手打四寶丸新鮮、味濃～稻庭烏冬久煮不爛～西洋菜新鮮爽嫩～蟶子皇大大隻，可以逐隻叫，貝類唔係人人啱，叫一隻大大隻就啱哂我～最特別係每樣嘢可以嗌大份/小份，一份/半份，試新嘢，最好就係份量少，食過好食再加碼～

突然今晚氣溫急降🥶凍冰冰最啱嘅當然係打邊邊啦🥘新開呢間未試過~睇下有冇新野😛好多選擇🤩好多野想食😋可惜食緊中藥既我好多嘢都唔食得😣叫左呢個魚湯龍躉🐟個魚湯好飲，清清地，又唔腥👍首先飲咗啲魚湯，飲到夠先再開始打邊爐🤤呢個三色墨魚好特別，口感同一般墨魚丸亦有分別四寶丸食得出係手打🪄新鮮、軟身牛只係朋友食，佢話好食🙄蟶子皇爽口又係朋友食😒如果係我食，一隻又點會夠喉😌好彩湯底加烏冬加西洋菜都好正啫😌😌

🗺️雖然話地址寫咗係何文田，但係由旺角東站行過去其實更方便～ 依家晚市五點後係做火鍋生意，但朝早八點就會搖身一變會成為中式茶樓🥟 Menu:1️⃣ 水晶鮮蝦餃一口咬穿薄薄嘅半透明蝦餃皮個陣，餡料就會係口中爆開🫣 所用嘅大蝦肉質扎實，係貨真價實嘅皮薄餡靚🥰2️⃣ 流沙奶皇包麵包搓得頗鬆軟，內藏奶香蛋濃郁嘅流心奶黃餡💛 一口咬下去，除咗甜甜嘅味道，更有綿軟嘅口感🍞3️⃣ 安蝦咸水角呢個鹹水角簡直係鎮店之寶😍😍😍 店員初初擺低啲碟點心嘅時候，我仲以為搞錯咗🤣 廚師將鹹水角嘅外型搓成啤梨嘅形狀，非常吸睛👀 餡料係鹹味，但外皮卻係甜甜地嘅，而且油炸過後，鹹水角吃起黎皮脆而不韌，但同時又有嚼勁🤣 餡料用肉碎、香菇、蝦米等造成好惹味，真係食得又睇得☺️👏🏻 4️⃣ 叉燒滑腸粉個人覺得呢款點心好唔好食，重點就落係膠粉身上😌 腸粉外皮無出現過厚嘅情況，而且十分煙韌，加入海量嘅叉燒餡料摺疊一齊，入口嫩滑🤤5️⃣ 迷你珍珠雞一籠有3小隻迷你珍珠雞，雖然體積細細，但係每一隻用料都十分豐富🫶🏻 糯米濕潤之餘，更粒粒分明，包裹住鮮嫩多汁嘅雞肉、臘腸、冬菇等配料，肉質結實而且雞肉味濃郁，雞肉嘅鮮味更完全滲透到糯米之中🤤

朋友推薦太平道附近有間味道好好的火鍋店，今日收工就一齊來打卡。因為醒目有提前預約，唔使排長龍。入來睇到環境好典雅，中式元素隨處可見，隔離台有開得靚靚的蝴蝶蘭，窗外還有“火鳳凰”在飛來飛去，下次帶小朋友來肯定好鍾意，食飯都食多啲。揀咗魚湯龍躉湯底，同阿媽煲啲老火靚湯咁，飲碗湯就輪到我鍾意的食材。手切的美國頂級牛板腱一流，上來的造型同個火山咁靚仔，食得出牛板腱的品質不錯。身爲食肉獸還揀咗手打梅菜鹹蛋豚肉丸，白柏葉同蝦兵遇上老油條。梅菜鹹蛋豚肉丸有濃香的鹹蛋味，好特別。白柏葉食得出好新鮮，同辣椒豉油好搭，脆口彈牙。特別鍾意呢個蝦兵遇上老油條，上面仲有很多魚子，蝦滑鮮嘚來魚子咬落去口感十足。最後還加咗黃金滿地糍粑過下癮，同之前在重慶食嘚一樣地道，可惜冰粉賣晒，下次早啲來試下先得！

旺角火車橋自由道新開火鍋私房菜，火鳳凰火鍋料理晚上固然打邊爐，但朝早搖身一變賣精品點心啊～好感動之餘，餐後亦的確讓人再三回味。-餐廳環境舒服, L 型轉角窗, 引入室外自然光,散座可以坐卡位, 即使人多包房亦可以, 餐廳有幾間廂房可以比大夥朋友一齊打邊爐開Party 啊~-午市除左有即叫即蒸的點心, 仲有各式炒粉麵飯價錢都唔係好貴。-蟹籽蒸燒賣燒賣食落口就知係有質素單睇面頭果幾粒蟹籽就知切豬肉係爽口彈牙唔似坊間得攬絆豬肉食落只得脂肪蝦肉大隻，即叫即蒸趁熱食果一下感覺好耐無享受過～-啤梨咸水角精緻的骰又可愛，剛炸起的咸水角外微脆內煙韌，餡料帶微咸，止於至善。-叉燒滑腸粉即叫即拉，腸粉厚薄適中，有米香叉燒份量亦都多，好食。-北菇滑雞飯 ＆ 煎蛋牛肉飯一人一盅剛剛好，米飯硬度適中，不過蒸過濃，雞也蒸得嫰。-至於煎蛋牛肉飯，牛肉餅也有質素，嫰滑有口感。-蜜汁叉燒包最後叫了蜜汁叉燒包，'包包蒸得嫰熟，甜甜的，叉燒也不會過肥，好食。順帶一提, 餐廳早上同下午有兩節時間大中小點收小點價，這種價位與質素無得輸啊~